Mg5 2014

[RedBull_30]

مبدءيا انا حابب اقول راي عموما في ام جي و هو بعكس اللي قريته من باقي الاعضاء هنا في المنتدى و هقوله باختصار شديد : لو حابب تركب عربية اوروبية فيها عوامل الامان بجد و خامات داخلية عالية الجودة و محرك وجهاز تعليق محترم وفي نفس الوقت مش معاك الفلوس الكفاية بانك تشتريها بمبلغ مثلا يعدي ال 200 الف , راجع نفسك و فكر في العربية ال mg .

متهيئلي اي واحد مهتم هيبقى سمع او شاف سيات ليون الجديدة , بصراحة العربية جميلة اوي وطبعا الفئة العالية منها رائعه بكل مواصفاتها وهي ب 186 الف اخدت راي كل اللي اعرفهم وكنت خلاص هجيبها وكنت هدفع 70% منها وهقسط الباقي , العربية فعلا جميلة بس اللي يفهم الحقيقة هيرتاح.. انا فكرت في الاول في ال ام جي ولما نزلت الليون اتجهت ليها ولما راجعت حساباتي رجعت افكر في الام جي بقوة واتفاجئت النهاردة بحاجة وانا بدور عن اي معلومة عنها على المواقع بتاعتها وعرفت ان موديل 2014 نازل بنفس المحرك بس تيربو 129 حصان و جيربوكس ب 6 سرعات , والكلام عن المحرك الجديد او القديم كله في صالح العربية .

حابب في الاخر اوضح رايي للاعضاء بمثال بسيط :
صحيح كلنا بنحاول نشتري اي حاجة ذات جودة عالية بسعر رخيص و لكن هل ده موجود الايام دي؟ بصراحة العربية نضيفة اووي بخامتها ومحركها .. لا ينفع نقول عليها صيني ولا ينفع نساويها بالكوري ولا نساويها بالياباني بموديلاته اللي في مصر ..
عشان نبقى محايدين في راينا عن السيارة دي اتمنى من اي حد حابب ينصحنا بحاجة يقولنا تجربة سواء سيئة او حلوة بس تكون تجربة

[saddam]

صديقي المواطن
ومن قال لك إنها عربية وحشة بالعكس دي من العربيات العظيمة وأحسن من 80% من العربيات الجديدة في مصر ولكن المصيبة توكيلها من الفقراء وحتعوز توكيل ملياردير وشبعان يسوقها وحملات إعلانية ضخمة تسوقها وأهم حاجة السعر
هو حضرتك شفت نجاح البيجو 301 نجحت نجاح ساحق إزاي إوعه تفكر نجاحها بسبب جمالها ولا جودتها ولا لخاطر عيون بيجو بس عشان نزلت رخيصة والعربيات المنافسة الكوري والياباني نازلة بأسعار خزعبلية خرافية فالشعب المصري بص على بيجو 301 عربية رخيصة وبعدين إبتدا يبص على مواصفاتها وتاريخها وجمالها وإبتدا يقنع نفسه ثم إبتدا يقول فيها شعر فالرك عالسعر أولا نزلوها ب 95 ألف وبكره الشعب المصري يقطع نفسه عشانها وبعديها كل ستتين زودوها 15 ألف الناس حتتجاوب معاكم
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[samyyousef]

كنت افكر مثلك تماما ..و انظر الى تقييم السيارة بغض النظر عن تقييم السوق...لكن اكتشفت ضرورة احترام السوق...............و ضرورة الثقة في التوكيل
تحياتي