الى كل مالكى byd f3برجاء الرد سريعا

[SAAA]

انا ان شاء الله هاستلم سيارتى خلال ايام قليلة
وكنت عاوز اعرف باستلم شنطة عدة مع العربية
ولا لا ولو حد يعرف الترخيص بكام للسنة
وصيانة 1000كم بكام واكون شاكر لكم كثيرا
واسف على الاطالة

[frg]

الف مبروك على استلامك للعربيه ومفيش شنطة عده وصيانة الالف بتتدفع ثمن الزيت والفلتر بدون مصنعيات بتتكلف فى حدود 140 جنيه وربنا يباركلك

[sv065]

مبروك علي الإستلام بإذن الله

الترخيص 3 سنوات كام حوالي 770 جنيه

ولا يوجد شنطة عدة باستثناء الكوريك ومفتاح العجل

وانا عملت صيانة الألف ب 302 جم ودول ثمن الزيت والفلتر فقط لأني حطيت زيت موبيل 1 ومتوفر زيوت أقل

[hassan_mohamed21]

صيانة الالف على حسب نوع الزيت
انا رخصت العربية فى السنة الواحدة فى حدود 450 جنيه بلارقام الجديدة

[hassan_mohamed21]

نسيت اقولك الف مبروك و ربنا يبارك لك فيها عربية احلى من الرائعة بشوية و بجد هتستمتع بيها خصوصا فى السفر الطويل
على فكرة كمان استهلاك البنزين بتاعها مش عالى خالص انا رجعت من اسكندرية فى ال205 كيلو بالظيط لانى فى العجمى فولت تانى يوم فى الزمالك 11 لتر و كنت ماشى على سرعة 140

[ahmedelnahas]

مبروك عليك العربية وربنا يكفيك شرها ان شاء الله
بس يا جماعة انا عندي شنطة عدة عبارة عن جراب من القماش الاسود وفية مفك مزدوج صليبة وعادة ومفتاحين 10 و13 و17 علي ما اذكر
ومعاهم طبعا واساسي مفتاح العجل- عربيتي كانت اول دفعة في مصر نزلت واعتقدت ملحقوش يقلبوها هههههههههههههههههههههه