ما هو رأي ملاك ال mg في التوكيل شركة ايجيبشن بريتيش اوتوموتيف ؟

[Moamen Hossam]

مين يا جماعة معاه عربية MG وعمل اي صيانة في التوكيل يقولنا ايه رايه في التوكيل عموما من حيث المعاملة والجودة والوقت والاحترافية في الشغل ؟
العربية عاجباني جدا وعايز اشتريها بس مستني اي اخبار عن التوكيل

[ahmedalaahosny]

هو لغاية دلوقتي ماسمعتش ف المنتدي شكوي منهم بس صراحة العربيات الام جي دي انضف تقفيل صيني شوفته ف مصر

[hugan]

عربيات بجوده عاليه
مشكلتها وكيلها
منزلها باسعار خياليه
عدم وجود تاريخ سابق ليها في السوق المصري
دعايه تعبانه او تقدر تقول منعدمه

[د.عماد صلاح]

التوكيل مالوش مشاكل عشان مفيش ملاك يعملوا مشاكل
لازم يسوقها اول كويس و تنتشر و بعدين نحكم عليه ...هو فشل في اول خطوه اللي هي التسويق

[raedegypt]

ما تشترى من توكيلات بيع وخلاص والصيانه سيبها ونطلب القطع ولما تيجى نتصل عليك .. فى الاخير عربيه عاديه .. تدخل برجلك فى مشاكل انتى فى غنى عنها

[Abo-Baraa]

انا كنت خلاص هجيب MG3 بس فاخر لحظة شفت بالصدفة الرفيو بتاعها على Top gear وللاسف تقيمهم للموتور انه مش كويس ابدا ولما ابتديت اشوف الرفيوهات على يوتيوب كلهم بيأكدوا نفس الحاجه
و في ناس بتقول انه موتور تكنولوجيا قديمه

[firstknight_eg]

طيب كلمة للامانة المهنية... ومش هزهق من اني اكررها... توكيل ال mg هو توكيل العربية الكومودو...اللي كانت نازلة من كذا سنة وفشلت وكان كلها مشاكل... وبصراحة الراجل عمل اللي عليه تجاه اصحاب العربيات.. قفل التوكيل واختفي... وبعدها بفترة فتح توكيل جديد وجاب العربية الmg ... العربية كويسة او وحشة بصراحة ما اعرفش... ممكن فعلا تكون عربية جيدة جدا... بس دي مش وجهة نظري.... انا مشكلتي مع التوكيل نفسه انه نصب علي ناس

[tito32]

ايهما افضل mg او byd ?

[ayman20100]

ايهما افضل mg او byd ?

انت بتقارن ال Mg بال byd بجد
عفواً ما فيش مجال للمقارنة ال mg طبعاً
من الاخر روح اتفرج على الاتنين وانت تعرف الفرق بنفسك

[Moamen Hossam]

طبعا مفيش اي مقارنة بين ال mg وال byd من اي وجهة نظر روح اتفرج بس على اي موديل وهتعرف احنا قصدنا ايه

[M I D O]

اعتقد ان التوكيل كويس بس للاسف مش عامل اسم للعربية

[chef]

ام جى مش محتاجه حد يعرفها لا انها عربيات معروفه جدا فى اوروبا واصلها انجليزى واشتراتها شركه سايك الصينيه ودى اكبر شركه فى الصين وبتقفل مواتير فولفو والسيارات ام جى تحديداا معموله حسب القياسات الاوربيه واللى مش مصدق يروح يتفرج ويعمل تيست درايف