حماية المستهلك يحذر من سيارات m.g الجديدة

[semi]

هتلاقيهم بس مش دفعوا كويس

[A.Adel]

هتلاقيهم بس مش دفعوا كويس

أنا حاسس كده برده :)

بس يا رب يطلع ظني مش في محله و يشوفوا شغلهم فعلا

[wawoo]

و زي ال megane وال fluence اللي تقفيل تركي و بيتقال فرنساوي برده

فى مودلات ميجان فرنساوى فعلا ..

اكيد التوكيل حيبلغك بلد الصنع بالضبط لو سئلت ..انما محدش بيقول ابدا ان الميجان و الفلوينس فرنساوى ..بدليل انك عارف اهو انها تركى ؟؟

[firstknight_eg]

علي فكرة مش معني انها صيني انها وحشة، ممكن تكون عربية كويسة، بس البداية كذب من التوكيل مش مطمئنة علي الاطلاق، وخصوصا تاريخ التوكيل الاسود، التوكيل ده اللي جاب العربية الكومودو، وأول ما العربية فشلت قفل التوكيل وفتح واحد باسم تاني وساب الناس تخبط في الحيط، المفروض حماية المستهلك يخدوا اجراءات احترازية عشان اللي عمله قبل كده

[A.Adel]

فى مودلات ميجان فرنساوى فعلا ..

اكيد التوكيل حيبلغك بلد الصنع بالضبط لو سئلت ..انما محدش بيقول ابدا ان الميجان و الفلوينس فرنساوى ..بدليل انك عارف اهو انها تركى ؟؟

زمان آه ,كان فيه megane hb و megane coupe و scenic
بس دلوقتي خلاص مفيش

بالنسبة لاني عارف ,الحمد لله دي نعمة
بس صدقني غيري كتير ميعرفش ,أبسط مثل اسأل اي حد فالشارع
هيقولك renault فرنساوي ماحدش يعرف تقفيل ولا بتاع

يا باشا زميلنا فالمنتدى هنا mohab nabil منسق سيتروين ,واحد بيقوله التقفيل المصري بتاع سيتروين عامل إيه معاك ؟؟!!!!!

بالنسبة لأن التوكيل يقولي لو سألت :)
المفروض من غير ما أسأل ,و ده دور الرقابة فالدولة

[A.Adel]

علي فكرة مش معني انها صيني انها وحشة، ممكن تكون عربية كويسة، بس البداية كذب من التوكيل مش مطمئنة علي الاطلاق، وخصوصا تاريخ التوكيل الاسود، التوكيل ده اللي جاب العربية الكومودو، وأول ما العربية فشلت قفل التوكيل وفتح واحد باسم تاني وساب الناس تخبط في الحيط، المفروض حماية المستهلك يخدوا اجراءات احترازية عشان اللي عمله قبل كده

حضرتك متأكد

أنا كتبت الكلام ده بس قلت إني قريته من فترة ومش متأكد :)
أصل دي حاجة مهمه

[sas5]

السلام عليكم ورحمه الله
الموضوع كله لو انتم تابعتوه خلال السنه الماضيه - ابتدا بدعايه جامده بواسطه خالد اباظه وملحق الاخبار للسيارات - عن سياره انجليزيه سوف تنزل الاسواق واستمر فتره يشوق الناس وبعد ذلك جاء الاعلان عن السياره في صفحه كامله.

المهم لابد ان يتم حساب الصحف والاعلام الفاسد الذى لايهمه سوى تدبيس المشترى بالكذب والخداع لانهم شاركوا في الخداع.
واذا كان شركه السيارات لم تستخدم كلمه انجليزى مباشره ولكن خالد اباظه والاخبار استخدما كلمه سياره انجليزيه وشركه انجليزيه يعنى هم الذين خدعوا المستهلك

[smsm_hamada]

عايز اقول حاجه عن جهاز حمايه المستهلك ومش دفاع عنه
موقف شخصى حصل معايا كنت اشتريت قطع غيار للسياره فى مره وكانت بايظه ورحت للتاجر قالى فيما معناه فلوسك راحت
بصراحه ماسكتش وكلمت جهاز حمايه المستهلك وفعلا حاجتى اتغيرت بماركه احسن وتم مصادره الماركه الفاسده وتغريمه مبلغ مالى .