حل السيارة الأيديا

[eng_mkhalaf]

كتير من العربيات دية حصل ليها مشاكل فى الموتور - عارفين دة لية
يوجد عيب فى الموتور وهو أنة بيسخن بسرعة ومع مية وحشة المية بتغلى وبتبوظ الموتور والحل بسيط ومجرب وهو وضع مياة خاصة بتركيز عالى حتى 50% وهى موبيلكول أو إى نوع أمريكانى محترم ودة عن تجربة حقيقية للأخ أسامة أحمد العضو الغائب عن المنتدى مع الأخذ فى الأعتبار مراقبة عداد الحرارة بأستمرار وبكدة العربية حتفصل زى الفل معاك

[HESHAM AMIN]

يا باش مهندس
انا معايا العربية ومبتسخنس خالص لا جوا البلد ولا براها حتى لو مشيت بيها كتير
واساسا العربية نازلة الردياتير بتاعها مليان مية خضرا
تفتكر فية حد بيشلها ويحطلها مياة عادية !!!!!!!!!!!!
وعلى العموم اى مية عادية غلط على اى عربية لانها بتعمل رواسب وتكلسات فالموتور والردياتير

[eng_mkhalaf]

ممكن يا هشام غيروا المية فى التوكيل أو فى المعرض لما لقوها ناقصة - والكلام دة ممكن يكون حصل مع الناس دية ومحصلشى عندك

[usama_pce]

سمعت ان استعمال مياة خضراء ذات تركيز عالى ممكن تاثر على طلمبة المية

[HESHAM AMIN]

لا مبياثرش على حاجة
لان المواد دى وظيفتها انها تمنع تكون التكلسات فى الردياتير
وداخل المحرك
وفى مواد مركزة عند مكاتب معالجة المياة بتضاف بنسبة الى المياة العادية
علشان بردوا تمنع التكلسلت
وبتدى اداء افضل فى نقل الحرارة

[tutankhamoun]

وهو وضع مياة خاصة بتركيز عالى حتى 50% وهى موبيلكول أو إى نوع أمريكانى محترم ودة عن تجربة حقيقية للأخ أسامة أحمد العضو الغائب عن المنتدى

الأمريكان يضربونا كل يوم ........ الأمريكان يهددونا بضرب بلداننا الإسلامية بتسليط و تحفيز من الجماعات اليهودية و المسيحية المتشددة في أمريكا
و الناس هنا على المنتدى و في مصر عموما لسة بيشتروا أمريكاني

و الله العظيم أنا مرة عملت خناقة مع مراتي علشان كانت عايزة تشتري منتج أمريكاني و أنا أصريت أننا نشتريه مصري و الخناقة كبرت و لكن هي في النهاية تفهمت قصدي و أشترينا المصري ........ و لو الأمريكاني حطين فيه دهب برضه مش هاشتريه
و ياريت يكون موقف الأخوة الزملاء في المنتدى مشابه لهذا الموقف
لأنه حرام يضربونا و نشري منهم منتجات و نفعهم

ممكن المية اللي الأستاذ محمد خلف بيتكلم عليها يكون فيه منها نوع مصري كويس من إنتاج شركة الأسكندرية للكيماويات و أنا سأضع قامة بالمنتجات الي يقدموها في السوق بديلا عن المنتجات الأمريكاني المستوردة
و هذا ليس دعاية لشركة بعينها و لكنها الشركة الوحيدة التي جربتها و تحققت من جودة منتجاتها و من الممكن أن يكون هناك شركات أخرى بجودة أعلى أو مشابه و لكن الله أعلم و لذلك أطالب الأخوة في المنتدى الذي يجرب أي منتج صناعة مصرية بأن ينصح الزملاء به إذا كان جيد الصناعة و الجودة و بذلك
ننمي بلدنا و تفضل فلوسنا داخل البلد و نساعد على تشغيل المصانع بدلا من تشغيل مصانع أعدائنا

[usama_pce]

هناك المية السعودى تركيزها 40 %

[tutankhamoun]

هناك المية السعودى تركيزها 40 %

هناك فين ؟؟؟؟؟؟؟؟؟؟؟

[أبو عبدالله]

النوع السعودي موجود في السوق

وانا اتفق مع اخي توت على موضوع مقاطعة منتجات الامريكان

[eng_mkhalaf]

فعلا فى السعودى وبتركيز 40 % وكويسة لى حد عايز -