تتوقع اى سيارة من سيارات mg تنافس بقوة في فئتها ؟

[Samah AbdAllah]

تقدم شركة MG للسيارات الانجليزية والتى يتم تجميعها حاليا في الصين
عدة موديلات وفئات مختلفة من السيارات في محاولة لارضاء مختلف العملاء
وتلبية الاحتياجات المتباينة والمتفاوتة من عميل لاخر وفقا لاحتياجاته من السيارة جنبا الى جنب مع ميزانيته المخصصة لشراء سيارة
فأى سيارة من سياراتMG تتوقع ان تنافس بقوة في فئتها وتجذب اليها اكبر عدد من العملاء على حساب الماركات الاخرى الاكثر شهرة وشعبية وانتشارا في مصر

للتعرف على الموديلات والاسعار المختلفة لسيارات MG
http://www.nilemotors.net/Nile/391798-mg.html

[saddam]

صديقي المواطن
قولا واحدا ولا واحدة حتنافس ما لم تعد الشركة النظر في سياسة التسعير المبالغ بها في عربية لا يعرفها الشعب المصري ولكن كمقارنة فهي في فئاتهم سياراتهم أفضل من السيارات المنافسة ولكن أسعارهم بحاجة لتخفيضات لا تقل عن 30% ﻷربع سنين حتى العربية تنتشر ثم يبدأ يزود شوية شوية ويعوض خسائره
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[abokoko]

الفئات العليا تنتمى للشركة الانجليزيه
اما اول فئات الشركة فالغالب عليها انها صينى بحت
ولكن الشركة عايز تسوق العربيه على انها انجليزى
وبسعر لا يمت للصينى بصلة
مش هتنتشر بسبب سعرها -
ده رايى

[maio_do]

ولا واحده الشركة بتتعلم ببطى شديد

[benmatar]

ولا واحدة
والفشل يلاحق الشركة والعلامة من بدايتها في انجلترا وبعد شراء بي إم دبليو لها عدة سنوات وحتى استقرارها في ربوع العملاق الآسيوي (الصين) وحتى تجميعها في قاهرة المعز
زي ما بيقولوا ارزاق أو قرف (بكسر القاف وفتح الراء)

[yyy]

ولا واحده فيهم

[mito1b]

لا اعلم

[mo3tazanas]

ولا واحدة وهتفشل فشل زريع لان سعرها غالى جداااااااااااااااااا ومحدش يعرفها لازم السعر ينزل شوية ...لا مش شوية ينزل كتير علشان حد يبتدى يفكر فيها

[Batman372]

الوكيل و الاسم بقاله حوالى سنتين فى السوق ... و لم نشاهد عربيه واحده فى الشارع !!
للاسف مازال فاشل فى التسويق و المبيعات ... لان مفيش حاجه اسمها انجليزى لكن صينى و الاسعار لا تنافس !!
ما عندك القشقاى نيسان و يابانى و متقفله فعلا فى انجلترا ... مع ذلك مبيعاتها مش قد كده مقارنه مثلا بالكيا سبورتاج كورى و اغلى لكن مكتسحه ...
رائى المتواضع المفروض كبدايه انها تقل سعرا عن الاسبرانزا ... موضوع ان الاسم انجليزى دا ما يوكلشى عيش :)
تحياتى ...

[bmya]

معرفش عنها حاجه ومقدش احكم عليها

[J A G U A R]

معنديش فكره

[Gelgel2004]

للاسف مبالغ جدا فى سعرها
المفروض المكاسب تكون اقل شويه خصوصا انه معملش دعايه جامده و مكلفه
بالكتير اعلانات بالاهرام و الاخبار

[borio1704]

للأسف السوق المصري في الوقت الحالي غير مستعد لتجربة شيء غالي وغير مضمون من وجهة نظره .. إلا إذا كان هناك مغريات كبيرة، خاصة وأن خبرة المصريين بالسيارات عموما تعتبر ضعيفة مقارنة بأسواق أخرى ومعرفته بالسيارات الإنجليزية معدومة.

ميزة صناعة السيارات الإنجليزية أنها تهتم بالتفاصيل والفخامة... ولكن مشكلتها الأساسية (كانت) تكمن في اعتماديتها نظرا لضعف تطبيق أساليب الجودة في الصناعة.. كما أنها (كانت) تفتقر إلى تقديم سيارات تفهم احتياجات مستخدمي السيارات، ولهذا اندثرت ، فلم يبقى من امبراطورية صناعة السيارات الإنجليزية إلا بعض علامات تجارية (رولزرويس، بنتلي، جاجوار، لوتس، لاندروفر، mg [روفر سابقاً]) مقارنة بعشرات الماركات سابقا.

أعتقد أن التوليفة الحالية ناجحة... ولكن المشكلة في السوق المصري كما ذكرت.

من وجهة نظري... المستقبل للصيني بلا شك... وسيأتي يوم ننظر للسيارات الصينية نفس نظرتنا للسيارات الكورية حاليا واليابانية في المستقبل البعيد نوعا ما... ولكن هذا يحتاج من الوكيل إلى سياسة النفس الطويل وحرق الأسعار.

المفروض أن هذه سياسة الصينيين أصلا.



...

[midooo_119]

و لا حتى هنشوفها فطبق اليوم العربيات الصينى الناجحه الى اسعارها اقل من مئه الف هى دى الى المشترى المصرى بيجبها زى البريليانس و الاسبرانزا و مؤخرا الجيلى امكانيات بتبقى اكتر من السعر لكن mg عمرها ماهتنجح مش بس عشان السعر لان التوكيل محدش يعرفه و الشركه الصينيه الى مشترياها مش مشهورة .. يعنى الجيلى اشترت فولفو وهى الى صممت عربياتها فالناس مطمنه اما الmg لسه بدرى عليها اوى

[Car's Sniper]

كل موديلاتها هاتفشل بقوة اكتر مما يتخيل الوكيل بتاعها فى مصر
البديهى لما اجى انزل عربية السوق باشوف امكانيتها ايه واشوف نفس الامكانيات دى فى العربيات المنافسة واروح منزل العربية بسعر اقل لو حتى فى البداية ..الناس تشترى ...تاخد سمعة وقطع غيارها تنتشر ...ابقى ارفع بعد كدة بالتدريج
اما بسعر ارخص عربية فيهم ممكن اجيب نيسان صنى
وممكن اوفر واجيب m11 او byd
وانتشارهم رهيب ومميزاتهم وعيوبهم معروفة للشعب كله