مشكلة فى السحب

[melsheshtawy]

إخوانى الأعزاء
بدأت عندى منذ فترة ظهور مشكلة فى عربيتى وهى إنى لما بكون ماشى بسرعة وأكبس بنزين ألاقى العربية مافيش أى إستجابة للدوسة وبمجرد ما أشيل رجلى من على البدال وأرجع أشعرلها بنزين ترجع تسحب كويس والموضوع ده مش مستمر وبيظهر على فترات
دلوقتى الموضوع معدلاتة بتزيد وجربت أزود بنزين وأنا واقف بلاقى الآر بى إم بيوصل 3000 ويثبت مهما أدوس وشوية 4 مهما أدوس وشوية يكمل عادى جدا معايا كأن مفيش حاجة
أنا لسه عامل صيانة كاملة فى العربية 60000 ميكانيكا وكهرباء بس أنا فى الأول كنت بربط الموضوع بسدد فى فلتر أو بوجيهات تعبانة إنما دلوقتى كل العوامل دى أنا مستبعدها ... حد عندة أى خبرة يفيدنى بيها فى الموضوع ده

[Mecha]

ممكن طرمبه ,شوفها مسجله ايه

[melsheshtawy]

ممكن طرمبه ,شوفها مسجله ايه

أخى الكريم .. متشكر لأهتمام حضرتك بالرد لكن ممكن توضحلى إيه المقصود ب"مسجلة إيه"
هوا فعلا فى كذا حد إتكلم عن الطرمبة بس إزاى أتأكد لأنى مش عاوز أدفع 500 جنية طرمبة وبعدين تطلع حاجة تانية

[Mecha]

مسجله يعني اكواد هتلاقيها بالاسكنر لو مشكلة حساسات. الطرمبه هتزود اكسيراتير وتشوف لما بتجيب 4000 rpm او فوق بتبتدي المكنه تخسع.فلتر الهوا بردك. وممكن تحل خرطوم البنزين وتجس ضغطه لازم يعدي 2 بار ومتقدرش تكتمه.بردك الشراره شديده ولاضعيفه.رغم ان 60,000 كم قليل علي طرمبة او موبينه محترمه .اللي ممكن يقع في الكم دا حساس الاكسجين.

[melsheshtawy]

مسجله يعني اكواد هتلاقيها بالاسكنر لو مشكلة حساسات. الطرمبه هتزود اكسيراتير وتشوف لما بتجيب 4000 rpm او فوق بتبتدي المكنه تخسع.فلتر الهوا بردك. وممكن تحل خرطوم البنزين وتجس ضغطه لازم يعدي 2 بار ومتقدرش تكتمه.بردك الشراره شديده ولاضعيفه.رغم ان 60,000 كم قليل علي طرمبة او موبينه محترمه .اللي ممكن يقع في الكم دا حساس الاكسجين.

أشكر حضرتك جدا للمرة التانية .. إللى فهمته كده إنى لازم أكشف على جهاز كمبيوتر لأن فعلا زى ما حضرتك بتقول الإحتمالات كتيرة فهل حضرتك تنصح بحد عندة جهاز كمبيوتر كويس وبيفهم فيه وده المهم ولا أشترى نفسى وأروح التوكيل

[Mecha]

انا حاليا معرفش حد معين ,وحسب ميزانيتك ميكانيكي كويس باسكنر او الوكيل.

[shaky]

شوف حساس tps واتأكد منة

[ehabpopo]

ممكن تشوف الاسطى حمدى الفنى ... عندة الجهاذ وفاهم كويس جدا في العربية ....
وده تليفونة ... 01065229825 ممكن تتواصل معاه ... وممكن تروحلة في مركزة ... هاتستفاد ان شاء الله