مشكلة في byd f3 الزيرو عجلها بيصوصو

[osama102000]

السلام عليكم
أخواني الأعزاء أنا لسة شاري byd f3 وعملت بيها دلوقتي 300كم ولكن في 4 مشاكل عايز أسألكم عليهم
المشكلة الأولى : حسيتها من أول ما أستلمتها لغاية دلوقتي 300 كم بلاقي العربية وأنا ماشي على السلانسيه العجل بيعمل صوت (صوصوة) مستمر هههههه في الأول قولت لسة بتطبع لكن بقالي 300 كم والصوت بيزيد مش بيقل

مفيش صفارة وأنا ماشي على سرعة 30 مثلا أو حتى صفارة تيل مع الفرامل إنما فقط صوت صوصوة بسمعها وأنا مهدي خالص

فياترى ده سببه إيه التمبوره ولا التيل ويا ترى ده معناه إن التيل بيحك في التمبوره ويا ترى حلها إيه؟؟؟؟

المشكلة التانية: البنزين لما قرب يخلص لمبة البنزين نورت مرة واحدة مستمر ولما بطلت و دورت اللمبة طفت وما نورتش تاني إلا لما بطلت و دورت مرة تانية فإيه الهبل ده؟ حتى بقالي فترة مفول والأمبير ما بيتهزش مع إني ماشي كتير لسة النهاردة بادىء يتحرك .....هي العدادات دي مش دقيقة ولا إيه طيب الواحد يعتمد عليها إزاي؟؟!!!

المشكلة الثالثة : عندي مشكلة في الراديو مش جايب غير محطتين بس ومغروشين والإريال المفروض في الإزاز الخلفي صح؟!! طيب أعمل فيه إيه

المشكلة الرابعة : أنا شايف إن البطحات من جوا العجل مش متبطنة بقيبر إنما مدهونة بلاك دهان عشوائي شوية (حقير) طيب أكمل أنا دهان البلاك علشان البرومة وكده

[mazen56]

المشكلة الاولى بسيطة التيل عايز يصنفر بس .
المشكلة الثانية : بصراحة مش عارف دة عيب اية .
المشكلة الثالثة في الغالب الاريال مش ربوط كويس .
المشكلة الرابعة إزاي عربية جديدة كدة.
كل هذه الملاحظات دونها ولما تروح التوكيل لصيانة 1000 كيلو تبلغهم والمفروض تتحل

[osama102000]

فعلا زي ما حضرتك بتقول إزاي عربية زيرو كده؟؟؟!!!! والبطحات مفيهاش فيبر إنما مدهونة ببلاك إسود
معرفش هما بتوع الأمل دول بيتعاملوا مع الناس اللي بيشتروا عربياتهم على إنهم إيه؟؟ معرفش؟؟
ولا فاكرين نفسهم بيقفلوا عربية في عزبة على شط الترعة
رغم إن ركوبة العربية كويسة مقارنة بعربيات تانية لكن التاتش المصري الله يكرمه لازم يعلم ويبوظ الحاجة

المهم: لو سبت العجل على كده لغاية صيانة الألف عادي ولا أعمل إيه؟! أروح لعفشجي يفك الأربع تيل ويصنفرهم ولا يصنفر الطنابير؟

[osama102000]

نسيت أقول حاجة حرقت دمي في العربية رغم إن الكراسي جلد من نوع كويس وكمان مريحة ولونها بيج
إلا إن أرضية العربية كمان بيج طيب إزاي متخيل مهما نضفت جزمتك وجزم اللي هيركبوا معاك خلال كام شهر فرش الأرضية هيبقى شكله زبالة
المفروض الصالون البيج تكون الأرضية رمادي زي عربيات كتير فرشها بيج

إنما بالمنظر ده إنت مجبر إنك تركب فرش للأرضية وتدخل في حوار حل الكراسي وفرش القوايم والعتب

[osama102000]

[overline]جاوبوني يا جماعة أمال فين خبراء البي واي دي؟؟؟؟؟!!!![/overline]

صوصوة العجل النهاردة زيادة وبقت علطول مستمرة ليس في السلانسيه فقط إنما كل ما أقرب من جنب رصيف أو أهدي أسمعها شغالة بدون إنقطاع ( يخرب بيت التجميع المصري لعنة) دي مهياش أول عربية زيرو أركبها وعمري ما شوفت عربية كده إلا عربيات مر عليها 30 سنة

وبكرر ده مش صوت عند الفرامل إنما صوت وأنا ماشي علطول العجل بيصوصو

[tamertallat]

[overline]جاوبوني يا جماعة أمال فين خبراء البي واي دي؟؟؟؟؟!!!![/overline]

صوصوة العجل النهاردة زيادة وبقت علطول مستمرة ليس في السلانسيه فقط إنما كل ما أقرب من جنب رصيف أو أهدي أسمعها شغالة بدون إنقطاع ( يخرب بيت التجميع المصري لعنة) دي مهياش أول عربية زيرو أركبها وعمري ما شوفت عربية كده إلا عربيات مر عليها 30 سنة

وبكرر ده مش صوت عند الفرامل إنما صوت وأنا ماشي علطول العجل بيصوصو

متقلقش انا كان عندى نفس المشكلة بتاعة الصوصوة و اتحلت .. فى الصيانة قولهم و بتبقي تقريبا الصاجة اللى بتقفل على التيل .. الموضوع بسيط ماتقلقش

[peter magdy]

الف مبروك على العربية
و ربنا يديلك خيرها و يكفيك شرها
بالنسبة لل 4 نقط اللى حضرتك اثرتهم - مش هقدر افيدك غير فى واحدة انا متأكد منها
موضوع عداد البنزين
متعتمدش علية نهائى - هو منظر بس - بمعنى -
قبل ما باسافر مثلا بورسعيد بفول العربية من بنزينة بثق فيها او وطنية و افولها لحد الاخر علشان محتجش انى افول و من بورسعيد ولا من الطريق علشان البنزين المغشوش
لحد ما بوصل العداد مش بيتحرك من مكانة - كأنى لسة مفول - و لما اخلص مشاويرى و راجع - فى نص طريق الرجوع يبتدى يتحرك و العداد فى النص - مع التفويل و المتابعة مع الوقت اقدر اقولك ان العداد وهو فى النص تقريبا بيبقى فيها 10 لتر ممكن اقل او اكتر ب 2 لتر تقريبا
كان فى عضو هنا قال العربية مرة وقفت منة و معرفش السبب و مردتش تدور و نقلها على ونش للتوكيل و طلع فى الاخر مافيهاش بنزين و العداد تقريبا موصلش للنص
المشكلة تقريبا فى معظم العربيات لو مكنتش فيهم كلهم
الحل
و انت بتفول هتصفر عداد الرحلات و تمشى علية - التفويلة بتوصل لحد 500 كم تقريبا و حسب ظروف السواقة تكييف او زحمة
ف انت كل ما توصل لحد مثلا 450 كم فول او عايز قبل كدة برحتك
بس دا الحل - وانت فى التوكيل قلهم المشكلة بس متكنش مفول علشان ممكن يحلو التانك لو لقولها حل