مطلوب نصيحه بخصوص mg 350 s

[Member 18]

السلام عليكم
انا من فتره بدور على عربيه اتوماتيك لا تزيد عن 100 الف
وحاليا فيه عرض على MG 350 S موديل 2013 يخلى سعرها 100 الف بالظبط
فهل العربيه انتشرت وليها قطع غيار فعلا ؟
وهل كونها موديل قديم ده يعمل مشكله ؟
...
وكمان فيه عرض على MG 3 موديل 2014 بس بصراحه انا مستصغر الموتور 1300 خصوصا انى هسافر ...
........
الحقيقه العربيه شكلها حلو جدا من بره وجوه
بس انا متخوف جدا من الصيانه واعادة البيع وكمان الموديل القديم ، ده بالاضافه ان الفئه S دى اقل كماليات
....
البديل هو اللوجان رغم ان شكلها مكعبر
ياريت النصيحه

[egyptiandiver]

Senova 1,5 Automatic model 2015 - 90,000 pounds
Senova / full option automatic model 2015 100,000 pounds

[Member 18]

senova 1,5 automatic model 2015 - 90,000 pounds
senova / full option automatic model 2015 100,000 pounds

شفتها النهارده وهى فعلا جميله اوى من بره وجوه ، عيبها بس لون الصالون الفاتح وان مفيش زرار للشنطه من جوه ، بس مشفتهاش فى الشارع خالص ..
مش عارف فى حد اشتراها اصلا ، وعامله معاه ايه ؟؟

[ahmed alboushy]

Mg 350 مشاكل بلا حلول وقطع غيار مش موجودة

السلام عليكم



Mg 350 -

لدينا هذه السيارة نحن شركة والسفر شبه يومي واليكم المفاجاءات


1- استهلاك غير عادي لتيل الفرامل تقريبا كل شهر ونصف يجب التغير
2- بعد حوالي 40000 كم ( وهذه االمسافة قد قطعناها في حوالي شهريين ) نظام الفرامل صار به خلل عجز الوكيل عن فهمة واصلاحة ( بالاسكندرية ) وهذا بعد تغير تيل اكثر من مرتين ومسح طنابير وبقيت مشكلة الفرامل قائمة ( وتتضح اكثر عندما يكون ف ياكثر من 3 ركاب بالسيارة فتصبح السيارة عند الفرامل ( تزحف لا يوجد فرامل حقيقية ) ومن ثم تم حشو الماستر لمرة فقط
3- عفشة السيارة رديئة والمساعدين الخلفي جابو زيت علما بأن السيارة بقى لنا معها 10 اشهر فقط
4- كهرباء السيارة مضطربة تم تغير اكثر من 5 مرات طقم بوجيهات وذلك بالتوكيل في 80000 كم واتضح بعد زلك ان الموبينات يجب تغيرها وبالفعل تم تغيرها + البطارية قبل 100000كم لان السيارة كانت 2013 واشترناها 2014

5- الجيربوكس - الان تظهر نتشة خفيفة عند الغيار وبالفعل من قبل تم تغير زيت الجيروكس بالتوكيل - وربنا يستر .
6 - الوكيل بالاسكندرية( الاوربية ) زي الفل اللي يعملهولك اقبله وانت ساكت وبوس ايدك وش وضهر

سيارة جميلة في ايه مش عارف صاج ممكن اوبشن يا فرحتي كانت 119000 جنيه اليارس كانت 129000 جنيه فرق السما من الارض
لا انصح بها قطع غيار غير متوفرة الا بالتوكيل ويجب شراءها من التوكيل وتغيرها بالتوكيل ايضا -
بالنسبة لفلتر الزيت انا ملاتهوش برة خالص وبالتوكل 60 جنيه
..
السيارة قيمتها على المشاكل لا تباع بأكثر من 80000جنيه