تجربة اداء l3 اوتوماتيك ( 250 كيلو تجربة )

[ELTenin]

أخى العزيز Moe Khodairy

شكرا لمشاركتك الرائعة وقد عرفت منها اشياء لم اكن اعرفها
وكما قلت دائما فلا يوجد احد يتكلم عن سيارة افضل من مالكها
فكلنا نكتب من واقع دراسات نظرية عن النسخة المستوردة
ولكنكما تكتبا على الطبيعة من النسخة المحلية وهى التى نريد ان نعرف عنها كل شئ

لذلك سيبقى تقريرك عن سيارتك وهذا التقرير للأخ العزيز
ELTenin عن سيارتة

هما الأهم والأصدق والأكثر قيمة فى المنتدى لأنكما لا تقولا لنا قرأنا أو سمعنا أو شاهدنا !!
بل تقولا لنا أشترينا السيارة وجربنها على ارض الواقع وتعايشنا معها بالفعل واختبرنا كل شئ فيها فى كل الظروف
وتقدما نتيجة صادقة لتجربة عملية بكل ايجابياتها وسلبياتها

فشكرا لكما معا على التقارير المحايدة والمتزنة

ولكن احب ان اسأل سؤالين هامين قبل ان اشترى هذه السيارة

بعد ان امتلكتم السيارة بالفعل وجربتم كل شئ على الطبيعة

هل لو عاد بكم الزمن ستشترون هذه السيارة ام انكم ندمتم عليها ؟!!

والسؤال الثانى ما هو نوع البنزين الذى تضعانه فيها ؟

ولكما جزيل الشكر والتقدير على الأفادة وأضافاتكم الطيبة للمنتدى

اعتذر عن التاخير فى الرد

بسم الله الرحمن الرحيم

الاجابة الاولى ساعدتك : ان شاء الله حاشتريها خصوصا مع الكماليات اللى فيها
بس اكيد حاختار لون تانى اهو ابقى جربت لونين

الاجابة التانية : 92
لان مفيش شيطان مهما كان عامل دماغ او محضر دكتوراه حايعرف يخلينى اجرب احط لها 80
ده انا اروح اتطوع فى الجيش ولا انى اعمل كده .............................. ساعدتك

ده غير ان الطوابير عندنا فى طنطا على ال 80
اما ال 92 فاااااااااااااااااااااضى دايما مش عارف ليه ( لا ودايما متوفر بسم الله ما شاء الله )

[ELTenin]

حضرتك متكلمتش عن الفتيش الاتوماتيك
ده الكل مستنى انطباعات حضرتك الواقعيه عن استجابة الفتيس ونقلاته
ووصف كامل له

الف مبروك

ياباشا انت تأمر أمر

الفتيس ناعم فى نقله عموما ( انا بتكلم عن تغيير عصا الفتيس من وضع لوضع بأيدك : يعنى مش يحتاج عزم من السائق وكده )

اما على الطريق فهو رائع فعلا وبينقل من سرعة لسرعة من غير ما تحس بيها الا لو مركز معاها
يعنى مش بيخلى العربية تنط من غيار لغيار

العربية ناعمة وفى نفس الوقت ثابتة على الطريق

الغيارات بتنقل بسرعة ( بمعنى انى على ما ببقى على سرعة 30 او 40 حاتلاقى الغيار بقى على D4 )

وعلى ما تجيب سرعة 60 - 70 حايكون على D6

وده على حسب ما اسمع وعلى اساس خبرتى المتواضعة بيريح الماتور
تغيير الغيارات بسرعة كده مريح ليها ( لو حد من الخبراء يفيدنا بحاجة زى دى ياريت )

طبعا مجربتش اعدى 100 عشان موضوع التليين اللى قريته فى المنتدى هنا

العيب الوحيد من وجهة نظرى المتواضعة :
التاخير فى تنفيذ الامر من نص ثانية لثانية
يعنى لما تدوس بنزين الماتور مش بينفذ علطول

وده اى حد حايتغلب عليه بأنه حايظبط اوامره مع العربية وهو حاطط فى حسابه الثانية دى

وكمان حسيت ان العربية لو دوست لها بنزين اوى مش بتجرى بسرعة
بمعنى انك تحسها بتفتح بالتدريج

لكن الفرامل بسم الله ما شاء الله فعلا قوية وجميلة اوى

تانى يوم ما استلمتها كنت فى شارع البحر عندنا فى طنطا وكان معايا 4 فى العربية منهم اتنين بتوع مصارعة

وفى الزحمة قولت اجرب موضوع S ( اعمل كيكاية ) على حسب ما فهمت فايدته من مسئول معرض المصرية ( خصوصا وانى كنت احب السرعة اوى ومواضيع الغرز ده )

واول ما جيبت الوضع S واديتها بنزين وحسيتها حاتطير ابص الاقى ايه قدامى

مطب محترم من اللى بتطلع عليهم العربية بالاربع فرد مع بعض

قلت انا طاير طاير ( وبسرعة بصيت فى المرايا ملقتش حد ورايا فهرست دواسة الفرامل )

أن أن أن ااااااااااااه

وهنا فيثاغورث قال ايه ؟ : ABS + EBD = انسى انك تطير زى العصافير

مش عارف كده اكون وضحت كفاءة الفتيس الاوتوماتيك ولا لأ

بس لو فى حاجة معينة عاوز تعرفها اسألنى عليها وانا اقولك علطول :)

[sword00]

الف مبروك ،،،، وربنا يديك خيرها ويكفيك شرها

[hamaad]

الف مبروك و3سنوات ترخيص 1500 جنيه

[Moe Khodairy]

شاكرين جدا جدا للجميع

Moe Khodairy
مشكور جدا على اجاباتك ومبروك عليك العربية
اولا : مشكلة الكاسيت الحمد لله عرفتها وكانت بسببى انا
كنت بروح اضبط الايكولايزر من الاوضاع المسجلة فى الكاسيت يعنى مثلا اختار Rock
وارجع تانى :D اروح على ضبط الصوت اللى هو بغير منه قوة توزيع الصوت على السماعات واغير البيانات الموجودة على اليسار :P

وطبعا ده معناه انى بعمل نظام صوت معين فبيرجع الضبط الاولانى لل Defult

بخصوص الكارت انا كلمت المصنع نفسه وقالوا ان الكروت حاتوصل بعد العيد باسبوعين وخدوا رقمى مشكورين جدا وحايكلمونى اروح استلمه ويبرمجوا هناك

اما نقطة ان نظام الملاحة بيتصل بالقمر الصناعى مباشرة مش مقتنع بيها من غير شريحة

فياريت لو متاكد اوى من دى قولى
وانا بردوا من ناحيتى حانزل خرايط مصر من جوجل واحطها على ميمورى واجرب واشوف

الاخ العزيز ابو ياسمين : مشكور كل ردودك ومتابعتك الاكثر من متميزة سواء فى موضوعى او على مدار متابعتى للقسم هنا

انا دايما بادخل المنتديات واسجل ومش بهتم اشارك
لكن لما دخلت هنا ولقيت فعلا فى روح تعاون واهتمام من الاعضاء انهم يفيدوا بعض
اصريت انى اسجل واشارك

يا افندم GPS بتاع العربيات لا يحتاج اتصال بالإنترنت على الاطلاق و بالتالي لا يحتاج لشريحة، يوجد ثلاث او اربع أقمار صناعية مسئولين عن القصة دي و كل اللي بيتم هو اتصال بين العربية و الأقمار دي لتحديد الموقع على الخرائط الموجودة على الجهاز اصلا.

ده لينك بيوضح طريقة عمل GPS في السيارات
How GPS Works in Cars | eHow

و ده رد لنفس السؤال على yahoo answers
https://in.answers.yahoo.com/questio...5215656AA2r6lN

[ELTenin]

يا افندم gps بتاع العربيات لا يحتاج اتصال بالإنترنت على الاطلاق و بالتالي لا يحتاج لشريحة، يوجد ثلاث او اربع أقمار صناعية مسئولين عن القصة دي و كل اللي بيتم هو اتصال بين العربية و الأقمار دي لتحديد الموقع على الخرائط الموجودة على الجهاز اصلا.

ده لينك بيوضح طريقة عمل gps في السيارات
how gps works in cars | ehow

و ده رد لنفس السؤال على yahoo answers
https://in.answers.yahoo.com/questio...5215656aa2r6ln

شاكرين مهللين .................. خارجين مبسوطين


بدور دلوقتى على طريقة تنزيل الخرائط وطريقة تنصيبها على الجهاز فى السيارة

وان شاء الله حاحط شرح وافى ليها اول ما اوصل لحاجة

[basemosama]

الله يبارك فيك والف الف مبروك مقدما

روح ومتقلقش واتوكل على الله ومش حاتندم ان شاء الله

ولو ندمت لا قدر الله اوعى اوعى اوعى تبعت لى رسالة وتقولى انت السبب يا نصه :b4_564:

لا يا عم انشاء الله هاقولك الله يبركلك :d
انا تقريبا جهزت الورق و رايح بكره معرض القرش علشان ده المعرض الي بتعامل معاه هاشوف بقى هاتاخد قد ايه اعبال ما يجبوهالي
و عندي سءال رفيع صوت السماعات عامل ايه حلو و البيز بتاعو شديد ولا تعبان ؟

[alaasalam]

ايه الفرق بين اللانسر 2011 وبين Byd l3 بحكم انك ركبت الاثنين

[egyptian_eagle]

السلام عليكم ورحمة الله وبركاته


كنت وعدت الناس هنا انى اول ما استلم العربية حاعمل تقرير مفصل بكل حاجة فيها

والحمد لله بعد ماحجزت سيارة l3 اوتوماتيك وبمعجزة استلمتها قبل العيد بيوم

نبدأ بالحجز والمتابعة :

حجزت من المصرية فرع طنطا

مع المهندس مصطفى
الراجل ده بصراحة قمة فى الاحترام والاهتمام بجد

بيتابع وبيقولك على المفيد ومش بيحاول يبيع والسلام ( كل الشكر ليه بجد )

السيارة استلمتها الساعة 9 بالليل

مش مخبوطة من تحت ولا اى حاجة والحمد لله
بصيت على الشنطة كله تمام بس كانت غرقانة بودرة لونها ابيض
خليتهم مسحوها على قد ما يقدروا

استلمت مع العربية :
1- كوريك
2- صليبة
3- كتالوج
4- ضمان البطارية
5- 1 مفاتح شفرة
6- 1 ريموت شفرة

طبعا سالتهم عن كارت الميمورى بتاع الخرايط ( التكنولوجيا دى ميعرفوش عنها حاجة اصلا وده عيب على وكيل ليه 10 فروع فى الجمهورية زيهم ::s )
وافتكرونى بهزر وقلبوا الموضوع هزار وبعدها حاولو ياكدوا لى انى انا اللى بشترى الميمورى من اى محل موبايلات واحمل عليه اللى انا عاوزه ......

الهدايا : ( سامحنى يارب على كلمة هدايا دى :( )

1- ميدالية باسم المصرية ( شكلها شيك بصراحة )
2- غطاء مشمع للسيارة باسم المصرية عازل للمطر والمياة موجود فى شنطة باسمهم بردوا

مفردتوش ولا مرة لوجود جراج فى البيت بركن العربية فيه والحمد لله .

اهم نصيحة قالوا هالى اول ما تمشى بسرعة على البنزينة عشان هى مخلصة واحتمال تقف بيك :d

طلعت على البنزينة اللى بعد المصرية بحوالى 300 متر وحطيت 92

الكلاكس صوتى عالى اوى ومش مزعج

عزل الصوت جوه العربية اكتر من ممتاز
الدريكسيون الباور بتاعة جميل جدا
اجزاء العربية ماشية مع بعض وانسيابية

العربية واسعة فعلا من جوه
عالية عن الارض والمطبات وكان معايا 3 اصحابى منهم 2 اوزان مصارعين + اخويا كان راكب جمبى

ومفيش مطب واحد لمس العربية والحمد لله

الشنطة واسعة فعلا بشكل ملفت .
نور العربية والواطى والعالى حاجة مريحة وجامدة جدا

مش حاتحتاج النور العالى خالص لان الواطى قوى جدا + زرار التحكم فى ارتفاعه مفيد اوى اوى اوى

هو 5 مستويات مقسمة على 10 مراحل

يعنى 1 \ 1.5 \ 2 / 2.5 وهكذا

طبعا انا رفعته درجة واحدة بس عشان الناس اللى جاية فى وشى متبقاش متضايقة

العالى بستخدمه بس لما حد ييجى فى وشى ومدينى العالى او يقلب نور ويكون فاكر انى مشغل العالى

اديلوا العالى وسبحانك يارب يحترم نفسه ويطفى نوره خالص

العداد كان عامل 130 كيلو لما استلمتها ( صحيح : اللون موكا )

انا من عشاق النبيتى والاسود بس لما قالوا لى ادينا كام لون كمان عشان نجيبها فى وقت اقل

اديتهم نبيتى \ احمر \ موكا

المرايات اللى فى الابواب مريحة جدا وجايبة رؤيا كبيرة على الجناب

العيوب بقى

اهم عيب :

استجابة الماتور مش فى لحظتها
بمعنى انك لما تدوس بنزين بيبقى فى تاخير فى تنفيذ الامر من الماتور من نص ثانية ل ثانية بالكتير
وده علطول يعنى سواء كنت واقف وحاتمشى او ماشى بالراحة او حتى بسرعة

وامبارح واحد صاحبى معاه جيلى بقولوا على الموضوع ده قالى انه فى الجيلى بردوا

فواضح ان ده فى كل السيارات الصينى والله اعلم

يحس بالموضوع ده اللى معاه النترا او كيا او لانسر اوتوماتيك

دى بقى مش عيوب اوى على ما اظن :

1- الكاسيت كل ما اظبط النظام الصوتى بتاعه زى الاوكلايزر ودرجة عمق الصوت والحاجات دى
بمجرد ما اطفى العربية واقفلها لما ارجع اشغلها يرجع زى ما كان تانى كانه ضبط مصنع ودى مزهقانى

يمكن يكون لازم اعمل save بشكل معين بس انا اتشقلبت على اعدادات الكاسيت ومفيش حاجة زى دى

السماعات اللى فى الابواب صوتها مش قوى ويمكن يكون فرش الباب اللى بيبدأ يتهزر لما اعلى مستوى الصوت اعلى من النص بشوية ( بردوا مش عيب مهم )

اول امبارح وانا على السريع سمعت زى ما يكون فى صفارة بسيطة فى الكاوتش الشمال قدام
يعنى اللى ناحيتى بس من ساعتها مسمعتوش تانى لحد دلوقتى

الكاسيت بعكس ما كان مكتوب عنه انه بيوصل مع الموبايل بالبلوتوث دى مش موجودة فى الكاسيت اصلا

وكمان مش بيدعم صيغ كتير مهمة زى mp4 \ m4p \ flac \ flv \ وحاجات تانية كمان

طبعا مجربتش النظام الملاحى لعدم وجود الميمورى اصلا

ارضية السيارة لازم لازم تتفرش جلد هى والشنطة لانهم حيتبهدلوا بسرعة جدا لانهم موكيت

الدريكسيون يوجع بطن الايد رغم انه خفيف بس وجع لى بطن ايدى من ملمسه يعنى حتحتاج جراب علطول ليه .

حساسات الرجوع للخلف حاجة ادائها منيل وتحسها هبلة بجد

لما برجع لورا الاقيها نادرا ما تكون شغالة طبيعى

وكتير الاقيها مدية صفارة طويلة باعتبار ان فى حاجة ورايا بعدها اقل من 250 سنتيمتر وعموما هى ليها زرار بشغل الحساسات ويقفلها من التبلوه فقفلتها وريحت دماغى لان فى حاجة تانية مصدعانى بجد

حساس الامان بتاع الحزام :s

وده شانيور فى دماغى بجد

كل شوية يصفر عشان الحزام حتى وانا واقف بالعربية او ماشى بالراحة خالص
ولو حد راكب جنبى وانا لبست الحزام بردوا يفضل كل شوية يصفر عشان اللى جنبى

العربية كانت الفردة الى قدام يمين مريحة حاجة بسيطة ولقيتها بتحدف يمين بسيط

تانى يوم روحت ظبطت الارع فرد على 35
وبردوا بتحدف يمين وكمان لما بيبقى الكاوتش فى وضع مستقيم بلاقى ان الدريكسيون مميل ناحية اليمين

صاحبى قالى حايفكوه ويظبطوا الزوايا مع صيانة الالف



لو فى حاجة تانية ظهرت حارجع اكتبها هنا فى الموضوع


حاجات من رائى الشخصى ناقصة فى العربية

1- اشارة فى المرايات
2- الكاسيت يكون فيه بلوتوث ورد على مكالمات الموبايل ( خصوصا لو لواحد زيي بيحب يشغل الاغانى بصوت عالى حبتين ومش بيسمع الموبايل لو غنى للصبح )
3- مثبت سرعة لانه حيريح الناس اوى خصوصا ان معظم الناس بيحبوا يسافروا بالعربية وبيكون الطريق طويل .
4- فرش جلد للدريكسيون والفتيس والمسند وارضية العربية والشنطة.
5- علامة byd تكون مضيئة على اللوجو اللى فى مقدمة السيارة ( اللى ورا بس هى اللى منورة )

لكن فى الاخر :

العربية فعلا جميلة شكل واداء وكماليات وراحة خصوصا مع سعر 97 الف

واخيرا انا كنت عاوز بس اسال عن كام حاجة لو سمحتوا :

1- ايه اللى بيتم فى صيانة الالف من تغيير وفلوس وهل بروح علطول ولا احجز الاول وبمشى علطول ولا الصيانة بتحتاج وقت طويل واليوم حيضيع ؟ واحسن مكان اعمل فيه صيانة فين ؟ انا من طنطا بس مش مهم اروح فين مدام حيكون مفيد ليا

2- هل ضبط الكاسيت فيه طريقة المفروض اعملها عشان يحفظ الاعدادات ؟
وهل فيه بلوتوث وانا مش عارف اوصل له ولا انا اللى صح ؟

3- هل نظام الملاحة بيحتاج ميمورى عليه الخرايط بس ولا بيحتاج شريحة موبايل مع الميمورى عشان يبقى اون لاين ويقولى امشى منين وادخل منين ؟ لانى معرفش فى القاهرة غير اماكن بسيطة

4- انا استلمت مع العربية اذن استلام وورقة لقيتها فى تابلوه العربية بتاعة ضمان البطارية بس

لا استلمت ورقة لضمان العربية نفسها ولا للكاسيت زى ما قريت هنا ( وياريت لو تقولوا لى شكلهم ايه اصلا ) لانه واضح ان المعرض بيهرج شوية

5- ايه اللى حاخده معايا وانا رايح ارخص والفلوس كام واعمل ايه بالظبط .

والف شكر لكل شخص ساهم بمعلومة لانى استفدت كتير جدا هنا وعرفت ازاى اختار العربية وكمان ازاى استلمها ( بغض النظر عن موضوع ضمان العربية والكاسيت :b4_556: )

لو حد محتاج اى صور للعربية يقولى وانا اصورها وارفعها هنا علطول ( انا مصورتش لان المنتدى مليان صور لكل تفاصيل العربية )

الف مبروك يا باشا ربنا يباركلك فيها يكفيك شرها.انا بس كنت عايز اسال حضرتك علي شوية حاجات كدة كنت قريت عنهم هنا في المنتدي وكنت عايز اتاكد من حضرتك بما انك من ملاك العربية.
انا سمعت ان سحب العربية بطيء شوية فهل الكلام ده صحيح؟
سمعت كمان ان العربية مينفعش تجيب بيها اكتر من 120 كم,فهل انت جربت تجري بيها وتفتح علي سرعات عالية؟؟
سمعت كمان ان التكييف بياثر جامد عالسحب وعلي اداء الموتور,فهل الكلام ده مظبوط؟؟

اكون شاكر لحضرتك جدا لو افدتنا في النقط دي من واقع تعاملك مع العربية

اسف للاطالة

سلام عليكم

[ELTenin]

لا يا عم إن شاء الله هاقولك الله يبركلك :d
انا تقريبا جهزت الورق و رايح بكره معرض القرش علشان ده المعرض الي بتعامل معاه هاشوف بقى هاتاخد قد ايه اعبال ما يجبوهالي
و عندي سءال رفيع صوت السماعات عامل ايه حلو و البيز بتاعو شديد ولا تعبان ؟

عموما هما من بعد العيد علطول كانوا مأكدين انهم حايشتغلوا مانيوال لمدة اسبوع او اتنين

اتمنى المعرض اللى انت رايح له ده يكون عنده حاجة اوتوماتيك جاهزة ان شاء الله

السماعات كانت المفروض تنزل 6 سماعات منهم 4 فى جميع الابواب

طبعا الاتنين اللى فى البابين اللى ورا اختفوا فى النسخة المصرى

امكانيات الايكولايزر فى الكاسيت مش قد كده

لكن فى مجمل الموضوع الصوت جميل الى حد ما طول ما انت ما عديتش تلتين صوت الكاسيت

واقصد بجميل الى حد ما بالشكل اللى انت عاوزه

لانى انا كمان من عشاق سماع الاغانى بصوت نقى وعالى ( هندى - مكسيكى - انجليزى - Yanni )

لكن انا ناوى ان شاء الله ابقى اجيب بازوكا + جى + ( احتمال طقم بايونير )

بس خد بالك كتير قالوا لى ان تغيير او تركيب اى حاجة فى اى حاجة فى العربية يطلعها من الضمان
وده اللى مخلى شيطانى فى اجازة الفترة دى

[ELTenin]

الف مبروك يا باشا ربنا يباركلك فيها يكفيك شرها.انا بس كنت عايز اسال حضرتك علي شوية حاجات كدة كنت قريت عنهم هنا في المنتدي وكنت عايز اتاكد من حضرتك بما انك من ملاك العربية.
انا سمعت ان سحب العربية بطيء شوية فهل الكلام ده صحيح؟
سمعت كمان ان العربية مينفعش تجيب بيها اكتر من 120 كم,فهل انت جربت تجري بيها وتفتح علي سرعات عالية؟؟
سمعت كمان ان التكييف بياثر جامد عالسحب وعلي اداء الموتور,فهل الكلام ده مظبوط؟؟

اكون شاكر لحضرتك جدا لو افدتنا في النقط دي من واقع تعاملك مع العربية

اسف للاطالة

سلام عليكم

الله يبارك فيك

سحب العربية مش بطئ لكن تنفيذ الامر بيتم بعد الامر نفسه بنص ثانية او ثانية الا ربع

يعنى اول ما تدوس البنزين الماتور حايستجيب بعدها بنص ثانية تقريبا
ومع اول اسبوع حاتكون اتعودت وبرمجت نفسك مع موضوع النص ثانية ده

انا اكتر حاجة وصلتلها 110 لسببين :
1- مصادفش انى اروح مشوار طريقه مفتوح عشان اجرى واجرب .
2- محاولتش اطلع على اى طريق والسلام عشان اجرب لانى خوفت من موضوع التليين ده .


اما التكييف ادائه جميل فى حدود تجربة استلام السيارة .
بردوا فى ناس نصحتنى مشغلوش فى التليين عشان الماتور .

لكن حاحاول اجرب الحاجات دى واقول لك على النتيجة ان شاء الله

[ابو ياسمين]

عموما هما من بعد العيد علطول كانوا مأكدين انهم حايشتغلوا مانيوال لمدة اسبوع او اتنين

اتمنى المعرض اللى انت رايح له ده يكون عنده حاجة اوتوماتيك جاهزة ان شاء الله

السماعات كانت المفروض تنزل 6 سماعات منهم 4 فى جميع الابواب

طبعا الاتنين اللى فى البابين اللى ورا اختفوا فى النسخة المصرى

امكانيات الايكولايزر فى الكاسيت مش قد كده

لكن فى مجمل الموضوع الصوت جميل الى حد ما طول ما انت ما عديتش تلتين صوت الكاسيت

واقصد بجميل الى حد ما بالشكل اللى انت عاوزه

لانى انا كمان من عشاق سماع الاغانى بصوت نقى وعالى ( هندى - مكسيكى - انجليزى - Yanni )

لكن انا ناوى ان شاء الله ابقى اجيب بازوكا + جى + ( احتمال طقم بايونير )

بس خد بالك كتير قالوا لى ان تغيير او تركيب اى حاجة فى اى حاجة فى العربية يطلعها من الضمان
وده اللى مخلى شيطانى فى اجازة الفترة دى

عزيزى ELTenin

لا تقلق فسيارتك بها 6 سماعات فعلا وليس 4 والأبواب الخلفية لا توجد بها سماعات حتى فى النسخة المستوردة من الصين

وأماكن السماعات عندك هم 2 فى الأبواب الأمامية
2 على الرف الخلفى وراء الكنبة
2 فى الجزء المثلث فى طرف الأبواب الأمامية خلف المرايات الجانبية

صورة توضح مكان السماعات 5 - 6

صورة مكبرة للسماعة خلف المرآة الجانبية

الصور التالية من النسخة الأصلية بالصين وتوقيع الموقع الصينى فى أعلى وأسفل الصورة

وجه سماعة الباب الأمامى وخلفه جزء مغلق ليتم تركيب السماعة فيه

الوجه فى الباب الخلفى مجرد حلية خلفها فراغ ولا يوجد مكان لتركيب سماعة

[ahmeaad]

تفيم الزجاج الامامي

السلام عليكم ورحمه الله وبر كاته وكل عام وجميع من في المنتدي بصحه وخير وسعاده بمناسبه العيد
انا من ملاك البي واي دي موديل 2014 ولاحظت ان الرخصه مثبت بها ان الزجاج الجانبي والخلفي ملون السؤال هنا لو تم تفيم الزجاج في الباب الامامي اظن مش هايكون مخالف لان الرخصه مثبت بها ان السياره زجاجها ملون السؤال الثاني ياتري فيه حد ممكن يفيم وياتي بدرجه لون المصنع ارجو الافاده من اصحاب الخبره وشكرا

[m.abdelfatah]

الله عليك يا تنين وكمان بتسمع yanni انا كده اتشجعت هههههههههههه اصل انا لما بسمعه وانا سايق بحس انى موسيقار ياباشا ربنا يكرمك بيها يارب وتكون وش الخير عليك كنت عايز اسالك بالنسبه للثبات ايه ظروفها

[tarik nour]

بالنسبة لموضوع gps فى بعض التليفونات المحمولة زى نوكيا بتعمل GPS OFFLINE بدون نت او شريحة عن طريق قطعة الكترونية مثبتة بيها