السيد الفاضل ابو ياسمين

[ابو اياد ونيرة]

عندى مشكله كتبت عليها فى البي واى دى ارجو متابعتك معى لكى اصل لحل لانى من اسوان وهى بخصوص الفتيس الاتوماتيك لل ال3

[ابو ياسمين]

عندى مشكله كتبت عليها فى البي واى دى ارجو متابعتك معى لكى اصل لحل لانى من اسوان وهى بخصوص الفتيس الاتوماتيك لل ال3

قرأت الأن عن المشكلة وهى بخصوص النقلات الفردية 1-3-5

وهناك مجموعتان من التروس فى الفيتيس أحدهم للفردى والأخرى للزوجى 2-4-6
ولكن هل تحدث المشكلة مع أستخدام الوضع d أو s أو فى الحالتين معا

على العموم يجب ذهاب السيارة للتوكيل وعدم اصلاحها خارجه بأى حال حتى لايسقط الضمان

ولأن التوكيل مسؤل مسؤلية كاملة عن اصلاح الفتيس أو تغيره أذا لزم الأمر

ولكنى للأسف لا اعرف احد اطلاقا فى توكيل القطامية

لأنى طول فترة الضمان قمت بعمل جميع الصيانات فى مركز الأسكندرية

ولكن أذا ارسلت لى على الخاص بيانات السيارة سأرسل شخص من عندى للقطامية لحجز موعد للصيانة

وأبلغك على المنتدى فى نفس هذا الموضوع

ووفقك الله

[ابو اياد ونيرة]

الف شكر

الف شكر لردك السريع استاذ ابوياسمين وهذا المتوقع من شخص مثلك والمشكله حصلت مع فى الوضع d والوضع s ولكن الغريب ان اليوم اشتغلت العربيه بوضع طبيعى وبازن الله اول مهتحرك من اسوان سوف ابلغ حضرتك بالميعاد وانا اسف لاطالتى عليك ولو ممكن رقم موبايل لحضرتك على الخاص ولك جزيل الشكر على اهتمامك

[ابو ياسمين]

الف شكر لردك السريع استاذ ابوياسمين وهذا المتوقع من شخص مثلك والمشكله حصلت مع فى الوضع d والوضع s ولكن الغريب ان اليوم اشتغلت العربيه بوضع طبيعى وبازن الله اول مهتحرك من اسوان سوف ابلغ حضرتك بالميعاد وانا اسف لاطالتى عليك ولو ممكن رقم موبايل لحضرتك على الخاص ولك جزيل الشكر على اهتمامك

الحمد لله على الأنباء الطيبة ويسعدنى ان السيارة تعمل الأن بصورة طبيعية

ولا شكر على واجب وكلنا فى المنتدى أصدقاء وأخوة

[Brightone]

ابو ياسمين فعلاً شخصيه محترمه ودى مش مجامله دى حقيقه

[mido.83]

اهلا بك اخى الكريم . عليك الذهاب الى التوكيل فورا بعد حجز ميعاد لكى يتم تصليح المشكلة باذن الله . هذه المشكلة حدثت معى فى f3 اوتو وذهبت الى التوكيل وتم حل المشكلة بدون اى مقابل واى استفسار انا تحت امرك

[ابو ياسمين]

ابو ياسمين فعلاً شخصيه محترمه ودى مش مجامله دى حقيقه

ياأخى الفاضل شرفتنى بكلامك الطيب وبارك الله فيك ولك خالص تقديرى واحترامى

[ابو اياد ونيرة]

الف شكر

شكرا على اهتمامك استاز/ ميدو وتم حل مشكلتك في اى مركز صيانه بالظبط مع العلم ان السيارة الان تعمل بوضع طبيعى فيما عدا مشكله التسقيف وهل تم حلها فى التوكيل ولا ايه ولك جزيل الشكر

[mido.83]

اهلا بيك استاذ ابو اياد تم حل المشكلة فى مركز القطامية . والحمد لله ان مشكلتك انحلت لوحدها بس خد بالك ان المشكلة 90 % ممكن ترجع تانى لان انا فى وقت المشكلة لما كانت معايا مرة او مرتين دورت العربية وكانت المشكلة مش موجودة وبعد كدة ظهرت تانى وتم حلها بالتوكيل القطامية بدون مقابل انا انصحك بانك تروح بردو حتى لو المشكلة مظهرتش تانى يكشفولك على الفتيس لان زى ماقولتلك ممكن تحدث فى اى وقت تانى . فارجو منك الاسراع فى الذهاب حتى يطمن قلبك . اما بالنسبة للتسقيف فانا محضر شكوى تاريخية للشركة الام فى الصين وان شاء الله انا بهجهز فيها انت عارف لازم ابعتها انجليزى علشان البهوات بتوع التوكيل مكبرين دماغهم واهم حاجة يبيعوا وخلاص وانا اوعدك يااستاذى الفاضل ان هذه الشكوى سوف تاتى بثمارها لملاك هذه السيارة الرائعة حقا ولكن وجود توكيل نصاب وفاشل مثل هذا التوكيل سوف يؤدى بهذه السيارة الى الهلاك لذلك لقد طلبت من ملاك هذه السيارة ان نتكاتف ونقف معا لحل هذه المشاكل والاخوة لاحياة لمن تنادى للاسف متفرجين فقط وشكرا لك واى استفسار انا تحت امرك

[ابو اياد ونيرة]

استاز ميدو

تمام ياستاز ميدو وانا معاك ياريت نوصل لحل والله الموفق المشكله انا مشوارى بعيد انا من اسوان وجاى يوم التلات انشاء الله كنت عايز اعرف ازاى احجز فى التوكيل ياريت حضرتك تدلنى لانى تلفوناتهم مش بترد ومش هقدر اتاخر فى القاهرة كتير لظروف عملى هى المشكله لما حضرتك حلتها اخدت وقت ولا ايه ومشكور جدا على اهتمامك واسف للاطاله

[mido.83]

ان شاء الله الموضوع هياخد تقريبا ثلاثة ايام واعمل حسابك انك هاتسيب العربية عندك حل من اتنين ياما هاتسيب العربية وترجع لعملك ياما تقعد فى القاهرة اليومين دول هما لما يخلصو العربية هيكلموك على طول بالنسبة لرقم التليفون هاجبهولك النهاردة ان شاء الله

[ابو ياسمين]

عزيزى mido.83

أرجو ان تشرح لنا ماهى أسباب المشكلة بالتحديد وكيف تم اصلاحها لتعم الفائدة

ولك جزيل الشكر

[mido.83]

السيد الفاضل ابو ياسمين كل التحية لحضرتك ولمساعدتك لكل الاخوة الكرام . بداية سوف اقول لك ماحدث معى بالفعل . انا كنت ماشى بالعربية عادى جدا وجيت عند مطب وانا بهدى علشان اخد المطب وانا بعديه سمعت صوت ضربة شديدة جدا لدرجة انى افتكرت انى اكلت المطب مع انى كنت واخد المطب بالراحة جدا كان واحد صاحبى قاعد جنبى قولتلك ايه ده قالى انت كلت المطب قولنله ازاى يعنى المهم وقفت بطلت العربية وروحت اشترى ورجعت بدور العربية لقيت لمبة اسمها svs اللى لونها برتقالى شغالة تطفى وتنور مشيت بالعربية مشيت معايا عادى لكن كانت هنا المشكلة ان الغيار بتاع العربية مش بيدى الغيار الفردى زى الاخ ابو يارة كدة ولمبة svs مابتفصلش . روحت اتصلت بالتوكيل وقالولى تعال فورا روحت واستنيت دورى طلعلى واحد فوق فى الاسترتحة اللى بنقعد فيها قالولى سبلنا العربية وامشى انت ولما تخلص هانكلمك قولتله الموضوع هايطول راح قالى ان شاء الله خلال ايام وهانكلمك وفعلا قعدت 3 او اربع ايام وبعد كدة قالولى تعال استلم عربيتك خلصت . بينى وبينك ياابوياسمين كنت منتظر ان هما يقولولى مبلغ وقدره روحت قالولى روح الحسابات استلم عربيتك قلبى سعتها انقبض وكنت بقى مستعد للخناقة هههههههههه روحت لقيته بيدينى وصل انى استلم بيه العربية لاقول للراجل ياعم كام قالى مفيش حاجة يعنى ايه روح استلم عربيتك واتوكل على الله بصراحة مكنتش مصدق وقولتله ايه اللى حصل قالى تم تغير الفتيس بالكامل واخدت العربية ومشيت

[ابو ياسمين]

الأخ الكريم أ / mido.83

أشكرك على انك نقلت لنا تجربتك والحمد لله انها انتهت على خير

وان التوكيل قام من نفسه بتغير الفتيس دون تكلفه او مشاكل

واتمنى ان يواصل التوكيل هذا السلوك الطيب مع جميع عملائه

ولا يجبر احد على الشكوى للشركة الأم

ولزميلنا الفاضل ا/ ابو اياد

من واقع هذه التجربة فمن الواضح انه يجب عدم التهاون فى ذهاب السيارة للتوكيل فورا لو تكرر هذا العيب

ومن الأفضل الذهاب من الأن للفحص والأطمئنان

والله الموفق ولكما تحياتى

[ابو اياد ونيرة]

"""

انشاء الله هكون فى القاهره يوم الاتنين وهروح التوكيل التلات او الاربع على حسب الحجز فى انتظار أ/ ميدو يجيب رقم حد فى التوكيل عشان احجز ولكم جزيل الشكر لاهتمامكم