بخصوص f3 فلاير gli

[emad2002]

فى كام سوال محيرنى علشان انا لسه خايف من شراء العربية ده مش عارف ليه ممكن تكون تجربة جديده على وانا اتصلت بالشركة لقيت منها 3 تجهيزات
ب 68000 و70000و والنوع الثالث فتحة سقف مش فاكر كانت بحاجة وسبعين
المهم العربية بصراحه جميل بس انا عمال احسب التكلفة بتاعتها واقارن بين الاسعار مش عارف اقنع نفسى ازاى يعنى انا عرفت فعلا ان الموتور متسوبيشى
1600 سىسى وده حاجه جميل والعفشة تيوتا وده اجمل طيب ايه اللى رخيص فى العربية وعمال احسبها مش راضية تيجى المهم ليه سوال عايز اعرف الاجابة علية الحاجات اللى احنا مش شايفنها زى طلمبة البنزين والتكيف وضفيرة الكهرباء والكمبيوتر (وحده التحكم) ياترى معموله ازاى صناعه اية علشان انا كده بفكر اخلص فى الموضوع بس دماغى عمال تجيب وتودينى مش عارف عندى اسئلة كتير
وانا بصراحه مشا اادر اشلها من دماغى خالص العربية ياجماعه على سعرها كده تحفة بجد

[ابوشريف]

أنا كنت فى نفس مستوى اعجابك بالعربيه دى ونفس تفكيرك بالضبط

وكنت محتار جدا وشايف انها افضل من النيسان صنى مثلا لانى كنت فى وقتها بقارنها بيها

هى عربيه مغريه جدا .......وفى نفس الوقت ثمنها كان وقتها 73.500

ولكن ضميرى مش مستريح لها فقررت اتابع واحد مشتريها

كانت كويسه معاه اول 6 شهور عمل 12000 كيلو فيهم وباظت منه الكبالن

راح التوكيل كبسوهم تبع الضمان ( المفروض يغيروهم )

باظو تانى بعد ماعمل 20000 كيلو وطبعا خرج من الضمان

وحاليا عارضها للبيع اتفصلت ب 52 الف (جى ال) هو شاريها ب 68 الف

شوف خساره قد ايه فى خلال 12 شهر

من ضمن الحجات اللى كنت موسوس وبسأل نفسى عنها

الاجزاء الحساسه فى العربيه

مثال الاكسات اللى عليها حمل العربيه كله هل صنعت من المواد بنسب الصلابه المطلوبه لها ...؟؟

والعربيه حاليا اصبح ثمنها 70 الف رخصت 3.500 هنا سؤال محير

ليه هى ترخص ( على الرغم من عليها طلب كما تقول شركة الامل) فى حين باقى الانواع المعروفه بتزيد ...؟

وأخيرا أنا اغرانى موبايل صينى اشتريته وبعد يومين بالضبط اكتشفت انى غلطت

لكن ده موبايل ثمنه 600 جنيه

لكن انت مقدم على دفع 70000 جنيه

فكر كويس ولو تقسط فوق مبلغك حوالى 15000 وتشترى حاجه مضمونه يكون أفضل

ربنا يوفقك لما فيه الخير

[emad2002]

ابو شريف متشكر لاهتمامك
بصراحه انا مش عارف اقولك ايه بس واضح اننا اريبين من بعض فى التفكير وعلى فكرة انا ايضا بقارن بينها وبين النيسان صنى علشان الفرق حوالى 18الف جنية
بس انا عايز اقولك حاجه بردك محيرانى انا بالنسبه ليه ممكن اى حاجه فى العربية بالذات العفشة لو هى صينى وتعابنه انا كان فى دماغى انا اغيرها بالاصلى (التيوتا )
يعنى انت عارف انا بحسبها ازاى يعنى انا معنديش مانع ادف مصاريف على عربية زيرو لو فى حاجات فيها تعبانه بس تكون واضحة يعنى يعنى تخيل ان العفشة بعد 10000 كيلو ابتدت تضعف ممكن اقوم كل فترة بتغير ماعد او كبلن انت يعنى الفرق بينها وبين اليايانى كتير ممكن يتحقق فى مصاريف على المدى الطول والواحد يبقى مظبط العرية الا حد ما مش عارف بصراحه انا دماغى تعبت المهم انا كنت بحاول اركب عربية يابانى كويسة بسعر مناسب بس واضح انه بقى حلم
ربنا يسهل ومتشكر لردك واهتمامك

[emad2002]

اما بخصوص رخص ثمنها حاليا ده سببه انها موديل 2008 وموديل 2009 على وصول

[ابوشريف]

انا كنت معجب بيها جدا مثلك واكثر لدرجة انى كنت بحاول اقنع نفسى

وكتير كنت بقول زيك اغير اى شئ فيها وفرحان ان كل قطعه فى الكرولا تركب عليها

وخصوصا انى بعرف افك واركب اجزاء كتيره فى العربيه بنفسى تصل لدرجة تغيير المساعدين واليايات والكبالن .....الخ

وطبعا كنت بقول لنفسى نستمتع بالكماليات العاليه ولو حاجه باظت اغيرها بمثيلتها اليابانى الاصلى

وآخر حيرتى عملت صلاة استخاره و كان فى كل مره انوى اشتريها تحصل حاجه

احكيلك شويه بس استحملنى

اول مره رحت مركز صيانة الامل فى العباسيه وقابلت بعض ملاكها هناك بس كان معظمهم عامل اقل من 10000 كيلو

كانوا بيشكروا ونصحونى بيها وأخيرا قابلت واحد عامل 50000 كيلو قالى انه اشتراها كسر زيرو علشان المخاطره

وقالى الحاجه اللى حصلت معاه انه غيرلها كبالن (هى موديل 2007 )

قررت اشتريها من التوكيل عملت استخاره ورحت لقيتها خلصت وقالى تنتظر اسبوعين

فكرت تانى وقلت بلاش مخاطره واشتريها كسر زيرو

دورت فى الاعلانات

اول عربيه اتصلت بصاحبها كانت عامله 28 الف كيلو وطالب 55 الف جى ال اى

اتصلت بصاحبها تخيل قالى ايه ... قالى هتاخد العربيه دى تعرف انها غلبتنى

قلت له ازاى ....قالى طبعا انت مستغرب ....قلت له انا مذهول....

قالى انا مش عايز اللى يشتريها منى يدعى عليا وعايزه يبقى عارف حقيقتها

قلت له ايه اللى حصل معاك ....قالى عطلت منى اكثر من مره وانا ماشى فى طرق سريعه

وكل مره كنت بحملها على عربيه نص نقل واوديها التوكيل يظبطوا الكمبيوتر

قلت له هل عملت اى حوادث ...قالى فابريقه بالكامل واستلمها منى فى التوكيل

طبعا بعد اتصالى بالبيائع الامين ده .....ترددت تانى فى شراؤها .

بس قلت جايز دى حاله فرديه ومش بتحصل كتير واقنعت نفسى تانى من كتر اعجابى الشديد


يوم تانى عملت استخاره ورحت سوق السيارات ....تخيل ....قابلت الراجل اللى كنت شفته فى

التوكيل من حوالى شهرين قبلها بنفس عربيته البى واى دى السوداء كان رايح يبيعها

فتحت الكبوت اتفرج شفت منظر الموتور جايب زيت من كل حته وهى عامله 52000 كيلو

عندنا لانسر موديل 98 عامله 170 الف كيلو ماشاء الله موتورها لايقارن بموتور العربيه دى

المره دى ... قلت معقول 50000 الف كيلويقضوا على عربيه دى تبقى الشاهين احسن

بدأت اصرف نظر على الرغم انى مازلت معجب ...لكن الفلوس جايه بتعب صعب نرميها فى شئ ملوش اصل

نسيت اقولك انى لما قابلت الراجل ى السوق معرفتوش انى انا اللى قابلته فى التوكيل

وسألته عن نوع العربيه

سكت شويه وقالى دى تويوتا ماليزى

مره تانيه قالى يعنى دى خليط من بى ام دبليو وميتسوبيشى

انا قلت فى نفسى يانهار ابيض انا حشترى عربيه معرفش حتى اقول للناس ماركتها..!!

..................

اعتقد انىتكلمت الكثير فى مشاركه واحده ...........فسامحنى

لكنى والله ما اردت الا النصح بما مر على من تجارب لعلك او لعل احد زملاؤنا هنا يستفيد منها

ولو اردت الاستفسار عن اى شئ يمكنك مراسلتى على الياهو .

[emad2002]

انا مش عارف اشكرك بأى طريقة على العموم انا متشكر جدا جدا
ربنا يكرمك على هذا الكلام والامانه بجد انا حشوف الظروف وحستنى شويه ربما
يكون فى حاجه جاية كويسه وتكون من نصبنا لعلمك انا طول عمرى بحب العربية اللى الظروف تجبها لحد عندى
انا اصلا بقالى 12 سنه بركب سويفت ركبت فى ال12 سنه 4 عربيات سويفت
وربما ان شاء الله تكون الخامسة خصوصا انى مش بحب الجرى بالعربية وبعرف كل حاجه عنها
وانت عارف اقل امتداد للسويفت هو اللانسر انا بحب الشغل اليابانى
وربنا يكرم واعرف اشترى حاجه عالية كويسه
يا مسهل على اتصال ديما يا ابو شريف

[ahmedalqat]

لا انا اشكك فى كل هذه الكلمات انا عندى العربية دى وشغالة الحمد لله زى الفل عملة 20الف لاغيرت كبالن ولا غيرة شوفو فيديو العربية على youtube انا لما كنت بروح بيها البلد كنت باكل مطبات جبال لكن مفيش الحمد لله خسائر فى العربية العربية وزنها 1575 يعنى اتزان على الطريق رائع موتور لانسر 1600 بقوة 108 حصان واتاكدوا بنفسكم من المواقع الاجنبية اختبار التصادم رائع أحسن من افيو واوبترا واقل من كورولا بحاجة بسيطة اوسع صالون وشنطة وحوض الموتور فى فئتها ايضا الاطول فى فيئتها الفرق بينها وبين اليابانى مثلا عربية كورولا اقبل ما تشترى العربية بتدفع عشرات الالف فى العلامة بس لانها شركة عريقةواسمها تقيل انما byd لسة شركة حديثة سعر علامتها رخيص رغم عن زلك الا انها جيدة لانها تعمل بمقولة ابتدى من اللى انتها عندة الاخرين شركةذى متسوبيشى بقلها قد ايه فى عالم السياراتتيجى شركة جديدة تاخد المنتج بتعها بمجرد اتفاقية بين الشركتين هى دى الصين هى دى الدولة النامية هى دى سيدة العالم القادمة باحلم بمصر تبقى زيها !أم الدنيا!

[mich_e_l2000]

انا كانت معايا العربية ...
اولا العربية مش وزنها 1575 كجم العربية وزنها 1200كجم
2-العربية مش 108 حصان العربية 98 حصان ودى خدعة من شركة الامل ..لو حضرتك دخلت على الشركة الام على النت هتاتقى مكتوب 73.5 نيوتن متر/6000لفة ولتحويل هذا إلى الحصان بتضرب فى المعامل 1.341 يديلك القدرة بالحصان 98 حصان وليس 108
3-الموتور فعلا ميتسوبيشى ولكن تقنية قديمة ودا ممكن تعرفة لو دورت بموديل الموتور اللى هو 4g18 ....ميسوبيشى متعودة تدى من زمان مواتيرها للشركات التانية بس مش اعلى تقنيات عندها...اعلى تقنيات بتخليها لموديلاتها الحديثة زى اللانسر الجديدة

مش معنى كلامى انى بقول ان العربية وحشة لأ بالعكس العربية قعدت معايا سنة ونصف ما شوفتش منها غير كل الخير....

[ابوشريف]

أخى د أحمد ..

يعلم الله ان كل كلمه كتبتها هى بالفعل بعض ماحدث معى

سؤال بسيط ليك د ميشيل ...أرجو الرد عليه

فى خلال السنه ونصف التى كنت خلالها تمتلك الاف ثرى

هل كنت راضى عنها ومستقر و مرتاح نفسيا مثل رضاك حاليا عن الهوندا سيتى

ولا كنت متشكك فيها و مش مطمئن ... ؟؟؟

[muslem]

والله هى معى من ست شهورو مبهدلها فى المطبات اللى في المنطقة عندى
و من غير ما اتكلم هى من انجح العربيات الاجنبية فى آسيا و مبيعاتها بتزيد كل سنة و زى ما انت يا اخى ابو شريف قلت انك لما رحت التوكيل قالوا اتباعوا فده حقيقي مش كدب ولة حاجة لانهم لو فضلوا يعملوا كده مع كل زبون مش حيبيعوا خالص!!
لانى اصلا استنيت شهر بحاله عقبال لما وصلت دفعة و اخترت واحدة كان فيها عيب فى الضفيرة و غيروا لى العربية كلها والحمد لله بوحدة تانيةانا اخترتها برضوة مش هم
و بخصوص المتور فهو من موديل 2007 يعني موديل لانسر 2007 السنةاللى فاتت يعني حاجة كويسة اوى بالنسبة لصيني و انا عامل بيها بالمناسبة لحد دلوقتى 12000 و عندى زميل لى عنده واحد برضوة وهو شاريها اول السنة و ماشية معاه والحمد لله مش بيشتكي منها بل بيحاول يطلع عيب لانه كل شوية يقول لى هى بتعمل كذا طب كذا ولة لا ولة عادى
بخصوص اللى فصلها ب52 ألف فده كتير مش خسارة ابدا على عربية عمرها فى السوق سنتين بس انا قلت تلاقي حتجيب له 40 ألف لانها مش معروفة
و كمان بالمناسبة كذا واحد ركب معى فيها قال لى ده الماني ولة ايه؟
علشان التقفيل
و بخصوص الزيت اللى كان مبوظ المتور فده عيب متور الميتسوبيشي الياباني بقي مش عيب العربية!!
و الكبالن بتبوظ برضوة ممكن بسبب عصرهم ممكن مش لازم بسبب العربية خصوصا انه كان من الممكن انه يغيرها بتويوتا و اذا باظت بقي يبقي العيب فى التويوتا برضوة مش العربية!!
يعني ول اخونا عماد اللى بيسأل انه ممكن يشترى صنى فهى احسن من حيث اعادة البيع لكن التفنيش وحش جدا بجانب البي واى دي لانى برضوة روحت شوفتها و اتقرفت مممن الصنى فى التفنيش بعد لما كنت شوفت البي واى دي
و برضوة قبل ما اشتريها عملت استخارة و طلبت التوكيل و كانوا اتباعوا كلهم برضوة حتى كان فى واحدة فقط لونها فيراني قلت ااخذها و خلاص قبل ما العربيات تغلى قال لى اللى فى المعرض اللى هو المدير فيه لا متاخذها لان فيها عيب
يعنى الراجل الصراحة مدبسنيش فيها
و بعد شهر وصلوا و كنت فى خلاله برضوة عمال الف على باقي العربيات و كلهم وقف شرائهم فى وشي لغاية لما وصلت البي واى دى و تم الشراء بسهولة و الحمد لله حتى بعد اختيارالسيارة المعيوبة فى الضفيرة غيروها لى و الحمد لله
يعني دي تجربتي حبيت احكيها فقط لا غير

[ابوشريف]

أعرفك أخى مسلم انى مازلت من أشد المعجبين بهذه السياره وأتمنى لها النجاح

بعض الأشياء فى نظرى التى كنت أرى عندما قارنتها بالنيسان صنى أنها أفضل

1- اليايات مثل يايات الكرولا ذات مسافه واسعه بين الحلقات مما يجعلها مرنه فى المطبات

بعكس الصنى الملفات بين الحلقات ضيقه جدا ( وده السبب اللى بيخليها تدب فى المطبات )

2- الفرامل الخلفيه أقراص مهواه مثل الاماميه وده نظام موجود فى الكرولا 1600

3- فرامل abs وده طبعا غير موجود بالصنى

4- الايموبليزر وايضا غير موجود بالصنى

5 - بعض الاهتمام بالتقفيل غير موجود بالصنى مثل الاطارات الفبر حول العجلات الخلفيه والتى تقى الشاسيه من الطين

لكن فى نفس الوقت تدور فى ذهنى أسئله كثيره

المواد المصنع منها الاجزاء المهمه فى السياره كمثال اليايات او الاكسات او الكبالن

هل نثق انها صنعت من الخامات الاصليه ذات الصلابه والكفاءه المطلوبه كما تصنعها شركه مشهوره

تخاف على سمعتها مثل تويوتا او نيسان او هوندا .....الخ

الالكترونيات المستخدمه فى نظام abs للفرامل والايموبليزر

هل تقنيتها صنعت بالكفاءه المطلوبه والتى تجعلنا نطمئن لها ..؟

بالطبع الايموبليزر من الاشياء المعقده التى يمكن لاى عطل بسيط فى دائرتها الالكترونيه ان يتسبب فى تعطل دوران المحرك

وايضا لو مكونات نظام ال abs الحساس كانت من مكونات رديئه فاذن ذلك سيكون خطيرا جدا

عندما تفحصت موتور السياره وجدت انه بالفعل مختوم ميتسوبيشى

لكن عندما دققت فى كل طلمبة الباور _ كومبرسور التكييف _ جهاز ال abs

وجدت عليهم كتابه باللغة الصينيه مما يرجح انهم صناعه صينيه

هذا ما استطعت رؤيته بالنظر لكن هناك مكونات داخل الموتور مثل الكرنك والسبايك وطلمبة الزيت والحساسات

والبساتم والشنابر وغيرها من مكونات داخل الموتور هل نضمن انها من ميتسوبيشى أم صينية الصنع ..؟

أتمنى أن يكون كل مايدور فى ذهنى مجرد وساوس وشكوك

ولا يبقى أمامنا الا الايام وحدها هى التى تستطيع البى واى دى من خلالها اثبات كفاءتها وازالة كل الشكوك حولها

أحد أصدقائى يقول لى دائما ان شراء المنتج الصينى حظوظ

وأرجو من الله أن يكون حظك جيدا أخى مسلم

[muslem]

أعرفك أخى مسلم انى مازلت من أشد المعجبين بهذه السياره وأتمنى لها النجاح

بعض الأشياء فى نظرى التى كنت أرى عندما قارنتها بالنيسان صنى أنها أفضل

1- اليايات مثل يايات الكرولا ذات مسافه واسعه بين الحلقات مما يجعلها مرنه فى المطبات

بعكس الصنى الملفات بين الحلقات ضيقه جدا ( وده السبب اللى بيخليها تدب فى المطبات )

2- الفرامل الخلفيه أقراص مهواه مثل الاماميه وده نظام موجود فى الكرولا 1600

3- فرامل abs وده طبعا غير موجود بالصنى

4- الايموبليزر وايضا غير موجود بالصنى

5 - بعض الاهتمام بالتقفيل غير موجود بالصنى مثل الاطارات الفبر حول العجلات الخلفيه والتى تقى الشاسيه من الطين

لكن فى نفس الوقت تدور فى ذهنى أسئله كثيره

المواد المصنع منها الاجزاء المهمه فى السياره كمثال اليايات او الاكسات او الكبالن

هل نثق انها صنعت من الخامات الاصليه ذات الصلابه والكفاءه المطلوبه كما تصنعها شركه مشهوره

تخاف على سمعتها مثل تويوتا او نيسان او هوندا .....الخ

الالكترونيات المستخدمه فى نظام abs للفرامل والايموبليزر

هل تقنيتها صنعت بالكفاءه المطلوبه والتى تجعلنا نطمئن لها ..؟

بالطبع الايموبليزر من الاشياء المعقده التى يمكن لاى عطل بسيط فى دائرتها الالكترونيه ان يتسبب فى تعطل دوران المحرك

وايضا لو مكونات نظام ال abs الحساس كانت من مكونات رديئه فاذن ذلك سيكون خطيرا جدا

عندما تفحصت موتور السياره وجدت انه بالفعل مختوم ميتسوبيشى

لكن عندما دققت فى كل طلمبة الباور _ كومبرسور التكييف _ جهاز ال abs

وجدت عليهم كتابه باللغة الصينيه مما يرجح انهم صناعه صينيه

هذا ما استطعت رؤيته بالنظر لكن هناك مكونات داخل الموتور مثل الكرنك والسبايك وطلمبة الزيت والحساسات

والبساتم والشنابر وغيرها من مكونات داخل الموتور هل نضمن انها من ميتسوبيشى أم صينية الصنع ..؟

أتمنى أن يكون كل مايدور فى ذهنى مجرد وساوس وشكوك

ولا يبقى أمامنا الا الايام وحدها هى التى تستطيع البى واى دى من خلالها اثبات كفاءتها وازالة كل الشكوك حولها

أحد أصدقائى يقول لى دائما ان شراء المنتج الصينى حظوظ

وأرجو من الله أن يكون حظك جيدا أخى مسلم

بص اخى ابو شريف فكرة ان الشركة ممكن تكون حطت مثلا اجزاء غير الاصلية فى المتور اظن دى مستبعدة لانها لما اشترت المتور اشترته من ميتسوبيشي و اذا غيرت فيه اظن ميتسوبيشي حتشيل قطعا العلامة لانه متغير و اصبح متور مش من صناعتها بل متغير يعني المفروض العلامة تتشال و يتحط ميتسوبيشي تكنلوجى زى ما محطوط فى البرلينس frv
بخصوص باقي الجزاء من مقصات و كبالن فهى ممكن تتغير بكرولا و ده اللى مميز العربية دى عن غيرها من الصيني يعني اقصد مينفعش اغير انا فى عربية اسبرانزا قطع يابانى بعكس البي واى دي يعني اشترتيت يابانى بس رخيص تمهيدا لشراء قطع يابانى اصلى علشان تكون العربية يابانى
و ده اللى اقصده من الموضوع كله لكن الصنى الفرق هوالتفنيش اللى ردئ جدا ف الصنى و خامتها برضوة
لكن قطع الغيار هى اللى تفرق انها ياباني عن البي واى دي لكن اللى يشتر البي واى دي يعمل حسابه انه يغير اللى حيغيره من قطع الى يابانى
بس اللى انا فهمته من حضرتك انك بتقول ان اللى قابلتهم كل واحد فيهم عنده عيب شكل يعني مش عيوب مشتركة اقصد انها ممكن تكون على حسب استعمال العربية
ان شاء الله تكون فهمت قصدى

[mich_e_l2000]

ابو عماد
انا امتلكتها سنة ونصف بس بصراحة العربية ماشوفتش منها غير كل خير
بس انا ماكنتش مستريح نفسيا خالص ...حاسس انها زى القنبلة الموقوتة اللى ممكن تنفجر فى اى وقت...عشان صينى والسمعة ..انت عارف طبعا...
كمان كنت خايف من مستقبل العربية خصوصا لما عرفت ان العربية اتمنعت نهائيا من دخول الاسواق الاوروبية والامريكية بعدما رقعت تويوتا قضية عليها وكسبتها ودا طبعا اكيد هيأثر على طموحات الشركة الام وخططها بالمستقبل لانة كان اهم اهدافها دخول السوقين دول...
قلقان كمان من الوكيل لان الوكيل لية سابقة مش كويسة مع عربية ايرانى اسمها سايبا وانا شوفت وسمعت بنفسى ....كنت مرة بالتوكيل بعمل صيانة الالف وواحد اتصل بالتليفون بيسأل على تنك بنزين للسايبا ....(كان طبعا سابوا التوكيل ) وطبعا لازم يوفروا قطع الغيار لسنين عشان الناس اللى سبق واشتريت منهم السايبا ...لاقيت الراجل بتاع المخزن بيسأل المدير ...
يا باشمهندس هو احنا عندنا تنك سايبا؟؟؟؟
لاقيت الباشمهندس العظيم بيقول من بعيد للراجل اللى ماسك السماعة ....نفض نفض ...ماعندناش
قلت فى بالى يا نهار اسود ...يعنى عشان الامل ساب السايبا يعذبوا الناس اللى اشتروا ...واية مصير الراجل اللى محتاج تنك لعربيتة ..اكيد العربية عاملة زى البيت الوقف دلوقتى
ففكرت لية مايحصلشى دا فى يوم من الايام مع البى واى دى...بعد سنة او اتنين ....
واقعد بقى ادور على بدائل ليها بالسوق ويبقى تمنها فى الارض خالص ...
زى العربية الصينى الماريو اللى كان واخدها الفرسان(رحمة الله) دلوقتى اصحابها مش لاقين حتى فلتر البنزين

لكن بصراحة لما اشتريت الهوندا استريحت نفسيا ..عربية ليها اصل وفصل ..يابانى ومعمرة جدا وسعرها فيها ...وحتى لو جة يوم ووقع الوكيل هتلاقى الف واحد برة بيبعوا قطع الغيار بتاعتها
لكت برضة لاجل الامانة العربية البى واى دى عربية كويسة ..فعدت معايا 10200كم كانت كويسة جدا
وانا بعتها للاسباب السابق ذكرها
وشكرا

[mich_e_l2000]

حاجة برضة انا نسيتها
انا من النوع اللى بهتم جدا بعوامل الامان اللى فى العربية
1- العربية مفهاش ebd زى ما هم بيقولوا ودى ممكن تعرفها لو دخلت على موقع الشركة الام
www.byd.com
2-العربية المفروض فيها abs وبالفعل فيها الجهاز دا لما تفتح الكبوت
لكن الواقع العملى غير كدة خالص ...العربية فراملها مش وحشة ومش حلوة يعنى لازم تكون حريص شوية وانت سايق ...انا عندى رينو كليو 2003 ومفهاش abs لكن اقولكم بمنتهى الامانة العربية الرينو فراملها اقوى بكتيييييييييير من البى واى دى
يعنى لازم وانت سايق تسيب مسافة كافية بينك وبين اللى قدامك عشان تدى فرصة للفرملة
والحكاية دى ممكن تختبرها بنفسك
abs المفروض انك لما تدوس فرامل جامد تحس بنبضات زى نبضات القلب فى دواسة الفرامل وتحس ان تسارع العربية بيقل جدا لما تبدأ النبضات دى ...والنبضات دى معناها ان الجهاز المسئول عن الخاصية دى بيبعت كميات مكنم الزيت اكتر من المعتاد للفرامل عشان العربية تقف
لكن للاسف الكلام دا مش موجود فى البى واى دى
فاذا كان الشىء السهل تجربتة مشموجود فأية اللى يضمنلى انة فى الحوادث لا قدر الله ...الايرباج تطلع؟؟؟؟مش يمكن تكون زى ال abs مجرد كلام وخاصية موجودة وخلاص
3- اية اللى يضمنلى ان العربية فعلا عفشتها تكون مصنوعة طبقا للمواصفات القياسية المطلوبة من الصلابة والمتانة...
كل الاسباب دى تخليك مش شاعر بالامان لا فى
1-القيادة الامنة خصوصا مع التحميل والسرعات
2-استمرارية الوكيل وتواجدة وبالتالى تواجد قطع الغيار
3-سعر اعادة البيع

[ابوشريف]

أخى د ميشيل شكرا جزيلا لك

مشاركاتك الاخيره فيها اجابات كثيره لاسئله كانت تحيرنى فى f3

وبخصوص فراملها

انا جربت f3 - gl وهى بدون abs طبعا

كنت حاسس بضعف واضح فى الفرامل .