™ طلب هام وضرورى من اصحاب l3 ™

[ELTenin]

السلام عليكم ورحمة الله وبركاته

لى طلب هام جدا اخوانى :

انا استلمت عربيتى من قبل العيد وحى الان مستلمتش كارت الميمورى

ومحتاج ضرورى جدا اجرب الكاسيت خصوصا ان معرض المصرية مسلمنيش ضمان الكاسيت وقالوا لى انه مجاش معاه وانى ابقى اروح اخده من المصنع نفسه لو الكاسيت فيه حاجة بايظة


انا بس محتاج نسخة من ملقات الميمورى اجرب الملاحة اشوفها شغالة ولا لأ

خصوصا ان خاصية التلفزيون وقفت بعد ما استلمت العربية بيومين بس وقالوا لى لازم الكارت عشان تجرب بيه .

ارجو من الاخوة اللى يقدروا يساعدونى عمل الخطوة دى :

اظهر جميع الملفات قبل عمل نسخ ليها او ضغطها

واكون شاكرا جدا

[pico563]

اخى التنين
للاسف التلفزيون Digital TV لا يعمل الا داخل القاهرة فقط.
ولست اعلم ان كان يعمل فى الإسكندرية لكن كل الأماكن التى سافرت اليها لم يعمل التلفزيون.
اما بخصوص الكرت فهو للملاحة فقط ولا يمكنك نقله او نسخه لانه مشفر من قبل الشركة .
لكل سيارة الكرت الخاص بها ويجب عليك الاصرار على استلامه و فى حالة فقدان الكرت سوف تدفع مبلغ ليس بقليل.

[ELTenin]

اخى التنين
للاسف التلفزيون Digital TV لا يعمل الا داخل القاهرة فقط.
ولست اعلم ان كان يعمل فى الإسكندرية لكن كل الأماكن التى سافرت اليها لم يعمل التلفزيون.
اما بخصوص الكرت فهو للملاحة فقط ولا يمكنك نقله او نسخه لانه مشفر من قبل الشركة .
لكل سيارة الكرت الخاص بها ويجب عليك الاصرار على استلامه و فى حالة فقدان الكرت سوف تدفع مبلغ ليس بقليل.

مشكور اخى الكريم جدا على اهتمامك وردك وتوضيحك

سأحاول الالحاح على الشركة لاستلامه

اما بخصوص التلفزيون فهو يعمل فى طنطا ايضا لانى من طنطا وتمت التجربة وتشغيله لمدة يومين فى طنطا

واظن ان التشغيل كأنه مجرد تجربة او فترة تجريبية ولن يعود للعمل الا عند وجود الكارت ( فبما ان الكارت مشفر ومحمى ولكل سيارة كود معين فأظن ان التلفزيون تابع لهذه المنظومة )

[pico563]

لا علاقة للتلفزيون بالكرت فيمكنك إخراج الكرت ويستمر التلفزيون فى العمل وهذا عن تجربة.
الكرت مخصص للملاحة فقط.

http://www.nilemotors.net/Nile/441223-dtv.html

[Moe Khodairy]

الكارت ملوش علاقة بالتليفزيون تماما! الكارت ده عليه الخرائط فقط و اعتقد و ده اعتقاد شخصي انه مش متشفر ولا حاجة و كان في مشاركة من كام يوم لزميل معاه l3 و كان منزل الخرائط على النت و شارح طريقة التسطيب و انت ممكن تشتري اي ميموري كارد و تنزل الخرائط عليه و تشغله، انا دورتهم على المشاركة دي بس مش لاقيها ، و بالنسبة للتليفزيون انا حصلت معايا نفس القصة و فصل لوحده و لما عملت صيانة الالف عملوا update لل software و اشتغل و بقى تمام.

[ELTenin]

الكارت ملوش علاقة بالتليفزيون تماما! الكارت ده عليه الخرائط فقط و اعتقد و ده اعتقاد شخصي انه مش متشفر ولا حاجة و كان في مشاركة من كام يوم لزميل معاه l3 و كان منزل الخرائط على النت و شارح طريقة التسطيب و انت ممكن تشتري اي ميموري كارد و تنزل الخرائط عليه و تشغله، انا دورتهم على المشاركة دي بس مش لاقيها ، و بالنسبة للتليفزيون انا حصلت معايا نفس القصة و فصل لوحده و لما عملت صيانة الالف عملوا update لل software و اشتغل و بقى تمام.

كلام جميل اوى

بس انا دوخت على الموضوع اللى حضرتك قلت عليه ده ومش لاقيه بردوا

فلو تتكرم وترفع لى نسخة من ملفات الميمورى اكون فعلا شاكر ليك جدا


بخصوص الابديت اللى حضرتك قلت عليه :

انا لما روحت اعمل صيانة الالف معملوش حاجة لان السوفت على ما اظن بيكون على الميمورى نفسه
لانه كان حايعملهولى بس قال لى لازم يكون معاك الميمورى :(

[egyptian_eagle]

سلام عليكم
اولا الف مبروك العربية الجديدة وربنا يرزقك خيرها ويكفيك شرها
ثانيا كنت عايز اعرف هل هي مانيوال ولا اوتو وايه اخبار الاداء مع حضرتك لاني بفكر اجيبها ان شاء الله
ثانيا كنت عايز اعرف اذا كان بعض الامكانيات زي المالتي فانكشن والنافيجيتور والكاميرا الخلفية هل الحاجات دي موجودة في الاوتو بس ولا في الاتنين؟؟

شكرا جزيلا مقدما