B Y D .....F3 2014 ot بعد ال 30000

[ehabbob11]

السلام عليكم ورحمة الله
كل عام وانتم بخير وعيد سعيد ان شاء الله
انا معي B y d 2014 اوتوماتيك عامله الان 30000
بصراحه العربيه الحمد لله تمام في حجات كتير
مثل الثبات علي الطريق السرعه المتانه
كان عندي مشكله مع العربيه من اول 1000
وهي الزوايه وعملتها في التوكيل وقالو تمام
العربيه كانت بتحدف يمين وانا علي الطريق
للبيت العربيه كانت تحدف شمال في صيانه
ال 5000 قولت نفس المشكله وقالو اتعمليت
والحمد لله كان فعلا في تغير وبقت تحدف
يمين تاني لحد العشره نفس الشئ وكان عندي
مشكله في التكيف وكل مره يقولو بتاع التكيف
غياب اليوم تعاله المره القادمه......
المهم رحت عملت الزوايه والتكيف بره التوكيل
والحمد لله تمام جدا حتي الان ...
سفرت مرتين بالعربيه المره اول مره رحت
بيها الساحل وكنت اول مره اسافره بالعربيه
وانا رايح كنت علي سرعه 120......140
كانت زي الفل الحمد لله .
وانا راجع كنت اتعودت اكتر عليها وكنت راجع علي 160
وكانت فوق الممتازه
بعد صيانه ال 20000 وال 25000
سفرة الصيف ده بس كان المشوار ابعد شوي كان حوالي
600 كيلو بعد ما وصلت بالسلامه بيومين نزلت ادور العربيه
لقيت في تعتيل شديد في العربيه وحجات كتير بططآ والمؤاشرات
البنزين وخلافه مهيسه ومرحله للخلف لفوق
رحت اجيب وصله بعدها بيشويه وقبل ما اعمل الوصله جربت اشتغلت العربيه لكن .....
في تعتيل شديد عند الدواره بعد العشر ايام في السفر وفي رحله الرجوع الحمد لله وصلت بالسلامه ...
من تاني يوم الوصول رحت اكشف علي البطاريه واحد والتاني قالو ان البطاريه راحت في دهيه جبت واحد جديده وفعلا راحت التعتيله وانا راجع قبل ما اوصل البيت لقيت العربيه سخنت والمآشر طلع لفوق قبل الاحمر ومره واحده نزل تاني
كان في صوت عالي في المتور قولت اشوف الشكمان فعلا لقيت العلبه الصغيره فتحت لحمتها اما السخونه موش عارف اعمل ايه فيها لاحظة ان المروحه بتشتغل متاخر وفي حاجه موش مظبوطه في العربيه معرفش ايه الكمبيوتر بتعها ولا ايه هل المشوار ده كان كتير موش عارف
للعلم كنت طول الطريق علي سرعه 120 علشان كنا مشين خلف اوتوبيس سياحه ..
اعمل ايه الكلام ده موش بيحصل في اي عربيه
شكمان بطاريه بعد 18 شهر حراره عاليه زوايه
علي العموم انا بحب العربيه دي ولكن لي طلب من التوكيل
برجاء الاهتمام بالعملاء يا سيدي الفاضل
انت ومن معكم من عماله بتحسسونا ان العربيه فاشله
كل ما اشتكي من شئ عندك يقول لي الموظف دي عربيه صيني يا بيه عاوز ايه يعني
شكرآ لكم واسف علي طول الرساله
.................................................. .....

[miam0502788391]

ربنا يصبرك
كل اللى اقدر اقوله لحضرتك متسيبش حقك

[mif]

رغم ان byd من انجح السيارت فى الصين و الامل حتموتها

[mido.83]

اهلا بك اخى الفاضل . اولا ربنا يباركلك فيها ويكفيك شرها . بالنسبة للسفر انا شغال بيها فى شغلى ويمكن دايما على سفر والعربية مشاء الله ثبات وسحب الله اكبر وهى عاملة معايا دلوقتى 42 الف كيلو بس فى شوية مشاكل فى العربية عاوزة تتظبط وكل شىء هيكون تمام منها علبة الشكمان وكل ما الحمها واسافر بيها مشوار مثلا 150 كيلو ترجع تتفتح من مكان تانى وصوت العربية طبعا بيغير وبيقى عالى . تانى حاجة مشكلة الفتيس الاوتو انها بين الغيار الاول والتانى العربية بتقعد تصقف وترعش وبتسمع صوت كركبة عالى وانت بتهدى عند مطب مثلا طبعا بتهدى بتلاقى العربية نزلت للغيار الاول وهنا تحدث مشكلة التسقيف . باختصار هذا التوكيل الفاشل هايضيع العربية لا وبيقولك جوا التوكيل دى عربية صينى ههههه حتى الناس اللى جايبها مبرشمين واللهى لو سمعتهم شركة بى واى دى لاتنوفخهم وتسحب منهم التوكيل . نهاية الكلام مش هاينفع اللى احنا بنعمله لازم وقفة ونشتكى للشركة الام . وياريت الاخوة اللى بيدخلو علشان يتفرجو على المواضيع ياريت يشاركو وميبقوش سلبيين