إعـــــــلان

Collapse

.

,
See more
See less

عدو الصيني الاول يقدم: السيارة الصيني التي ستهز عرش الالماني (الجزء الأول)

Collapse
X
 
  • Filter
  • الوقت
  • Show
Clear All
new posts

  • عدو الصيني الاول يقدم: السيارة الصيني التي ستهز عرش الالماني (الجزء الأول)

    كما يعلم بعض الاعضاء الكرام في المنتدي اني مقيم في هونج كونج، و دائما ما اكون في زيارات للصين تمتد ما بين اسبوع لعدة اشهر علي حسب حاجة العمل، و قد لفت نظري (و ذكرت ذلك بالمنتدي من قبل) عدم اقبال الصينيين علي السيارات الصينية بالرغم من التسهيلات المغرية التي تقدمها الحكومة و المصانع علي السيارات الصينية.... و لكن، كان هناك سيارتان وجدتهم منتشرين انتشار معقول، و الاثنان كانا يحملان علامة تجارية واحدة لم اشاهدها من قبل، و كانت جميع بيانات السيارتين مكتوبتين باللغة الصينية التي اجيدها مثلما اجيد الطيران الشراعي بالظبط (يعني صفر لامؤاخذة) ما عدا الموديل و هما 750S و 550D و بالطبع لا يشيرا لأي شئ يمكن الاستدلال بهم علي نوع السيارة.

    السيارتين بحق ملفتتين بشكل غير معقول حتي لمن غير المهتمين بالسيارات، مميزتين و خاطفي للابصار حتي في وقوفهم بجانب سيارات فخمة عريقة و حديثة كالكامري و الأكورد....
    بدأت رحلة البحث من حوالي ٣ اسابيع، و قمت بالبحث علي الشبكة في المواقع المتخصصة بعلامات السيارات و بارقام الموديلات و النتيجة لا شئ، و كل ظني ان العلامة التجارية تخص احدي الشركات الاوروبية او الامريكية المتخصصة في السيارات الفارهة، و لم اشك لحظة في ان السيارة ممكن تكون ..........صيني

    استعنت بصديق صيني بعد ما "غلبت" و عرفت منه اسم العلامة التجارية و بعض المعلومات عنها، و ذهبنا لأحد وكلائها و استمتعت بركوبها و بمكواناتها الداخلية و الخارجية الرائعيين و جودة التقفيل فوق الممتازة، و للأسف الموزع لا يقدم خدمة اختبار القيادة، و علي العموم سأقوم باختبار قيادتها لدي التوكيل خلال الاسبوع القادم بإذن الله اذا كان هناك وقت، و سأوافيكم بتقرير اخر بإذن الله......

    بعد المقدمة الطويلة و قد زاد اشتياقكم لمعرفة ما هي السيارة و علامتها التجارية (ده اقل واجب، انا قعدت هتجنن ٣ اسابيع اجري وراها في الشوارع) :

    سيداتي انساتي سادتي من اعضاء منتدانا
    اقدم لكم التحفة الفنية الصينية
    المبنية علي التكنولوجيا الانجليزية
    و الحاصلة علي ٥ نجوم في اختبارات الامان الصينية
    و المتوقع لها ٥ نجوم باختبارات الامان الاوروبية الصارمة


    SAIC Roewe

    نبدأ معاً بتعريف صغير و مختصر عن العلامة التجارية رو-واي Roewe:
    كلمة ٍٍرو-واي هي تعديل للنطق الصيني لماركة روفر Rover الانجليزية، و العلامة مملوكة بالكامل لشركة شنغهاي لصناعة السيارات Shanghai Automotive Industry Corp، و هي من كبري الشركات الرائدة في صناعة و تجميع السيارات في الصين (إن لم تكن اكبرهم علي الاطلاق) و هي تمتلك ماركة رو-واي (موديلات الروفر) و MG Cars (مالكة روفر)، و شركة نانجيانج الصينية (صاحبة تراخيص سيات و ايسوزو) بالاضافة لنسبة متحكمة في شركة سانجيونج الكورية، كما انها ترتبط بمشاريع مشتركة (تصنيع و تجميع) مع كل من شركة جنرال موتورز GM العملاقة بكافة اجنحتها كالشيفروليه و الBuick وكاديلاك و ساب Saab، و شركة فولكس واجن الالمانية، و شركة منفصلة مع جنرال موتورز للسيارات التجارية، بالاضافة لمجموعة متعددة من شركات و مصانع الاوتوبيسات و السيارات النقل الثقيل و السيارات الصناعية و الزراعية و ماكينات التصنيع. و هناك بعض الاحاديث عن نية الشركة العملاقة في شراء شركة فولفو من شركة فورد.

    خاضت شركة SAIC بعض المعارك في عدة مراحل اثناء استحواذها علي شركة روفر، و استطاعت في النهاية الاستحواذ علي معظم الشركة ما عادا الاسم و العلامة التجارية، التي احتفظت بهم شركة BMW وآلت ملكيتهم فيما بعد لشركة فورد، و لكن الجميل في الموضوع ان تكنولوجيا روفر و موديلات سياراتهم آلت ملكيتها بالكامل ل SAIC، و حالياً ثمة مفاوضات تجري لشراء الاسم و العلامة، و لكن الي ان تتم تلك المفاوضات لا تستطيع SAIC استخدام الاسمو العلامة، و لذلك يتم استخدام اسم رو-واي Roewe و علامتها الخاصة كبديل.

    و تنتج رو-واي حالياً موديلين فقط و هما:
    - رو-واي 750 (و هي تعديل للسيارة روفر 75 مع خصائص امان اعلي و حجم اكبر)
    - رو-واي 550 (و هي تصميم جديد كلياً تم بالتعاون ما بين فريق من خبراء روفر السابقين و فريق SAIC و مبنية بالكامل علي تكنولوجيا روفر)
    و هناك خطة طموحة لطرح المزيد من الموديلات قبل عام ٢٠١١، كما الموديلين الحاليين بصدد اختبارهم اوروبياً، و كما يتوقع العديد من الخبراء اجتيازهم الاختبارات و الحصول علي الخمس نجوم بسهولة، و من المخطط طرحهم في اوروبا تحت اسم سانجيونج المملوكة ل SAIC.

    مازلنا في المقدمة و لعلكم ازدتوا اشتياقاً لرؤية التحف الفنية الصينية، صح ؟ سنبدأ الان و في البداية اود ان اوضح بعض النقاط:
    - التقرير مقسم لثلاث اجزاء، الاول للمقدمة و السيارة رو-واي ٥٥٠، و الثاني للسيارة رو-واي ٧٥٠، و الثالث لإختبار القيادة (إن تم بإذن الله).
    - طبعاً و كما تعرفون ان كل البروشورات و اغلب المعلومات المتعلقة بالسيارتين باللغة الصينية، و سأحاول كتابة المواصفات الأكيدة بقدر الإمكان، فأعذروني "او حاجة وقعت مني"
    - هذا التقرير اول تقرير اكتبه، فلا تتوقعوا الكثير، و لن يكون مثل تقارير خبراء المنتدي

    رجاء من الاخوة الاعضاء عدم اضافة ردود حتي انتهي من كتابة الجزء الأول من التقرير في المشاركة القادمة و يشمل مواصفات رو-واي ٥٥٠ و صور علي الطبيعة




    [CENTER][SIZE=1]In a thousand year people will not only admire the miracle of building the pyramids, but also the toppling of a pharaoh by peaceful masses with no weapon but cell phones in their hands.[/SIZE][/CENTER]

  • #2
    الصينى صينى والالمانى المانى...حتى فى الصناعات اللى بعيده عن مجالات السياره...الامانى يكسب
    م/ احمـد عـزت

    Comment


    • #3
      و الأن مع
      Roewe 550




      كما ذكرت سابقاً ان السيارة ٥٥٠ هي تصميم خالص لشركة SAIC بالتعاون مع فريق من خبراء روفر السابقين، كما انها مبنية بالكامل علي تكنولوجيا روفر المملوكة ل SAIC، السيارة ٥٥٠ يمكنك تصنيفها من ضمن فئة السيارات الفاخرة بلا حرج، كما انها بالنسبة لحجمها و امكانياتها تقع في مرحلة ما بين السيارات العائلية الصغيرة و السيارات السيدان الكبيرة، و للأسف الشديد فبلاغتي اللغوية لا تسعفني لوصف جمال التصميم الخارجي او روعة التصميم الداخلي، و قدرة الصينيين هذه المرة في الاهتمام بأدق و أصغر التفاصيل.

      مواصفات السيارة:
      الابعاد: طول*عرض*ارتفاع: ٤٦٢٤ * ١٨٢٧ * ١٤٨٠ملم
      قاعدة العجلات:
      ٢٧٠٥ ملم
      سعة الشنطة: ٤٥٢ لتر
      سعة خزان الوقود: ٦٢ لتر

      المحرك: تم طرح السيارة بمحركين:
      ١- كافاتشي ١.٨ ليتر تيربو شارج Turbo charge
      القوة: ١٥٨ حصان عند ٥٥٠٠ لفة
      العزم: ٢١٥ عند (٢٥٠٠-٤٥٠٠) ...للامانة مش فاهمها دي
      السرعة القصوي: ٢٠٥ كيلومتر في الساعة.
      استهلاك البنزين: ٥.٦ لتر (٥ سرعات مانيوال)، ٦.٨ لتر (٥ سرعات تيبترونيك) لكل ١٠٠ كيلو.
      ٢-كافتشي ١.٨ لتر بتكنولوجية DVVT (Dual Variable Valve Timing)
      القوة: ١٣١ حصان عند ٦٠٠٠ لفة
      العزم: ١٧٠ عند ٤٨٠٠ لفة
      السرعة القصوي: ١٨٨ كيلومتر في الساعة.
      استهلاك البنزين: ٥.٦ لتر (٥ سرعات مانيوال)، ٦.٨ لتر (٥ سرعات تيبترونيك) لكل ١٠٠ كيلو.

      مواصفات الامان:

      - ٨ ايرباج
      - جميع الانظمة اللي ممكن تتخيلها: ABS, EBD, CBC, SCS-II, VSC,MSR,TCS,TPMS,BDC, BA (المواصفات الكاملة بتنزل في التيربو، انما ال DVVT بينزل فيها ال ABS, EBD,BA
      -طبعاً الايموبليزر و الانذار و حزام الامان متعدد النقاط سابق الشد و الكلام القديم ده كله موجود.
      - هيكل السيارة مصنع بتكنولوجية عالية لحماية الركاب، كما يحتوي جسم السيارة علي مناطق تدمير Crumple zone شديدة الدقة بمواصفات اوروبية.

      المعدات:
      -دخول بدون مفتاح (keyless Entry)
      -سمارت كي متطور (هتشوفوه في الصور)
      - دي في دي تاتش
      - عدادات متطورة و كمبيوتر سيارة كامل بالاضافة لكمبيوتر الرحلات
      - نظام تعليق رياضي مصمم لاستخدام المدن متعدد الوصلات Multi-Link
      - تابلوه و اكسسوارات و الفتيس من الخشب الطبيعي مطعمين بالنيكل
      - طارة جلد طبيعي ملتي فانكشن
      - فرش جلد طبيعي
      - مرايات ضم
      - مراية ذاتية التعتيم
      - تكييف تاتش بامكانية التحكم المنفصل للراكب
      - فتحات تكييف خلفية
      - فتح و اغلاق النوافذ بلمسة واحدة مع نظام حماية (جميع النوافذ في بعض الفئات)
      - جنوط ١٧ المونيوم في التربو و ١٦ في العادي
      - فرامل اقراص مهوية Racing
      - حساسات مطر
      - حساسات اضاءة و خاصية Follow me
      لسه في حاجات تانية كتير بس ده اللي عرفت اترجمه دلوقت

      الاسعار:
      - الDVVT اربع فئات تتراوح ما بين ١٢٠ الف يوان صيني و حتي ١٥٠ الف (١٠٠ الف مصري و حتي ١٢٥ الف مصري.)
      -التيربو ثلاث فئات تتراوح ما بين ١٥٠ الف يوان ل ١٨٠ الف (١٢٥ الف مصري و حتي ١٥٠ الف)
      ملحوظة هامة: ضرائب السيارات في الصين ليست رخيصة، كما اني لاحظت ان اسعار السيارات في الصين مثلها في مصر تماماً و لكن باليوان، يعني مثلاً اعلي فئة في الكورولا ال ١٦٠٠ في مصر ب ١٦٠ الف مصري، و في الصين ب ١٦٥ الف يوان، اعلي فئة في الكروز ال ١٦٠٠ في مصر ب ١٣٧ الف مصري، و في الصين ب ١٣٥ الف يوان و هكذا)

      و الان بعض الصور علي الطبيعة (منقولة) في المشاركة القادمة فصبراً علي مشاركات الاعضاء
      [CENTER][SIZE=1]In a thousand year people will not only admire the miracle of building the pyramids, but also the toppling of a pharaoh by peaceful masses with no weapon but cell phones in their hands.[/SIZE][/CENTER]

      Comment


      • #4
        اولا الصور الخارجية:








        انضف لوجو صيني شفته في حياتي
















        [CENTER][SIZE=1]In a thousand year people will not only admire the miracle of building the pyramids, but also the toppling of a pharaoh by peaceful masses with no weapon but cell phones in their hands.[/SIZE][/CENTER]

        Comment


        • #5
          و اخيراً الصور الداخلية (امسكوا اعصابكم)





          ريش نقلات التيبترونيك





















          [CENTER][SIZE=1]In a thousand year people will not only admire the miracle of building the pyramids, but also the toppling of a pharaoh by peaceful masses with no weapon but cell phones in their hands.[/SIZE][/CENTER]

          Comment


          • #6
            و بكده ينتهي الجزء الاول من التقرير و في انتظار مشاركاتكم و ارائكم و موعدنا مع الجزء التاني و
            Roewe 750

            [CENTER][SIZE=1]In a thousand year people will not only admire the miracle of building the pyramids, but also the toppling of a pharaoh by peaceful masses with no weapon but cell phones in their hands.[/SIZE][/CENTER]

            Comment


            • #7
              ينهار ابيض دا حاجة وهم كدا ياعم
              هى دى عربية ولا طيارة
              التانية شكلها شرس اوى شكلها بيقول انها مرعبة
              الف شكر على الحاجة الجامدة دى مع انى مش مصدق ان دول صينى
              [CENTER][SIGPIC][/SIGPIC][CENTER][gdwl]فى السنه اللى رفضنا فيها الدبانه أنتجنا 127 سوبر فيورا
              عربيات مصرى .. ام الاجنبى[/gdwl][/CENTER][I][B][/B][/I][/CENTER]

              Comment


              • #8
                فيها شبه كبير من الباسات سى سى بالذات من المقدمة ، واللون الفضى اللى على الطابلوه كان عاوز يبقى أبانوس كانت تبقى ملهاش حل
                سبحانك اللهم وبحمدك ، أشهد أن لا إله إلا أنت أستغفرك وأتوب إليك

                Comment


                • #9
                  تحــــــــفــــــــــه

                  Comment


                  • #10
                    ياباشا شكرا علي مجهودك الرائع بس سعادتك انا متخصص في اللغة الصيني وممكن اساعدك كتير !
                    الصينين لسة معملوش عربية !!!
                    الشكل دة شي سهل بالنسبة لاي عربية ! ممكن اقول لحضرتك ان فية عيب قاتل في الصورة الي مفتوح فيها الكبوت وهية ان المساعدين معليهاش حتي غطا بلاستيك يحميها!
                    لو عملو قرد بيطير ! الصينيين ولا مؤاخذة لسة بعيد عن المانيا كتير ! حتي لو اشترو كل مصانع سيارات العالم !
                    انت عايش معاهم وعارف البير وغطاة
                    عموما انا اشكرك بجد واتمني لك التوفيق والتقدم!
                    [SIGPIC][/SIGPIC]EYE HVE U

                    Comment


                    • #11
                      هما جايبلنا البريليانس ومفهمنا انها اعلى عربيه فى الصين

                      بجد عربيه وهم من جوه والله حطها لوحدها واسئل اى حد هيقولك بى ام كاديلاك لكن تقوله عربيه صينى ما حدش هيصدق

                      بس السؤال ممكن العربيه دى تنزل هنا ب 1600 وازاز كهرباء ومن غير الايرباج ولا الفرامل abs اكيد حد من اصحاب التوكيلات هيفكر فى الموضوع ده
                      [CENTER][shr71=http://www.dieselstation.com/pics/Hyundai%20Accent%202009-car-pictures.jpg]Hyndai Accent 2011[/shr71][/CENTER]

                      Comment


                      • #12
                        مشكور يا معالي الباشا على التقرير الجميل
                        [CENTER][SIGPIC][/SIGPIC][/CENTER]

                        [CENTER][COLOR="Blue"]السادة الزملاء عذراً لإمتناعي عن المشاركة ما حييت

                        [CENTER][COLOR="Black"]abdelaalkhaled@yahoo.com[/COLOR][/CENTER]

                        Khaled Abdelaal[/COLOR][/CENTER]

                        Comment


                        • #13
                          ماشاء الله ياريت تنزل مصر وانا اول واحد هاشتريها ان شاء الله

                          Comment


                          • #14
                            عربية و هم و ياريت تبقى اعتماديتها عالية

                            Comment


                            • #15
                              عربيه رائعه .. والتابلوه واضاءته من اروع ما رأيت
                              شكرا على الموضوع الجميل ومستنين الموضوع التانى

                              Comment

                              Working...
                              X