ام جى تطرح محليا mg750 برعاية اعلامية للفنانة نيكول سابا

[Mohamed.Ramah]

تقدم لنا شركة EBA الوكيل الوحيد لسيارات MGفى مصر سيارتها الجديدة MG 750



السيارة الجديدة MG 750 التى ستكون طرح جديد لشركة MG للمنافسة فى هذة الفئة وكما ذكر ان السيارة MG750 تصنع الان بأيدى مصرية فى الشركة المصرية الالمانية
للسيارات EGA التى تنتج افخم انواع السيارات الالمانية المعروفة مما يضمن اعلى مستوياد الجودة والثقة مما سينعكس بالتاكيد على سعر السيارة .



السيارة MG750 تطبق اعلى معايير الجودة وبتجهيزات جيدة :
فهى تحتوى على الديد من الكماليات التى تزعم الشركة انها لا تتوفر فى الكثير من السيارات فى نفس الفئة من بينها (كاميرا خلفية - فرش جلد - حساسات خلفية - ABS- EBD -جنوط المونيوم
- اعلى معدلات الامان والثبات , نظام مانع للسرقة , كمبيوتر أعطال = SD CARD - مخرج usb - AUX - طارة متعددة الوظائف وبلوتوث و DVD Touch - تكيف خلفى وفرش جلد )



المحرك :



ستتوفر بمحركين الاول 1800 سي سي محرك تربو

الثانى : 2500 سي سي
.............





مراكز الخدمة وقطع الغيار :

تم افتتاح صالة عرض ضخمة ومركز صيانة معتمد فى التحرير بالدقى وهذا وتدعم شركة EBA خدمات ما بعد البيع والعديد سوف يتم افتتاحة لتغطية جميع المحافظات على حد قولهم فى المستقبل
القريب كما انها تتميرز بتوافر قطع الغيار لجميع الموديلات باسعار تنافسية على مستوى فنى عالى وتقوم الشركة ايضا بعمل دورات تدريبية فى الخارج والداخل لرفع كفائة الخدمات والوقوع
على احدث ما وصلت إلية التكنولوجيا الحديثة وقريبا سيتم
الكشف عن باقى الخدمات ما بعد البيع ومراكز الخدمة المعتمدة .

..............
سعر MG 750 سيتم طرحها فئتين فقط :

الفئة الاولى بالمحرك 1.8 اتوماتيك جميع الكماليات 199.500

اما الفئه الثانيه بالمحرك 2.5 اتوماتيك جميع الكماليات 234.500

[ayman20100]

مبروك العربية الجديدة mg 750

وان شاء الله نشوف عربية بمكونات مصرية 100% قريب
العربية شوفتها وشكلها تحفة وامكانياتها جميلة .

[A.Adel]

ده فعلا اللي اختشوا ماتوا
عربية صيني وتجميع مصري كمان و تبدأ من 200 ألف
هو إيه ال 200 ألف دي بقت بالساهل كده

أنتم متخيلين إن دي بقرب نص تمن ال 520 ؟
ليييييه ؟؟!!!!!!
ومين هيدفع على عربية زي دي ضريبة 5000 جنيه , إن شاء الله 3000 حتى ؟!!!!!

[k_fassi]

ده فعلا اللي اختشوا ماتوا
عربية صيني وتجميع مصري كمان و تبدأ من 200 ألف
هو إيه ال 200 ألف دي بقت بالساهل كده

أنتم متخيلين إن دي بقرب نص تمن ال 520 ؟
ليييييه ؟؟!!!!!!
ومين هيدفع على عربية زي دي ضريبة 5000 جنيه , إن شاء الله 3000 حتى ؟!!!!!

و الله كلمك صحيح 200 الف جنيه فى عربيه صينى ايه الجنان ده اروح اجيب بيجو او اكبر شويه و اركب فولكس او سكودا ايه العبط اللى هما فيه يعصنى صينى و تتجمع فى مصر و بالثمن ده الناس ده شبفانا مختومبن على قافنا

[A.Adel]

العربية دي فعلا المفروض لما تلاقي حد راكبها
تنزله وتديله قلمين عشان تعرفه غلطه

[sherif222]

لا حول ولا قوة الا بالله !!!

[Sa3D ALEX]

يا جماعه لابد من تغير ثقافه الشعب المصرى فى كيفيه شراء سياره .... التجار والمستوردين واصحاب التوكيلات بيستخفوا بعقول الشعب المصرى نظرا لاهتمامهم يالكلام الكثيرررررررر والشكل والاشاعات الى بتصيب اى عربيه محترمه بدون التأكد من فنيات السياره من تكنولوجيا وثبات وجوده موتور وايضا نظام التعليق الخلفى وكثيرا من الفنيات التى تتناسب مع احتياج اى شخص

ولو نظرنا من حولنا من سيارات هنلاقى سيارات يابانى و فرنساوى ذو جوده عاليه جدا وارخص من هذه السيارات الكوريه والصينيه المبالغ فيهم بغباااااااااااااااء شددددددددددددديد :b4_592:

[seven777]

فى ناس كتير زى اللى بيروح يجيب سيراتو بدل مايجيب سيفيك او اى عربية يابانى

[Mohamed.Ramah]

ده فعلا اللي اختشوا ماتوا
عربية صيني وتجميع مصري كمان و تبدأ من 200 ألف
هو إيه ال 200 ألف دي بقت بالساهل كده

أنتم متخيلين إن دي بقرب نص تمن ال 520 ؟
ليييييه ؟؟!!!!!!
ومين هيدفع على عربية زي دي ضريبة 5000 جنيه , إن شاء الله 3000 حتى ؟!!!!!

متفق معاك خاصة mg ملهاش سوق او قاعدة كبيرة والاقبال عليها بزيادة دونا عن مثيلتها فى نفس الفئة السعرية وابسط مثال شوف كام سيارة mg مباعة حتى الان حيقولو الرفع السعر بالشكل دة هو تسويقها بالمحركات 1.8 تيربو و 2.5

الاغفلوة ان دة حيحدد شريحة معينة فى المجتمع المصرى وبالتالى الشريحة دة بتتجة بشكل مباشر على شركات بتوفر محركات ذات سعة اكبر من 1.6 خاصة لكل من بيبحث عن الاداء القوى والتجهزات

الشايف ان فى افضل منها فى سيارات اقل دة راى واظن كان الافضل انها تنزل بموتور 1.6 و 1.6 تيربو وبسعر 140.000 ل 190.000 كبداية ولما يبقى فية اقبال ساعتها يرفعو السعر وتنزل بمواتير اكبر لاكن واضح انهم نازلين ينافسو فئات معينة من السيارات ودة صعب حتى لو كان سعر mg 750 قليل مقارنة بنفس الفئة بل بالعكس اغلب النبيشرى بتتجة لمواتير اصغر بتيربو حاليا لاستهلاك البنزين وكما ذكرت رسوم اقل الترخيص فى المرور احنا مش فى السعودية : )

[M I D O]

ده فعلا اللي اختشوا ماتوا
عربية صيني وتجميع مصري كمان و تبدأ من 200 ألف
هو إيه ال 200 ألف دي بقت بالساهل كده

أنتم متخيلين إن دي بقرب نص تمن ال 520 ؟
ليييييه ؟؟!!!!!!
ومين هيدفع على عربية زي دي ضريبة 5000 جنيه , إن شاء الله 3000 حتى ؟!!!!!

اتفق معاك تماما و وفرت عليا كلام كتير كنت هقولة

[ashouhdy]

مش ال م جى دى ماركة انجيليزى

[horas3000]

هما غالبا ماشين بمنطق تجيب دي و لا سيراتوا هاي لاين
و عموما العربية ده انا شفتها في الكويت من حوالي تلات سنين تقريبا
و هي مش بطاله بصراحه و مواصفاتها حلوه و كتيير ده غير انها كبيره و فخمه و واسعه
الفكره ان بعد الحوارات بتاعت الدعم ميصحش تيجي و تجمع عربية فوق ال 1600 cc
و اغلب الظن العربية دي هتبيع عدد لا باس بيه

[eleanor]

هى عربيه جميله جدا وسعرها بالنسبه لجمارك مصر معقول
لكن المشكله ان السعر عالى على المستهلك المصرى نظرا لسعر العربيات الاوروبى والى جماركها اقل

[Land_Cruiser]

مش عارف. هي الناس دي عملت دراسه للسوق و لا ايه قبل ما ينزلوها سيدان بمواتير 1800cc و لا 2500cc في وقت حتي ال SUV بقت 1600cc علشان الضريبه و استهلاك البنزين يبقوا معقولين و الناس ترضي تشتريهم . ماركه MG كانت انجليزي فعلا بس شركه صيني اشترتها و حاليا بيتم تجميعها في مصر يعني منطقي ان الناس هتبقي مقلقه تشتريها علي اساس انها صيني تقفيل مصري و ده مش معناها انها سيئه لكن لسه قدامها وقت تثبت نفسها بالكام موديل الصغير اللي منزلينهم الاول و علي الاقل كانوا يستنوا لما ينجحوا وبعد كده يبقوا ينزلوا فئات اعلي زي دي وخاصه ان اغلبيه ان مكنش حتي كل الفئات العاليه في الصيني لم تحقق النجاح اللازم في السوق عندنا زي مثلا السانج يونج او الجالينا ده طبعا غير موضوع ان الناس آخرها 1600cc و لذلك أتوقع ان فرصه نجاحها ضعيفه

[A.Adel]

السعر ده بغض النظر طبعا إنه مبالغ فيه بس كان هيبقى مبرر لو كانت مستوردة

بس إنها تبقى تجمع مصري وبالسعر ده
ده استهبال رسمي
العربية دي المفروض متعديش ال 150 ألف

ده غير إنها نازلة 1800 يعني بره الدعم كمان هاهاهاها
وشكلها مش واو يعني ,عادية جدا وأقل من العادية كمان
دي شوية option صيني ماشي على الأرض

الصراحة مش لاقيلها أي حاجة تخلي أي حد يجيبها
ده حتى السيراتو اللي بـ 200 ألف على الاقل مدفوع عليها جمرك اد كده
مع اعتراضي الشديد طبعا على سعرها