تنبيه عند سرعه ١٢٠

[lovernan]

السلام عليكم
انا عاوز اعرف ليه العربيه f3مفيهاش تنبيه لما السرعه توصل الى ١٢٠ زى كل العربيات ولو بتركب بنشتريها منين وبكام بس تكون فابريكه مش تعديل

الرجاء من الجميع المشاركه

[Adnfalcon]

مين قال ان كل العربيات فيها كده أصلا !

[eng_amg]

السلام عليكم
انا عاوز اعرف ليه العربيه f3مفيهاش تنبيه لما السرعه توصل الى ١٢٠ زى كل العربيات ولو بتركب بنشتريها منين وبكام بس تكون فابريكه مش تعديل

الرجاء من الجميع المشاركه

عهههههههههههااا
انا نفسي الغيه ..
تخيل سايق 4:5 ساعات متصلة وزمارة تجاوز 120 شغالة.. بعد ساعة خلاص بتخش الصفارة دي في تكوين مودك وبتدمن الصوت دا

[J A G U A R]

ده صوت بيوجع الدماغ

[ENG.MaRk]

تعالي خده من عندي أنا مش عايزه

[hamo81]

أنا بحمد ربنا إنه مش موجود
ياراجل ده صداع

[mody112]

تخيل لو انت مسافر كده وطبعا مش هتمشى اقل من 120 والصفارة دى شغالى زن ومبتفصلشى يعنى مش كفاية الطريق الطويل والقعدة الرخمة لا وكمان صفارة زنانة .
متهيالى دى حاجة مش عملية لانك هتستفيد ايه لما حجة تنبهك انك ماشى فوق ال 120 لان انت اصلا ال 120 دول مش هتجيبهم عمرك فى شوارعنا الحلوة دى ولا زحمتنا الجميلة دى الا لو انت مسافر ودى كامن انت وحظك لان الزحمة كمان وصلت للطرق الصحراوية والرادار شغال الله ينور .

[Sameh samy]

اولا دة صداع وموش موجود في معظم العربيات اصلا

[bassem.naguib]

اولا دة صداع وموش موجود في معظم العربيات اصلا

منور يا سامح بيه .

مش كل العربيات فيها النظام ده فعلاً .

[captainahmed]

يا راجل دا انا نفسي افصل بتاعت الحزام كمان انت عايز علي 120 :d

[ahmed.teawater]

يا راجل يا مفترى
دى فظيعه . طب انت تخيل واحد بيصفر ف ودنك ساعه ولا ساعتين
وقولى النتيجه وانا عندى دكتور اذن وحنجره تماااااااااااااام

[lonedoctor]

اصلا النظام ده معمول حسب السرعة القصوى للطرق السريعة فى البلد التى انتجت لها السيارة فمثلا عندنا فى السعودية جميع الطرق السريعة بين المدن السرعة القصوى ليها 120 علشان كده السيارات المنتجة خصيصا للسعودية كدة والحمد لله انا عندى سيارة فورد استيراد اميركى مافيهاش النظام ده بلاش صداع
انما فى مصر هيعملك ايه ولا ايه عندك طرق زراعية وطرق صحراوية وطرق تحت الارض وفوق الارض وكل طريق ليه سرعة مختلفة والانكى انه فيه طرق ليها سرعة قصوى بس لا يعرفها الا الشرطة ويعتبروه سر عن المواطن هههه
من كام سنة فاتو كنت ماشى 110 على طريق السويس ووقفتى لجنة رادار وقالوا لى انت مخالف ماشى 110 والقصوى 100 فضلت اضحك وانا فى حالة ذهول لانى من اول دخلة الدائرى لغاية مكان اللجنة لا يوجد لوحة واحدة ارشادية بهذا الكلام
ودفعت هاعمل ايه

[S O P H O S]

مش كل العربيات
والصوت لو بتسافر كتير هيبقي مزعج فعلا

[borio1704]

الصفارة والتنبيهات كلها معمولة للأمان .. وبصراحة أنا شايف إنها لازم تبقى مزعجة علشان تأدي المطلوب منها.

ولو فيه حد عايز يتخلص منها.. معلش وما حدش يزعل مني.. بتبقى المشكلة فيه هو.. مش العربية.

على فكرة.. مش كل العربيات بتبقى الصفارة فيها مستمرة.. في الهيونداي والكيا مثلا.. الصفارة بتصفر أول 5 ثواني بس وبعد كده بتسكت.. بس لو نزلت عن ال120 ورجعت طلعت تاني ترجع تصفر تاني.

عموما.. كتير من دول العالم بتعمل السرعة القصوى على الطرق السريعة في حدود ال120.. مش السعودية بس.

Speed limits by country - Wikipedia, the free encyclopedia



...