شكر خاص لتوكيل الأمل (فرع الأسكندرية)

[bateka555]

بجد يا جماعة بشكر توكيل الأمل الى فى الأسكندرية حصل معايا كالتالى:
ماستر الدبرياج كان بيهرب المهم وصلت بصعوبة لمركز الأمل الكيل 26 طريق مصر أسكندرية الصحراوى الساعة 4.30 عصراً دخلوا العربية و قالولى هتستلمها غداً.
و فعلاً تانى يوم أتصلو بيا على الساعة 12 ظهراً وقاللولى العربية جاهزة و فية هناك مهندس أسمة أسامة قالى أنا ساكن بجانب كيلبوترا ممكن أجبلك العربية لحد عندك.
روحت و أستلمت وكانت الشنطة الخلفية مبتفتحش علشان التوكيل الى فى مصر لما غير الزجاج الخلفى مشالش الزجاج المكسور من داخل الشنطة فطبعاً بوظ لقفل بسبب الزجاج المكس الصغير دخل على المكنة و خلاها تعلق .
ولأيت العربية مخسولة و متظبطة أخر حاجة .

بجد أنا بفكر أعمل صيانة العربية هناك .

وشكراً للمهندس أسامة و مدير الفرع بالأسكندرية .....

[sv065]

الحقيقة دي شهادة جميلة جدا في حق فرع الإسكندرية

ولازم يا جماعة نحاول نعرف الناس اللي معاها byd بأحسن فروع الصيانة

علشان أكيد بتفرق معاهم جدا لأن الناس لسة لحد النهاردة بتخوفهم من الصيني ومايعرفوش إن التوكيل عليه أكبر دور في ده

[islamelesswi]

ده فعلا حقيقى وبرضه عن تجربة ذكرتها سابقا أن المجموعة الموجودة بمركز صيانة الأسكندربة بقيادة المهندس المتفانى أسامة مجموعة ذات أداء متميز ويجب أن أذكر هنا أيضا الموظف الخاص بأستقبال العملاء و أستلام سيارتهم البشوش دائما م/محمود فرج

[mido90]

انا بقى كنت ناوى اشترى العربية دىة رحت المركز فى العباسية بصراحة حاجة مورفة جدا و المدير راجل كبير بيقول انة عميد و عاملتى بمنتهى قلة الدوق و رفض يجاوب عن اى سؤال او حنى يدخلنى التوكيل فقررت انسى العربية دى خالص بعد ما عجبتنى فى معرض اوتوماك

[sv065]

بخصوص byd

انا بقى كنت ناوى اشترى العربية دىة رحت المركز فى العباسية بصراحة حاجة مورفة جدا و المدير راجل كبير بيقول انة عميد و عاملتى بمنتهى قلة الدوق و رفض يجاوب عن اى سؤال او حنى يدخلنى التوكيل فقررت انسى العربية دى خالص بعد ما عجبتنى فى معرض اوتوماك

السلام عليكم

الأخ الفاضل أنا شفت برضه السيارة في معرض أوتوماك وعجبتني جدا جدا وفعلا إشتريتها من المعرض واستلمتها بعد ساعتين بالظبط من فرع النزهة

وأحب أضيف لحضرتك بعض الملاحظات البسيطة وأهمها أن السيارة فعلا ممتازة جدا حتي الآن وأي مشاكل بسيطة فيها مقبولة ولا ترقي أن تكون مشكلة أصلا ولا توجد سيارة أصلا تخلو تماما من المشاكل

لكن للأسف الشديد بعض القيادات بالشركة وخصوصا إذا كانوا ذو صفة عسكرية كما ذكرت حضرتك بيضيعوا الصورة الحلوة اللي الكل بياخدها لما يشوف العربية الجميلة دي

ولذلك أحب ان أعرف حضرتك أنه يوجد بفضل الله نماذج أخري مشرفة وجميلة ومتعاونة لأقصي حد كما علمت من ملاك السيارة الرائعة فمثلا في مركز العرض والبيع يمكنك أن تذهب لفرع النزهة وللصيانة الصراحة أنا مارحتش لسة بس قررت أذهب لفرع الإسكندرية من كثرة ما الناس شكرت فيه علشان أعمل صيانة ال1000كم

وياريت تعيد النظر فهي سيارة ممتازة

مشكور

[mido90]

شكرا لرد حضرتك على ملاحظتى

بس هل من المعقول كل ما احتاج لشىء من مركز الصياتة وخصوصا ان العربية غير معروفة او منتشرة
اروح اسكندرية؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[muslem]

المفروض ان الواحد يبلغ صاحب التوكيل بالراجل ده لانى فعلا رحت التوكيل فى القاهرة علشان العربية اتخبطت ففعلا وجدت مهندس اسمه اسامة عامل فردة على اللى مش بيديه فلوس و يعطل عربيته فى الصيانة و انا فعلا فكرت كتير انى اشتكيه لصاحب التوكيل علشان يعرف انه ممكن يكون سبب فى خراب توكيل السيارة
و عموما برضوة الحمد لله فى محل اسمه بكين بيبع قطع غيار للعربية يعني ممكن اصلحها بره ولة الحوجة للتوكيل و يا رتني لما كنت مسافر اسنكدرية كنت رحت للتوكيل فيها بس عموما اهل اسكندرية فيهم خير كتير

[sv065]

شكرا لرد حضرتك على ملاحظتى

بس هل من المعقول كل ما احتاج لشىء من مركز الصياتة وخصوصا ان العربية غير معروفة او منتشرة
اروح اسكندرية؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لا طبعا ....!! ده في حالة إذا كنت عاوز خدمة ممتازة فقط وبعدين إنت أصلا مش كل يوم بتروح تعمل صيانة .. ده بيكون كل فترة ولأن زي ما في فروع سيئة في فروع كويسة
أنا نفسي لسة ما جربتش فرع الإسكندرية ده بس من الكلام اللي سمعته عنه حبيت أدلك عليه وأنا باعتبر المشوار ده فسحة ليا ولعربيتي... وفي النهاية دي حاجة ترجع لحضرتك في تقييمك للسيارة ومراكز صيانتها

[sv065]

المفروض ان الواحد يبلغ صاحب التوكيل بالراجل ده لانى فعلا رحت التوكيل فى القاهرة علشان العربية اتخبطت ففعلا وجدت مهندس اسمه اسامة عامل فردة على اللى مش بيديه فلوس و يعطل عربيته فى الصيانة و انا فعلا فكرت كتير انى اشتكيه لصاحب التوكيل علشان يعرف انه ممكن يكون سبب فى خراب توكيل السيارة
و عموما برضوة الحمد لله فى محل اسمه بكين بيبع قطع غيار للعربية يعني ممكن اصلحها بره ولة الحوجة للتوكيل و يا رتني لما كنت مسافر اسنكدرية كنت رحت للتوكيل فيها بس عموما اهل اسكندرية فيهم خير كتير

كلام حضرتك سليم جدا وعلي فكرة انا لاحظت إن في بعض الماركات الأخري في المنتدي الزملاء بيعملوا اتحاد ويجمعوا نفسهم وبياخدوا تخفيضات وصلاحيات كتيرة من توكيلات العربيات

ده ليه؟؟ علشان متحدين ومتفقين والتوكيل بيعمل لهم حساب

إنما لو واحد لوحده بيبقي صعب يكون له تأثير

[frg]

السلام عليكم انا موظف بشركة الامل فرع الاسكندريه ياريت كل اللى بيفكر يشترى العربيه ميفكرش ويجيبها وان شاء الله هيدعيلنا كتير وياريت يشرفنا فى مركز خدمة اسكندريه وهنقدم له كل شئ كويس لاننا بنحب نعرف الناس وان شاء الله ربنا يعينا ونقدم كل ما هو خير لحضراتكم وانا بشكر كل انسان قال علينا كلام كويس وربنا يبارك ويحفظكم في رعاية الله

[frg]

وعلى فكرة مدير المركز الاستاذ/احمد محسن شخصيه جميله جدا لدرجة ان في عملاء بييجوا عشان يقعدوا معاه وبينسوا ان عربيتهم فى الصيانه لانهم مطمنين لينا بفضل الله

[frg]

السلام عليكم ازى حضرتك يا اسلام بيه يارب دايما تكون بخير شكرا للكلام الجميل ده احنا نتمنى نسمع منك كل خير وربنا يعزك وحضرتك تستاهل كل شئ كويس

[sv065]

السلام عليكم انا موظف بشركة الامل فرع الاسكندريه ياريت كل اللى بيفكر يشترى العربيه ميفكرش ويجيبها وان شاء الله هيدعيلنا كتير وياريت يشرفنا فى مركز خدمة اسكندريه وهنقدم له كل شئ كويس لاننا بنحب نعرف الناس وان شاء الله ربنا يعينا ونقدم كل ما هو خير لحضراتكم وانا بشكر كل انسان قال علينا كلام كويس وربنا يبارك ويحفظكم في رعاية الله

وعليكم السلام ورحمة الله وبركاته

الأخ الفاضل frg نحن سعداء جدا بيك معانا في المنتدي الجميل بتاعنا ومرحب بيك وبكل المسئولين في مركز الأمل فرع الإسكندرية والقاهرة كمان

وياريت بدون أي حرج إذا كان مفيش أي مشكلة حضرتك تعرفنا بيك شخصيا وإيه موقعك بالظبط في المركز وتقدر تقدم لينا إيه في المركز علشان أنا وكتير من أعضاء المنتدي رحنا هناك وشفنا ناس ممتازة جدا جدا الصراحة ونحب نتعرف علي حضرتك أكتر ولما نروح هناك نجيلك علي طول

وده علي فكرة موجود في ماركات كتيرة بنفس المنتدي الزملاء فاتحين قنوات إتصال مباشرة مع المسئولين والمهندسين بمراكز الصيانة المختلفة وبيكون فيه تقارير دائمة من العضاء فيها ملاحظتهم علي الخدمة وجودتها والإستقبال
وإحنا عاوزين نطبق الكلام الجميل ده مع شركة الأمل ونوسع علاقتنا كملاك للسيارة byd مع التوكيل ونشجع العربية دي تنتشر أكتر في مصر لأنها فعلا تستحق الواحد يحط فيها فلوسه

[muslem]

كلام حضرتك سليم جدا وعلي فكرة انا لاحظت إن في بعض الماركات الأخري في المنتدي الزملاء بيعملوا اتحاد ويجمعوا نفسهم وبياخدوا تخفيضات وصلاحيات كتيرة من توكيلات العربيات

ده ليه؟؟ علشان متحدين ومتفقين والتوكيل بيعمل لهم حساب

إنما لو واحد لوحده بيبقي صعب يكون له تأثير

كلامك صحيح اخى فعلا حتى نعمل موضوع يكون مثلا يسمي اجتماع مالكى byd و يرفع دائما حل المشكلات اللى بتواجه اصحاب العربية سواء من التوكيل اللى فى القاهرة او غيره

بالمناسبة المهندس الى فى القاهرة اسمه حسام مش اسامة اصلى كتبت اسمه غلط فى احد الموضوعات و طبعا لما كيشته فلوس اخذ العربية للصيانة قبل كده كان بيقول يوم الاحد او السبت فقط من حيث السمكرة و غيره لكن لما اخذ الفلوس رجعت الضحكة فى وشه على طولو اخذها فى يوم مش الحد او السبت

[sv065]

كلامك صحيح اخى فعلا حتى نعمل موضوع يكون مثلا يسمي اجتماع مالكى byd و يرفع دائما حل المشكلات اللى بتواجه اصحاب العربية سواء من التوكيل اللى فى القاهرة او غيره

مشكور يا أستاذنا الفاضل علي الفكرة الجميلة دي وعاوزينها تاخد طريق التنفيذ وأنا متحمس جدا لها

وعلي فكرة مهم جدا جدا جدا وقبل أي خطوة...

ودي اللبنة الأولي للموضوع ده إنشاء تبويب مخصص في نايل موتوورز لماركة byd فقط يعني ماتكونش مع الصيني العام أو الماركات الأخري زي ماهي حاليا

وعلشان كده أنا عملت موضوع إستفتاء لفصل الـ byd وياريت حضرتك والجميع اللي بيحبوا byd يدخلوا عليه ويحطوا أصواتهم ونطالب إدارة الموقع بحقنا في تبويب مستقل خصوصا إن مالكي السيارة دي في إزدياد مستمر

وياريت ياجماعة كلنا نقول لبعضنا علي الموضوع ده ونشارك فيه عاوزين أكبر عدد ممكن من الأصوات

[marq="3;right;2;scroll"][/marq][marq="3;right;2;scroll"]:: نــايــل مــوتــورز:: - :: NileMotors.net ::[/marq]

وانا بإذن الله مخطط لشغل كتير مع الأمل الوكيل بمصر وحنعمل عروض ممتازة لأعضاء نايل موتورز اللي عندهم byd

مشكورين في إنتظار الإستفتاء