جاك موتورز تعرض a0 على موقع الوكيل المصرى

[AMA]

سيارة جديدة من شركة جاك الصينيه A0
و على فكرة جاك شركة بتاعة عربيات نقل قديمه جدا فى مصر

دى صور العربيه







سعة المقاعد 5 كراسى عادى جدا
حجم الشنطه 35 لتر
فيه منها 999 سى سى يعنى مالهاش جمارك المفروض
و فيه منها 1075 سى سى
و دا لينك التوكيل المصرى و كل مواصفاتها الفنيه أضغط هنــــــــــــــــــــا


على فكرة لو سعرها نزل رخيص و الجمارك مشكلتها أتحلت على فكرة ممكن تبقى أشهر عربيه هاتشباك موجودة أصلا فى شوارع مصر و أكتر من الماروتى عشان مواصفاتها و التصميم
و تتخيلوا كدة سعرها هيبقى كام ؟

[Mina francis]

أنا حاسس أنها شبه هيونداي i10

[abdullah_yousof]

هي نزلت مصر ولا حضرتك بتفترض؟

حضرتك مصمم على ان 1000 سي سي ملهاش جمارك ليه؟

جماركها زي 1600 سي سي وانسى المفروض. احنا في مصر

اعتقد ان الوكيل هنا منزل سيارتين من نفس الفئة a
أعتقد a118 & a117 او ِa107 & a108 مش فاكر بالضبط

[mohamed_prog]

و دا لينك التوكيل المصرى و كل مواصفاتها الفنيه أضغط هنــــــــــــــــــــا

مين اللى قال إن اللينك دة لموقع الوكيل
دا الموقع الرسمى لشركة جاك الصينية بس باللغة العربية

[mody_halawa]

شكلها حلوة اوى

[M.almaghraby]

شكلها شيك فعلا

[Hacker5]

شركة جاك دايما متميزة بتصميمتها

[temo]

وعربية تانية من جاك ( تحفه ) بس اكيد مش حتنزل مصر

[temo]

[AMA]

أنا حاسس أنها شبه هيونداي i10

طيب ماهى عربيه يا جماعة لازم تبقى شبه عربيه تانيه مع أحترامى لرأى حضرتك طبعا بس حاسس أن فى يوم من الأيام مثلا لو الصين دى نزلت عربيه مالهاش مقارن نهائى هتقولوا لأ دى شبه مرسيدس مثلا و نقول ليــــه تقولولنا عشان بـ4 عجلات و دريكسيون
يا جماعة الكورى فى أولة كان أكتر من كدة و كان الخوف منه أكتر من كدة بكتيـــــــــــــــر

هي نزلت مصر ولا حضرتك بتفترض؟

حضرتك مصمم على ان 1000 سي سي ملهاش جمارك ليه؟

جماركها زي 1600 سي سي وانسى المفروض. احنا في مصر

اعتقد ان الوكيل هنا منزل سيارتين من نفس الفئة a
أعتقد a118 & a117 او ِa107 & a108 مش فاكر بالضبط

لأ دا طلع الموقع الرسمى لشركة جاك باللغة العربيه للأسف و أسف جدا مأخدتش بالى يا جماعة والله أنا بحسبه الوكيل
بالنسبه لأن تحت الـ1000 سى سى كقانون المفروض مالوش جمارك لأن الجمارك بتحسب بفوق الـ1000 سى سى و بنسب معينه طبعا و لم يذكر جمارك لأقل من 1000 سى سى و بما أن مالوش جمارك فالضرايب الحكومية المفروض بتبقى قليله جدا و للأسف زى ماقولنا قبل كدة أن أحنا الدولة الوحيدة إلى الجمارك و الضرايب بتاعتها مخفية أو غير معروفة و فى نفس الوقت فيه أزدواج ضريبى يعنى الضريبة بتضرب × 2 من غير مانعرف السبب أية رغم أن أحنا دولة أستهلاكيه
و ألف شكر على ردك و يا رب تكون المعلومة وصلتلك

مين اللى قال إن اللينك دة لموقع الوكيل
دا الموقع الرسمى لشركة جاك الصينية بس باللغة العربية

تصدق أة
بس سمعت ان لو واحد عايز عربيه مثلا منزلتش مصر بيتفق مع الوكيل المصرى و هوا بيجيبهالة بس على ماأظن السعر بيبقى عجيب شوية

شكلها حلوة اوى

شكلها شيك فعلا

شركة جاك دايما متميزة بتصميمتها

تسلم أيديكم يا باشمهندسين على الرد و فعلا التصميم أنا أتبهرت بيه فعلا

وعربية تانية من جاك ( تحفه ) بس اكيد مش حتنزل مصر

ماهو يا تيمو ممكن الوكيل أو ممكن شركة أميك متستوردهاش لسببين
أول سبب عجيب جدا يا أما سعرها هيبقى رخيص جدا أو كقانون مالهاش جمارك زى إلى أنا عامل عليها الموضوع دة لما قولت أن فيه أقل من 1000 سى سى و المفروض مفيش عليها جمارك و طبعا هيبقى سعرها قليل جدا و مش هيعرفوا يسرقوا كويس
يا أما تانى سبب هيبقى سعرها غالى جدا على أمكانياتها فمحدش هيشتريها زى صفقة التاتا نانو الهنديه إلى المفروض سعرها لا يتجاوز الـ16 ألف و فى الأخر قالوا هتبقى بـ40 ألف





و عقبالنا لما نعمل حاجة كدة يا رب إن شاء الله
محدش بقى يعرف يسفرنى الصين هههههههههههههههه :10D5C8~1107:

[tarekmomo]

العربية الخضرة دى شكلها فخم اوى

[AMA]

العربية الخضرة دى شكلها فخم اوى

فعلا تيمو بيجيب صور عربيات صينى تعقد

و على فكرة لو هنبص لأسعار مثلا عربيه زى الخضرا دى هتبقى مثلا سعرها عادى بالنسبه للسوق عمتا اليابانى أو الأوروبى يعنى أكيد مش هتبقى أغلى كمان من الكورى

لكن للأسف المستورد ساعات بيحدد الأنواع إلى بتدخل البلد و هيا شركة أميك على ماأظن

[temo]

وديه السيارة suv الجديدة من جاك
وعلى فكرة بدأ انتاجها فعلا ولكن لم تطرح للسوق بعد

[AMA]

وديه السيارة suv الجديدة من جاك
وعلى فكرة بدأ انتاجها فعلا ولكن لم تطرح للسوق بعد

طيب هتدخل ولا مش هتدخل مصر ؟ و يا ترى أميك هتحن علينا ولا لأ ؟

و متعقدناش معاك يا عم تيمو بصورك دى ههههههههههههههه

[abdullah_yousof]

إلى الأخ ama

هل حضرتك متأكد ان السيارات تحت 1000 سي سي معفاه جمركيا في مصر؟؟؟؟؟؟؟؟؟؟!!!!