lالسيارة ام جي الانجليزية سابقا الصينية حاليا

[skhater]

برجاء من ادارة المنتدي عمل منتدي خاص بالسيارة MG والتي لها اكثر من منتج من السيارات التي تعتبر منافس قوي للكوري والياباني بنكهة صينية
MG 350 - YouTube
MG5 - YouTube

[skhater]

ايه يا جماعة هو محدش عنده فكرة عن السيارة دي او اشتراها عاوزين نعرف تجارب ماليكيها

[S O P H O S]

هو حضرتك مالك للعربية ..؟
اصل حاسس ان ملاك العربية قليلون جدا ..

[skhater]

هو حضرتك مالك للعربية ..؟
اصل حاسس ان ملاك العربية قليلون جدا ..

لست مالك للعربية بس بصراحة امكانياتها احسن من نيسان صني وهروح اشوفها علي الطبيعة بكرة
بس كان نفس الاقي حد مالكها مع ان لها صفحة علي الفيس بوك معدية 90 الف مشترك

[skhater]

هو حضرتك مالك للعربية ..؟
اصل حاسس ان ملاك العربية قليلون جدا ..

لست مالك للعربية بس بصراحة امكانياتها احسن من نيسان صني وهروح اشوفها علي الطبيعة بكرة
بس كان نفس الاقي حد مالكها مع ان لها صفحة علي الفيس بوك معدية 90 الف مشترك

https://www.facebook.com/MGEgyptofficial

[mostafa53]

ايه يا جماعة هو محدش عنده فكرة عن السيارة دي او اشتراها عاوزين نعرف تجارب ماليكيها

أنا شفتها فى معرض فى الزمالك وعجبتنى جدا من جوه وبره وسعرها معقول جدا لكن ماشفتهاش فى الشارع وبصراحة أنا راجل موسوس وأخاف أجرب حاجة جديدة ماحدش جربها قبلى

[MoH.SaLaDiN]

ممكن تكون فعلا عربية حلوة بس طبعا عشان قطع غيارها تكون متوفرة و تلاقى كل الصنايعية تشتغل فيها ده حياخد وقت كبير اووووووى فانصحك بلاش تجازف وخليك فى المنتشر اكتر

[mohamed_fatouh]

السيارة من حيث التقفيل و الخامات كويسة جدا خصوصا ام جى 5 ولكن سعرها غالى جدا 122000 ج ودة كتير على سيارة صينى جديدة بالسوق المصرى ...كان يفضل ان يكون سعرها لا يتعدى ال 100000 ج على اعلى تقدير من اجل المنافسة و الانتشار اولا وعندما تنتشر السيارة و تثبت وجودها فى السوق فى الحالة دى ممكن السوق يقبل زيادة الاسعار ...وخصوصا مع منافسة الايمجراند من غبور بضمان 5 سنوات او 100000كم ...لهذا و حقيقة ارجوا من ادارة الشركة مراجعة الاسعار ....ودة موش عيب سيارات كتير منها مثلا ماذدا 3 تراجعت فى الاسعار بسبب المنافسة الشرسة فى مصر...يعنى من الاخر معايا 122000ج اشترى ام جى 5 ولا اشترى بى ام دبليو استعمال موديل 2004 e46 عرفتوا الحيرة فى ايه ....شخصيا انا ميال لل ام جى لانى باحب مغامرة الجديد بس برضة دى بى ام يا جماعة..شوفتوا حيرتى

[MIRIAMTY]

انا عندى العربية بقالى حوالى سنة و عجبانى جداااا بس انا اللى عندى mg350 و ندمت اوى انى ماستنتش شوية كنت اخدت mg5 لأن شكلها احلى و فيها اللون الموف تحفة بس الحمد لله قدر الله و ما شاء فعل

[mazensayed]

انا اشتريت العربيه من حوالى شهر و اكتر ... و عمات بيها لحد الان حوالى 650 كم
اداء العربيه ممتاز و بيتحسن مع الوقت...
انا و بعض اقاربى استغبينا على العربيه ... و جربنا كل حاجه تقريبا .. جبت بيها 169 بالظبط لحد الان... و جربت الفرامل على سرعه حوالى 130 او اكتر و الثبات كان ممتاز
تقفيل العربيه رائع .. مش حاسس ان له علاقه بالصينى او الكلام اللى ممكن يتقال عنه
سحب العربيه ممتاز .. و خصوصا مع ال sport mode ...
فيها ال snow mode اللى يخلى العربيه متزنه فى حاله الارض الرطبه او المنزلقه .. بس بصراحه انا لسه ماجربتوش
العربيه فى رأى احسن من حاجات كتير فى السوق و امكانياتها (الامان و الرفاهيه) تخلى الواحد يفكر فيها بكل جديه
التوكيل محترم جدا معايا لحد الان ... و مع الوقت حعرف اكتر (لما اعمل الصيانات بتاعتها) بس عيبهم امهم موظفين فى مواعدهم (الشغل من الاحد للخميس .. يعنى لازم اخد اجازه عشان اروحلهم)
ليا واحد قريبى اشتغل زمان DRIVE TESTER و هو معاه دلوقتى نيسان الجديده و لما ركب العربيه بتاعتى قال انها احسن كتير.

[الريس حميدو]

انا كنت ناوي اشتري ال mg 550 لولا انها نزلت بمحرك 1,8 بنزين فقط وانا افضل الديزل

[seeworld]

mg 3

طيب بخصوص العربية mg3
انا شوفتها وعجبتنى وناوى اجيبها بس خايف من قطع الغيار ومن العربية نفسها فى اتزانها على الطريق ياريت لو حد جربها او يعرف حاجة عن اسعار قطع غيارها يقولى

[mohamed hussei]

طب متجيب فيات لينا احسن واسمها ايطالي

[seeworld]

هلا

والله ياستاذ محمد
انا ليا تجربة مش حلوة مع الفيات
انا روحت المعرض وركبت العربية وبصيت على الماتور وتقفيلها احسن من الكورى
خصوصا انى كنت راكب كيا
وانظمة الامان اعلى كتير من ااى عربية
كل الموضوع انا خايف من انها لسة سيارة جديدة فى السوق مش عارف ماشيها هيكون ازاى فى الشوارع بتاعتنا المصرية