اشتريت mg5 و فاقت كل توقعاتي

[RedBull_30]

الحمد لله رب العالمين انا اشتريت MG5 و فاقت كل توقعاتي .. وانا بشتريها كنت عامل حسابي ان هيطلعلي كذا مشكلة ولكن الحمد لله ملقتش غير اللي كنت بتمناه في عربيات اغلى منها و بدون مبالغة هي افضل منهم ..
اشتريتها من معرض في م نصر ورجعت بيها لاسكندرية وكانت النتيجة ان لاقيت :
- ثبات بدون مبالغة .
- محرك ناعم بالرغم ان سير التقسيمة جنزير .
- فرامل محترمة و بدون معاناة .
- خامات داخلية مش هتلاقيها غير على الاقل في vw .


تم تعديل العنوان ليتناسب مع المحتوى
م ب 3

[hossam_elwani]

فعلا العربيه دى خامتها حلوه

[ahmedalaahosny]

ربنا يباركلك فيها هي صراحة شكل خامات التقفيل محترمة جدا لكن التوكيل مش مسوق العربية صح وتمنها عالي علي عربية صيني لسه اول مره تنزل السوق واول القصيده كفر اول مانزلت حماية المستهلك الزمهم انهم يقولوا انها صيني ومالهاش علاقه بام جي الانجليزية لانها كانت بتتباع علي انها انجليزي واساسا العربيات الانجليزي ف مصر مالهاش سوق

[Mostafa.Mahran]

خامات كويسة جدا و صاج قوى و محمل و عربية تخطف من اول مرة بس للاسف احنا فى مصر

[J A G U A R]

العربيه دى مش هتاخد فرصتها ابدا

[RedBull_30]

ربنا يباركلك فيها هي صراحة شكل خامات التقفيل محترمة جدا لكن التوكيل مش مسوق العربية صح وتمنها عالي علي عربية صيني لسه اول مره تنزل السوق واول القصيده كفر اول مانزلت حماية المستهلك الزمهم انهم يقولوا انها صيني ومالهاش علاقه بام جي الانجليزية لانها كانت بتتباع علي انها انجليزي واساسا العربيات الانجليزي ف مصر مالهاش سوق

ارجو لما تتكلم عن حاجة يبقى معاك دليل عنها .. كلامك معناه ان لسة فيه ام جي في انجلترا وده حقيقي فعلا بس هي ملك لشركة سايك في الصين ..

[RedBull_30]

بالمناسبة يا حضرات فولفو تقفيل صيني كمان موديلات فولكس كتير بتتجمع هناك و للمعلموة في نفس المصنع اللي بيتصنع فيه mg

[bmya]

عربيه شكلها حلو بس مبالغ في سعرها

[Ahmed TRAVCO]

الف مبروك على العربية... انا بحترم الناس اللي دماغهم مختلفة وبيشتروا الحاجة اللي مقتنعين بيها بغض النظر عن اعتبارات السوق...
وطبعا العربيات الـMG تقفيلها ممتاز وانا اتفرجت عليها شخصيا في معرض الكموني في طنطا وفعلا حاجة محترمة بس محتاجة تسويق افضل وعروض اسعار احسن لحد ما يبقى فيه brand awareness للماركة نفسها والناس تبدأ تعرفها وتثق فيها ثم يقدروا بعد كدة بقى يعملوا زي غيرهم ويزودوا الأسعار...
سؤالين: 1. هو حضرتك متأكد من حتة ان فولفو بتتجمع في الصين دي؟؟ اللي اعرفه ان الإدارة صينية بس لسة المصانع وخطوط الانتاج في السويد... لو عندك معلومة مختلفة يا ريت تقولنا...
2. بيانات حضرتك بتقول انك معاك جين2... ممكن تقولي فرق الثبات بينها وبين الإم-جي؟؟ الثبات بس...

[walidzakzok]

فعلا جهاز حماية المستهلك الزم الشركة بتغيير الاعلان على انها سيارات انجليزية بغير الحقيقة وهي سيارة صينية المنشا

[RedBull_30]

الف مبروك على العربية... انا بحترم الناس اللي دماغهم مختلفة وبيشتروا الحاجة اللي مقتنعين بيها بغض النظر عن اعتبارات السوق...
وطبعا العربيات الـmg تقفيلها ممتاز وانا اتفرجت عليها شخصيا في معرض الكموني في طنطا وفعلا حاجة محترمة بس محتاجة تسويق افضل وعروض اسعار احسن لحد ما يبقى فيه brand awareness للماركة نفسها والناس تبدأ تعرفها وتثق فيها ثم يقدروا بعد كدة بقى يعملوا زي غيرهم ويزودوا الأسعار...
سؤالين: 1. هو حضرتك متأكد من حتة ان فولفو بتتجمع في الصين دي؟؟ اللي اعرفه ان الإدارة صينية بس لسة المصانع وخطوط الانتاج في السويد... لو عندك معلومة مختلفة يا ريت تقولنا...
2. بيانات حضرتك بتقول انك معاك جين2... ممكن تقولي فرق الثبات بينها وبين الإم-جي؟؟ الثبات بس...

استاذ احمد انا بعتذر بصراحة معنديش دليل مادي على معلومة ان فولفو بتتصنع في الصين واعتمد على معلومة من شخص مقرب مني جدا وهو صاحب معرض سيارات كبير في 6 اكتوبر وبياكدلي ان فولفو ليها خطوط انتاج في الصين هي و الاوكتافيا وكمان الجيتا ..
بس يا حضرات انا ما قولتش ان الام جي انجليزي 100% والا مكنتش هتنزل مصر ولا انا كنت هعرف امتلكها , بس الواضح أوي هو ان ايدي الانجليز فيها اكتر من الصينيين وده هتلاحظه ببساطة بانك لو قارنت كل العربيات الصيني ببعضها وشوف افضلهم وبعدين قارنها بال mg .

الجين 2 هي كمان كانت فيها الروح الانجليزية و تحديدا لوتس و كنت بحب فيها عفشتها الرياضية و كانت بثبات طبيعي مش بيتدخل فيه اجهزة حتى كانت عفشتها الخلفية متعددة الاذرع على عكس ام جي 5 ..
انت عارف ان طريق اسكندرية الصحراوي مليان تحويلات وتفاجأت بجزأ مش ممهد قدامي وده خلاني اتفاداه بدون ما احتاج للفرامل وبصراحة محستش غير بكل ثبات للعربية وده اللي خلاني اقول في بداية الموضوع انها فاقت توقعاتي و للمعلومة وقتها كنت ماشي على 110 تقريبا كمان احب اضيف شيء لصالح الام جي وهي الفرامل .. بمنتهى الامانة (ولا في الاحلام ) ودي كانت حاجة بالبلدي كده زهقت وطهقت كل مالكي البروتون عموما مش الجين 2 بس .
الجين 2 عربية ثابته بطبيعتها بس مش الثبات اللي تثق فيه 100% وخليني بس اعمل 5000 ك بالام جي وان شاء الله هقولك على عيوبها قبل مميزاتها .

بالمناسبة يا أستاذ أحمد قبل ما انهي الرد على سؤالك .. هو الفولفو لو فعلا اكيد ان مصنعها في الصين ده يقلل منها ؟
أعتقد بان لو الاجابه نعم فهتبقى المشكلة عندنا احنا .. مش في الصين ولا العربية

[Ahmed TRAVCO]

بالمناسبة يا أستاذ أحمد قبل ما انهي الرد على سؤالك .. هو الفولفو لو فعلا اكيد ان مصنعها في الصين ده يقلل منها ؟
أعتقد بان لو الاجابه نعم فهتبقى المشكلة عندنا احنا .. مش في الصين ولا العربية

لأ طبعا لا يقلل منها لأن شركات بالحجم ده ليها معايير جودة معينة لا يمكنها التنازل عنها والاضرار بسمعتها اللي بنيتها على مدار عشرات السنين حتى لو العربية هتتقفل في طنطا عندنا... وعندك اكبر دليل مرسيدس وبي إم دبليو، ما هم بيتقفلوا عندنا وما اعتقدش اني سمعت شكاوى من تقفيل او غيره... عكس حاجة مثلا زي النيسان صني والبروتون بأنواعها تقفيلهم مش اللي هوه... فمش شرط يعني!!! وبعيدا عن العربيات عندك أبل بجلالة قدرها كل الـiPhones والـiPods واللي بتنتجهم بيتصنعوا في الصين عادي جدا، ومحدش يقدر يقرب من فخامة الآيفون وجودة مواد تصنيعه حتى الآن اللهم إلا اتش تي سي...

[M I D O]

ربنا يحفظهالك .. العربية روعة لاكن السعر المبالغ فية مخليها غير منتشرة ومش هتنتشر بالسعر دة

[hagag_ab]

اخيرا ابوس ايدك الحقنا بتقرير

اولا الف مبروك علي العربيه وربنا يكفيك شرها ويديك خيرها
ثانيا
انا عاوز اشتري العربيه دي فعاوز منك تقرير كفصل البه يكرمك
الفتيس ناعم ولا بينتش الموتور التسارع بتاعه كويس ولا
العزل مورضي ولا فيها تتش اسكرين ولا لان اللي شفتها ماكنش غيها والمعرض الناس تللي فيه غير مفيدين بالمره
مهم اوووى اداء الموتور والتسارع بليزززززززززز
اسف علي الاطاله

[هانى ظرف منصور]

السيارة سعرها كام؟