هل أشتري الباندا و لا لأ ؟ ياريت حد يفيدني

[speed demon666]

السلام عليكم ورحمة الله وبركاته

انا كنت عايز أسأل لو في حد يعرف أي معلومة عن العربية الباندا .... يعني ركبها او واحد يعرفو جابها و ايه نظام قطع الغيار
أصل شكلها عجبني بس متردد فيها :b4_007:.... ياريت أصحاب الخبرة يفيدوني

و شكرا

[gbeshay]

انا هقولك الي حصل معايا بالظبط
انا رحت شفتها في التوكيل علشان كنت عايز اجيب عربيه للمدام يعني مشاوير صغيره و استعمال خفيف
هي متورها ١٣٠٠ سي سي و يقال خلي بالك من يقال دي انه متور تويوتا ياريس
الي اصلا الموتور ده قوي علي التويوتا الياريس نفسها وده السبب في خفه الياريس زي ما الناس بتقول ان الموتور اقي من العربيه وشوف اصلا الباندا شكلها صغير موت بس لما سالت الراجل بتاع التوكيل قلي ان العربيه تقيله انا بصراحه فتحت الكبوت حسيت انه تقيل و الراجل قعد يقولي اضغط علي صاج الباب من بره فعلا تقيل
ندخل بقي جوه العربيه هي صلونها حلو مش واسع و مش ضيق يعني بتاع استعمال خفيف بتاع ٤ أفراد حلو اوي بس الشنطه اكبر من البيكانتو و ال اي ١٠ سنه بسيطه
التابلوه بقي حاسيس انه بلاستيك قوي
انوار التابلوه حلوه مش وحشه
مرايات كهرباء يمين و شمال
الكاسيت راديو بس بس فيه مكان تحط فيه جاك استيريو لموبيل بقي او ام بي سري او اي حاجه بس علي ما اظن انه احسن حاجه ليه تجيب FM Modulator

بس علا ده كله انا حاسيس بصراحه انها حلوه بس الي مخوفني ان التوكيل جديد و ممكن يقفل زي الي قبله بس انا بقول انه منزيل عربيات كتير يعني كذا موديل يعني صعب موضوع انه يقفل دي

بص ده راي العام ممكن لو حد فعلا جربها يقولينا

[ahmed_khalil]

يا جماعه انا سقت العربيه و العربيه جميله جدااااا وافضل من الاسبيرانزا على فكره
توكل على الله و ان شاء الله مش هاتندم

[saasaa29]

انا زيك بظبط محتار جدا ومتحيظ اكتر للباندا بس مش عاريف انا اهم حاجه عندى السحب ....

[speed demon666]

بجد انا متشكر ليك يا اخ gbeshay على الشرح الوافي , بس حد يعرف حاجة عن التوكيل أو قطع الغيار .... حد اشتراها أو جربها

بالنسبه لموضوع السحب لو هو فعلا موتور ياريس يبقى ان شاء الله هيكون السحب بتاعها جامد لأن سحب الياريس حلو مش وحش
ان شاء الله خير .... طب لو حد يعرف اسم التوكيل او ليه معرض قريب من المعادي يقولي علشان أروح اتفرج عليها أصل انا شوفتها في الشارع و معرفتش أوقف صاحبها علشان أسألو
و شكرا

[zikas10]

السلام عيلكم
انا العربية دى معيا بقلها دلوقتى 3 شهور و مشوفتيش منها حاجة وحشة
وسيبك من الى يقولك صينى العربية ممتازة انا الجامعة بتعتى فى 6اكتوبر و انا ساكن فى مدينة نصر و بروح بيها كل يوم .

تانى حاجة استهلاك البنزين بتعها كويس جدا و العربية ثابتة جدا انا افلت عددها كزا مرة ,,180 كم,, قطع غيرها موجودة فى التوكيل بس .

و لو فى اى استفسار عن العربية دا الاميل بتاعى hossamebied@hotmail.com


حسام عبيد

[ahmed_khalil]

السلام عيلكم
انا العربية دى معيا بقلها دلوقتى 3 شهور و مشوفتيش منها حاجة وحشة
وسيبك من الى يقولك صينى العربية ممتازة انا الجامعة بتعتى فى 6اكتوبر و انا ساكن فى مدينة نصر و بروح بيها كل يوم .

تانى حاجة استهلاك البنزين بتعها كويس جدا و العربية ثابتة جدا انا افلت عددها كزا مرة ,,180 كم,, قطع غيرها موجودة فى التوكيل بس .

و لو فى اى استفسار عن العربية دا الاميل بتاعى hossamebied@hotmail.com

الراجل جابلكم من الاخر اهو
شكرا استاذ حسام عبيد

[bahaaenany]

قطع غيرها موجودة فى التوكيل بس كما تفضل اخى

دى فى حد ذاتها مشكله كبيره للاسف

[ahmed_khalil]

قطع غيرها موجودة فى التوكيل بس كما تفضل اخى

دى فى حد ذاتها مشكله كبيره للاسف

اى عربيه بتنزل لازم قطع غيارها تبقى فى التوكيل بس
فيه عربيات قطع غيارها مش موجوده ولا حتى فى التوكيل
هاتجيب من بره و العربيه عليها ضمان و لاقدر الله لو العربيه حصل فيها حاجه يبقى كده طلعت بره الضمان
و بعدين فى الاول انته مش هاتحتاج قطع غيار اساسا

[bahaaenany]

اى عربيه بتنزل لازم قطع غيارها تبقى فى التوكيل بس
فيه عربيات قطع غيارها مش موجوده ولا حتى فى التوكيل
هاتجيب من بره و العربيه عليها ضمان و لاقدر الله لو العربيه حصل فيها حاجه يبقى كده طلعت بره الضمان
و بعدين فى الاول انته مش هاتحتاج قطع غيار اساسا

مع احترامى لوجهه نظرك


عوما وجهه نظرى المتواضعه ....اننى عندما اريد شراء سياره جديده اول شيىء يخطر ببالى قطع الغيار ومدى توافرها بالسوق او حتى سيارات مقطعه فى مدينه الحرفيين مثلا
لا احب ان اكون تحت رحمه التوكيل وقطع الغيار المغالى بها وبسعرها...

[zikas10]

انا بس احب اقول حاجة العربية دى اول موديل ينزل منها فى مصر فا صعععععب جدا تلاقى فطع غيرها برا التوكيل او حتى فى الحرفين




حسام عبيد

[saasaa29]

شكرا جدا ياباشا ايوه كده يا اجمعه ياريت بس حد يقولى عزم من اكتر الاسبيرانزا الىعزمها3800/118 ولا الجيلى باندا 5200/11

[saasaa29]

وسؤال تانى للأخ الى معاه السيراه كنتعايز اسألوه هو العربيه وسعه من جوه ولا لأ؟؟

[saasaa29]

ومعلش متقل عليك بس كنت عايز اعرف العربيع بتحمع بسورعه ولا لأ؟؟؟

[maka]

هى العربية دى شكلها ايه , انا اول مرة اسمع عنها