السيارة أيديا الصينيه (الوكيل-الأمكانيات-السعر-إعادة البيع-صورها)

[tareksat5000]

عدنا

وفي نفس الموضوع كل ده في ال 16 ألف كيلو
كان فردتين كاوتش عمل حاجه زي البالونه كده
وريتهم الكاوتش قالو الكاوتش بره الضمان المهم سكت
وكمان ال 2 مساعد أمامي بالبطاحات باظو قالو لي معلش المساعدين مش موجوده
أصبر لغايه ما الطلبيه تيجي من الصين طبعا لغايه ما خرجت من الضمان
[40 ألف كيلو ] لم يتم التغيير وتهربو مني مليون مره
مش مشكله كل ده وأنا معجب جدا بالسياره علي فكره أنا إستخدامي
للسياره عالي شويه يعني ال 40 ألف كيلو الضمان المفروض همه عاملينهم
لإستخدام ثلاث سنوات طبعا أنا خلصتهم في 10 شهور هههههههههه
نكمل قبل ال 40 ألف ما يخلصو بشويه يعني في ال 30 ألف باظ الكمبروسر بتاع
التكييف رحت ليهم يا جماعه التكييف مش شغال مظبوط قالو لي الكمبروسر باظ
طبعا كل ده و أنا با أعمل الصيانه عندهم حسب التعليمات بالملي
المهم قالو التكييف أصلا بره الضمان طبعا أنا من الناس اللي لسانها طويل
بس في الحق قلت لهم الكاوتش سكت عليه لكن التكييف وأنا باأشتري العربيه
كانت اللأيديا 1 بدون تكييف ب40000 ألف كاش يعني أنا دفعت 10000 جنيه
علشان التكييف وطبعا التكييف بتاعها ولا مو أخذه زفت وطين وهيه زيرو
والحجه طبعا الموتور 1100 سي سي يابيه والكمبروسسر قد اللعبه
وعلي قد ثمن العربيه كأن أنا واخد العربيه زكا رمضان
المهم بس زعيق وطوله لسان وتهديدات مني لهم وافقو علي تغيير الكبروسسر
وقعدو يركبو فيه خمسه أيام من الساعه 9 صباحا حتي الخامسه مسائا
وطبعا ميعاد غلق مركز الصيانه ويطلبو مني أن أسيب السياره لثاني
يوم وطبعا رفضت رفضا باتا لأن الموضوع لو بأعملو بره
عند الأسطي بليه بس بقي بتاع التكييف كبيره نقول ساعتين
تركيب وشحن فريون المهم كل يوم مع رفضي لبيات السياره
لأني لا أستغني عنها أبدا لظروف عملي يقفلو الحاجات اللي
فكوها واليام التالي يرجعو يفكو ثاني المهم حتي خامس يوم
عملت لهم فضيحه بجلاااااااااجل وخليت اللي ما يشتري يتفرج عليهم
المهم طلعت القصه إنهم عاوزين يوفرو أي حاجه علشان التكلفه
المهم خلصو العربيه وبصيت لقيتهم بيقولو لي حضرتك روح للحسابات
وبصيت لقيت عاملين لي فاتوره مش ها تصدقو بكام
للكمبروسر والتركيب وشحن الفريون ب 2700 جنيه
والله أنا متأكد إن الموتور بتاع العربيه بالفتيس من الصين
لا يصل لهذا المبلغ علشان ماطولشي عليك قلت لهم
الفاتوره دي ليس لي علاقه بها وإتصلت بالمدير بتاع المعرض
وقالي إدفع جزء منهم وإحنا الباقي قلت له أبدا المهم
مع قلت الأدب والسفاله لأن الأشكال دي لا ينفع معها
غير ذلك لم أدفع ولا مليم واحد وإستلمت السياره ومشيت
وإستمريت معاهم حتي ال 40 ألف كيلو وبعد ذلك لم أدخل
عندهم نهائي هما كل اللي قدرو عليه موضوع المساعدين
والبطاحات تهربو منهم وأنا خلاص قلت كفايه عليهم كده
والمهم عند وصو إستهلاك السياره لل 50 ألف كيلو وشويه
كنت ماشي في أمان الله ولقيت العربيه لخبطتت
من الأخر ضربت جوان وش سلندر طبعا همه كده هايقولو
بعد الضمان خدتها من فصيرها وشديت العربيه ووديتها للميكانيكي
بتاع زمان اللي بعت عربيتي النيفا موديل 94 مكيفه علشان أشتري
الزيرو طبعا النيفا الإستبن بتاعها برقابتها المهم الراجل فك الموتور
والناس إتلمو علي العربيه وأصبحت فرجه المهم الراجل إداني جوان
وش السلندر ورحت لبتاع الجوانات في الحي العاشر مدينه نصر
محل صغير ورايح محرج ومكسوف ومتأكد أن لا يمكن
سياره في خلال سنه تفك موتور وعندما أعطيت الراجل الجواني
علشان يفصل زيه كانت المفاجأه الغير متوقعه أنا فاكر أنني أول
شخص يفك موتور عربيته وجدت الراجل مفصل جوانين ومعلقهم في مسامير
وراه لقيته نزلهم وقالي عاوز واحد وإلا إثنين رحت سأله هوه فيه حد فك الموتور
بتاع عربيه غيري قالي كثير المهم الميكانيكي علشان يغير الجوان لازم
يفك كل الموتور ماعدا الكرنك والبساتم حتي الكاتير لازم يتفك
المهم الراجل عمل العربيه ودورها وقالي أوعي أشوفها تيجي
عندي تاني وخد مبلغ ثمن عمل مصنعيه عمره كامله
المهم بقت تمام

نكمل بعد الفاصل علشان تعبت

[tareksat5000]

عدنا

المهم ربنا كرمنا ومشيت كمان 20 ألف وشويه
وتبيكال نفس العلقه اللي فاتت لا أقلم زاد ولا أقلم نقص
علي رأي سعيد صالح
---------------
المهم كلمت نفس الميكانيكي وقلت له العربيه جابت جوان
وكنت ناوي أروح بيها الغردقه تاني يوم
المهم الراجل قالي لا في السما ولا في الأرض أشوفها عندي
وأنا لا أثق في أحد غيره وأتحايل عليه وأبوس إيده علشان
يتعطف ويتكرم ويرضي يشتغل فيها وبعد زل الراجل وافق
المره دي كنت بيها في أكتوبر المهم شديتها لغايه الحي العاشر
مدينه نصر وبقيت لقطه لبتوع التاكسي اللي يقفو ويقولو أرقام
فلكيه لشد السياره والمهم دفعت مبلغ محترم علشان بتاع
تاكسي لا يسوي التاكس بتاعه المبلغ اللي خده علشان يشدني
المهم وديتها للميكانيكي وسيبتها وقالي أما أبقي أفضي ها أبقي
أفكها وغصبا عني حاضر المهم رحت حجزت أتوبيس للغردقه
في 15-1-2010 وسافرت إسبوع وبعد ماجيت لقيت الراجل مشكورا
خلص العربيه وقالي علي المشتريات والمصنعيه زادت عن المره اللي
فاتت 100 جنيه حاسبته وشكرته جدا
المهم منذ حوالي إسبوع كنت مسافر المنوفيه وعند قويسنا
حصل نفس اللي حصل المرتين اللي فاتو بالظبط
برضه جوان بس المره ده الموضوع كبر شويه
المهم كلمت الميكانيكي إياه قالي ولع فيها إوعي تكلمني
عليها ثاني المهم خالي معاه عربيه تويوتا 99 عيون كلمته
قالي فيه ميكانيكي كويس بيشتغلي في عربيتي هنا في المنوفيه
المهم كلمه والراجل قاله ماشي خليه يجيبها دلوقتي العربيه عامله
حوالي أقل شويه من 93 ألف كيلو المهم شديتها ووصلتها له
قام قالي الكلام ده كنا بالليل قالي أنا موظف أنا ها أنزل الموتور دلوقتي
وأما أطلع من الوظيفه أكمل شغل فيها المهم الراجل ثاني يوم غاب من الوظيفه
علشان يخلصها قلت له أجيبلك الحاجه قالي لا أنا كل حاجه ها أجيبها بس سيب
فلوس المهم الراجل فصل الجوان وجاب السيلكون والحاجه وصلح العربيه علي الساعه
الحاديه عشره مسائا فرحت وحاسبته وتمام التمام ودورت العربيه حسيت
إنها بتتأخر سنه في الدواره قلت أبقي أغير بوجيهات بعدين
ركبت الأسره وتوكلت علي الله ووصلت القاهره الجديده الساعه واحده
ونصف صباحا وتاني يوم فتحت الكبوت وشفت المياه وكملتها
وكله تمام ورحت لغايه محطه مترو المرج دائري من التجمع الأول
رايح جاي علي طول بدون توقف وعند العوده لم توصلني للمنزل
يعني الجوان المره دي عمل بالظبط 150 أو 160 كيلو فقط وزي
كل المرات اللي فاتت ده كده ثالث جوان غير الأصلي
طبعا كده قلت الميكانيكي بتاع المره دي ولاموأخذه حمار
والمهم كلمت الميكانيكي القديم قالي بص ياترجعها لبتاع المنوفيه
ياتتصرف ماليش علاقه بيها المهم لم أجد أحد ينقذني قلت أجي
علي نفسي وأكلم التوكيل قالي لي هاتها وطبعا حكيت ليهم
الحكايه من البدايه للنهايه علي رأي عبد الحليم أبو حافظ
المهم جبت وينش وحملتها وصلها للتوكيل مع إن المسافه
حوالي 20 كيلو وهف مني 170 جنيه 150 للمحطه بتاعه
الونش و20 للطيار اللي بيسوق الونش
الكلام ده يوم الأربعاء اللي فات يعني النهارد كده إسبوع
في التوكيل المهم إستلمو العربيه وبدأو في إملاء الشروط
وطبعا أنا في قمه الطاعه العمياء وقالو لي مش ها نفكها غير
بكره ليه بقي لقيت عربيتين نفس الموديل بتاعي مفكوكين
برده مواتير مع العلم أنهم أقل من 50 ألف كيلو متر
المهم يوم الخميس رحت ليهم لقيتهم فرتكو الموتور بالكامل
طلع عاوز إستعدال وش السلندر وعاوز طقم شنبر و عدد 2 شداد
كاتينه وبلف كاتينه وخرط كرنك وتغيير سبيكه وكمان إحتياط تغيير طلمبه
المياه مع أنها سلميه قالو لو باظت في أي وقت لازم تفك الموتور تاني
بره وعاوزه شداد فتيس وطقم جوانات كاملا وده كل حته بسعر
يعني مش طقم مقفول دول محتتينه وكمان جوان وش سلندر تاني
علشان يركبو 2 علي بعض المهم نوصل للتكلفه قعدو يحسبو ويجمعو
وبعد كده طلع قطع غيار حوالي 2000 جنيه وشويه والمصنعيه حوالي ألف
جنيه المهم أنا شفت الكرنك والسبيكه إتجننت الكرنك منظره لا يسر
عدو لا حبيب مافيش صلابه أبدا أنا رأي لو بلاستيك ماكانش حصل فيه
كده والسبيكه لو فيبر برضه ها تكون أحسن من كده
ده كده العربيه نقول ماشيه 93 ألف كيلو المفروض علشان نفك محرك
عربيه يكون ماشي علي الأقل 250 ألف كيلو إلي 3000 ألف كيلو
ده في بريليانس بتدي ضمان علي الهاتش باك اللي ثمنها أقل من 75
ألف جنيه ضمان مليون كيلو ودي برضه صيني
المهم أنا السياره حتي الأن الموتور مرمي مفتت عندهم ولم
يتغلو فيه وإتضح إنهم في كل إسبوع بيفكو من موتورين
إلي ثلاثه مواتير لنفس المشكله في هذا الموكز فقط ومابالكم
بالمراكز الأخري المهم يوم السبت الماضي ذهبت إليهم
حيث أنني متوقف تماما عن أداء العمل بسبب العربيه
فلم أجدد أي جديد وبيتكلمو ببرود شديد جدا هيه لسه العربيه
وقفت عندنا المهم هم بيبيعو العربيه دي علي أنهامصممه
خصيصا للأجواء المصريه وأنها بها موتور وفتيس وعفشه ياباني
وهذا الكلام موجود بالمستندات الدعائيه الخاصه بهم وبيدعو
أن الموتور سوزوكي 1100 سي سي
أنا طلبت منهم بكل زوق إنتو قلتو الموتور ياباني سوزوكي
وبتبيعو العربيه بناءا علي ذلك الكلام أنا مش عاوز منكم حاجه
خالص بس غير طلب واحد هو نوع الموتور وأنا أنزل الحرفيين أو عزبه
شلبي أو حتي بور سعيد وأشتري موتور تاني إستيراد بأقل من تكلفه
إصلاح هذا الموتور قامو قالو لا الموتور صيني بس بتكنولوجيا ياباني
فقلت لهم إنتو كده بتنصبو علينا طيب الموتور جديد بكام قالو مافيش
موتور جديد بس يعني في حدون عشرين ألف جنيه طيب الكرنك بكام
طلع ب 2850 جنيه ووش السلندر بدون أي شيء لا صبابات ولا حاجه
ب 3450 جنيه طبعا أنا البساتم عندي لسه شبه سليمه
عموما قلت لهم أنني سأشتكي لجهاز حمايه المستهلك قالو لي
مش هتاخد حق مننا ولا باطل قمت إتصلت وأنا عندهم بشرطه النجده
ومشكورين بصراحه إعتنو بالشكوي وإتصلي بي علي الموبايل أكثر من خمس
مرات ولكن كان هناك مشكله المكان اللذي يوجد به مركز صيانه هويدي موتورز
يقع في الطريق من تقاطق الدائري مع طريق مدينه نصر والمقطم هل هو
تبع مديريه أمن القاهره أم مديريه أمن حلوان كل منهم يقول أن هذا المكان
ليس تابع له بل تابع للأخر وبصراحه الأثنين إتصلو بي ضابطان واحد منهم
برتبه نقيب والأخر مقدم هذا الكلام من الساعه الثالثه عصرا حتي الساعه
السابعه المغرب ولم يصلني أيا منهم مع أنهم أجمعو علي أن المكان
تابع لمدينه نصر يعني أمن القاهره والمركز بيغلق الساعه 5 عصرا
المهم أمس تأخرت في النوم ولم أذهب لتكمله باقي الفصول
وعمال أدور علي عربيه رخيصه أمشي بها حالي وبعد شهر أبيعها
وخلاص والخساره أعتبرها إيجار وخلاص المهم قررت شراء سيات ب5000 جنيه
ومع نصيحه المقربين قالو بلاش علشان الحر المهم توفقت بشراء سياره تعبانه
برضه شويه بس تمشي لادا سمارا بس 2 باب موديل 87 وها أخلص الكلمتين
اللي فاضلين وعلي المركز بتاع الصيانه ونشوف عملو إيه وإلا نكلم النجده
تاني وخلاص عرفنا إنه مديريه أمن القاهره ونعمل قضيه نصب يمكن ربنا يسهل
ونكسبها ونخلي عندهم العربيه شهر وإلا إثنين مش مشكله
وأكمل لكم أما أروح وأرجع إن رجعت إيه اللي حصل بالظبط
وشكرا
معلش الموضوع لسه طويل وبعدين الجماعه دول عندهم
عربيه تانيه إسمها لاند روك وكلها مشاكل من أول يوم وأقل أوبشن
فيها سعره 139 ألف جنيه طبعا دي تعتبر جيب
بس وأنا هناك كنت قاعد بهزق فيهم والراجل بتاع اللاند روك
قاعد يبوس إيديهم العربيه ماكملتش 5 ألاف كيلو وبتسخن وبتفور المياه
وكمان التكييف باظ وبيقولو له التكييف بره الضمان أنا كنت قاعد
وعاوز أولع فيهم والراجل مسكين عمال يتحايل عليهم وأبدا مصممين
وشكرا
القصه لم تنتهي بعد
فاااااااااااااااااااصل

[tareksat5000]

هااااااااااااااااااااام جدااااااااااااااااااااا
أرجو من الساده الأعضاء هنا
من يملك سياره أيديا 2 أولاند روك
ياريت يدخلو هنا ويقولو لنا معلومات عن مشاكلهم
مع هويدي مووووووووووووووووتووووووووووووووورز
وكل من معه سياره خاصه أيديا 2 وتكون لسه في الضمان
يعني أقل من 40 ألف كيلو وعنده مشاكل بها أن يذكر لنا
التفاصيل تاريخ الشراء وقيمه عداد الكيلو متر والمشاكل
عنده حتي يتسني لنا أخذ حقوقنا منهم وهناك جهات
عديده منها حمايه المستهلك والغش التجاري
والشرطه والقضاء
وممكن عمل شكوي جماعيه ضددهم
وهنا لينك مهم لنا جميعا
Untitled Page
-------------
وهنا لينك أخر يوضح توقيع غرامه 20 ألف جنيه
ضددهم برضه بخصوص وش سلندر أيديا 2
جهاز حماية المستهلك يستعيد حقوق صاحب سيارة أتلفها مركز الخدمة
------------
وأنا مستعد بوضع رقم تليفوني لمساعدتكم
إن أردتم
وشكرا لكم
سلااااااااااااااام

[tareksat5000]

السلام عليكم
معلش كلمتين كمان

أنا دبلوم صناعي 1986-1987
إشتغلت في ورشه خراطه كرنكات خمس سنوات
وكهربائي سيارات معتزل خبره 13 سنه حتي سنه 99
لو شغال لغايه دلوقتي شوفو كام سنه 11 سنه كمان
ومعي رخصه قياده درجه ثانيه منذ عام 93
ومسلمها وواخد بدلا منها رخصه خاصه
وكمان والدي الله يرحمو كان ميكانيكي ماهر خبره أكثر
من 40 سنه في الشركات الحكوميه والخاصه
يعني من الأخر مولود في شغل العربيات
وماعنديش حاجه إسمها تصليب العربيه
يعني الموتور تعبان تلاقيني علي طول في بور سعيد
أشتري أنظف موتور وأحدث موتور علي الفرازه بدون ميكانيكي
علشان ماحدش يكون فاهم إن اللي كاتب الكلمتين دول أفندي
وإلا بابا وإلا ماما إشترو له العربيه وهوه أبيض ياورد
وشكراااااااااااااا

[dooooh]

ما رأيك فى السيارة اللى تعمل جوان وش بعد 5آلاف كم أو عشرة حلوه ولا أيديا 2

[Khalid_Mostafa]

انا معيش ايديا ..بس حسيت اني لازم اعلق واشكرك علي نشر خبرتك مع السيارة دي و الله يعينك بصراحة ...ده الواحد بيشتري عربيه زيرو عشان يريح دماغه من الكلام ده

انا شايف ان الناس لازم تاخد عظه من الموضوع ده ....يعني إن كان لازم ولابد تجيب عربيه صيني ..فلازم يكون ليها توكيل قوي و ليه سمعه يخاف عليها حتي ولو كان اداؤه مش قوي

[M.Elsheikh]

شكرا علي التقرير

[tareksat5000]

والله بجد أول مره أسمع عن عربيه تجيب جوان بعد 5 ألاف كيلو
ياريت نوعها والوكيل بتاعها مين
بس معقوله صاحب العربيه وافق علي إنه يصلحها
ده المفروض قانونا تستبدل السياره بالكامل
ده أنا عندي موتوسيكل صيني بقاله 5 سنين عامل أكثر
من 100 ألف كيلو بدون لمس مسمار في الموتور

[AMA]

يا جماعة بصوا فيه أنواع صينى كتير دخلت مصر بجدارة و السبب فى نجاحها التوكيل لكن برضة مننساش أن إلى بيدخلنا درجة تانيه و تالته
يعنى غير إلى بيروح دول تانيه أو إلى بينزل فى سوقهم فلازم عيوبها تطلع كبيرة أوى كدة
و طبعا بما أن معظم التوكيلات بتبيع نسبه معقولة و مرة واحدة ولا كأنه له علاقه بالسياره و لا قطع غيار ولا حس ولا خبر فلازم سعرها يقع
عشان كدة عرفت أسعارهم فى المستعمل بـ20 ألف ليه
و الشانا بينى كل أعلاناتها فى 19 ألف و 20 ألف جنيه رغم إنها بحاجة و أربعين ألف جنيه جديدة


فنصيحه منــــــــــى
العربيات الصينى كلها تعتبر متشابهه بنسبه 80%
لكن قبل شراء أى نوع أبحث كويس عن التوكيل و قطع الغيار و طبعا أسئل حد جربها قبلك لأن زى ماقولت أن إلى بييجى عندنا غير إلى بينزل فى أسواق الدول كلها

[tareksat5000]

عدنا بعد الفااااااااااااااااااااااصل
طبعا أنا من أخر رد بطلت أكتب علشان الوكيل وعدني بحل المشكله
نبدأ من هنا
في اليوم التالي ذهبت إلي مركز الصيانه وهناك قابلت
السيد أحمد السبع نائب مدير شركه هويدي موتورز
ووعدني بحل المشكله بالطريقه اللتي ترضيني وقالي سيبك من الفلوس
ومش ها تدفع غير المبلغ اللي يرضيك وقلت له برضه عاوز أعرف المبلغ
وعدني بالإتصال بي في اليوم التالي لإبلاغي بتفاصيل المبلغ ولم يتصل بي
ووعدني بأن السياره سيتم إصلاحها بسرعه وكان ذلك يوم الثلاثاء الإسبوع الماضي
وقالي يوم السبت تستلم عربيتك وعموما لم يتصل بي وإتصلت بها مرارا وتكرارا
ولكن لا رد
المهم يوم السبت رحت علي الموعد لأستلام العربيه حسب تأكيده لي
فوجدت الميكانيكي لسه شغال في الموتور طبعا خارج السياره
سيبتهم ومشيت طبعا السيد أحمد السبع لم يكن موجود
وبعدين رجعت يوم الإثنين دخلت المركز بتاع الصيانه
لقيتهم لسه بيركبو الموتور في العربيه
كلمت المهندس قالي لسه بيركبو فيه وإنشاء الله ها أدور النهارده
سيبتهم ومشيت برضه والراجل برضه مش موجود
طبعا أحمد السبع
المهم رحت يوم الأربعاء
فلقيت العربيه دايره ولاحظت إنهم مركبين راداتير جديد
قلت لهم ركبتوه ليه قالو القديم مخروم قلت لهم صلحوه
قالو إحنا وكيل مابنصلحشي القديم
المهم لقيته جابو مدير لمركز الصيانه جديد أو تقريبا كان
موجود قبل كده ومشي ودلوقتي رجع تاني
إسمه مهندس جمال عسكر
المهم دخلت عنده المكتب لقيت معاه إثنين صينيين
قال إيه واحد منهم خبير بس بتوع العربيات اللاند روك
طبعا فيها مشاااااااااااااااكل كثيره والخبراء جايين يشوفو
المشاكل المهم
قلت له عاوز أعرف عربيتي إتكلفت كام وليه ركبتو راداتير جديد
وهل هو مجاني أم بفلوس ولو بفلوس بكام وليه ركبتوه بدون
رأي صاحب العربيه وطبعا تليفوني موجود معاهم في أمر الشغيل
وليه بكلم أحمد السبع لا يرد طبعا أسئله كثيره
----------------------
نيجي للسؤال الأول الراداتير الجديد مجاني وإلا بفلوس
أجاب طبعا ده جمال عسكر طبعا هوه فيه حاجه ببلاش
قلت له من باب العلم بالشيء هوه بكام
قال لي ب 740 جنيه طبعا لايسوي أكثر من 250 جنيه طبعا
قلت له فكه من العربيه مش عاوزه
أنته ليه ماقلتوش لي التكلفه وكمان أخذ رأي صاحب العربيه
المهم قال للمهندس فكه وقلي خلي بالك كده إنته معطلني
علشان أنا بليين العربيه قلت له مش مشكله ساعه وأصلح
القديم وأجيبه لك
---------------------------
وبعدين طلبت تكلفه العربيه بعت جاب أمر الشغل
قالي بالراداتيير الجديد حوالي 4390 جنيه ومن غير الراداتيير
شيل 740 جنيه قلت له ليه قالي مخرطه بس 1000 جنيه
طبعا تجليخ كرنك وإستعدال وش السلندر
طبعا سألت ورشه خراطه قالي إستعدال الوش 40 جنيه
وتجليخ الكرنك من 100 إلي 120 جنيه للمعلومه
المهم ومش عارف قطع غيار كام وزيوت ومصنعيه وخلافه
قلت له عاوز أحمد السبع المهم إتصل هو بيه وجه الراجل
قلت طبعا لأحمد السبع إنته قلت لي أنا ها أتصل بيك تاني
يوم ما كنت عندك علشان التكلفه ولم تتصل وإتصلت بيك
مليوووووووووون مره ولم ترد قالي معلش الجماعه الصينيين
من يوم ما جهم وأنا مش فاضي قلت له أنا دلوقتي عاوز أخلص
حساب العربيه دي وأخدها وأمشي
قالي 1000 جنيه خراطه قلت له لييييييييييييييه
قالي خلي بالكم خرط فلام طبعا الكل عارف الفلام مالوش علاقه
بالموضوع وتجليخ كرنك ووش السلندر وتفصييييييييييييييييييل سبيكه
قلت له تفصيل سبيكه قالي أيوه قلت له إزاي دي عربيه إستاندر
اللي بيصل سبيكه بيكون خلص كل تجليخات الكرنك يعني من 010 إلي 060
وبعدين بيخرط خرطه بعد 060 دي بيفصل سبيكه ودي طبعا في الميكروباصات
والنقل مش في الملاكي المهم طلع لي بيان أسعار بيقول من الخراط ب 890 جنيه
قلت له سهله أنا ممكن أجيب بيان زيه ب 5 جنيه بس كل الشغل ده
المهم قالي لا شغل الخراطه مش ها أنزل فيه طبعا هوه رافع الخراطه
علشان ينزل في الشغل بتاعه ويبقي كده خادمني
-----------------------
وقطع الغيار
أولا مافيش تغيير بساتم بس شنبر ولا تغيير شدادات كاتينه
بس طلمبه مياه ب 250 جنيه والسبيكه اللي قال الخراط فصلها
والجوانات وسليكون وشكرا وطبعا زيت موتور
المهم بعد فضيحه بجلاجل وخصومات لم يسبق لها مثيل
وصلينا لمبلغ 2395 جنيه بدون الراداتير طبعا صلحت القديم
ونظفته كل ده ب 20 جنيه و5 جنيه بقشيش للراجل
المهم قلت له العربيه دي أنا ها أدفع الفلوس دلوقتي
ومش عاوز أتكلم تاني في الحساب وبعدين العربيه
دي ها أستلمها النهاره وإلا إيه طبعا يوم الأربعاء
واقف المهندس بتاع الصيانه قال لي سيبها لبكره
قلت له ماشي عموما عاوز أشحن فريون علشان التكييف
كنا فكينا السربتينا وفضينا الفريون في الشغل اللي فات
المهم قالي 100 جنيه فريون وعلي فكره دي الحاجه الوحيده
اللي عندهم رخيصه للحق عموما يبقي الحساب 2495 جنيه
خلاص قفلنا باب الفلوس رحت الحسابات علشان أدفع الفلوس
لقيت الراجل بيقول لي 2630 جنيه قلت له أنا لسه عامل فضيحه
مع أحمد السبع هوه أنتا دايما عاوزيين فضايح قالي لا ده بند تاني
زيت وزيت فتيس قلت له عليا الطلاق إن دفعت جنيه تاني
وكمان الخمسه جنيه بقيت ال 2500جنيه عاوزها وروح
قل لأحمد السبع قبل مايمشي وكمان إنتو عملين لي جركن
مياه راداتيير عاوز تحطوها طبعا هما حاطيين مياه من الحنفيه
المهم قعد يتحايل عليه أدفع أي فلوس له قلت له أبدا
المهم مشيت ورجعت تاني يوم الخميس
أستلم العربيه لقيتها لسه لم يقفلو حاجتها المهم
قعدت لغايه ماخلصو وقالو لي كمبروسر التكييف
بايظ طبعا أنا كنت مغيره من سنه بفضيحه برضه
طبعا فاكرينها في بدايه الموضوع قلت له هات ال 100 جنيه
بتاعه الفريون جاب لي الفلوس طبعا وقلت له عاوز جركن
مياه راداتير علشان يخلص جابلي الجركن طبعا زهق مني
ده جمال عسكر
------------------
وبكده وصلنا للضمان في أول يوم وصلت بيه عندهم مع الدكتور
المحترم بتاع كليه الهندسه اللي كان مدير المركز بتاع الصيانه
المهندس المحترم المسؤول عن الصيانه ودوول سابو الشغل
بسب عربيتي طبعا فيه [زنبه ] طبعا إنته عارفيين الأماكن المحترمه
فيها جواسيس عادي يعني بلغو إن الناس دي ريحو العميل راحو
فقعو الزنبه المتينه المهم الناس دي قالي لي ها نديك ضمان ثلاث
شهور أما السيد جمال عسكر والسيد أحمد السبع فلاااااااااااااااا
الضمان شهر أو ثلاثه ألاف كيلو نسيت أقول لكم
أنا إشتريت عربيه تانيه لادا سمارا 87 تعبانه علشانأشتغل بدل
قعدتي في البيت المهم كتبو لي علي الفاتوره
ضمان شهر أو 3000 كيلو والمركز غير مسؤول عن الراداتير
وطبعا الفاتوره مش مكتوب عليها أي بيانات ولا إسم المركز
ولا ختم ولا أي حاجه طبعا إعترضت عليها بك شياكه
قالو حضرتك عاوز فاتوره عليها ختم تدفع 10 في المائه
طبعا أنا مش دافع فلوس تاني المهم خدت الورقه دي
وخدت العربيه ومشيت الكلام ده الخميس
يوم السبت كنت في روكسي وسمعت صوت حكه في العجله
شمال قدام الكلام ده الساعه حوالي 4 مسائا لقيت إيه بقي
فيه فيبر تحت الرفرف فوق العجله علشات المياه والطين وخلافه
لقيتها واقعه علي العجله المهم طبعا دي رابطه بمسامير بورمه
المهم غلاسه أنا عارف إنهم بيقفلو الساعه 5
خدت العربيه وعلي هناك وناديت جمال عسكر كان قاعد
مع الصينيين قلت له عاوزك ثواني ورحت موقع له الفبره
وقلت له العربيه دي طالعه من الوكيل بالمنظر ده
ده الميكانيكي اللي مش عاجبكو بليه لم يحدث ذلك
ينفع الكلام ده قالي بغيظ لا ما ينفعشي ونادي
علي السمكري يربط الفبره وبعدين قلت له شوف
الناحيه اليمين كمان طلعت عاوزه مسامير
عملوها وربنا يستر ما يكونوش سايبين مسامير
جوه الموتور وإلا العجل سايب عموما هاأربط العجل إحتياطي
خلي بالكم بقي جمال عسكر ده لمض وبيشخص
في العملاء وعامل نفسه جامد بس علي مين قمت
بتظبيطه
وهانشوف العربيه ها تمشي كويس وإلا لا
المهم السماره هي اللي ها تشيل الحمل
الله يكون في عونها
وشكراااااااااااااااااااااااااااااا
ولنا لقائات أخري
ومستعد لمساعدت أي أخ أو أخت
في فن التعامل مع توكيل هويدي موتورز
وياسلام لو العربيه لسه في الضمان وأقل من 40 ألف كيلو
ممكن نخرب بيتهم وبعدين لو بس خمسه يتجمعو ونعمل
لهم قضيه غش تجاري وتهمه نصب وإحتيال
وخصوصا إن البروششر بتاعهم كاتبين فيه موتور وعفشه
يابااااااااااااااااااااااااااااااااااااااااااااااا اااااااااااااني
وده طبعا نصب وإحتيال
وشكرااااااااااااااااااااااا

[tareksat5000]

عدنا من جديد
طبعا زكرت لكم إن العربيه صلوحها في الوكيل
وهفو مني 2400 جنيه بعد فضايح يارب يصرفوهم
عند الدكاتره قولو أمييييييييييييييييييييييييييييييييييييييييين
المهم العربيه يوم الأربعاء اللي فات يعني بعد إسبوع من طلوعها
من عندهم منهم يومين واقفه
كنت رايح كارفور علشان أدفع فاتوره موبايلي في فرع إتصالات
اللي في كارفور وخرجت من البيت حوالي الساعه عشره وشويه مسائا
وانا ساكن في التجمع الأول المسافه بيني وبين كارفور حوالي من 20 إلي أقل
من 25 كيلو متر قبل ما أدور العربيه كالعاده فتحت الكبوت وبصيت علي المياه
في القربه وكمان شيلت غطاء الرداتير وشوفت المياه طبعا المياه كانت من
النوع الأحمر ودي واخدها من عندهم المهم المياه كانت تمام
دورت العربيه ومشيت مافيش أقل من 10 كيلو وفوق نفق التجمع الخامس
سمعت صوت كركره وعلطول من كترت الخزن تعلمت البكاء
عرفت انها سخنت والجوان في السكه
إديت إشاره يمين ووقفت وفتحت الكبوت لقيت صوت القربه فيه كركبه رهيبه
والبخار ماشاء الله المهم والعربيه دايره عملت وصله خارجيه لمروحه التبريد
شغلتها دايركت من البطاريه وطبعا إتجاه المروحه مظبوط علشان ماحدش
يقول ممكن بتلف عكس ولا حاجه وفتحت غطاء القربه وزودت مياه
والعربيه دايره وقفلت الكبوت بسرعه وجري نطيت وركبت وطلعت بيها
المهم اللي عارف الحته دي علي الدائري فيه منزل جامد حوالي 3 كيلو وشويه
المهم وصلتها السرعه 70 كيلو وقبل المنزل بطلت العربيه وسيبتها نازله
وهي مبطله مشيه شويه كويسين المهم قربت علي كارفور فاضل بتاع 2 كيلو
رحت مدورها بتعشيقه دارت وكملت لغايه كارفور من بره الشارع مش الباركن
المهم بطلتها ودخلت كارفور ودفعت فاتوره الموبايل ولفيت في شويه
تضييع وقت حوالي ساعه ونص أو ساعتين إلا شويه
وكمان إشتريت جيركن مياه حمراء من كارفور
ورحت للعربيه لقيتها طبعا ثلج
دورتها وفتحت غطاء الرداتير وحطيت المياه وكمان في القربه
ومشيت بسرعه مافيش 5 كيلو ولقيت العداد بتاع الحراره
عدي النص بشويه المهم وهي دايره زوده مياه طبعا في القربه
وفضلت أمشي شويه وأبطل شويه والمروحه شغاله دايركت
المهم لغايه ماوصلت البيت وبطلتها ورحت نمت
ويوم الخميس الصبح فتحت الكبوت وفتحت غطاء الرداتير
ومليت مياه عاديه والقربه كمان ودوره وطلعت فورا عليهم
المهم أوصل العربيه لسرعه 70 وبعدين أبطلها وأول ماتيجي
تقف أرميلها تعشيقه وأدور ونفس الموضوع وطبعا المروحه
شغاله علي طول كل ده العربيه بتدور عادي
المهم لغايه ماجيت قبل النازله إياها اللي علي الدائري
هما الصيانه في نص النازله يمين طريق القطاميه مدينه نصر
المهم نزلتها مبطله لغايه أول الشارع بتاعهم ودورتها
حوالي 200 متر لغايه المركز بتاعهم
ووصلت هناك وناديت المهندس وهيه دايره وقولت له
تعالي شوف العربيه جابت جوان تاني
ولاحظت إن مسامير المنافو همه 4 مسامير
واحد واقع مش موجود وال 3 الباقيين سايبين
خالص طبعا أنا شوفته عند بيتي
قلت للمهندس بص علي المنافو شوف المسامير
قبل كده الفيبر اللي فوق الرفرف وقع ودلوقتي
المنافو سايب خالص ودي الحاجه الظاهريه
مين قال إن الموتور من الداخل مثلا الكرنك مربوط
وإلا سايب وإلا البيلات وإلا أصلا الوش بتاع السلندر
مربط إذا الحاجه اللي ظاهره كده فما خفي كان أعظم
وخصوصا نفس الصنايعي اللي رابط المنافو هو اللي
مقفل الموتور
المهم قعد يشوف ويزود مياه وبعدين بطل ودور
وبطل وقالي هانسيبها لغايه ماتهدي خالص
طبعا أنا عارف ومتأكد إن الجوان خلاص ضرب
المهم قعدت معاهم أكثر من ساعه
وسألت المهندس هاه إيه الأخبار
رد علي بكل هدوء هانفك المكنه ونشوف
توكل علي الله وإبقي كلمنا وتابع معانا
المهم اليوم الإثنين الساعه 2 ظهرا طبعا
أنا كاتب الكلام ده قرب الفجر بتاع الثلاثاء
روحت لمدير عام الشركه المهندس قدري
وقلت له دلوقتي الموتور باظ تاني وأنا من الأول
طلبت منكم تقولو لي إيه الموتور اللي يركب بدون
تعديل في الحوض وأنا أشاتريه ومش عاوز منكم حاجه
قالي احمد السبع لا أنا ها اظبط لك العربيه ومش هاتدفع
غير اللي يرضيك وبعدين عاملي البحر طحينه ودفعني 2400 جنيه
بعد فضيحه وإداني ضمان 3000 كيلو أو شهر وأنا لم أوافق علي ذلك
لأنه غير مرضي لي ووافقت غصب عني ودفعت الفلوس وقايل له
من الأول الموتور ده أنا لم يعد عندي ثقه أبدا فيه
ودلوقتي العربيه عطلت تاني نفس المشكله
أنا عاوز بس الفلوس اللي دفعتها وخدو قطع الغيار بتاعتكو
وإدوني المتور مفكوك وأنا خلاص عرفت الموتور اللي يركب
علي العربيه وسألت المرور والمرور وافق علي التغيير
والموتور اللي يركب فيه نوعين واحد ب 2800 جنيه
وواحد ثاني ب 3500 جنيه والإثنين ياباني طبعا إستعمال الخارج
والتركيب في حدود من 300 إلي 500 جنيه وأشتري دماغي
وكمان الموتو اللي ب 3500 جنيه ده 1300 سي سي يعني
أقوي وأحسن من بتاعها
رجعو الفلوس وانا أكمل وأشتري دماغي خالص
رفض طبعا وقالي ها نعمل العربيه وانا شخصيا
أضمن لك إنه تتظبط رديت عليه عمرها ما هاتتظبط
لأن إنته اللي عملتوها لو ها تتظبط كانت من الأول
وخصوصا أنا مش ها أدفع مليم واحد تاني ليكم
وغيركده إنته هاتديني ضمان كام كيلو
موضوع ال 3 ألاف كيلو ده وشهر لا ينفعني أبدا
وممكن تمشي الرقم ده وتبوظ تاني يبقي كده
حضرتك هاتقول إنته كده عديت الضمان
وقلت له أنا لو رحت أجرت عربيه من معرض مثلا
وقولت له عاوز عربيه رايح بيها مشوار 3000 كيلو
مش هياخد المبلغ ده وخصوصا لو ها أعمل المشوار
ده مثلا في إسبوع قالي بس نظبط العربيه
ونشوف الموضوع ده بعد التظبيط
طيب دلوقتي أنا متوقع فشل الشغل في الموتور
ده تاني حتي لو نجح مش هايمشي كثير
غير كده أنا بطلع بالعربيه أي مشوار وخايف من أنها
تضرب جوان يبقي مشاويري كلها صغيره علشان
لو عطلت ودلوقتي عاوز أشتري موتور إستيراد
وليكن مثلا اللي ب3500 جنيه وكمان نقول 500 جنيه
تركيب يبقي 4000 جنيه غير ال 2400 جنيه اللي
خادوهم مني كده الموضوع عدي غير كمان الكام مره
اللي صلحتهم بره غير الونش وخلافه
ياريت الموضوع ده يكون عبره علشان الناس
تبقي عارفه التوكيلات بتاعتنا شكلها إيه
وبعدين مش شايف حد معاه عربيه زي دي
دخل لنا يقول لنا تجربته معاهم
هوه مافيش حد إشتري العربيه دي غيري
وإلا إيه ؟؟؟؟؟؟؟؟؟؟؟؟؟؟؟؟؟؟
وشكرا لكم

[mohamedrefaat]

العربية دى مش هتتصلح ليه----
كان عندى عربية سكودا فليشيا تمت فيها نفس الحوارات
تغيير الجوان 3 مرات ووش اللسلندر والسخونية مستمرة الى ان عرفت ان السيارة ليست لها حل وبالصدفة عرفت ان سبب السخونية هى مياة التبريد يا عزيزى والمياة المباعة الحمراء والخضراء المغشوشة
فمع السخونية تترسب الاملاح وتسد الفجوات الغير ملحوظة والغير مرئية حول الماتور وتسبب عدم اكتمال دورة التبريد والملح هذا لايذوب الا بحمض الهيدروليك المركز وتبدا الترسيبات فى المحركات بعد80---100 الف كم عاوز تتاكد من الموضوع لو عندك بويلر بتاع الشاى
شوف الترسيبات بتاعتة كل اسبوع على القاع

[tareksat5000]

العربية دى مش هتتصلح ليه----
كان عندى عربية سكودا فليشيا تمت فيها نفس الحوارات
تغيير الجوان 3 مرات ووش اللسلندر والسخونية مستمرة الى ان عرفت ان السيارة ليست لها حل وبالصدفة عرفت ان سبب السخونية هى مياة التبريد يا عزيزى والمياة المباعة الحمراء والخضراء المغشوشة
فمع السخونية تترسب الاملاح وتسد الفجوات الغير ملحوظة والغير مرئية حول الماتور وتسبب عدم اكتمال دورة التبريد والملح هذا لايذوب الا بحمض الهيدروليك المركز وتبدا الترسيبات فى المحركات بعد80---100 الف كم عاوز تتاكد من الموضوع لو عندك بويلر بتاع الشاى
شوف الترسيبات بتاعتة كل اسبوع على القاع

السلام عليكم.
أستاذنا الفاضل شكرًا لك علي الرد لكن مشكله ضرب الجوان دي مشكله عامه في هذا الموديل
من الموتور وهذا الموتور موجود في عده سيارات من السيارات الصيني
وبعدين أخر مره الوكيل نفسه هوه اللي مصلح العربيه
وعطلت برده عموما المفروض إني أستلم العربيه بعد يومين
همه صلحوها كده للمره الثانيه عندهم وطبعا مش ها أدفع
ولا مليم والمفروض فيه ضمان ثاني ها نشوف
هايحصل إيه المره دي كمان وربنا يسهل
وشكرا لك

[AMA]

السلام عليكم.
أستاذنا الفاضل شكرًا لك علي الرد لكن مشكله ضرب الجوان دي مشكله عامه في هذا الموديل
من الموتور وهذا الموتور موجود في عده سيارات من السيارات الصيني
وبعدين أخر مره الوكيل نفسه هوه اللي مصلح العربيه
وعطلت برده عموما المفروض إني أستلم العربيه بعد يومين
همه صلحوها كده للمره الثانيه عندهم وطبعا مش ها أدفع
ولا مليم والمفروض فيه ضمان ثاني ها نشوف
هايحصل إيه المره دي كمان وربنا يسهل
وشكرا لك

دا على كدة محدش يشتريها و يريح دماغة
و أنا والله بحذر لأن أنا إلى عملت الموضوع و فكرت إنها هتكون كويسة لكن بعد تجربتك و تأكيد حضرتك و تعب حضرتك منصحش حد بصراحه يشتريها و ربنا يعوض عليك و ألف شكر على امانتك و سرد تجربتك فى صورة أكتر من رائعة

[mmmmgogommmm]

العزيز صاحب اقوى واصدق تقييم فعلى لهذة السيارة اقترح على حضرتك معرفة اسم الموتور ورقم موديلة وابحث فى النت عنة واعرف هو راكب فى عربيات اية واعتقد ممكن تلاقى الاصلى اليابانى بتاعة فى السوزوكى الالتو وغيرة ولما تغيرة المرور هيرفض لانة مش بتاع الايديا يعنى الافراج الجمركى مكتوب فية اسم عربية تانية فى الحالة دى هتقدم طلب للمرور مكتوب فية ان الموتور اللى راكب تم تعميرة عدة مرات دون فائدة ولا يوجد موتور لها فى التوكيل وان الموتور الاستيراد هو نفس موديل الموتور الموجود باالسيارة وانة لن يتم تغيير القواعد وسيتم التركيب على نفس القواعد وهما هيحولوك للجنة وهتوافقلك انشاء الللة