هل تصلح byd l3 اتوماتيك لتركيب الغاز

[maged]

قرات على احد المواقع ان شركة تركيب الغاز رفضت تركيب الغاز فى byd l3 الاوتو عشان بيسبب ان لمبة تشيك بتنور بعطل فى الفتيس وهتفضل منوره وان العربيه هتمشى عادى بس اللمبة هتفضل منوره ولو حصل حاجه فى الفتيس مش هتعرف لان اللمبه كده كده منوره فهل الكلام ده حقيقى او حد جرب
طبعا انا عمرى ما هشترى عربيه متنفعش تمشى غاز لانى متاكد ان البنزين هيغلى قوى الفتره اللى جايه وبالتالى مفيش حل غير الغاز
بس اذا كان فى ناس بتشتكى من تسقيف مع بنزين 92 فى الاوتو يبقى هتعمل ايه مع الغاز

استفسار تانى مهم اذا لا قدر الله بعد عمر طويل للمحرك لو حبيت اغيره هل يركب على l3 محرك اللانسر بفتيسه بدون تعديل وهل يعترض المرور

معلش اسئله كتير لكن مهمه جدا بس خلو بالكو ان الكلام على الموتور 1500 عشان محدش يرد عن السيارة ال 1600
شكرا مقدما

[egyption2012]

الافضل تستخدم بنزين 80 ولو عربيتك سقفت يبقى اظبط فيشة الاوكتان على 80
على الاقل تأثيره مش حيبقى زي تأثير الغاز الطبيعي بإذن الله

وطالما حضرتك متوقع ان البنزين حيغلي وده شئ متوقع في ظل هذه الاحوال
فبالتأكيد سيرتفع سعر الغاز الطبيعي هو الآخر

ولذلك فالافضل لك ان تبحث عن سيارة استهلاكها بسيط في البنزين

[sameh_se]

على فكرة الغاز مشاكلة فى الموتور تقدر تتغلب عليها ببساطة مجرد انك تدور العربية على البنزين الصبح ربع ساعة كل يوم هتحافظ على عربيتك اما موضوع قابلية العربية للغاز انا شفت بعينى ناس بتروح المحطة الى فى مصطفى النحاس و بيكشفو و بيقولولهم العربية تنفع فى الغاز ولا ما تنفعش .
(عربيتى غاز) : )

[maged]

انا شاكر ليك مشاركتك
اولا هل ال byd فيها فيشة اوكتان يمكن ضبطها
ثانيا البنزين 80 الزحام عليه لا يطاق
ثالثا السيارات التى تستهلك بنزين اقل زى الاتراج والدازير مش عربيات شقا ومرمطه ولف كتير ومطبات وبهدله اعتقد دى عربيات قوة تحملها اقل
انا عايز عربيه قويه وتتحمل وفى نفس الوقت تنفع غاز
وشكرا لاهتمامك

[maged]

انا هروح محطة غاز الماظه واسأل عندهم واشوف l3 اتو تنفع غاز ولا تعمل مشاكل قبل الشراء واقولكم