إعـــــــلان

Collapse

.

,
See more
See less

مواصفات ام جي 3 كروس بالمقارنه مع بريليانس frv كروس

Collapse
X
 
  • Filter
  • الوقت
  • Show
Clear All
new posts

  • مواصفات ام جي 3 كروس بالمقارنه مع بريليانس frv كروس

    اﻻعضاء الكرام
    تحيه طيبه ، انوي حاليا شراء سياره عندي حيره في اﻻختيار بين ام جي 3 كروس و بريليانس frv كروس ، العربيتين تجميع صيني ، البرليانس تتفوق علي ام جي من حيث العزم و الحصان لعدد لفات الموتور المحدده ، الجير بوكس في ام جي ايزي ترونك مش منتشر اوي ، وجهه نظري ان البرليانس تتفوق في مواصفات الموتور و السعه في الصالون والشنطه ، وتقريبا انا شايف التقفيل واحد وان كان تابلوه البرليانس افخم ، انامش من هواه الكماليات الغير ضروريه عاوز مقارنه موضوعيه بين العربيتن من ناحيه الموتور والعفشه والثبات والتسارع وسﻻسه القياده

    كتير من اﻻعضاء شكرفي ام جي وانا كنت معجب بيها جدا لحد ما شوفت البريليانس وقلت فرصه اننا نقارن مقارنه فنيه بين النوعين مع العلم ان في 20 الف فارق سعر لصالح ام جي 3 فهل في حاجه في اﻻم جي 3 تستاهل الفرق ده مقارنه ب البرليانس frv كروس

    معلوماتي عن العربيتين من خﻻل البروشور اللي بيتوزع عند الوكيل ، لما جربت اشغل كل عربيه ، ام جي صوتها هادي مقارنه ب البريليانس

    اتمني لو في حد من اﻻعضاء يوضحلي الفرق پين العربيتين وله جزيل الشكر

  • #2
    متابع

    Comment


    • #3
      الشباب فين ، في انتظار الردود

      Comment


      • #4
        حضرتك كنت بتسئل و أعتقد انك كنت بتجاوب في نفس الوقت .
        بالنسبة لرئيي في الام جي كروس شكلها معجبنيش لشيء بسيط جدا وهو ان فكرتني بشكل الكروس اووف البريليانس .. بامانة تصميم قبيح للسيارتان .
        راجع نفسك و فكر في الام جي 3 فقط لان بجد هي اجمل بكتير من الكروس اووفر .
        بالنسبة للمواصفات الفنية اللي حضرتك اتكلمت عنها فانا معنديش اي معلومات عن البريليانس , بس من غير ما اتفرج على البريليانس اظن ان الام جي 3 على الاقل هي الافضل من حيث الخامات والتقفيل .

        في النهاية ربنا يوفقك و تحط فلوسك في حاجة تبسطك .

        Comment


        • #5
          الإم جي أقل إنتشار إضف لإصرار الوكيل انه يقول انها انجليزي المنشأ أو الأصل وده شئ مش مريح
          كمان البريليانس موجوده أكتر ومن قبلها والبافاريه وكيل سمعته طيبه
          تقبلو مروري
          من مجموعتي القصصيه الأولى .. ترقبوها قريبا
          أم السعد http://www.nilemotors.net/Nile/214288-a.html
          غريب حكايته مع الزمان http://www.nilemotors.net/Nile/279773-a.html

          Comment


          • #6
            بداية كلامك في موضوعك كنت بتقول ان عندك حيرة بين العربيتين , وبين كل سؤال والتاني اجابتك انت بنفسك عن سؤالك و في اخر الموضوع اخذت نفس المسلك اللي غيرك اتجه ليه بان التوكيل بيقول والعربية صيني .

            عارفين يا حضرات العربية دي هترضو عنها امتى ؟
            تسمحولي اجاوب
            لما يبقى سعرها مثلا 50 الف جنيه و تطلع اشاعه قوية جدا انها بقت من انتاج مرسيديس او بي ام ومتهيئلي بعدها هتقلقو منها و تقولو دي مرسيديس بتصنع العربية دي من الفضلات المتبقية من موديلاتها .

            Comment


            • #7
              المشاركة الأصلية كتبت بواسطة RedBull_30 مشاهدة المشاركة
              بداية كلامك في موضوعك كنت بتقول ان عندك حيرة بين العربيتين , وبين كل سؤال والتاني اجابتك انت بنفسك عن سؤالك و في اخر الموضوع اخذت نفس المسلك اللي غيرك اتجه ليه بان التوكيل بيقول والعربية صيني .

              عارفين يا حضرات العربية دي هترضو عنها امتى ؟
              تسمحولي اجاوب
              لما يبقى سعرها مثلا 50 الف جنيه و تطلع اشاعه قوية جدا انها بقت من انتاج مرسيديس او بي ام ومتهيئلي بعدها هتقلقو منها و تقولو دي مرسيديس بتصنع العربية دي من الفضلات المتبقية من موديلاتها .
              العضو alfa 2000
              انا بعتذر لحدة ردي وكمان لعدم تفهمي الرد الاخير انه مكنش من حضرتك .. كمان العضو اللي احتديت عليه في الرد هو كان رده زي بقية الاعضاء في العربية وكمان ليه كل الاحترام .

              Comment


              • #8
                اشكر للجميع مرورهم الكريم ، اختﻻف الراي ﻻ يفسد للود قضيه ، انا عقدت مقارنه سريعه بين العربيتين ، وانا كنت في البدايه متحمس ل ام جي ، بس ﻻقيت فرق سعر حوالي 20الف بينها وبين البريليانس ، فرق السعر انا مستعد ادفعه بس يكون بعائد ايجابي ليه ، ايه الفرق بين العربيتين وكﻻهما صيني اللي يخليني ادفع الفرق ده ، هل التقفيل ، اﻻوبشن ، انا باطﻻعي علي مواصفات العربيتين ، الموتور و الجير بوكس يتفوق لصالح البريليانس كروس ، فتوجهت باسالتي ووجهه نظري لﻻعضاء اﻻفاضل لعل حد ينورني قبل ما اشتري

                شكرا لمروركم الكريم وتقاعلكم

                Comment


                • #9
                  السلام عليكم
                  انا هاقول لحضرتك رأيي بكل امانة انا زورت فرع ام جي بالدقي من حوالي 3 اسابيع و اتفرجت علي MG3 , MG350 و بصيت علي MG-5 من بره بس مدخلتهاش من جوة و مش هاقولك حكمي دلوقتي معلش هاطول عليك شوية
                  بعدها باسبوع كنت علي موعد مع صديق عمري و اكتر من اخويا و حاكتله علي العربية قالي تعالي نروح نشوفها دلوقتي في المصرية للسيارات و كان ليه نفس الحكم بالضبط و اعجب جدا بيها
                  الحكم علي العربية انها تقفيل جيد جدا خامات جيدة جدا
                  حوض الموتور و توزيعة كل جزء فيه فعلا منظم جدا و تحس اني كل قطعة فيه واحد راحتها علي الاخر للامانة دا كان لل MG350 احنا مفتحناش كابوت بتاع MG3
                  التابلوه للعربيتين شيييييك
                  المساحة الداخلية ممتازة بمعني الكلمة طبعا MG350 عربية اصلا سيدان و كبيرة فمووضع وسع الصالون ده مفروغ منه لو ماكنتش واسعة كان يبقي عيب رهيب بصراحة انما المفاجأة لما قعدنا في MG3 انا من الناس اللي تعتبر طويلة شوية و صحبي اقصر حاجة بسيطة انا قعدت ادام مكان السواق و هو قعد بالخلف و كنت مرجع الكرسي للاخر و هو كان مرتاح جدا جدا جدا لدرجة اني الكرسي ماكنش لامس ركبته حتي
                  المفاجأة الاكبر شنطة الMG3 مش صغيرة زي ما كنت متوقع و بصراحة انا احترمت العربية دي جدا من بره تحسها صغيرة و قليلة بس من جوة رائعة
                  طبعا شنطة الMG350 برده واسعة جدا
                  فين المشكلة بقه لما كل الكلام لحد دلوقتي كويس المشكلة في السوق المصري نفسه اللي مختلف عن اي سوق تاني تماما و في سياسة التوكيل نفسه اللي للاسف مضيع العربية بقلة الدعايا و العروض و الترويج ليها بالاضافة الي عقدة الصيني اللي عندنا
                  و طبعا ده مسبب عدم انتشار و سعر اعادة بيع للاسف سئ قطع غيار موجودة في التوكيل و معرفش حاجة عنها خارجه بالنسبة لقطع الغيار انا كنت عملت موضوع فيه الاسعار اللي اخدتها من فرع الدقي لل MG350 و بصراحة قارنتها بموديلات تانية كوري و ياباني و لاقيت اني اسعار قطع الغيار كويسة جدا حضرتك ممكن تشوف الموضوع من هنا

                  بالنسبة للبريليانس انا بصراحة مقدرش افيدك لاني كل علاقتي بيها لما شوفتها ماشية في الشارع انما غير كده معرفش عنها حاجة غير انها مع زمايلي في الشغل و بيشكروا فيها و انها عربية كويسة بس دي موديلات سنيتن و تلاتة فاتت معرفش الموديلات الجديدة ظروفها ايه
                  كلامي اللي كاتبه ده كله مش بقولك مثلا هات كذا و متجبش كذا لا طبعا لاني اكتر واحد يفيدك في القرار ده هو انت لاني انت اكتر واحد تقدر تحكم علي ظروفك و اعلم بيها من اي شخص تاني
                  ربنا يوفقك للي فيه الخير ليك و استخير و اسال الله انه يرزقك بالاصلح

                  Comment


                  • #10
                    احترامي لأراء الجميع ، وشكرا لمروركم الكريم

                    Comment


                    • #11
                      ال mg عربية ممتازة جدا وتقارن بالكوري بس مش بياعة خالص وقطع الغيار غير منتشرة ولو بتقارن بين الاتنين بس يبقي رايي البرليانس افضل
                      . . . . . . . . . . . . [SIGPIC][/SIGPIC] . . . . . . . . . . . .
                      . . . . . . . أة يــا تــيــشــيــرت الـــعـــمـــر يـــا أبــيـــض ... انـــا الـــزمـــالـــك انـــتـــو مـــيـــن ؟؟ . . . . . . .
                      و ارجــع روحــك عــالــيــة لـلـجـمـاهـيـر الـغـالـيـة و انـسـى كــل مــا فــاتــك و قــدم كــورة تـانـيـة ♥♥ ZAMALEK ♥♥

                      Comment

                      Working...
                      X