بى واى دى ال3 ام افيو

[ابو عبدالرحمن]

السﻻم عليكم
انشاء الله خﻻل الفترة القادمة هشترى عربية اتوماتيك ومحتار بين البي واى دى ال3 اتوماتيك وبين الشيفورلية افيو اتوماتيك برجاء اﻻفادة اجيب مين وليه

[hamo81]

لو عايز عربية واسعة وكماليات ممتازة وثبات ممتاز يبقى هات البي واي دي إل3
لو عندك عقدة الصيني هات الأفيو لكن بصراحة الأفيو في نظري أخرها 70000 أكتر من كده يبقى حرام فيها الفلوس

[mody112]

ياباشا الافيو دى لانوس متنكرة يعنى موتور اللانوس 1500 cc بقاله 15سنة هو هو دون اى تغيير ده ناهيك عن ان هى مع التكييف بطة بلدى وكانت مانيوال كمان امال الاوتوماتيك هتعمل ايه لا وب 102000 ج تقريبا والله حرام .
ممكن تشوف البريليانس الاوتو - لكن انا فى راييى المتواضع الغير ملزم البى واى دى طبعا وعن تجربة للسيارتين ( اللانوس والبى واى دى )

[bassem.naguib]

اعمل استخارة واللي فيه الخير ربنا حيكتبهولك ..

[m2rizk]

النهاردة في الشغل عندى كان فيه وفد صينى ... سألتهم عن العربيات الصينى و عن البي واى دى و التيجو

هما شكروا جدا في البى واى دى و قالوا انها كويسة جدا و كذلك التيجو و الجيلي و كان أهم حاجة بتميز ال ال3 أو نيو اف 3 زى ما هو قالى هو ... الكاميرا الخلفية

بس كان ليهم وجهة نظر أنا احترمتها جدا

قالوا لى اشترى العربية اللى ليها مصنع هنا في مصر علشان الاستمرارية و قطع الغيار

[ابو عبدالرحمن]

الشكر لجميع السادة الافادونى جدا برايهم
طب يا جماعة بعد اذنكم السؤال دلوقتى عن بي واى دى اتوماتيك اجيب الاف 3 ام ال 3 الانا فهموا ويا ريت تصلحولى ان الفرق بينهم فى الكماليات فقط ﻻغير
وشكرا مرة ثانية على اهتمامكم

[m2rizk]

الشكر لجميع السادة الافادونى جدا برايهم
طب يا جماعة بعد اذنكم السؤال دلوقتى عن بي واى دى اتوماتيك اجيب الاف 3 ام ال 3 الانا فهموا ويا ريت تصلحولى ان الفرق بينهم فى الكماليات فقط ﻻغير
وشكرا مرة ثانية على اهتمامكم

الفرق في الكماليات و الشكل و فرق سعر 10 ألاف جنيه

[J A G U A R]

الشكر لجميع السادة الافادونى جدا برايهم
طب يا جماعة بعد اذنكم السؤال دلوقتى عن بي واى دى اتوماتيك اجيب الاف 3 ام ال 3 الانا فهموا ويا ريت تصلحولى ان الفرق بينهم فى الكماليات فقط ﻻغير
وشكرا مرة ثانية على اهتمامكم

l3 هيا نفس f3 مع تغيير فى الشكل
وده معناه انها هاتنجح زيها والله اعلم

[S O P H O S]

مش مؤيد للافيو
وكرأي فقط البي واي دي