تفاصيل تهمك بالصور والفيديو عن الصينية byd== f3

[sv065]

السلام عليكم

كتير بيسألوا عن سيارتي بإعجاب كل ما أمشي بيها وبيقولوا هي ماركتها إيه؟؟ طبعا بسبب ضعف الوكيل في
الدعاية عنها بس هي الحمد لله عاملة دعاية لنفسها في أي حتة بتقف فيها

وحبيت علشان كده أعمل لكم موضوع شامل عنها بقدر الإمكان بحيث يغطي الأسئلة الشائعة الأساسية عن موصفاتها الفنية والتجهيزات الإضافية لكل اللي بيفكر يشتريها.

يارب تعجبكم

[all1=#1743b3]SPECIFICATIONS[/all1]

Overall length mm 4533
Overall width mm 1705
Vehicle height mm 1490
Wheel base mm 2600
Wheel track F/R mm 1480/1460
Curb weight kg 1200
Total weight ㎏ 1575
Tire 195/60 R15
Passengers 5
Max. speed km/h 180
Engine MITSUBISHI DA4G18
Engine tybe In line four cylinder; 16 valves; water cooling; OHC
Displacement ml 1.6
Max. power Ps/rpm 108/6000
Max. torque N.m/rpm 134/4500
Compression ratio 9.5
Fuel supply E-MPI
Tank capacity L 50
Fuel consumption L/100km 4.9
Break F/R Disk/Disk

[all1=#000dff]FEATURE[/all1]

Chrome headlamp
Chrome horizontal front grille
Front sunproof windshield
Anti-glare interior rearview mirror with direction display
Chrome rear trim
Chrome exterior door handle
Rear fog lamp_only left one has bulb
Aluminium wheel
Power sunroof Dual mode
Anti-static shark fin antenna
Wood-grain centre console
Leather steering wheel
LED dashboard white light
Front reading lamp
Rear reading lamp
Ignition switch light
Power window
Double cup
holder/storage box
Front centre armrest/double-deck storage box
Chrome interior door handle
Leather shift handle
leather seat
Seat back pocket
Multi-adjustable front seat 6-direction adjustable
60/40 split rear seat
Rear centre armrest
ABS with EBD
SRS dual-airbag
Three-point seat belt
Anti-theft system
Backup radar
Rear windshield defogger
Seat belt reminder
High mounted brake lamp
Tilt steering wheel adjustment
Power steering
Remote control
Intermittent type windshield wiper
Manual A/C
Single-disc CD with MP3 input & Radio
Speaker x 6
Audio control on steering wheel

ودي شوية صور ليها مجمعها من مواقع كتيرة يارب تعجبكم

















































































































علي فكرة ده صالون الكرولا مش الBYD شفتم مافيش فرق إزاي؟؟









وده فيديو إختبار التصادم الذي يؤكد بمنتهي القوة وبما لا يدع مجال للشك لأي مدي أمان هذه السيارة وحمايتها لجميع الركاب داخل مقصورتها المدعمة.... ركز في المقصورة لم يحدث حتي مجرد فارق في الأبواب أو تهشم للزجاج الأمامي !!! بسم الله ماشاء الله... واللهم إحفظنا من شر الحوادث
YouTube - Crash Test BYD F3 EuroNCAP Chinese car 中国車 衝突試 ...

[mazagngi2010]

العربيه دى مغرقه السويس ومن اكتر العربيات الصينى المحترمه اللى نزلت مصر

[mazagngi2010]

http://www.yamarhab.com/articles-162.html

المقاله دى كويسه والردود بتاعها برضه شغاله

[ms077]

آخر معلومة لسة واصلاني بخصوص معدل تسارع السيارة من 0 إلي 100كم/ساعة هو:

المانيـــوال 13ثانية
الأوتوماتيك 14ثانية

[محمد ابراهيم 1]

بس هيه ليه سخنه وهى جديده راجع صورة العدادات
هل هى حرارتها كده

[sv065]

بس هيه ليه سخنه وهى جديده راجع صورة العدادات
هل هى حرارتها كده

السلام عليكم

عداد الحرارة بالسيارة يكون عند المنتصف تماما وحين يزداد بمقدار شرطة صغيرة تعمل المروحة أوتوماتيكيا حتي تنخفض أقل من النصف بشرطة وهكذا .... هذا طبقا للإستخدام العملي

مشكور

[bassem.naguib]

يا ريت سيادتك لو تفاصيل أكتر عن العربية .. من حيث الموتور منشأة ايه (متسوبيشي .. إلخ) .. العفشة مريحة ولا ناشفة .. في منها اتوماتيك ولا لآه .. أسعارها أيه لو فيها فئات .. وشاكرين لمجهود سيادتك

[sv065]

إخواني الأعزاء

قمت بإعادة مراسلة الشركة المصنعة بالصين لأستفهم عن معدل التسارع الذي سبق وأرسلته لي حيث انه غير منطقي نوعا ما

فقدموا الإعتذار وأفادة بأنه خطأ منهم وهذا نص الرد

Sorry, our technical engineer made a mistake. The updated data are:


1.6L MT 0~100 km/h about 14s
1.6L AT 0~100 km/h <17s
Best Regards!
BYD after-sales engineer
Spark

مشكورين

[sv065]

يا ريت سيادتك لو تفاصيل أكتر عن العربية .. من حيث الموتور منشأة ايه (متسوبيشي .. إلخ) .. العفشة مريحة ولا ناشفة .. في منها اتوماتيك ولا لآه .. أسعارها أيه لو فيها فئات .. وشاكرين لمجهود سيادتك

تحت أمر حضرتك

الموتور ماركة ميتسوبيشي مصنع بالصين بمصنع شركة ميتسوبيشي اليابانية الأصل

وعفشة السيارة في منتهي النعومة ومماثلة لعفشة التيوتا كورولا

والسيارة في بدء نزولها للأسواق المصرية لم يكن منها سوي مانيوال

والآن قدم الوكيل منذ حوالي 3 شهور الموديل الأوتوماتيك منها

وبالتالي الفئات الموجودة بمصر هي gl-i المانيوال وسعرها علي ما أعتقد كان في حدود 72000 ولكنها أقل في الكماليات بعض الشيء مثلا بدون فتحة سقف ولكن هذا الموديل الوكيل أفاد بأنه غير متوفر حاليا وأنه بصدد تجميعه بمصر خلال عام أو إثنين.

والفئة الأخري هي glx-i الأوتوماتيك وهي المتوفرة حاليا وسعرها كان 80000 في معرض أوتوماك بدل 82000 وهي مزودة بجميع الكماليات المذكورة في الموضوع الأصلي

وتحت أمرحضرتك دائما في أي بيانات عن السيارة

[محمد ابراهيم 1]

ما هو نوع ومنشأ الجير الأوتوماتيك بتاعها

[sv065]

ما هو نوع ومنشأ الجير الأوتوماتيك بتاعها

السلام عليكم ورحمة الله

لقد إستفسرت من الشركة المصنعة علي هذه التفاصيل فكان هذا الرد:

Automatic transmission is from JATCO, and Manual transmission uses MITSUBISHI technology.
BR
after-sales engineer

وأحب أن عرف سيادتكم بالتفاصيل بخصوص معني إختصار JATCO هو:
Japanese Automatic Transmission Company

وهي من الشركات اليابانية القوية في هذا المجال
وهذه الشركة تابعة لشركة نيسان اليابانية والتي تتخص في تصنيع الفيتيس الأوتوماتيك للسيارات والمشاركة فيها شركة مازدا اليابانية المعروفة

مشكور

[محمد ابراهيم 1]

شكرا يا باشا على الرد والعربية دى كده ممتازه

[sv065]

شكرا يا باشا على الرد والعربية دى كده ممتازه

العفو يافندم

تحت أمر حضرتك والسادة الأعضاء في أي إستفسار بخصوص هذه السيارة

[Adhmawy]

الأخ الكريم
أنا الحقيقة معجب بالعربيه جدا وبأفكر جدياُ إنى أشتريها و خاصة بعد ماقريت تقييم الأخوة هنا و لكن مثل معظم المصريين لسه فى شويه رعب على شويه تردد من الصينى من حيث المبدأ و من اللى بنسمعه عن توكيل الأمل وخاصة إنى نازل من لانسر جامبو 98 كامله و مش عايز أندم أو أحس بفرق.
عموما أرجو أن يتسع صدرك لبعض الإستفسارات عن السياره
- هل حضرتك جربت و حسيت بالabs, ebd عمليا و لا زى ما بنسمع إنهم فى الصينى مش بالكفاءة المطلوبه (منظر يعنى).
- هل التكييف بكر و لا تتش لأنى فاكر إن الموديل العالى اللى قبل الأتوماتيك كان التكييف تتش . معقول يبقى فيها كل الكماليات دى و التكييف يدوى؟؟؟؟؟
- هل الفرش جلد طبيعى فعلا و لا محتاج يركبله كسوة فوقه و هل لون الفرش و الصالون بيتغير مع لون العربيه و لا كله بيج؟
- إيه أخبار صوت الموتور و العزل الحرارى و الصوتى داخل الكابينه و خاصه فى السرعه و الآربم العالى.
شكرا مقدما على سعه الصدر و آسف على الإطاله
تحياتى

[sv065]

الأخ الفاضل Adhmawy

مرحبا بك دائما وبأي ستفسار ولو تحب أوصل إستفسارك إلي الشركة المصنعة رأسا أنا تحت أمرك

بالنسبة للـ ABS و الـ EBD فأحب أطمنك إنهم بيعملوا بكفاءة عالية جدا وده وضح لي من التجربة العملية في بعض المواقف أثناء القيادة وأرفق لك هذا الفيديو الذي يقطع الشك باليقين بخصوص ما يتعلق بالفرامل تماما

http://www.youtube.com/watch?v=Gr9Eu9XHwXs

بخصوص التكييف أوضح لسيادتكم ان مواصفات السيارة منذ أن دخلت مصر سواء الموديل السابق المانيوال أو الحالي الأوتوماتيك كما طلبها الوكيل بمصر من الشركة المصنعة هو تكييف بكر مع العلم بوجود إنتاج منها بتكييف تتش ولكن ليس لمصر و ذلك يرجع للوكيل وطبعا علشان يقلل تكلفة السيارة ومعلومة شخصية التكييف البكر أقل أعطال وأسهل في الصيانة من التكييف التتش

بخصوص الفرش فهو فعلا جلد طبيعي والصالون بالموديلات الحالية كله بيج مهما تغير لون العربية وإن كان الموديلات السابقة رأيت بعض منها صالون لونه أسود إلا إن الإنتاج الجديد الحالي كله بيج

صوت الموتور نموذجي فهو موتور ميتسوبيشي الذي يتميز بأنه ذا صوت خشن نوعا طبقا لما أخبر به توكيل ميتسوبيشي بمصر أما والعزل الصوتي والحراري فهو ممتاز علي كل السرعات وقبل كده مشيت علي 150 وكانت ممتازة خصوصا في الثبات

وفي النهاية أحب أخبر حضرتك اني أيضا كنت شديد التخوف منها لمجرد كلمة صيني كما لو كان الصيني ده بلاستيك بيتكسر بعد إسبوع بس الصراحة أنا عقدت مقارنات بينها وبين سيارات كثيرة صيني فكانت الأولي بجدارة
بل لن تصدق إن قلت لك أنها تفوقت علي بعض الياباني أيضا ... نعم الياباني

لأني نازل من ميتسوبيشي لانسر 2008 مانيوال 1300 جميع الكماليات وأيضا لانسر 2006 أتوماتيك 1600 جميع الكماليات فتفوقت عليهما في بعض الأمور ولكن للأمانة اللانسر 1600 أوتوماتيك تتميز بفيتيس ذو تكنولوجيا CTV اللي ما تخليكش تحس بعملية النقل ودي معلومات مفصلة عن التكنولوجيا دي

http://en.wikipedia.org/wiki/Continuously_variable_transmission

فيما عدا ذلك فهي من أعلي السيارات جودة بالصين ونتيجة لأنها منذ نشأتها لم يحدث أن إشتكي منها أي عميل من عيب جوهري بالصناعة قام ملياردير أمريكي بشراء 10% من أسهمها

بس علشان أكون عادل مفيش عربية حتي الياباني بتكون خالية تماما من أي عيوب تقفيل 100% وده طبيعي جدا ومش شرط تكون العيوب ظاهرة

لذلك السيارة الـ BYD لاتقل كفاءة عن الياباني بل تتفوق علي بعضه أحيانا وهي الصراحة فخمة في صالونها وشنطتها كبيرة جدا وفيها كل الكماليات اللي ممكن تطلبها في أي عربية يعني مش ناقصها حاجة

وكل اللي بيشكك فيها اصلا التشكيك لمجرد كلمة صيني فقط وبدون ما يشوف أداءها ولا نتائج إختباراتها وبمناسبة الإختبارات ده فيديو لإختبار التصادم اللي بيوضح مدي تحملها والحفاظ علي حياة الركاب بها رغم قوة الصدمة وعنفها لم تتأثر الكابينة

http://www.youtube.com/watch?v=7BMwe3RYpUY

وتحت أمرك دائما في أي إستفسار