برجاء المساعده من عشاق byd

[ahmedaly1122]

انا محتار بين f3 و l3
l3 فيها امكانيات اكتر بكتير واغلى طبعا بس خايف الاوشن الزياده ده يقرفنى عشان صينى ويبقى الجوده وحشه يبقى خسرت مبلغ كبير
f3 سياره عاديه خالص بدون اى اوبشن

برجاء من سيادتكم مساعدتى للاختيار

[ابو ياسمين]

طالما خايف من الصينى فمن الأفضل ان تبحث عن ماركة من بلد اخر وأرتاح من الحيرة

[ahmedaly1122]

انا مش خايف منه ولا حاجه بس محتار فى الاختيار وكمان ظهرت مشكله فى f3 مشكله فى الموتور فيه تصقيف وناس كتير بتشتكى منه فالاحيره زادت جدا

[sonytogy]

زى ما ابو ياسمين قال لو مقلق بلاش

[egyptian_eagle]

استخير ربنا

[m.abdelfatah]

والله الحل فى الاستخاره ربنا مبيعملش حاجه وحشه ابدا بس لو خايف من التصقيف فانصحك بلاش الاتنين عشان هما ماتور واحد اصلا قصدى طبعا l3 & f3 وزى ما قال ابو ياسمين استاذنا طبعا اللى هيحصل هنا هيحصل هنا مفيش فرق غير فى الشكل من بره انا بقى عايز اقول لحضرتك انى محتار بينها وبين الفورد فوكس هتقولى ازاى هقولك معرفش المشكله بس معايا فى الفوكاس انى مش عايز ازنق نفسى ماديا بس وانا بعمل سيرش عن الفوكس لاقيت اصحاب العربيه بيتكلمو عن مشكله البنزين والفتيس وللعلم هى فوكاس ٢٠١٤ وكان طبعا رد الوكيل عن البنزين ان عادى لو ٩٢ وهيكون الاداء افضل لو ٩٥ فاعتقد ان مشكله التصقيف دى مش مشكله عامه قصدى انها مش مشكله بنزين يعنى اعتقد انها مشكله فرديه وادينا بنتابع وربنا يهديك ويهدينى للصواب

[ahmedaly1122]

والله يا باشا انا وقفت واحد امبارح معاه byp f3 قولتله ايه اخبار التصقيف معاك قالى كان فى اول 1000 كيلو بس لكن دلواتى الدنيا تمام عشان كانت بتلين
وهو قالى عن ثقه

[ELTenin]

بص يا سيدى

الموضوع سهل

حط كام سؤال قدامك وعلى اساس حلهم شوف مين اللى اترجح له الاجابة اكتر وبكده تعرف انت عاوز ايه

1- بيفرق معاك الاوبشن ؟
2- المالتى ميديا التاتش واليو اس بى وكمان المالتى فانكشن اللى فى الدريكسيون ( طبعا مش التلت زراير اللى فى F3 ) بيفرق معاك ؟
3- الشكل الخارجى وكمان الداخلى ( التابلوه )
4- هل حضرتك من النوع اللى حايركب معاه اصحابه ويفضلوا يكتبوا رسايل ورسايل على الكاسيت ولازم يمضوا عليه فى الاخر وهو قاعد مش فى دماغه ؟ ( المقصود حاقولك عليه فى الاخر فى النقطة دى )
5- نظام الحماية اللى فى الاكصدامات والحديد اللى ورايا ونظام توزيع الصدمة والحاجات دى تفرق معاك ؟
6- فارق معاك مساحة الشنطة الكبيرة وارتفاع العربية الاكثر من رائع عن الارض ؟ ( انا مجربتش اسوق F3 قبل كده )
لو اكتر الاسئلة اجابتها نعم يبقى














خد BYD L3 واتوكل على الله ومتنساش ان انا اللى اقنعتك بيها وليا عمولة 36 جنيه ومش حاسيبهم :D ) Joke (

متنساش ان الاتنين حايبقوا جداد وان شاء الله مش حاتحتاج قطع غيار ولا صنايعية ليهم قبل تلت اربع سنين او اكتر باذن الله

خد بالك طول ما انت محافظ على العربية مهما كانت صناعتها حاتعيش وتعمر معاك
مش اركب اصحابى معايا وكل شوية اغير فى اغانى واشيل فلاشة واحط مش عارف ايه
والعب فى نظام الملاحة اشوف بقينا فين وبيشتغل ازاى والحاجات دى
ايدك بس هى اللى تتحكم ( وقت الجد الصحاب مش بينفعوا لو لا قدر الله حاجة باظت بسببهم )

خرزانة حلوة كده متر ولا متر ونص واللى يمد ايده على حاجة بسرعة اسحبها من تحت الكرسى ولسوعوا واوعدك انه مش حايعملها تانى ( ده ان مولعش فيك فى ساعتها وقطع علاقته بيك :D )

[ELTenin]

اه صحيح : مفيش حاجة مش بتبوظ

بس فى حاجة حافظنا عليها فعاشت معانا اكتر من نفس الحاجة اللى مع حد تانى واهانها فباظت علطول منه

بالتوفيق فى الاختيار :)

[ابو ياسمين]

والله يا باشا انا وقفت واحد امبارح معاه byp f3 قولتله ايه اخبار التصقيف معاك قالى كان فى اول 1000 كيلو بس لكن دلواتى الدنيا تمام عشان كانت بتلين
وهو قالى عن ثقه

لا أعتقد ان التلين هو سبب الفرق فى أداء المحرك
وأظن ان التوكيل فى صيانة 1000 كم قام بضبط او تعديل السوفت وير فى ECU
Engine computer unit
أو أحد الحساسات المرتبطة به فى المحرك

وغالبا هذا هو الذى أحدث الفارق

[ELTenin]

لا أعتقد ان التلين هو سبب الفرق فى أداء المحرك
وأظن ان التوكيل فى صيانة 1000 كم قام بضبط او تعديل السوفت وير فى ECU
Engine computer unit
أو أحد الحساسات المرتبطة به فى المحرك

وغالبا هذا هو الذى أحدث الفارق

[ahmedaly1122]

ياباشا تسلم على رايك وانا عنيا ليك لحد 40 جنيه هههههههههه