مشكلة في ارتفاع الاربي ام علي السلانسية

[moh_rag_abd]

السلام عليكم
عندي مشكلة كنت اتكلمت عنها هنا في المنتدي
وهيا ارتفاع الاربي ام علي السلانسية والعربية وقتها كانت عمله 1500 كيلو
المشكلة بتروح وتجي مش دايما موجودة بس معظم الوقت موجودة
واحد من اعضاء المنتدي قالي غالبا هيكون حساس الايدل
رحت التوكيل في 2000 كيلو توكيل القطامية
دخلت العربية ادور العربية مفيهاش مشكلة اللي بياخد مني امر الشغل قالي لازم المشكلة تظهر علشان نقدر نحلها بعد تجربتها فترة المشكلة ظهرت بلغ المهندس علشان يشوف المشكلة
واتحلت وقتها واللي تم نظافة حساس الايدل (ودي اول مرة)
بعدها ب 500 كيلو المشكلة ظهرت تاني
مكنتش فاضي رحت في صيانة ال 5000 بلغتهم المشكلة
ولما طلعت من عندهم كنت مستجعل (معرفشي عملو ايه في المشكلة)
اكتشفت انهم معملوش حاجة وظهرت تاني
استنت لما لقيت وقت فاضي ورحت التوكيل والعربية عامله 6000
ودخلتها ونفس الكلام لازم المشكلة تحصل قدمنا علشان نعرف نحلها
اخت معايا صنايعي وقعدنا نجرب علشان المشكلة تظهر
المهم ظهرت وحط العربية علي الكمبيوتر
وتم تغير حساس tps
في 7500 كيلو ظهرت المشكلة تاني بس علي فترات متباعدة (يعني في اليوم مرة او اتنين وبضطر افصل العربية وادورها تاني علشان تروح وبحس في برجله للعربية وكمان برجلة وانا دايس علي الدبرياج)
دلوقتي العربية عامله 8500 كيلو
مش عارف اعمل ايه انا زهقت ومش بفضي اروح التوكيل (3 مرات روحت فيهم والمشكلة بتتكرر) والاهم لو فضيت نفسي ورحت اضمن منين ان المشكلة تظهر قدامهم تقريبا العربيات بتخاف من الصنايعية :d(

فايه رأيكم ايه احسن حل اروح تاني؟ ولا اروح لميكانيكي جنبي احسن يشوفلي المشكلة بدل التوكيل مش عارف يحلها ؟!!!!!!!!!11

[georgedada82]

الحل هو تغيير البوابة كاملة في الضمان طبعا لو مرضيوش حضرتك هتكلم حماية المستهلك وتسجل شكوي عشان التوكيلات بتتشد جامد من حماية المستهلك ... ولا تلجا لميكانيكي نهائيا طول ما انت في فترة الضمان ... حضرتك دافع تمن الضمان ده من تمن العربية وده حقك
رجاء التمسك بحقك وشوف حماية المستهلك وعلي فكرة استجابتهم سريعة وبيقفوا مع العميل بدرجة كبيرة توصل في بعض الاحيان لتشكيل لجان فنية من عندهم ومن عند التوكيل ولو الامر فيه مشكلة ممكن تتغير لك العربية كاملة

[ahmedelrayan]

الحل هو تغيير البوابة كاملة في الضمان طبعا لو مرضيوش حضرتك هتكلم حماية المستهلك وتسجل شكوي عشان التوكيلات بتتشد جامد من حماية المستهلك ... ولا تلجا لميكانيكي نهائيا طول ما انت في فترة الضمان ... حضرتك دافع تمن الضمان ده من تمن العربية وده حقك
رجاء التمسك بحقك وشوف حماية المستهلك وعلي فكرة استجابتهم سريعة وبيقفوا مع العميل بدرجة كبيرة توصل في بعض الاحيان لتشكيل لجان فنية من عندهم ومن عند التوكيل ولو الامر فيه مشكلة ممكن تتغير لك العربية كاملة

انا شايف ان الحل ده كويس جدا

[moh_rag_abd]

شكرا اخي العزيز علي الرد
فعلا المرة دية هروح واعمل معاهم مشكلة علشان مينفعشي اروح للتوكيل علشان مشكلة واحده 4 مرات
اللي انا خايف منو اني لما اروح هناك المشكلة متظهرشي لانها اوقات بتظهر كتير واوقات مش بتظهر
وانا مسافر دلوقتي وهقيمها وان شاء الله لما ارجع هرحلهم

[ابو جودي]

انا مع هذا الاقتراح

[المنسي]

عليك وعلى التوكيل وجرب العربية كويس علشان تشوف المشكلة لسه موجودة ولا لا
تقبل تحياتى

[peter magdy]

للاسف انا نفس مشكلتك
و برضو بتتحل فى وقتها و بعدها بشوية و بعد كدة بتظهر تانى

[moh_rag_abd]

عليك وعلى التوكيل وجرب العربية كويس علشان تشوف المشكلة لسه موجودة ولا لا
تقبل تحياتى

المشكلة انهم بيحلو المشكلة وبترجع تاني بعد فترة
اول مرة نضفو حساس الايدل والمشكلة اتحلت وبعدها بيومين رجعت تاني
تاني مرة كنت بعمل صيانة ال 5 الاف وانا مروح المشكلة رجعت تاني
اخر مرة تم تعديل حساس tps والمشكلة اتحلت وظهرت بعد 1000 كيلو

ده التوكيل طيب اعمل ايه اكتر من كدا؟؟؟؟؟؟؟؟؟؟؟؟؟؟؟؟؟؟؟؟؟
ده الصنايعي اللي برحلو مرة علشان يعملي حاجة في العربية لو معملهاش من اول مرة مش برحلو تاني (ايام الاكسيل )
3 مرات علشان نفس المشكلة وحجزت بكرة ورايحلهم وهنشوف هيعملو ايه وهدخل للمهندس حسين علطول علشان يشوفلي صرفه في الموضوع ده

[moh_rag_abd]

للاسف انا نفس مشكلتك
و برضو بتتحل فى وقتها و بعدها بشوية و بعد كدة بتظهر تانى

طيب ايه العمل؟؟؟؟؟؟؟؟؟؟

[moh_rag_abd]

رحت النهارده التوكيل
رحت للمهندس حسين وكلمتو علي المشكلة وان دية رابع مرة اجي فيها بسبب المشكلة دية
قالي يعني لو جربت هلاقي المشكلة موجوده قلتلو مش لازم بتروح وبتيجي
جربها شوية معايا والعربية ماشية زي الفل مفيش اي حاجة
قالي لازم المشكلة تكون موجوده علشان اقدر احط العربية علي الجهاز
بعدها طلعت لوحدي قعدت اجرب العربية ورحت مشوار بيها بتاع 20 كيلو والعربية كويسة
رحت تاني التوكيل قالي نفس الكلمتين
فمشيت من التوكيل ومن ساعتها والعربية ماشية تمام
!!!!!!!!!!!!!!!!!!!!!!!!!!
انا كنت هجنن المشكلة بتجي كتير وبتقرفني ويوم ما اروح التوكيل بخ مفيش مشكلة