باور الدريكسيون بقا تقيل

[peter magdy]

مساء الخير على احلى شباب فى المنتدى
وحشتونى جدا - ووحشنى القعدة معاكو - و نفسى نتجمع زى زمان
----------------
معايا عربية byd f3 2013 ماشية 26.000 كم
دلوقتى الباور بقا تقيل عن الاول اللى خلانى اخد بالى من الموضوع دة
صديق ليا اشترى عربية جاى s3 و قعدت معايا كام يوم حسيت بفرق الباور
و لما ركبت عربيتى لقيتة تقيل - يعنى لو لفيتة لاخر الشمال و لاخر اليمين مرتين ورا بعض بحس انى عضلة ايدى كأنها لعبت تمرين حديد خفيف
الزيت على الماكس و بزودة
هل ممكن يكون عايز يتغير مكان اللى موجود - لان عرفت انة بيتزود بس
ولا كدة اية المشكلة
شكرا

[shaky]

اولا انك تقارن بارو عربية بعربية تانية غلط لان كل شركة لها مقياس كمان مساحة العربية والعفشة والكاوتش ولو عايز تتاكد روح لميكانيكى يشوف زيت الباور والاسكترا

[أبو_يوسف]

حصلت معايا في سيراتو وبالكشف تبين وجود رواسب على مصفاة صغيرة في طرمبة الباور وبتنظيفها الباور رجع خفيف جدا
وعلى فكرة غيرت الزيت بنوع كويس امريكي بس مش فاكر اسمه ..

[peter magdy]

اولا انك تقارن بارو عربية بعربية تانية غلط لان كل شركة لها مقياس كمان مساحة العربية والعفشة والكاوتش ولو عايز تتاكد روح لميكانيكى يشوف زيت الباور والاسكترا

متشكر لاهتمامك
اللى خلانى افتح الموضوع لان عربيتى كانت كدة لما كانت جديدة - بنفس النعومة
لكن علشان بركبها على طول و التقل زاد حتة حتة - كنت حاسس بتقلة فمكنش فى بالى
لما ركبت الجديدة اللى مع زميلى عرفت ان كدة عندى مشكلة - بس كدة

[peter magdy]

حصلت معايا في سيراتو وبالكشف تبين وجود رواسب على مصفاة صغيرة في طرمبة الباور وبتنظيفها الباور رجع خفيف جدا
وعلى فكرة غيرت الزيت بنوع كويس امريكي بس مش فاكر اسمه ..

هعدى على الميكانيكى و هسألة
ولو هغير هشترى زيت والف - بغير عندهم زيت فيتيس - بيخلى العربية حاجة تانى
الف شكر لحضرتك

[ehabpopo]

ازيك يا بيتر .. اخبارك اية ؟ يارب تكون بخير
ابقى طمنا يا بيتر عملت اية في موضةع الباور .. ماتنساش

[peter magdy]

ازيك يا بيتر .. اخبارك اية ؟ يارب تكون بخير
ابقى طمنا يا بيتر عملت اية في موضةع الباور .. ماتنساش

الله يسلمك يا استاد ايهاب . ليك وحشة انت و باقى الجروب الحلو
فى جروب على الفيس بأسم عصام غنايم
انا اول المشتركين معاه و الراجل ده بيتكلم كلام حلو و عملى و فاهم شغله صح
المشكله لما تيجى تسأل الناس على زيت الباور كله اجمع انه بيتزود بس . لكن بينى و بين نفسى اكيد ده اى زيت بيجى عليه وقت و خواصه بتبوظ
فلقيته عامل فيديو بيشرح الموضوع ده
ان الزيت المفروض ان لونه احمر شفاف لكن اللى موجود لونه اسود . فده اللى بيعمل تقل فى الباور
غير انه شارح بالفيديو ازاى تنظف الاربه بتاعه الزيت و كمان تنظف بواقى الزيت القديم من الدوره
المشكله اللى مقبلانى انى مش عارف نوع الزيت اللى اشتريه
لان كل عربيه و ليها زيت مخصوص و مسكت الكتالوج اشوف فيه اى تفاصيل عن الموضوع ده للاسف مش لاقى غير زيت الماتور و الفتيس
انا كده مستنى النوع الصح و بعد كده هشتريه من والف و اغيرة
.......
هل فى حد يعرف نوع زيت الباور بالظبط او ارقامه

[أبو_يوسف]

لو انت قريب من مدينة نصر .. روح لعبده باور في الحي السادس .. شاطر وفاهم
والزيت اللي غيرته اسمه جانك تقريبا ولونه ابيض مش احمر
وسبب الرواسب الشحمية دي اني كنت زودته بنوع اي كلام
وابقى طمنا بقى عملت ايه

[peter magdy]

لو انت قريب من مدينة نصر .. روح لعبده باور في الحي السادس .. شاطر وفاهم
والزيت اللي غيرته اسمه جانك تقريبا ولونه ابيض مش احمر
وسبب الرواسب الشحمية دي اني كنت زودته بنوع اي كلام
وابقى طمنا بقى عملت ايه

ممكن عنوانه بالتفصيل او رقم تيلفونه
اصل كنت عايز اجيب زيت والف و احطه بس المشكله ان موديل الزيت او اسمه محدش عارفه
فممكن اروح لعبده باور
بس هيخلع الاربة و ينظفها و ينظف باقى الزيت اللى موجود و الشغل ده
انا متشكر جدا يا ابو يوسف على اهتمامك