العلامة الموجودة بمراية الصالون للـ byd

[sv065]

ياجماعة أنا كنت في التوكيل وسألت عن العلامة المضيئة المتحركة التي تشبه البوصلة في السيارة الـ byd
فقالوا إنهم تأكدو من الشركة الأم أن العلامة دي عبارة عن بوصلة إسلامية بتحدد إتجاه القبلة

بس الصراحة أنا محتاج تفسيرات أكثر علشان مش عارف أحدد بيها القبلة هل ده مظبوط أم لا؟

ياريت إذا حد من الزملاء يعرف تفصيلات بخصوصها يوضح لنا

مشكورين

[ozem]

العلامه اللي في المرايه هي بوصله فعلا واسلاميه والسهم بيشير في اتجاه القبله تلقائي وده عن طريق الكونترول يونت اللي في العربيه

[rms1986]

سهم ايه اللي بيظهر كلام صيني
مفيش اسهم

[ozem]

الكلام ده في الموديل القديم اما موديل 2009 في سهم بدل الكلام الصيني

[ozem]

اما اكلام الصيني ده درجه حراره الجو الخارجي بس بالصيني

[hassan_mohamed21]

لا درجة حرارة ايه دى اتجهات لانى علمات الكلمات بالاتجهات لاقيت ان نفس الكلمة بتظهر مع نفس الاتجاه فى اى مكان يعنى لو ماشى تجاه الشرق فى اى مكان بتظهر نفس الكلمة لو الغرب كده
دى الاربع اتجاهات لا هى بوصلة اسلامية و لا هى درجة حرارة و ممكن اى حد يجرب انه يمشى فى اتجاه الشرق هيلاقى كلمة يعكس و يمشى تجاه الغرب هيلاقى كلمة تانى يعكس تجاه الشرق هيلاقى نفس الكلمة الاولى ظهرت تانى و ده عن تجربة بعد ما احترت فيها

[sv065]

السلام عليكم الإخوة الأعزاء

واضح إنها فعلا بوصلة وهي فكرة جميلة الصراحة جدا

ولكن من الواضح من كلام الزملاء إن الموديلات التي قبل 2009 الإتجاه فيها بالكتابة الصيني

وما بعد 2009 سهم بدل الكلمات

في كل الأحوال دي حاجة رائعة

وأنا قرأت عنها في الكتالوج لم أجد غير أن المرآة بها خاصية إظهار الإتجاه وتعمل مع بدأ المفتاح في وضع acc/on

ولكن المهم يا جماعة إننا إستقرينا علي إنها بوصلة .....تمام؟

المهم هل فعلا بتشير للقبلة ولا للإتجهات الأصلية... شمال وجنوب وشرق وغرب؟؟

مشكورين


وأنا أرسلت للشركة الصينية بالميل ومازادوش كلمة عن اللي مكتوب بالكتالوج وقالوا لي إذا كنت عاوز تفاصيل أكثر روح للوكيل شركة الأمل

[HRH_Sameh]

ممكن حد يصورلنا الحركة دي ؟؟؟

[kahamid]

الصراحة حاجة محترمة جدا

[ahmedelnahas]

السلام عليكم الإخوة الأعزاء

واضح إنها فعلا بوصلة وهي فكرة جميلة الصراحة جدا

ولكن من الواضح من كلام الزملاء إن الموديلات التي قبل 2009 الإتجاه فيها بالكتابة الصيني

وما بعد 2009 سهم بدل الكلمات

في كل الأحوال دي حاجة رائعة

وأنا قرأت عنها في الكتالوج لم أجد غير أن المرآة بها خاصية إظهار الإتجاه وتعمل مع بدأ المفتاح في وضع acc/on

ولكن المهم يا جماعة إننا إستقرينا علي إنها بوصلة .....تمام؟

المهم هل فعلا بتشير للقبلة ولا للإتجهات الأصلية... شمال وجنوب وشرق وغرب؟؟

مشكورين


وأنا أرسلت للشركة الصينية بالميل ومازادوش كلمة عن اللي مكتوب بالكتالوج وقالوا لي إذا كنت عاوز تفاصيل أكثر روح للوكيل شركة الأمل

انا عندي مكتوب بالصيني وهي فعلا الاتجاهات الاربعة شمال وشرق وغرب وجنوب ومتهيئلي بتقول بردو شمالي شرقي او شمالي غربي بمعني تاني ما بين الاتجاهات
انا جبت عيل من بتوع الصين اللي بيبيعو الملابس دول وقلتلة تعالي قولي الاشكال دي اية ومعناها اية وكنت رسمهالوا ,,,, اكلمة عربي مفيش انجليزي بردو مفيش خدتة وروحت للعربية فتحتها وفضلت اشاورلة زي الخرص واقول دي معناها اية؟؟؟؟
بس طلع واد اهبل وفضل يشاور بردو ويبرطم صيني مفهمتش منه حاجة نهائي رميتة من العربية ههههههههههههههه
ياريت لو حد لة في الصيني يقول الاتجاهات بالصيني تتكتب ازاي لان انا شبة خمنتها لما اوقف العربية اتجاة الجامع مثلا او غروب الشمس وكدة اهو اجتهاد بردو
بس فعلا الصينين دول مسابوش حاجة الا وفكرو فيها حتي البصلة في العربيات اعتقد مش موجودة في البي ام دبليو وياريت حد يصلحلي المعلومة دي لو عندة بي ام دبليو ؟
معلش طولت عليكم

[muslem]

الحمد لله انى اخيرا فهمت ايه الكلام الصيني ده

[sv065]

بصرف النظر عن كونها بوصلة إسلامية أو بوصلة للإتجاهات الأصلية .....الصراحة أنا حاسس إن فيه حاجة غلط

لأني مثلا إذا كنت واقف والسهم متجه لأعلي مثلا يعني الشمال أي في نفس إتجاه سير السيارة للأمام .. فإذا إتجهت يمين بالسيارة 90 درجة مثلا يعني عدلت مقدمة السيارة بحيث أصبحت مواجهة لإتجاه الشرق من المنطقي أن المؤشر بمراية السيارة يتجه هنا تجاه اليسار 90 درجة إلا أنه يتجه معي لليمين؟؟

حد فهم حاجة؟

[abdullah_yousof]

صرف النظر عن كونها بوصلة إسلامية أو بوصلة للإتجاهات الأصلية .....الصراحة أنا حاسس إن فيه حاجة غلط

لأني مثلا إذا كنت واقف والسهم متجه لأعلي مثلا يعني الشمال أي في نفس إتجاه سير السيارة للأمام .. فإذا إتجهت يمين بالسيارة 90 درجة مثلا يعني عدلت مقدمة السيارة بحيث أصبحت مواجهة لإتجاه الشرق من المنطقي أن المؤشر بمراية السيارة يتجه هنا تجاه اليسار 90 درجة إلا أنه يتجه معي لليمين؟؟

حد فهم حاجة؟

على وصفك كده يمكن يكون المؤشر بيقولك على زاويتك مع اتجاه الشمال

يعني انت لما لفيت اتجاه اليمين 90 درجة يعني اتجاه الشرق المؤشر لف معاك اتجاه اليمين بزاوية 90 درجة علشان يقول لك انت اتجاه الشرق

يعني كأن المرايا مقسمة كتدريج ثابت مثل الساعة والمؤشر بيقولك اتجاهك ايه لو عند 12 تبقى شمال لو عند 3 تبقى شرق ولوعند 6 تبقى جنوب وهكذا

[sv065]

فعلا ... فعلا معقول جدا تفسير حضرتك
لأن فعلا المراية مرسوم فوقها تدريج ثابت للإتجاهات الأربعة الأصلية بس فوق المراية في السقف وكمان حتي مكتوب بالعربي شرق وغرب وشمال وجنوب وكده يبقي كما لو إن التدريج ثابت والموشر بيوضح إتجاه السيارة علي هذا التدريج وكان حيكون أوضح إذا كانو كتبوا التدريج ده علي المراية نفسها لكن أعتقد سبب عدم الكتابة علشان ما يأثروش علي جودة الرؤية بالمراية خصوصا إنهم إستبدلوا الكتابة الصيني السابقة بأسهم لتقليل حجم إشغال المراية..




أشكر جدا جدا حضرتك علي المعلومة الرائعة دي واللي كانت مسببة لي ضيق إن يكون فيه مشكلة أو خطأ بأجهزة السيارة

وأدعو الله أن يرزقك سيارة أفضل مما تتمني ويبارك لك فيها

والسلام عليكم

[abdullah_yousof]

لا شكر على واجب أخي

معذرة على التأخر في الرد

والله أنا بفكر جديا في f3 بس هشوف تقسيط اسلامي وخصوصا عند عبداللطيف جميل ان شاء الله ولو اني سمعت انه لا يقسط كل الأنواع