ام جي

[m7mdwagih]

لماذا لا يوجد قسم لسيارات ام جي ضمن السيارات الصينية

[M I D O]

موجود قسم خاص بالسيارات الانجليزية عموما وتقريبا مفيش قسم خاص بيها بس لانها ملاقتش نجاح في مصر وغير منتشرة

[m7mdwagih]

شكرا لرد حضرتك بس هي سيارات جميلة و انا لمل اتفرجت عليها عجبتني و دورت علي ريفيوهات ليها لقيت حجات بسيطة هنا في المنتدي قلت لو كانو مجمعين يبقي احسن

[saddam]

صديقي المواطن
أم.جي تحتاج وكيل غني وقوي ويرخص.سعرها حتنجح غير كده فأسعارها عالية والمواطن.المصري محتاج تجر رجله وبعدين تغلي عليه ولو مرخصوش سعرها عمر نيكول سابا محتنفعهم ودمتم للنضال

[د.عماد صلاح]

شفت في المصريه بتاعه داندي مول لما كنت بدور علي عربيتي ال ام جي 350
العربيه مذهله كانت ب 115 ايامها العربيه تقفيلها من بره و جوه مش صيني خالص احسن من تقفيل البريليانس حتي و حوض العربيه ممتاز
بس هل نضمن مواتيرها لانها مواتير صيني و العربيه الانجليزي اللس فيها الاسم وبس لكن لو هتشيل العلامه وتحط فيات او رينو او بيجو محدش هياخد باله لان التقفيل ممتاز

[chef]

رغم انى هجمتها فى بدايتها .. الا انى والله شهاده حق امام الله سيارة ام جى 750 رهيييييييييييييييييييبه بمعنى ماتحتويه الكلمه من معانى . ومش هاكون مجامل لو قلت تضاهى البى ام ومرسيدس فى فخامتها وراساوتها وقوتها

[virse]

رغم انى هجمتها فى بدايتها .. الا انى والله شهاده حق امام الله سيارة ام جى 750 رهيييييييييييييييييييبه بمعنى ماتحتويه الكلمه من معانى . ومش هاكون مجامل لو قلت تضاهى البى ام ومرسيدس فى فخامتها وراساوتها وقوتها

ريحتني والله انا عايز اجيب ال ام جي 350 وخايف وناس كتير رشحتلي البي واي دي لكن انا معلقه في دماغي ال ام جي وانتا طمنتني الف شكر

[chef]

اتوكل على الله ..ومش هاتندم والله ..... وللعلم اللى بيقول انها لازم ترخص ... احب اقوله ان العربيه دى لو رخصت .. هاشك فيها ... دى تصنيع وتقفيل اكبر مصنع فى الصين .. سايك .. وللعملومه منتشرة فى السعوديه الان واسعارها اغلى من الكورولا ومن االكامرى كمان

[Moamen Hossam]

انا الحمد لله حجزت الام جي 350 الفئه c بجد ماشاء الله و لاحول ولا قوه الا بالله ملهاش حل تقفيل وصاج ونضافه في كل حاجة من وجهة نظري تضاهي انضف السيارات الكوري بل تتفوق كمان وتقفيل الحوض محترم جدا, الي اتأكدت منه ان موتور وفتيس وعفشه وشاسيه تصنيع اتحاد اوربي مع بعض الاجزاء الاخري (تقريبا 80 %) والباقي صيني والسيارة باكامل تجميع مصانع Saic الصين .

التوكيل محتاج يهتم بتسويق السياره اكتر من كده عشان بجد قيمتها اكتر من سعرها.