رأيكم فى السيارات mg

[dodo2000]

بصراحة انا اتفرجت على العربية فى المعرض بتاعهم و عجبتنى جدا جدا

الصاج تقيل و محمل بدرجة كبيرة و اقوى من عربيات كتيرة جدا مشهورة

التقفيل و الصالون ممتازين جدا و احسن من عربيات كتيرة برضه

كل عوامل الامان موجودة فيها

ده حتى المارشدير لمبة واحدة بس زى الباسات

والتوكيل بتاعها طلع عفيفى موتورز الى واخد توكيل فورد

اسعار قطع الغيار تعتبر رخيصة جدا

انا محتاج رأيكم عربية زى دى الواحد ممكن يفكر فيها ولا بلاش

[benmatar]

لسة مانتشرتش، بس على فكرة بيقولوا انجليزي وده مش صح
هي صيني بتصميم وتكنولوجيا انجليزي بس!
ولما من الأول يكدبوا والإعلانات في الأول عمالة تقول السيارة الانجليزية، الواحد يحس بعدم مصداقية، ولا إيه؟

[sherifahmed]

الصاج تقيل و محمل بدرجة كبيرة و اقوى من عربيات كتيرة جدا مشهورة

حضرتك مفيش حاجة كدا
فى حاجة اسمها اختبارات امان

[sameh fillys]

العربيه دى صينى 100*100

[Ibrahim88]

غالية جدا !!!

[semi]

الصانع انجليزي لكنها صينية الصنع بالكامل
والعربية حاجات تانية غير الصاج والصالون لان السبرانزا مثلا الصالون بتاعها تحفة
وواسع ولما تقعد فيه تحس انك قاعد جوه عربية فخمة
لكن قابل بقى بعد كده مشاكل العفشة والميكانيكا اللي مش هتصبر عليك غير سنه بس
ده اذا مكنش فيها عيب تصنيع اصلا وتقف منك بمجرد ما تشتريها
لازم تسأل حد مجرب واشتراها ومشي بها

[thunder155]

بلاش تجرب فى نفسك

[eslamsubaru]

الصاج تقيل و محمل بدرجة كبيرة و اقوى من عربيات كتيرة جدا مشهورة

كل عوامل الامان موجودة فيها

ده حتى المارشدير لمبة واحدة بس زى الباسات

العربية صينى
موضوع الصاج : ادخل شوف اختبارات الأمان بتاعتها على اليوتيوب و شوفها واخده كام
ايه الميزة انها لمبة مرشدير واحدة !!!!!!!!!!!!!!!!!!!!
اخيرا شوف العربية من كا الجوانب علشان مترميش فلوسك فالأرض و ترجع تندم .. الصينى مبيعمرش ( أو بالأصح الصينى اللى بينزل مصر) . لو سعرها قريب من أى عربية كورى أو يابانى يبقى أفضلك تدفع 5000 ج زيادة و تريح بالك

[حماده المصري]

والله انا شوفت كزا ريفيو على النت في السعوديه لموديلين منها اعتقد مش بينزلوا مصر لانهم وحده في رنج 75 الف ريال والتانيه في رنج ال 100 الف طبعا هي انجليزي صناعه صيني ف هي اكيد جودتها مش هتبقى وحشه لانها نازله هناك غاليه ومواتير تربو وبتاع بس مش دي الفكره

الفكره في قطع الغيار والله اعلم الي هينزل لنا او اللي نازل لنا في مصر ايه دنيته

وياريت توضيح بالنسبه لاختبار الامان هل هو وحش ولا حلو

وفي النهايه منصحكش بصراحه تدفع جنيه فيها

[Y a r i s]

ليه كده ياشباب
خلو الناس تجرب ، في ناس معاه فلوس كتير سيبوهم يجربوا وقولونا تجربتهم ايه بعدين ههههههههههه

انا بصراحة عن نفسي انا اول مره اسمع في حياتي عن عربية اسمها ام جي ديه رغم اني سافرت بلاد كتير .... واستغربت جداً. لمن قالوا انها بتتصنع من سنه مش عارف تقريباً ١٩٥٠ م فانا باستغرب يعني معقوله تبقى من الخمسينات ومحدش سمع عناها غير في ٢٠١٣ ليه انشاء الله هيا كانت مختفيه ولا. كانت معتزله فنياً ... ولا كانت في بعثة لكوكب في الفضاء
عربية مثلاً. زي ال Saab دي مثلاً معروفة. وقديمة بس خلاص انقرضت رغم انها عربية محترمة جداً بس هل معقول شركة صينية تطلع بعد ستين سنة تصنعها وتقول عنها انها شركة قديمة

[bmya]

هي طبعا صيني وششششششش ونظام انجليزي والهرتله دي كل العربيات الصيني بتقول كده يعني اسف في الكلمه بيتمحكو وخلاص فياي بلد تانيه
موضوع بقه انها حلوه ولا وحشه الله اعلم لانها لسه جديده

[amrrashed]

افتكر انى انا قولتلك بلااااش

[medoghaly]

بلاش منها انت مش بتشتري عربية كل يوم خليك في المضمون احسن

[M.Elwan]

هلا شركة انجليزية فعلا وفى شركة صينية اشترتها واستثمرت فيها 450 مليون حنيه استرلينى والتصنيع فى الصين وفى موديلات اعلى بتتصنع فى انجلترا
وفى زميل فى المنتدى هنا كان شارى الموديل الهاتشباك وكان عامل تقرير عنها

http://www.nilemotors.net/Nile/261375-mg3.html

http://www.nilemotors.net/Nile/306441-mg3.html

MG Motor (officially MG Motor UK Limited) is a British car manufacturing company headquartered in Birmingham, United Kingdom and a wholly owned subsidiary of SAIC Motor. It designs, develops, assembles and markets cars sold under the MG marque.
MG Motor operates the historic Longbridge plant. Currently the majority of MG vehicles sold in Europe are principally manufactured in China before being shipped to Longbridge as complete knock-down kits for final assembly. There is also a major research and development facility at the Longbridge site.[1]


By March 2012 SAIC had invested a total of £450 million in MG Motor.[9]

[beshomilan]

مغامره بجد