Tweet
اياكم والبى واى دى لاf3 ولا l3 والله اقسم بالله كنت فى معاناة معاهم من 2011 الى ان وفقنى الله وبعت العربية الرمة دى لا تشتروا منتجات شركة الامل توكيل .............. حرامية ونصابين ومعندهومش حاجة اسمها صيانة نضيفة وشغل محترم وغير كدة معندهومش حاجة اسمها ضمان اول ما تخرج من المعرض يقولك الضامن ربنا احنا بنصلح بفلوس واللى عاوز يتقرص يجرب بس افتكرنى انى نصحتك
-
-
الف شكر للتنبيه
بس ايه نوع المعاناه يعني كلنا عارفين ان التوكيل تعبان بس الناس بتشتري العربيه لانها من اكثر العربيات الصيني احتراما وسهله وصيانتها الناس كلها عامله حسابها انها تشتريها وتصينها برا.
هل قصدك ان العربيه كان فيها عيب وكانوا بيتهربوا منك؟ ياريت توضح اكتر
والحمد لله انك خلصت منهم -
انا معاك ان توكيل الامل توكيل زباله فى كل شئ امبارح لينا زميل فى المنتدى طالب نصيحه مقارنه بين byd وسينوفا والانفى وفهمته توكيل الامل زفت والقصراوى بيخلع من اى مسئوليه وقلتله احسن الموجود فى السوق غبور تعرف تاخد حقك منه لانه هيخاف على سمعته لكن الامل من زمان نصابين والقصراوى مش عايز شهره الراجل تهمه الفلوس وبس وفى الاخر الزميل يقولى السينوفا كويسه والقصراوى توكيل محترم طيب لما حضرتك واخد قرار عايز راى الاعضاء ليه على ؟ احنا اللى بنعمل فى نفسنا كده كل العربيات اللى بتنزل مصر زبالة العالم وبواقى المصانع يبقى لما اجى اشترى اجيب عربيه جديده وراها توكيل قوى تقدر تتفاهم معاهم مش شوية بلطجيه ويقولك روح اخبط دماغك فى الحيطه لانه عارف ان الدوله نايمه والقضاء مش ناجز يعنى ممكن الورثه بعد عمر طويل جدا ياخده تعويض التوكيلات دى بتلعب على نقطة القضاء مشوار طويل دى سكه او تاخدشوية بلطجيه يجبولك حقك بايدك ده حال مصر دلوقتى خد حقك بزراعك قانون الغابهComment
-
مفيش حاجة اسمها ضمان في مصر اهم حاجة العربية مفهاش عيب صناعة لحد 5000 كم ولا ليه اي تلاتين لازمة الضمان .
نصابين عيني عينك والمهندس يشتغلك وانتا عارف انه بيشتغلك ههههه العربية بتاخد 4 كيلو زيت التوكيل يحط 5 كيلو او 4 الله أعلم المهم انك هتحاسب على الخمسة . احسبها بعقلك تروح لحد بيشتغلك وانتا عارف انه بيشتغلك ولا تشغل الحد الى انتا عاوزة في عربيتك :) انا بحسبها كدا .Comment
-
انا بعد 20 الف كيلو خلعت من توكيل سعودى لانهم مفيش حاجه غير غيار الزيت والفلتر كل 10 والغريب ان الكتالوج بيقول غيار زيت وفلتر كل 5 الاف والزيت بيقوله موبيل وان طبعا زفت وكده كده مفيش حد بيشوف الورشه من جوه تحس انها اسرار عسكريه شديدة السريه والخطوره كل التوكيلات فى مصر زفت وحراميه علشان كده مفيش امل فى اى توكيل اتعود على السرقه والنصب على الناس تفتكر دول ممكن يبقو محترمين ويراعو ربنا مستحيلComment
-
اعتقد انه الاسلوب لا يليق بالمنتدى اخى الفاضل
يمكنك الاعتراض والنقد بشكل مهذب
معى
byd L3 ولم اذهب للتوكيل الا فى صيانة الالف فقط وبعد ذلك مع نفسى
اهم شى تغيير زيت الجيربوكس الاوتوماتيك للحفاظ عليه
فيما عدا ذلك السيارة رائعة واعتمادية ماشاء اللهلعمرك مـا الإنسـان إلا بدينـه فلا تترك التقوى اتكالاً على النسب
فقد رفع الاسلامُ سلمـانَ فـارسٍ وَقَدْ وَضَعَ الشِّرْكُ الشَّرِيْفَ أَبَا لَهَبْComment
-
-
السلام عليكم
معي f3 2015 أو توماتك
الحمد لله العربية معقولة
طبعآ مش ممتازة
حصل موقف مع التوكيل يا ريت تهتموا بكلامي هينفعكم كتير
قبل ال20 ألف بفترة بدأ تخبيط في المساعد الأمامي
رحت التوكيل قالوا تمام كله تمام
و معرفش عملوا أيه الصوت أتكتم عشرة دقايق على ما بعدت عن التوكيل و رجع تاني
رجعتلهم تاني و للأسف أكدلي المهندس المسئول أن الصوت طبيعي
كانت خبطة لما بأنزل من مطب لكن لما أطلع مطب صناعي مفيش صوت
يعني المساعد بيفتح بسهولة لكن بيعلق وقت القفل
و للأسف المهندس جاري من سنين في نفس العمارة
وصلت أني هأتخانق معاه
المهم بعد محاولات مشيت
و كتبت الكلام ده قبل كده في المنتدى
بعد خروج العفشة من الضمان رحت تاني و قلتلهم على نفس العيب
كان صاحبنا ساب الشغل
و واحد معرفة قالي أعمل أيه
رحت قابلت المهندس و قلتله على العيب
قالي العفشة خرجت من الضمان لتجاوز ال 20 ألف
رديت بأن العيب مذكور في كارت المتابعه كذا مرة قبل كده و ما أتصلخش و لو ما أتصلحش هأروح أقدم شكوى في حماية المستهلك
و للأمانه حصل موقف بدون ترتيب الله أعلم ممكن ده ساعد
جالي تليفون من أبن أختي وكيل نيابة و أنا بأتكلم مع المهندس فهم من المكالمة طبيعة عملة لأن كان في قنبلة يومها في محكمة
المهم قلتله روح لمدير الورشة بلغه أني ناوي أعمل مشكله
و قد كان
صلحوه كالعاده مش راضي يتصلح و خرجنا كام مرة بره التوكيل نجرب و مفيش فايده
مدير الورشة قاله أصرف مساعد جديد من المخزن و ركبه و جرب
الصوت أتمنع و الحمد لله
دفعت بس تكلفة الصيانة العادية
موضوع حماية المستهلك ده عسلللل
الناس هناك بتحب تخدم
أبعتلهم فاكس بصورة الفاتورة و همه هيكلموك
و هوب تلاقي الدنيا وقفت على رجل
لأنهم محامين و حكومة و فاضيين
الشركات بتعمل حسابهم
أنا لجأتلهم من فترة بخصوص غسالة أطباق أيطالي عطلت في الضمان و رفض التوكيل يصلحها
التوكيل صلحها و دفعت مبلغ بسيط بالتراضي و أتصلوا بيا تاني يؤكدوا أمن التوكيل حل المشكله ممكن يجرجروهم ف المحاكم فعلآ
أرجو أن أكون أفدتكمطباعة كتالوجات - أستيكر - تكت - دفاتر - بوستر - علب
01110107705
التسليم عموم جمهورية مصر العربيةComment
-
الضمان فى مصر حبر على ورقComment
-
على فكرة الاخ lone doctor دة موظف فى شركة الامل من سنين وانا اتعرفت علية وعامل نفسة زبون ههههههههههه زى عماد حبيب ههه كلهم بيرموا الموظفين بتوعهم على النت علشان يحسنوا من صورة عربياتهم وفى الاخر صاحب الشركة يقولك يعملوا زى ما هما عاوزين العربية كل يوم بتبيعComment
-
الحمدلله انى لقيت الموضوع احسن فى زميل لينا كاتب شعر وغزل فى شركة الامل اللى اعرفه ان خيبة الامل راكبه جمل ؟الله يرحمك ياامىالمشاركة الأصلية كتبت بواسطة mozart face777 مشاهدة المشاركةComment
-
المهم ان الراجل اللى اسمة lone doctorدة عندة ياخى نفس وجهد انة يقنعك انة عايش سنين عمرة فى السعودية وانة اشترى عربيتين بى واى دى نظرا لاعجابة الشديد بها وبجمالها وانى ميقدرش يستغنى عن ماركة البى واى دى وانة بيحبها اكتر من الbmw هههههههههههههههههه وهو شغال فى خدمة العملاء فى الشركةComment
-
انا ملاحظ ان فى ناس بيدافعه عن نوع عربيات كانه فى حالة حرب ؟وانا مقتنع ان اى عربيه جديده او قديمه ليها مميزات وعيوب لكن ما ينفعشى ندافع باستمرار والبهوات اللى فى المنتدى وكل وظيفتهم التهليل والتطبيل لشركات وفة الاخر شغال فى خدمة عملاء ياريت ادارة المنتدى تستبعد او تحقق من الاعضاء المنتمين لشركات السيارات لان كده فى خداع المنتدى مؤسس على ملاك السيارات وتجاربهم ياريت نايل موتورز تلاحظ الموضوع ده وشكراالمشاركة الأصلية كتبت بواسطة mozart face777 مشاهدة المشاركةComment
-
يا راجل يا طيب علشان عندك مسالة شخصية مع شركة الامل تكذب وتدعى على الكلام ده
حسبى الله ونعم الوكيل فيك
كل من يريد ان يتاكد من شخصيتى يراسلنى على الخاص ابعت له رقم تليفونى فى السعودية واتصل بيه شخصيا كمان
انا اسمى د.شريف
طبيب استشارى باطنة
وليس لدى نيه لتغيير الكارير من الطب الى موظف خدمة عملاء فى شركة الامل
ربنا يسامحهم بتوع شركة الامل اللى خلوا الناس يتكلموا عليهم وعلي السيارة بالشكل ده
وانا باقولك يا ذكى انا بطلت اروح للشركة للصيانة من بعد الالف
يبقي انا كدة باعمل دعاية للشركة؟
انت واعى لكلامك يا باشمهندس؟لعمرك مـا الإنسـان إلا بدينـه فلا تترك التقوى اتكالاً على النسب
فقد رفع الاسلامُ سلمـانَ فـارسٍ وَقَدْ وَضَعَ الشِّرْكُ الشَّرِيْفَ أَبَا لَهَبْComment
-
وعلى فكرة انا هاشترى عربية تالتة لانى الاولى اتباعت والتانية انا شاريها للمدام
صدق او لا تصدق براحتك
لعمرك مـا الإنسـان إلا بدينـه فلا تترك التقوى اتكالاً على النسب
فقد رفع الاسلامُ سلمـانَ فـارسٍ وَقَدْ وَضَعَ الشِّرْكُ الشَّرِيْفَ أَبَا لَهَبْComment
Comment