مساعدة و مشورة لو سمحت

[أبو جودي]

ان شاء الله انا مقبل على شراء سيارة، عجباني اوي byd l3 الاتوماتيك 2015
و اللي معلقين منها اللغط الدائر حاليا عليها.
اللي يقول تصقيف مكنة و اللي يقول لازم بنزين 93 و اللي يقول فتيسها في مشاكل.
من متابعات للمنتدى هنا مش عارف اذا كان مفيد ولا لأ اني لغاية دلوقتي مش اشتريت اي حاجة و محلك سر.
لأني هنشتريها بالتقسيط و دافع فيها كل اللي معايا و سالف كمان بالتالي مفيش في جيبي مليم زيادة عشان اصرفه في تصحيحها خاصة أن انا من المنصورة و بيقولوا في الوكيل شعر هجاء عليها، انا قررت اشتري زيرو عشان كدا.
برجاء الاهتمام بالرسالة و الرد في سريعا
ولك جزيل الشكر

[ابو ياسمين]

الأخ الفاضل الدكتور / lonedoctor

أرجو ان تقوم بالرد على زميلنا المحترم ومساعدته بما انك تمتلك هذه السيارة بالفعل

وسيكون ردك عن تجربة فعلية اكثر اهمية ودقة من لو قمت انا بالرد

ولك تحياتى ولصاحب الموضوع تمنياتى بالتوفيق

**********

رابط لموضوع سيفيدك بالنسبة لمحرك السيارة والبنزين وباقى ادائها عموما رغم ان الفتيس مانيوال

http://www.nilemotors.net/Nile/43988...3-2015-l3.html

[أبو جودي]

من متابعاتي للمنتدى في قسم البي واي دي
دائما ما تكون سباق في الرد يا استاذنا ابو ياسمين و مساعدة الأعضاء.
لك كل الشكرالشكر، و اللهم اجعله في ميزان حسناتك.
و منتظر رد الفاضل الدكتور / lonedoctor
لاني على علم بأنه لا يبخل بالمساعدة

[hossam102000]

أخي الفاضل أنصحك نصيحة ممكن ناس كتير هنا يهاجموني بسببها بس أنا هقولك حاجة
لو خلاص هتشتري بي واي دي وأكيد طبعا إنت عارف عيوبها ومميزاتها إشتري مانيوال وإبعد عن الأوتوماتيك لإن واضح إن الأوتومتيك بتاعها فيه مشكلة في الفتيس وملهاش حل والله أعلم أنا مجربتش منها إلا f3 مانيوال ولازم
تراجع العيوب اللي إتقالت على العربية لو إنت متقبلها يبقى خلاص إشتري إنما لو مش هتقدر تتقبلها فشوف حاجة تانية
وفي التقرير اللي كنت كاتبه عنها في ميزة نسيت أذكرها وهزودها على الموضوع إن قطع غيار البي واي دي تعتبر ببلاش بالنسبة لقطع غيار عربيات تانية أنا بتكلم عن ال F3 ومعرفش عن ال L

[samer5000]

نصيحةغالية لا مانيوال ولا اتوماتيك
اللهم اني قد بلغت اللهم فاشهد

[hossam102000]

نصيحةغالية لا مانيوال ولا اتوماتيك
اللهم اني قد بلغت اللهم فاشهد

وأنا كمان مؤيد الكلام ده ولكن القرار يرجع إليك

[ehabpopo]

يا جماعة كل عربية وخاصة الموديلات اللى بتنزل في ماسر ام الدنيا وفيها عيوب ... الفكرة انك هاتقدر تتقبل العيوب اللى موجودة في العربية ولا لأ ...
وبعدين لازم نقارن العيوب بامكانيات العربية وسعرها
انا برشح المانيوال بردوا ... وال byd f3 عندى من 2011 ... والحمد لله صيانتها ممتازة ورخيصة وقطع غيارها copy من التويوتا كورولا ( ودى افضل ميزة فيها ) لان قطع غيار التويوتا بردوا مش غالية *
ومن وجه نظرى المتواضعة ايضا ... ان اسوء شىء قابلنى في عربيتى هو صاج العربية ... وده يمكن بردوا علشان انا بركن في الشارع ... والركنة في الجراج عامتا بتفرق مع اى عربية حتى لو مرسيدس
وربنا يوفقك في الاختيار ان شاء الله

[lonedoctor]

معذرة لتاخرى فى الرد وانشغالى الفترة السابقة
حقيقة انا مقيم بالسعودية ولم انزل اجازة منذ السنة الماضية والاهل كانوا معى ايضا خلال فترة الصيف والسيارة لم تمشى الا 500 ك للان ومركونة تحت البيت
ان شاء الله الاهل مسافرين خلال ايام وانا نازل بعد الحج ان شاء الله

فبالتالى لا استطيع ان اعطيكم راى دقيق ولكن فى المجمل الاهل مبسوطين جدا من السيارة سواء هدوء المحرك الشديد بحيث لا يمكن معرفة اذا كانت شغالة ام لا وثباتها الرائع فى الملفات اكتر من f3 والجير حتى الان يعمل بشكل جيد
تقبلوا تحياتى

[ابو ياسمين]

معذرة لتاخرى فى الرد وانشغالى الفترة السابقة
حقيقة انا مقيم بالسعودية ولم انزل اجازة منذ السنة الماضية والاهل كانوا معى ايضا خلال فترة الصيف والسيارة لم تمشى الا 500 ك للان ومركونة تحت البيت
ان شاء الله الاهل مسافرين خلال ايام وانا نازل بعد الحج ان شاء الله

فبالتالى لا استطيع ان اعطيكم راى دقيق ولكن فى المجمل الاهل مبسوطين جدا من السيارة سواء هدوء المحرك الشديد بحيث لا يمكن معرفة اذا كانت شغالة ام لا وثباتها الرائع فى الملفات اكتر من f3 والجير حتى الان يعمل بشكل جيد
تقبلوا تحياتى

أخى الفاضل / الدكتور :
lonedoctor

أنا أمتنعت عن الرد رغم ما يعرفه الجميع عنى وما أنعم الله به على عبده فى عمرى هذا من خبرة عشرات السنين

لأن أمانة الكلمة تجعلنى اقدم كلامك قبل كلامى

ليس فقط لأنك من ملاك هذه السيارة

فالأهم من هذا انك من المعروفين شخصيا لنا منذ سنوات طويلة كأعضاء قدامى فى المنتدى

ونعرف عن اخلاقك الكريمه ما يجعلنا نثق فيك وفى ما تقوله لنا

فى وقت اصبحت الثقة عملة نادرة بعد ان غرقت معظم اقسام المنتدى فى حرب التوكيلات

ردك الله واسرتك الغالية سالمين وحج مبرور بأذن الله

ولحديثنا هذا عند عودتك بقية اذا كان فى العمر بقية

ولا تنسانا بالدعاء

[lonedoctor]

ربى يبارك فى عمرك استاذ ابو ياسمين واشكرك على كلماتك الجميلة وادبك الجم
ولنا لقاء فى اقرب فرصة ان شاء الله

[ma7moud salama]

طلب مشورة

أخى الفاضل / الدكتور :
lonedoctor

أنا أمتنعت عن الرد رغم ما يعرفه الجميع عنى وما أنعم الله به على عبده فى عمرى هذا من خبرة عشرات السنين

لأن أمانة الكلمة تجعلنى اقدم كلامك قبل كلامى

ليس فقط لأنك من ملاك هذه السيارة

فالأهم من هذا انك من المعروفين شخصيا لنا منذ سنوات طويلة كأعضاء قدامى فى المنتدى

ونعرف عن اخلاقك الكريمه ما يجعلنا نثق فيك وفى ما تقوله لنا

فى وقت اصبحت الثقة عملة نادرة بعد ان غرقت معظم اقسام المنتدى فى حرب التوكيلات

ردك الله واسرتك الغالية سالمين وحج مبرور بأذن الله

ولحديثنا هذا عند عودتك بقية اذا كان فى العمر بقية

ولا تنسانا بالدعاء

السلام عليكم ورحمة الله
اخبار حضرتك ايه
عندي استفسار وبثق ف راي حضرتك
انا صرفت نظر عن المستعمل و هاجيب L3 اوتوماتيك
هل فيه جديد بخصوص التوكيل
كنت حضرتك قلت هتجيب نفس العربية ..... هل جبتها ولا لسه
بخصوص الفتيس انه بيتغيرله الزيت ومش dry ....ايه راي حضرتك في الموضوع ده
حاوﻻت ابعت لحضرتك ع الخاص بس مامكنش
منتظر راي حضرتك حتى لو برسالة ع الخاص