تحذير من سيارات ام جي

[mnnabel]

احالة شركة سيارات للنيابة العامة لحجبها معلومة عن السيارة "م ج"

أحال جهاز حماية المستهلك إلى نيابة قسم أول مدينة 6 أكتوبر شركة "إيجيبشن بريتيش أوتوموتيف" (إبا) للسيارات لقيامها بحجب معلومة أساسية عن السيارة "مج".
وقال عاطف يعقوب رئيس جهاز حماية المستهلك - فى بيان له الاربعاء - إن الجهاز لاحظ من خلال قيامه بدوره في متابعة ورصد الإعلانات المضللة التى يتم تداولها بوسائل الإعلام المختلفة قيام شركة إيجيبشن بريتيش أوتوموتيف إبا "وكيل سيارات مج فى مصر" - والكائنة "المنطقة الصناعية الأولى بلوك 24 بمدينة 6 أكتوبر - بالإعلان بملاحق السيارات فى جريدتي الأهرام وأخبار اليوم "يومي 12 -13 أكتوبر الجاري عن سيارة ماركة "مج5" على أساس أنها إنجليزية ولم يذكر معلومة أساسية عن بند الصنع.
وأشار يعقوب إلى أن الجهاز قد قام بمخاطبة مصلحة الجمارك للافادة عن بلد صنع السيارة "مج" وجاء رد المصلحة يفيد أن الشركة المصدرة للسيارات هى شركة "نانجينو ايتوموبيل جروب" وعنوانها بالصين، وأن الشركة المستوردة في مصر هى شركة "إيجيبشن بريتيش أو توموتيف "إبا".
وقال رئيس الجهاز ثبت أن الشركة المعلنة تستورد السيارات من الصين، مما يعنى ان الإعلان الصادر عنها يؤدى إلى خلق إنطباع غير حقيقي ومضلل لدى جمهور المستهلكين ويوقعهم في لغط وغلط عن البلد المنتج للسلعة التى تروج لها الشركة بزعم إنها إنجليزية على خلاف الحقيقة، وهو ما يعد مخالفة صريحة لنص المادة 6 من قانون حماية المستهلك رقم 67 لسنة 2006 والمادتين 16, 17 من اللائحة التنفيذية.
الامر الذى حدا بالجهاز إلى إتخاذ إجراءات إحالة الشركة للنيابة العامة لإتخاذ الاجراءات ضد الممثل القانوني لها لمخالفته نصوص قانون حماية المستهلك.
وطالب يعقوب جموع المستهلكين بضرورة مراجعة كافة البيانات التى ترد في الإعلانات عن السلع و الخدمات والتأكد من مطابقتها للواقع قبل التعاقد على شراء سلعة أو تقديم خدمة، ولفت إلى ضرورة التوجه بالشكاوى إلى الجهاز فى حالة وجود ما يستدعي ضد أى سلعة أو خدمة غير مطابقة للمواصفات أو لعدم مراعاة مصالح وحقوق المستهلك وذلك على الخط الساخن 19588 أو الموقع الإلكتروني للجهاز

[Hegazio]

ما مصر كلها عارفة..فيه واحد حب يخزوقه بس

[Mostafa.Mahran]

انا رحت التوكيل بتاعهم و الناس قالو انها صينى ايه المشكلة فى كده و بعدين من امتى جهاز حماية المستهلك بيسخن كده من نفسه

[mnnabel]

الكدب انهم اعلنو انها سياره انجليزيه و لكنها صينيه 100%
انا عن نفسي كلمتهم في التوكيل ماجبوش سيره انها صينيه. و معرفتش غير بعد كده.

[A.Adel]

بيتهيألي كده كل حاجة بانت
شكلهم مش دافعين كويس

[A.Adel]

الكدب انهم اعلنو انها سياره انجليزيه و لكنها صينيه 100%
انا عن نفسي كلمتهم في التوكيل ماجبوش سيره انها صينيه. و معرفتش غير بعد كده.

أنا مش بدافع عنهم بس مفيش توكيل بيقول
كلهم زي بعض

لو كلمت renault مش هيقولك إنها تقفيل تركي
لو كلمت ford مش هيقولك إنها مش امريكاني

و بعدين بالعقل كده فيه عربية انجليزي بـ 100 ألف ولا 120 ألف !!!!!!!!

[Hegazio]

الكدب انهم اعلنو انها سياره انجليزيه و لكنها صينيه 100%
انا عن نفسي كلمتهم في التوكيل ماجبوش سيره انها صينيه. و معرفتش غير بعد كده.

يا راااجل..دي حاجة معروفة من قبل العربية ماتنزل!!
اللي بيقول علي رينو او فورد...طبعا لما بتسأل عن بلد التقفيل بيقولك ..مع الفارق كمان

لأن رينو مثلا شركة فرنسية و مقرها في باريس و رقابة الجودة و القرارات السيادية هناك
لكن ام جي مالهاش اي علاقة بانجلترا...دول اشتروا الاسم فقط!!!

[mkmaly]

بيتهيألي كده كل حاجة بانت
شكلهم مش دافعين كويس

مع احترامى لحضرتك يعنى لما الناس تشوف شغلها صح نقول اصلهم مش قبضين ولما ميشوفوش شغلهم نقول قبضين ومهملين ... يا باشا انا واحد من الناس كنت حاطط العربيه فى دماغى انى اقتنيها فى يوم من الايام لانها انجليزى صرف على حسب الاعلان ما بيقول وليها تاريخ وبلا بلا بلا بمعنى اصح انا لو كنت لقتها مستعمله كنت جبتها على طول من غير تفكير وطبعا الى بشترى منه استحاله هيقولى انها صينى عشان اعلان المنتج نفسه بيقول انها انجليزى .... ولا ايه
من الاخر كده عفارم على جهاز حماية المستهلك 100%

[Mostafa.Mahran]

ما الشيفروليه المفروض انها عربية امريكى و ده الى الناس تعرفه انما الموجودة عندنا كورى

اشمعنى بقى لما قالو انها سيارة انجليزى و تصنيع صينى الدنيا مقلوبة عليهم

[A.Adel]

مع احترامى لحضرتك يعنى لما الناس تشوف شغلها صح نقول اصلهم مش قبضين ولما ميشوفوش شغلهم نقول قبضين ومهملين ... يا باشا انا واحد من الناس كنت حاطط العربيه فى دماغى انى اقتنيها فى يوم من الايام لانها انجليزى صرف على حسب الاعلان ما بيقول وليها تاريخ وبلا بلا بلا بمعنى اصح انا لو كنت لقتها مستعمله كنت جبتها على طول من غير تفكير وطبعا الى بشترى منه استحاله هيقولى انها صينى عشان اعلان المنتج نفسه بيقول انها انجليزى .... ولا ايه
من الاخر كده عفارم على جهاز حماية المستهلك 100%

لما يشوف شغله عالكل أقولك آه

كل التوكيلات بتعمل كده و محدش فيهم حصلوا حاجة
سواء بقى تقفيل أو مكان صناعة , التضليل واحد

[A.Adel]

يا راااجل..دي حاجة معروفة من قبل العربية ماتنزل!!
اللي بيقول علي رينو او فورد...طبعا لما بتسأل عن بلد التقفيل بيقولك ..مع الفارق كمان

لأن رينو مثلا شركة فرنسية و مقرها في باريس و رقابة الجودة و القرارات السيادية هناك
لكن ام جي مالهاش اي علاقة بانجلترا...دول اشتروا الاسم فقط!!!

كله تضليل ,بس بدرجات مختلفة
بدام طبق قرار ,يبقى يمشي عالكل

بالنسبة لإنها معروفة قوي ,ال mg فيه منها mg6 دي اللي بتتصنع في اوروبا فعلا و مبتنزلش مصر و دي اللي بتنزل اوروبا و امريكا على فكرة

اللي بيجيلنا كله ده اسمها roewe و صيني 100 %
التوكيل بينزلها على إنها mg بس متصنعة فالصين عشان اسمها يعني
اللي هي mg3 و mg5 و mg350

ماهي معروفة برده

[S O P H O S]

مشكوررر يا باشا ..

[ابو اسلام]

الكدب انهم اعلنو انها سياره انجليزيه و لكنها صينيه 100%
انا عن نفسي كلمتهم في التوكيل ماجبوش سيره انها صينيه. و معرفتش غير بعد كده.

هي فعلا كدا بس شركة صينية اشترتها بخطوط انتاحها بالتكنلولوجيا بكلوا
وحتي علي المنتديات الصينية نفسها بتداول علي انها انجليزية
تحياتي

[RedBull_30]

على فكرة العربية دي محترمة و لولا عدم انتشارها انا كنت اشتريتها .. خوفي بس من سعر اعادة البيع لانها مش معروفة ومن كتر الاشاعات اللي طالعه عنها ..
عاوز اي حد يبص عليها سواء ال mg3 او ال mg5 و يقولي رايه ايه في خامتها الداخلية ..
بصراحة ده مش شغل صيني خالص .
على فكرة .. الصين كبلد بتقدر تصنع كل منتج على حسب طلب المالك او السوق اللي هيتسوق فيه المنتج .
يعني انتم مثلا تعرفو معلومة ان الصين بيتم فيها انتاج طيارة فيها كمية تكنولوجيا مش طبيعية زي الايرباص ال 320 .
على فكرة خامات ال ام جي بتضاهي خامات الفولكس .
بصراحة تبقى بجاحة من الشركة هنا في مصر انها تنزلها بسعر زي ده وهي ما تستاهلش ..
العربية تستاهل بس في رايي اعادة البيع هتبقى مشكلة

[Hegazio]

هي فعلا كدا بس شركة صينية اشترتها بخطوط انتاحها بالتكنلولوجيا بكلوا
وحتي علي المنتديات الصينية نفسها بتداول علي انها انجليزية
تحياتي

الكلام ده عفوا مش مظبوط..
الشركة اتباعت من انجلترا لشركة اوربية أخري بخطوط انتاجها و تكنولوجيتها...بدون الاسم ( ك براند ) ..تم بيع الاسم فقط للصين بشوية وثائق عن تاريخ الاسم و بدون اي قطعة ارض او حديد او اي شئ اخر !!