توكيل byd وزيت المحرك والتصرف المرفوض !!

[ابو ياسمين]

سمعت كثيرا فى المنتدى أن الصيانة بشركة الأمل ( توكيل BYD )
لا تقبل تغير زيت المحرك بغير زيت موبيل وان

كما علمت ان الكثير من التوكيلات الأخرى تفعل هذا !!
ولأننا نكتب فى قسم بى واى دى سأخصها بالكلام
ولكن على جميع الزملاء فى كل الأقسام ان يتبعوا ما سأقوله
ان كان عندهم نفس المشكلة

فهم يرغمون صاحب السيارة على توقيع أقرار بمسؤليته عن تغير الزيت بصنف اخر
بما يعنى مسؤليته عن أضرار المحرك .

وسأقول لكل صاحب سيارة فى الضمان أذهب بأى ماركة زيت مادامت مطابقه للمواصفات

ومادام لايوجد نص صريح فى شروط الضمان على ماركة زيت معين
وأن السيارة تخرج من الضمان أو تخلى الشركة مسؤليتها عن المحرك
فى حالة تغير ماركة الزيت

مع ملاحظة أن النص على نوعية الزيت ( أى مواصفاته )

تختلف تماما عن النص على ماركة معينة ( الأسم التجارى )

ومادام الزيت الذى معك مطابق لمواصفات المصنع
فلا توقع اقرارا ولاتضع زيت لا يعجبك وتمسك بحقك إلى أخر مدى
وأن كان لابد من الأقرار فتمسك بأن يسجل فى دفتر الصيانة وفى نفس الأقرار
نوعية الزيت الذى وضعته ودرجته لأثبات مطابقته للمواصفات
أو أنه غير ضار بالمحرك

وأنصح التوكيل ومعهم باقى التوكيلات فى مصر بالكف عن موضوع الأقرارات
لأنه عمل عدائى تجاه عملائها
فى الوقت الذى يجب أن تكون فيه العلاقة المتبادلة بين الشركة وعملائها قائمة على الصداقة والتعاون !

خصوصا فى ظل المنافسة الطاحنة القائمة حاليا فى سوق السيارات

شئ أخير أحب توضيحه

وهو أن أى توكيل لا يستطيع وضع شرط فى شهادة الضمان ينص على ماركة الزيت ( الأسم التجارى )

فأن أكثر ما يستطيعه هو أن يحدد المواصفات الفنيه للزيت ثم يوصى (مجرد توصيه) بماركة معينة لا أكثر

أولا : لأن هذا يضعهم فى شبهة ممارسة أحتكارية ممنوعة بحكم القانون

ثانيا : لأنه لن يقبل القضاء ولا جهاز حماية المستهلك هذا التعسف

طالما أن الزيوت الأخرى

أولا : مطابقة للمواصفات الموصى عليها من الصانع

ثانيا : تم الموافقه عليها من الجهات الرقابية فى الدولة

ثالثا : تم التصريح لها بالبيع فى مصر

وألا سيأتى يوم سيقولون لك فيه أكتب أقرار بأن تموين السيارة بالبنزين من أى محطه على مسؤليتك
ولا بد من التموين من محطات موبيل

وعجبى !!!

مع تحياتى لجميع الزملاء

أبو ياسمين

19 - 9 - 2014

[هانى ظرف منصور]

الله ينور عليك كلام تمام بس مين يسمع من التوكيلات

[ابو ياسمين]

الله ينور عليك كلام تمام بس مين يسمع من التوكيلات

التوكيلات لن تتغير ابدا ولكن على العميل ان يعرف حقوقه ويتمسك بها ولا يتنازل عنها

والا لا يلومن الا نفسه !

[hamo81]

فعلا أخي الكريم
وانا تغلبت على الموضوع ده بأني بعمل الصيانة بدون تغير زيت وبشتري فلتر من التوكيل وبغير الزيت إلي أنا عايزه بره وأريح دماغي من الإقرارات والكلام ده

[bassem.naguib]

الرد من التوكيلات بسيط جداً :

نحن نضمن أن عبوات الزيت التي نبيعها أنها غير مضروبة .. قد تأتي بالزيت من الخارج وعليه المواصفة المطابقة والمناسبة للسيارة ولكنه قد يكون مضروب .. ونحن نفعل ذلك حماية لك ولسيارتك .

هذا ما سمعته في أحد التوكيلات العريقة والكبيرة في مصر .. والتي تستخدم زيت التموين موبيل وان .

والأغرب الإجابة من مهندس الاستقبال بأن موبيل وان يستخدم في سيارات موبيل وان .. وكأن موبيل وان خارج مصر بنفس الجودة في مصر .

مع العلم أن أي توكيل تعاقد مع شركة أخرى غير موبيل .. فسيكون نفس الكلام ونفس التبريرات .. أنه عالم البيزنس .

[peter magdy]

انا بريح دماغى و بغير زيت برة التوكيل
غيرت مرة واحدة عندهم زيت فى صيانة الاف الاولى و مشيت بية 1700 كم
و من ساعتها بحط زيت فالفولين و مريحنى جدا عن موبيل اللى اى كلام بتاع التوكيل

[moh_rag_abd]

في صيانة ال5000 الاف جبت زيت توتال تخليقي 5w~40
ورحت التوكيل كلمت اللي هياخد امر الشغل قالي مينفعشي نغير زيت بره التوكيل
وخد بالك من دية قالي اهم حاجة يكون موبيل حتي لو جبته من برة هنحطهولك
المهم شديت معاه شوية دخلني للبشمهندس حسين (فرع القطامية)
قالي لو عايز تحط الزيت الموتور هيكون خارج الضمان
بعد الشد والجذب وبيقنعني ان الشركة قٌتلت بحثا في موضوع الزيت ولقت انسب زيت للعربية زيت موبيل
طبعا مش مقتنع بالكلام اللي ملهوش اي لازمة ده لان المهم المواصفات بتاعت الزيت وليس ماركة الزيت
المهم في الاخر بعد مناقشات وافق ان يغير الزيت بس قالي لازم تغيرو في صيانة ال 10000 بزيت موبيل من عندهم ( المفروض يتغير في صيانة 150000) المهم وافقت علشان اخلص من الموضوع ده

اللي انا شايفو انو بيكون فيه اتفاق بين التوكيلات وشركات الزيت فلازم يعمل كدا علشان الموضوع مينتشرشي وكل ملاك السيارة يجيبو زيت من برة (دي الزتونة بتاعت الموضوع) فيهددو بموضوع الضمان

[Moe Khodairy]

طيب انا هعمل صيانة الالف قريب تنصحوني بإيه؟

[ابو ياسمين]

طيب انا هعمل صيانة الالف قريب تنصحوني بإيه؟

صعب فى صيانة الألف بالذات ان تضع زيت من الخارج رغم ان هذا بالتأكيد من حقك
لأن صيانة الألف هدفها الأساسى تغير زيت التليين الذى وضعه المصنع وتربيط العفشه
ولكن حاول ان تفعل كما قال زملائنا بان تشترى الفلتر وتغير الزيت فى مكان اخر

بالمناسبة هل مازال تليفيزيون السيارة يعمل وما هى بالتحديد القنوات الممكن رؤيتها فعلا
لأن لنا زميل يسأل عن هذا

[Moe Khodairy]

صعب فى صيانة الألف بالذات ان تضع زيت من الخارج رغم ان هذا بالتأكيد من حقك
لأن صيانة الألف هدفها الأساسى تغير زيت التليين الذى وضعه المصنع وتربيط العفشه
ولكن حاول ان تفعل كما قال زملائنا بان تشترى الفلتر وتغير الزيت فى مكان اخر

بالمناسبة هل مازال تليفيزيون السيارة يعمل وما هى بالتحديد القنوات الممكن رؤيتها فعلا
لأن لنا زميل يسأل عن هذا

طيب لو قدرت اني أعمل كده، هل في نوع زيت معين تنصح بيه؟
و بالنسبة للتليفزيون فهو ما زال لا يعمل و سوف اكتب موضوع تفصيلي عنه بعد الاصلاح، و القنوات هي القنوات الارضية الاولى و الثانية و الثالثة و النايل تي في و قنوات النيل سينما و الرياضة و كوميدي الخ.

[ابو ياسمين]

طيب لو قدرت اني أعمل كده، هل في نوع زيت معين تنصح بيه؟
و بالنسبة للتليفزيون فهو ما زال لا يعمل و سوف اكتب موضوع تفصيلي عنه بعد الاصلاح، و القنوات هي القنوات الارضية الاولى و الثانية و الثالثة و النايل تي في و قنوات النيل سينما و الرياضة و كوميدي الخ.

هناك زملاء يشكرون فى بعض الزيوت لكنى لم اجربها
انما عن نفسى استعمل زيت الأمارات 10,000 كم المستورد
وهو افضل من موبيل وان لدرجة لا يعرفها الا من جرب الأثنين
ومواصفاته منطبقة تماما مع كتالوج السيارة

ولكنه لا يباع الا فى محطات بنزين الأمارات فقط

بالنسبة لموضوع التليفزيون هناك اليوم مشاركة للأستاذ عماد حبيب
فهمت منها ان هذه مشكلة عامة والله اعلم فليس عندى تليفزيون فى السيارة
واقول لك سر انا لا اشاهد التلفزيون الا نادرا جدا حتى فى منزلى !!

وهل فقدت السيارات البى ام دبليو والمرسيدس وكل السيارات التى بها تليفزيون احدى مميزاتها؟

[sedmam]

هههههههه والله موضوع جميل وخفيف جدا على اللسان ولازم نعمل واقفه بجد لان الموضوع ده زياده عن حده

[Moe Khodairy]

بالنسبة لموضوع التليفزيون هناك اليوم مشاركة للأستاذ عماد حبيب
فهمت منها ان هذه مشكلة عامة والله اعلم فليس عندى تليفزيون فى السيارة
واقول لك سر انا لا اشاهد التلفزيون الا نادرا جدا حتى فى منزلى !!

سيدي هل هناك رابط لتلك المشاركة؟

[ابو ياسمين]

الرد من التوكيلات بسيط جداً :

نحن نضمن أن عبوات الزيت التي نبيعها أنها غير مضروبة .. قد تأتي بالزيت من الخارج وعليه المواصفة المطابقة والمناسبة للسيارة ولكنه قد يكون مضروب .. ونحن نفعل ذلك حماية لك ولسيارتك .

هذا ما سمعته في أحد التوكيلات العريقة والكبيرة في مصر .. والتي تستخدم زيت التموين موبيل وان .

والأغرب الإجابة من مهندس الاستقبال بأن موبيل وان يستخدم في سيارات موبيل وان .. وكأن موبيل وان خارج مصر بنفس الجودة في مصر .

مع العلم أن أي توكيل تعاقد مع شركة أخرى غير موبيل .. فسيكون نفس الكلام ونفس التبريرات .. أنه عالم البيزنس .

أحب ان اسأل التوكيل العريق الذى تحكى عنه

وماذا عن زيت الفرامل وزيت الباور ومياه الردياتير وزيت الفيتيس ؟

انه قول حق يراد به باطل !!

[S O P H O S]

كلام سليم المشكلة فقلة تمسك الناس بحقها فتغير الزيت
وكل سنة وحضرتك بألف خير