مفاجأة! نتيجة تحليل بنزين 95 و 92

[Moe Khodairy]

هذا الموضوع منقول من احدى جروبات الفيس بوك

نتيجة تحليل البنزين 95 الموجود فى مصر من شركة مرسيدس بعد لما عربيه c180 2015جابت مكنه والشركه رفضت تغيرها على حسابهم نتيجة التحليل لل95 طلعت 92.5 طيب هل الغلط ان العميل ركب عربيه نضيفه ولا الغلط ان التوكيل نزل عربيات نضيفه ولا الغلط من الغش والتدليس يعنى تم رفع الدعم وكمان البنزين مغشوش .. نسيت أقول نتيجة تحليل البنزين 92 طلعت 86.5 حتى لو تلاحظو البنزين بقى لونه أحمر مش اصفر زى زمان
ربنا يسترها علينا

[hesham fawzy h]

ربنا يستر

[exelence]

امال تحليل ال 80 يبقى كام ؟

[Mecha]

امال تحليل ال 80 يبقى كام ؟

جاز ابيض تلاقيه

[Mecha]

هذا الموضوع منقول من احدى جروبات الفيس بوك

نتيجة تحليل البنزين 95 الموجود فى مصر من شركة مرسيدس بعد لما عربيه c180 2015جابت مكنه والشركه رفضت تغيرها على حسابهم نتيجة التحليل لل95 طلعت 92.5 طيب هل الغلط ان العميل ركب عربيه نضيفه ولا الغلط ان التوكيل نزل عربيات نضيفه ولا الغلط من الغش والتدليس يعنى تم رفع الدعم وكمان البنزين مغشوش .. نسيت أقول نتيجة تحليل البنزين 92 طلعت 86.5 حتى لو تلاحظو البنزين بقى لونه أحمر مش اصفر زى زمان
ربنا يسترها علينا

مين اللي عمل التحليل ولا الوكيل بيحاول يملص من العميل
وهم متحولين للنيابه,
شمعني المشكله في مرسيدس بس ,ليه الماركات التانيه مجبتش مكنه
والا الوكيل بيغطي علي عيب صناعه ويهرب من لعميل

[Moe Khodairy]

مين اللي عمل التحليل ولا الوكيل بيحاول يملص من العميل
وهم متحولين للنيابه,
شمعني المشكله في مرسيدس بس ,ليه الماركات التانيه مجبتش مكنه
والا الوكيل بيغطي علي عيب صناعه ويهرب من لعميل

الوكيل هو اللي عمل التحليل و الموضوع ده انا سمعت انه حصل في اكتر من عربية مرسيدس... ممكن تدخل على المنتدى بتاعهم و تتفرج على العجب

[hugan]

علي كده 92 هايطلع 85
مش كفايه ان البنزين عامل زي مايكون عليه سبرتو
وبيطير التفويله مابتكملش3 ايام

[amr_8800]

شكلنا كلنا هنركن العربيات ونركب عجل عشان يرتاحو
مهو لما عربيه ٢٠١٤ تجيب موتور ده اسمه جنان رسمي
بنزين مغشوش وزيت مغشوش و قطع غيار مضروبه وشوارع زباله وعربيات بضعف تمنها بره نعمل ايه طيب

[midnightman_74]

الوكيل هو اللي عمل التحليل و الموضوع ده انا سمعت انه حصل في اكتر من عربية مرسيدس... ممكن تدخل على المنتدى بتاعهم و تتفرج على العجب

ياريت اللنك بتاع المنتدي

[Mecha]

الوكيل هو اللي عمل التحليل و الموضوع ده انا سمعت انه حصل في اكتر من عربية مرسيدس... ممكن تدخل على المنتدى بتاعهم و تتفرج على العجب

بس الوكيل كجهة اختبار ومعايره لا يعتد بيها لازم طرف تالت متخصص محايد
وكيل مرسيدس او اي وكيل معندهمش اجهزه ولا معامل ولا متخصصين للشغل دا
تقولي موبيل . معهد القومي للمعايره , مركز بحوث البترول , المركز القومي للبحوث , يبا ماشي دول متخصصين
لكن الوكيل جايب اي ورقه ولاعب فيها بخط اليد دا تهريج وحقوق ناس هتضيع .

[Mecha]

يا اخوانا اصحوا 92 ايه ولا 95 اللي هيخرب مكنه
دي الاعيب توكيل , افتكروا كدا كام وكيل عمل ريكال لعيب صناعه
في مصر تقريبا مفيش , رغم ان الشركه بره بتبعت نشرات وتقل الوكيل يصلح علي حسابها , لكن الوكيل المصري حدق والعوبان يمضي المستهلك ويحاسبه علي عيب صناعه وكمان يحاسب الشركه بره
وموقف افتكره ف اخر التسعينات في سوزوكي سويفت , المستهلك عنده صوت غريب ف الموتور وكانوا عارفين تيله بنز البستم مع البيل نطرت من مكانها , لكن سقوا المستهلك المر ياعيني علي انه عيب استخدام
انا لو هفول تنك المرسيدس جاز بوابير مش هتخرب المكنه ,اخرها طرمبه
ورشاشات
ليه بنزين 95 دلوقتي فيه نابالم؟؟؟؟

[mody112]

طب ما الجيتا لو اتفولت غير 95 بتعطل ( كان كلام شايع عنها فى اول ما نزلت )

[Mecha]

فيه حاجه مهمه لازم تتعمل
المكنه اللي خربت دي لازم نعرف كويس اوي خربت ليه
تتحل واحده و نعمل failure analysis
شغل طيارات ماهي مرسيدس بقي
ونعرف اللبه فين . ممكن التربو فيه مشكلة over charging
خصوصا انهم مركبين الجديد VGT وفيه مشاكل كتير
ممكن بيسيح بساتم ,يعوج بيلات ,يقطم كرنك ,يكسر بلوك يشرخ هد
مرسيدس مش معصومه من الخطا,خصوصا التربو غالبا شركه تانيه بتعمله , ممكن ECU بتخطرف و الوكيل مفغطرشين عليها

[midnightman_74]

الناس اللى حاجزة مرسيدس جديدة المفروض تلغى الحجز لحد لما المشكلة تتحل

[ابو ياسمين]

الخطاب المنشور كما هو واضح من صورته صادر عن مركز أبحاث مصر للبترول بغمرة

ومن الواضح ان التحليل تم بطلب من شركة مرسيدس

وانا مقتنع ومصدق لنتيجته لأسباب كثيرة ولكنى مقتنع ومصدق اكثر لما يقوله زميلنا Mecha

واحب ان اسأل العباقرة فى توكيل مرسيدس ما الحال فى السيارات من نفس الفئة فى انتاج العام السابق

وان كانت سياراتكم الجديدة لا تتحمل بنزين مصر مهما كانت حالتة
لدرجة تدمير المحرك بهذه السرعة الرهيبة وهذا اعتراف منكم بذلك
فكيف تبيعونها للناس
اليس هذا يدخل تحت بند بيع سلعة غير قابلة للأستخدام ( غش تجارى )

ما هذه المهزلة ان مصر بها توكيل سيارة بورش فهل يستوردون لها بنزين من المانيا !!

وهل محرك مرسيدس C اعلى من بورش !!

وماذا عن باقى الفئات بما فيها الفئة S