اسعار بعض قطع غيار mg350

[BlackEagle1985]

السلام عليكم و رحمة الله و بركاته

امبارح عملت زيارة لوكيل ام جي فرع الدقي و قابلت استاذ احمد مسئول عن المبيعات الحقيقة شخصية محترمة جدا و سابني اتفرج براحتي جدا علي كل الموديلات اللي حبيت اشوفها و جاوبني باستفاضة عن اسالتي كلها
اتفرجت علي
MG3
MG5
MG350
عربيات محترمة جدا جدا جدا تقفيل ممتاز صاج محمل و فعلا تحس انها مش عربيات صيني و زي ما استاذ احمد فعلا قالي انها عربيات مواصفات اتحاد اوروبي من حيث التقفيل و الخامات و وسائل الامان اللي فيها
كان من اسالتي عليه اخبار قطع الغيار ايه و اداني ليستة بالاسعار التالية و هي للMG350 لاني هي دي اللي انا كنت مهتم بيها و اغلب اسالتي عليها
الاسعار موضحة كالتالي
تيل فرامل امامي - 445.9
تيل فرامل خلفي - 445.9
طنبورة خلفية - 338.26
طنبورة امامي - 356.72
كفة مرايا شمال او يمين - 84
سير ادارة - 142.44
بلية سير - 115.73
بلية شداد سير مجموعة - 267.07 و MG-5
بوجيهات - 106.96 و MG-5
فلتر هواء - 62.3 و MG-5
فلتر تكييف - 71.22 و MG-5
فلتر بنزين - 89.18 و MG-5
فلتر زيت - 41.02 و MG-5
[COLOR="rgb(46, 139, 87)"]دي الاسعار اللي قدرت احصل عليها طبعا كلها بالجنيه المصري و نسيت اسال شاملة ضريبة ولا لا[/COLOR]

[S O P H O S]

اسعار كويسة
الا التيل غالية شوية

[BlackEagle1985]

اسعار كويسة
الا التيل غالية شوية

هو اظن اني اغلبهم سعره كويس كنت بقارن باسعار نفس قطع الغيار مع بعض موديلات الكوري و لاقيت اني فيه حاجات في الكوري كانت بضعف التمن و يمكن اقل او ازيد شوية

[BlackEagle1985]

شوف مثلا حضرتك الموضوع ده مع انه للبيكانتو المفروض انها سيتي كار و عربية صغيرة

http://www.nilemotors.net/Nile/419046-2013.html

[RedBull_30]

طبعا الاسعار رخيصة جدا و معقولة بالنسبة لاسعار الكوري مثلا ,
تعرفو تيل الفرامل الامامي الاصلي للجين 2 ب 1300 !!
mg 5 فراملها محترمة ولما تاخد تيل فرامل اصلي من التوكيل ب مثلا 500 جنيه اعتقد ان ده يضاف لمميزاتها .
شكرا استاذ احمد على اهتمامك و توضيح بعض الامور اللي ممكن تساعد غيرك بيها بانه يختار صح

[BlackEagle1985]

طبعا الاسعار رخيصة جدا و معقولة بالنسبة لاسعار الكوري مثلا ,
تعرفو تيل الفرامل الامامي الاصلي للجين 2 ب 1300 !!
Mg 5 فراملها محترمة ولما تاخد تيل فرامل اصلي من التوكيل ب مثلا 500 جنيه اعتقد ان ده يضاف لمميزاتها .
شكرا استاذ احمد على اهتمامك و توضيح بعض الامور اللي ممكن تساعد غيرك بيها بانه يختار صح

العفو يا فندم... العربية فعلا كويسة و ثمنها فيها بس للاسف التوكيل مهمل جدا في التسويق
مش كده و بس انا كنت في معرضين من اكبر و اشهر المعارض في مصر و للاسف كان رد المسؤلين عن المبيعات هناك غيرمبشر
اللي يقولي الرقم ده يجبلك ريو او بيجو 301 طيب ليه بلاش ام جي متلاقيش رد مقنع و اللي يقولك مش بحبها اصلها صيني طيب يا فندم مع احترامي مش مشكلة انت تحبها المهم اللي هايشتري و هايركب طيب جالك منها شكاوي او سمعت عن شكاوي يقولي لا طيب وحشة ليه يقولي علشان صيني
عموما حبيت اقول العربية بصراحة من وجهة نظري المتواضعة تمنها فيها خامات مش ممتازة بس جيدة جدا صاج محمل دهان رائع حوض الموتور منظم جدا و كل قطعة واخدة راحتها و زيادة التابلوه شيك وسع داخلي فكرتني بالالنترا الجديدة

نقطة اخيرة اسالكم ان تدعولي ان يهديني الله لما فيه الخير

[د.عماد صلاح]

العربيه دي ممتازه ومتكلفه و شيك جدا و توكيلها مطنش الدعايه بطريقه غريبه جدا

[M I D O]

اسعار تعتبر معقولة