اخر مفاجئات المستوردين - مازدا 3 صيني في شوارع المحروسةhaima

[PRO-DRIVE]

^^^ البني ادميين

و حيطلع صينيين طوال اخيرا [smilie=to funny.gi: [smilie=to funny.gi: [smilie=to funny.gi: [smilie=to funny.gi:

[Sharky]

خالي كان قالي معزوم علي حفلة التدشين بتاع الموديلات دي بس مش فاكر فين....هبقي أحاول أجيب معلومات منه..

الحفل حيكون فى فندق JW Marriot يوم الثلاثاء 27 نوفمبر و و كيلها فى مصر شركة الطارق

[CryptonX]

طيب عايزيين مندوبين NileMotors هناك و عايزين صور :)

[Powert]

لأ عايزين معلومات عنها كام سي سي وموصفات العربية وتمنها

بصراحها شكلها يغري اي حد انه يشتريها وخصوا ان ماذدا 3 ب 140 الف فاكيد دي مش هتزيد

عن 80 وده ممكن كمان يضرب ابو الفتوح وينزلها ب 70

[amravit]

Vehicle Series

Technical

Specifications


HMC 7185A

GL1.8

(Std.)


GLS1.8

(Deluxe)

Length × width × Height mm


4466 × 1730 × 1474

Wheelbase mm


2607

Front track mm


1464

Rear track mm


1460

Min. Turning Radius m


5.3

Engine Model


HM483Q

Engine Type


DOHC L4 16V VICS

Engine Displacement cc


1839

Fuel Supply System


S-EFI

Drive Type


F/F

Gasoline Octane No.


Above 93#

Max. Power hp/rpm


122.4/6000

Max. Torque N·m/rpm


160/4000

Transmission


5-Speed MT

Brake System (Front & Rear)


Ventilated Disc. /Disc.

Front Suspension


Independent Mac Pherson Strut

Rear Suspension


Independent E-TYPE Multiple Links

Kerb Weight Kg


1290

Seating Capacity


5 Persons

http://www.hnmazda.com/2006/english/haima3_3.asp

cheers amr

[IAbdou]

كدة دى أكيد حتتجمع هنا لأنها 1800 لأنها لو حيستوردوها يبقى سعرها معدى

[Sharky]

الهربية حينزل منها 1600 سى سى فقط

[eng_mkhalaf]

ربنا يتوب علينا من الصينى وتجار الصينى
لاحول ولا قوه الا بالله
انا ارجوك يا استاذCryptonX
استمر فى عرض الموضوعات المشابهه لهاذا الموضوع
علشان انا والله العظيم ببقى حزين لما الاقى واحد مصرى زيى تعبان فى الفلوس وبعدين يحطها
فى عربيات صينى
يعنى الصين بتجرب عربياتها فينا والتجار بيكسبوا واحنا .................................؟؟؟؟

كلامك جميل بس ممكن اعرف على أى أساس أنت بتستند علية لآفادة الجميع
شكرا

[yasserayad]

eng_mkhalaf
سيدى العزيز انا حاساللك سوال بجد والله
ايه الشى المغرى فى العربيات الصينى اللى يخلى الواحد يشتريها يعنى
السعر.............مش رخيصه
الجوده....................كل شى صينى فى مصر من اسوء ما يمكن
الشكل......................مااعتقدش ولو ان الناس اذواق
التاريخ العريض فى صناعه السيارات..........................لا يوجد
والله انا بجد مش عارف
يعنى ايه المنتج (الصينى) اللى بيستورده مستورد (مصرى) وكويس فى مصر
الملابس
لعب الاطفال
المعدات اليدويه الكهربائيه(شنيور هيلتى منشار صينيه ........الخ)
فوانيس رمضان
مكن مصانع مقارنه بلاوروبى
والله كله من اسوء مايمكن
مع ملاحظه ان المغامره والتجارب ماديا وبدنيا مقبوله فى كل ماسبق ماعدا العربيات
العربيات بقى استثناء صناعى فى الصين يعنى..........طفره مثلا؟؟

[eng_mkhalaf]

السعر.............مش رخيصه

مين قال - سعرها بالأضافة للكماليات منافس جدا

الجوده....................كل شى صينى فى مصر من اسوء ما يمكن

أنت جربت عربية صينى أو سوقت واحدة على الأقل علشان تحكم على الجودة ولا أنت بتاخد العرايس البلاستيك كمثال

الشكل......................مااعتقدش ولو ان الناس اذواق

أية مشكلة الشكل - أشيك موديلات وكمان دية أذواق

التاريخ العريض فى صناعه السيارات..........................لا يوجد

تمام أنا معاك - بس الميزة أنهم بيبدوا من حيث انتهى الأخرين - وبكدة التكنولوجيا عندهم معقولة بس مش هقول جامدة

ومش عايزك تنسى أن فى حاجات كتيرة صينى جودتها جامدة زى الكوتشيات العالمية لو أشتريتها من أمريكا هتلاقيها صينى - المشكلة أن التجار فى مصر بيستوردو أسواء حاجة فى مصر بس الكلام دة بيبقى فى عروسة أو لعبة بلاستيك مش فى عربية بس على الرغم من كدة فى شركات صينية بتكون مقلب وليست على قدر المنافسة علشان كدة هية بتبوظ منظر شركات تانية كويسة
أنا من رأى شيرى من أقوى الشركات الصينية والوحيدة غللى ممكن قلبى يطمن ليها وأنا بشترى عربية منها

[yasserayad]

مين قال - سعرها بالأضافة للكماليات منافس جدا

اولا من فضللك قولى ايه الكماليات الموجوده وقولى السعر منافس ازاى بامثله
مع ملاحظه ان الكماليات نفسها صينى
dvd مثلا
شاشات على الكراسى مثلا
من فضللك فصل موضوع الكماليات ده
اقل عربيه صينى قابله للاستخدام الادمى سبيرانزا مثلا ايه فيها زياده عن الافيو والفيرنا والانوس والكليو والبونتو والباليو المقاربين فى السعر مع الوضع فى الاعتبار ان دى شركات محترمه قديمه اليبارات نفسها اثبتت كفائتها
ثم اكماليات الموجوده فى الصينى ومش موجوده بره ...بكام يعنى الفين اربع تلاف..........طب يعنى ينفع اغمض عينى وارمى ستين الف جنيه عشان حاجات باربع تلاف .........ينفع؟؟

أنت جربت عربية صينى أو سوقت واحدة على الأقل علشان تحكم على الجودة ولا أنت بتاخد العرايس البلاستيك كمثال

لا انا جربت كل العربيات الا الصينى وانا سالت حضرتك فى الاول ايه السبب المغرى اللى يخلينى اجرب ((اجرب)) الصينى

أية مشكلة الشكل - أشيك موديلات وكمان دية أذواق

خلاص انس موضوع الشكل مع العلم ان نسبه كبيره موديلات مسروقه بدليل ان شركات فى المانيا رفعت قضايا لهذا السبب

بس الميزة أنهم بيبدوا من حيث انتهى الأخرين - وبكدة التكنولوجيا عندهم معقولة بس مش هقول جامدة

اذن انت عارف انهم لسه بادئين اتفقنا ---هل المصريين جيوبهم تستحمل التجارب بالله عليك حتى لو كل عربيه صينى ارخص من المماثله ليها بخمس او 6 الاف
ازاى اسيب الافينسس من تويوتا واجيب جالينا 150000
ازاى اسيب موديلات كتتتتتير فى حدود 70 الى 80 واجيب اللاسبيرانزا
ازاى اسيب البيكانتو والشاريد والالتو وغيرهم واروح اجيب شيرى و qq وفروته و العك ده

المشكلة أن التجار فى مصر بيستوردو أسواء حاجة فى مصر

وليه مايكونش فى العربيات كمان ايه السبب عندهم ضمير فى دى يعنى
ولا عندنا الحكومه مثلا عامله اداره تراقب جوده مايتم استيراده للمصريين حفاظا على ارواحهم واموالهم (لا قدر الله)
لسه برضو ماردتش على سوالى ايه الشى المثير فى الصينى اللى يخلينى اجرب ((اجرب)) العربيات دى
على اعتبار ان الفلوس كتيرنجيب ونجرب سبحان الله

[eng_mkhalaf]

yasserayad
أنت ;) ;) ;) ;) ;) ;) ;) ;) للصبح

[yasserayad]

yasserayad
أنت للصبح

ايه ده ياباشا
انت بتتريق ولا الكلام بجد
انا خايف اكون زعلتك
انا مابحبش حد يزعل منى
انا احبكم فى الله

[eng_mkhalaf]

ايه ده ياباشا
انت بتتريق ولا الكلام بجد
انا خايف اكون زعلتك
انا مابحبش حد يزعل منى
انا احبكم فى الله

الصراحة علشان أنا مبحبش أكدب - أنا قلت أقصر معاك علشان أنا أستويت فى المنتدى دة من الهجوم على الصينى ولقيتك داخل تهاجم عالطول حتى من غير ما تسمع مننا وداخل علينا بكلام جامد ورد شديد نصة مقبول والنص التانى غير مقبول - فأنا قلت أسترى دماغى أحسن

[dreslam]

شركه هاينان مازدا من اوائل الشركات الصينيه في تجميع السيارات وكانوا بيجمعوا المازدا الشكل بتاع التمانينات السيدان والستيشن واجون لحد يمكن سنه 2000 وبعدها مازدا ادتلهم ترخيص موديلات انتهت من بعد كده واهي حنت عليهم بالموديل الاخير.المواتير ياباني وتقفيل الصالون وخلافه هو اللي صيني والصراحه انا حمايا "الصيني" كانت معاه هاينان مازدا موديل 2000 اللي شبه بتاعت التمانينات وكان موتورها عالي مش فاكر 1800 او 2000 سي سي العربيه كانت اكتر من ممتازه وانا بقالي فتره ما رحتش لكن هو قالي انه غيرها بالاحدث برضه هاينان مازدا مش عارف انهي موديل.
خلاصه الكلام هاينان مازدا محترمه جدا وعريقه محليا معرفش ايه نظامها عالميا.بس ده كل اللي اعرفه.