تقنية فى شنطة وعداد byd f3

[shaky]

مساء الخير على كل اللى فى منتدانا الغالى

انا لاحظت حاجة فى شنطة العربية لما بفتحها بالمفتاح طبعا احنا بنفتح لليمين عشان تفتح لو انت بعد اما تقفل العربية تغير الاتجاة وتخلية شمال وتيجى تفتح من جوة العربية الشنطة متتفتحش الا لما تروح تانى وتعدل قفل المفتاح لليمين حد لاحظ دى ياجماعة

ملاحظة تانية لما كنت جايب بيها 200 ك من فترة لقيت الزجاج بتاع العربية اترفع لوحدة والسنتر تحاول تفتحة مش بيفتح ولقيت لمبة الاير باج بتنور وتطفى وعاملة صفارة مبتفصلش ولما هديت الصفراة راحت واللمبة انطفت ومشيت حوالى 10 على سرعة 80/100 ك وبعدين شديت تانى لقيتها بردة عملت كدة

هل بقى امان العربية والا دة اية بالظبط ؟؟؟؟؟؟؟؟؟؟

ملحوظة
ماشاء الله العربية يوم عن يوم بتثبت انها احسن اختيار اخترناة رفاهية وثبات وامان

[lonedoctor]

+1+1+1+1+1+1+1+1+1+1

[mohhassan]

200كم /الساعة ربنا يسترها معانا ومعاك بس حرام ماتعملهاش تانى موضوع الشنطة صح الكلام الباقي معرفش حاجة عنه

[ahmzd]

السواقة مالهاش كبير.. ربنا يحفظنا ويسلّم طريقنا إحنا وأنت !

[hamo81]

انا لما جبت بيها 200كم/س لم يحدث شيء من ذلك
يمكن لأني كنت قافل الإزاز كله وطبعا السنتر مقفول لكن موضوع لمبة الإيرباج تنور دي محصلتشي معايا