الي السادة ملاك الbyd f3

[hatemali]

السادة الزملاء ملاك الbyd f3
تحية عطرة ,,,,
انا كنت عاوز نعمل رابطة لملاك f3
علشان عده اسباب
1-لما نكون الرابطة ممكن يكون لها تاثير علي الوكيل
2- ان يكون لنا صوت رسمي مسموع لدي الشركة الام
لتلبية متطلباتنا ( التي قد تطرأ مستقبليا)
3- تقديم( الشكاوي/الطلبات/الدعم/....الخ) بصفة رسمية لدي الجهات و المنظمات و الهيئات الخارجية
مثل (جمعيات حمايه المستهلك / تبادل الانشطة مع مماثلينا في الدول الاخري......الخ)
4- مناقشة الامور المتعلقة بالسيارة
5- عمل رحلات جماعية بالسيارات ( و خلافة من الانشطة الاخري)
و اخيرا اقترح ان نكون موقع خاص
و اسمحولي ان ابدا بوضع بياناتي و بيانات السيارة
اولا : معلوماتي
الاسم : حاتم علي حسن حامد - القاهرة
رقم التليفون :0115513505
ثانيا :بيانات المركبة
النوع :byd-f3/glx
اللون : ذهبي
تاريخ الملكيه : 29-10-2008

[SAAA]

انا ان شاء الله هاستلم العربية كمان اسبوع ويسعدنى ان اكون من اعضاء الرابطة

[sv065]

فكرة رائعة جدا ولكن برجاء تحديد خطوات محددة وطرق محددة للإشتراك

[islamelesswi]

أنا موافق على الفكرة و كمان فى موضوع تانى مهم وده خاص بالموقع و المسئوليين عنه أنه يجب أن تكون لbyd الجزء الخاص بها مثل باقى السيارات الصينية على الموقع وأعتقد أن ده حق طبيعى وخاصة بعد زيادة عددملاك السيارة و المعجبين بها بطريقة ملحوظة

[aks601]

الفكرة جميلة

اتمنى ان تكون هناك فرصة تعارف لجميع ملاك الجميلة بى واى دى لنتبادل الافكار والملاحظات

[frightful]

السلام عليكم انا حابب أقول حاجة

أنا شايف إن العربية الصيني عاملة زي البطيخة ممكن و ممكن المشكلة إن الشكاوي مش من حاجة واحدة كل واحد ليه شكوى غير الثاني لكن في الشكل العام هي كويسة انا جبتها لما لقيت المتور متسوبيشي و إتضخ بعد كدا إنو بياكل البنزين أكل و لقيت إن كل مواتير المتسوبيسي 2005 إلى 2007 كلها كدا دي أول صدمة

أنا ماشي بالعربية دلوأتي 18500 كيلو و انا كالأتي مغير المساعدين الخلفية و الكبلين الأمامي و لما كان عندي مشكلة في علبة البيئة بتاعة الشكمان رحت كان المفروض يغيروها لكن الحصل راحو مكسرين الكربون إلى جوة و ركبو العلبة تاني إهمااااااااااااااال
مروحة التكيف الأمامي عن تجربة بتعمل تزميتة في العربية و الي مش واخد بالة يفصلها ويشغل التكيف و يشوف الفرق و كمان مغير الطنابير الأمامية و رحت غيرت التيل على حسابي جبت تيل الكورولا خدو بالكو محدش يقول العيب منك انا مش هبوز طنابير و مساعدين من 18000 كيلو محدش بيعمل كدا انا نفسي أخلص منها بس الحقية التكيف ممتاز و الثبات ممتاز و الوسع ممتاز بس مشعارف سبحان الله انا ماحبتش أروح اجيب حاجة بقسط علشان الشك في موضوع البنك انا جايب الكاملة مه فتحة سقف

ربنا يستر و الصيانة في توكيل القاهرة أسوأ ما يكون أسوأ ما يكون و شكرا و أسف على الإطالة

[ozem]

السلام عليكم .تقدر حضرتك تيجي توكيل الاسكندريه وتقول ملاحظاتك لينا وان شاء الله حتخرج بالسياره مبسوط وتغير فكرتك عن البيع

[hassan_mohamed21]

التوكيل فين فى اسكندرية بالظبط
انا ان شاء الرحمن جاى اول شهر 7 و ممكن اعمل صيانة الالف هناك
انا سألت هنا عرفت لنها على حسب نوع الزيت
و ربنا يباركلك

[ozem]

التوكيل علي الطريق الصحراوي وحضرتك جاي من القاهره علي الشمال في الكيلو 27 امام شركه مرسيدس وتيجي بالسلامه ان شاء الله وده رقم تليفوني لو حبيت تتكلم واسمي اسامه مبروك 0108508787

[hassan_mohamed21]

ان شاء الله يا باشا مهندس اسامة انا هاجى اعمل صيانة الالف عندكم ان شاء الله انا معايا ال r
و فى واحد صحبى عايز يعمل صيانة ال 10000 و عايز يعرف التكلفة كام

[sv065]

صيانة الـ 10000 حتكون حوالي 80 جنيه مصنعيات علي ما أتذكر ده غير غيار الزيت والفلتر

وفرع الإسكندرية ممتاز

[muslem]

موضوع مهم فعلا يا ريت فعلا الاخوة يشدوا حلهم فيه و انا ان شاء الله حبقي اتابع الموضوع اكتر بعد حوالى شهر كده او اقل علشان انا بنقل مكان سكنى و النت مش متوافر عندى اوي
و اهم حاجة اننا نشتكي المهندس اللى اسمه حسام اللى فى توكيل القاهرة اللى عايشيين على مص دمنا
و يا ريت يا اخوةاللى يعرف احسن زيت للمتور ايه علشان انا الصراحة مش عاجبني موبيل ون لانه بيسود بسرعة كبيرة اوى قبل 8 الف حتى و ده بيأثر على المتور من حيث انى بلاحظ ان صوته بيعلى و يتغير لما يسود الزيت فكنت بفكر انى اغير الى زيت شل

[ozem]

تيجي بالسلامه ان شاء الله وبكره ان شاء الله حقول لحضرتك الصيانه بكام وايه اللي بيتغير في صيانه 10000

[ozem]

بكره ان شاء الله حقول لحضرتك التكلفه كام بالضبط

[ozem]

احسن زيت هو مصر للبترول لانها الشركه الام ومنها بيطلع زيت موبيل لكن مصر للبترول زيت ثقيل ومش بيسود زي موبيل وهو في منه درجات وححاول اعرف لحضرتك ايه هيا درجاته