B Class In my Hand

[ahmedchina]

والله سبحان الله زى م بتقول يا استاذ احمد ان كنت رايح انهارده اغير العربيه واتفق على بريليانس كروس لقيت الراجل بيقولى ان فى عربيه عند واحد من الموزعين انا جبتهالك وهسلمك بكرة او بعده - قلت يا مسهل وهشوف ربنا كتيبلى ايه يا ريت يكون خير وادعولى
(حاجة مهمه انا عرفتها انهاردة من مدير بشركة جاك ان الدفعه الجديده كلها اتحجزت لشركة سياحه هتعملها ليموزين وده كلام مؤكد)

مبروك و تأكد إنها صفقة رابحة بإذن الله و الخبر دة جديد و العربية دى بتثبت نفسها يوم بعد يوم
و الله أنا مطلع بوزها معايا لغاية دولتى 15600 كيلو و الحمد الله زى الفل و ربنا يدمها نعمة
كان معايا واحد صاحبى معاه اوبل كورسا قرر يبيع عربيتة و يجيب واحدة عجبة شكل العربية و التابلوة و ووسع العربية المريح
و كان تعليقة إن العربية ناعمة أوى عن الكيا سيراتو

[odaoda]

مبروك يا رائد الجاك
كلامك بيدى ثقة كدة للواحد
ربنا يباركلك فيها ويبعد عنك العين الى عمالة تخبط فالعربية من ساعة ما جت

[ahmedchina]

الله يكرمك دة من ذوقك !

[samakordy]

السلام عليكوا ورحمة الله وبركاته
انهاردة روحت علشان استلم العربيه طبعا قعدت ادور فيها وفجاة جيت اشغل التكيف لقيته هوا بس طبعا جربنا فيه كتير وبعدين قالولى لا مش هتستلمها هنوديها التوكيل وبعدين تستلمها واتصلوا على التوكيل ادامى واخدوا ميعاد بكرة وان شاء الله لو خلصت بكرة هستلمها
دعواتكم

[odaoda]

يا باشا خليهم يدوسوا على زرار اية سى وهو يطلع فريون

[ahmedchina]

صحيح لازم تشغل ال إية سى و تنتظر شوية حوالى 2 دقيقة و يبقى زى الفل , على العموم مبروك مقدماً و ربنا يعطيك خيرها و يبعد عنك شرها و ألف مبروك

[krim71]

يا باشا خليهم يدوسوا على زرار اية سى وهو يطلع فريون

على فكرة كل العربيات اللي فيها تكيف بيبقى فيها زرار الايه سي فاكيد هما عارفين يعني!!
انا مركبتش عربية الصراحة و ملقتش فيها الزرار ده

[ahmedchina]

مع نهاية الاسبوع أهديكم اللينك الخاص بفيديو لاستعراض الجاك بى كلاس و البى كروس
و±ںو·®ه’Œو‚¦ç‰¹وٹ€è،¨و¼” - 视频 - ن¼ک酷视频 - هœ¨ç؛؟观看

[ahmedchina]

و دة لينك أخر لاحد ملاك العربية فى على أحد الطرق السريعة و هو بيجيب أخر العربية فى السرعة يا حلاوة الطرق فى الصين
2010-08-05ه’Œو‚¦é«کé€ں - 视频 - ن¼ک酷视频 - هœ¨ç؛؟观看

[ahmedchina]

على فكرة البى كروس لو التوكيل ينزلها بموتور 1600 قوى هاتاكل السوق من الكارينز و الماتركيس
و دة لينك فيديو لمن يرغب فى التعرف على ال بى كروس من جاك

http://v.youku.com/v_show/id_XMTgwMDUzNTg0.html

[ahmedchina]

شوفت يوم الجمعة عربية بى كلاس نبيتى جديدة زيرور على الاتواسترد ناحية حلوان

[ahmedchina]

طرحت شركة جاك فى الصين النسخة الاعلى فى التجيهزات فى الصين حيث تم إضافة فتحة سقف و تغير شكل الجنط و إضافة ماتور جديد بتكنولوجيا فى فى تى قوة 120 حصان 1500 سى سى . و المساحات تم تغيرها لتصبح النوعية الجديدة ذات الجسم الواحد مع إمكانية إضافة دى فى دى و غيرها من الاضافات . و سوف يتم طرح النسخة الاتوماتك قريباً . نتمى نقدر شوف حاجة من الحاجات دى مع الوكيل فى مصر و ميقتصرش على موديل واحد فقط المتاح حالياً و إليكم الصور

[odaoda]

انا شفت النسخة دى فمنتدى صينى بس معتقدش هتنزل مصر الوكيل بيمشى نفسة وكلة وبس كدة!!!!

[ahmedchina]

الصور
أعتقد الوكيل هينزل الموديلات الجديدة علشان يكون عندة تنوع فى الاسعار و الموديلات يقدر ينافس بيها و فى الوقت المشترى يكون عنده مساحة موديلات و أسعار مختلفة و بالتالى المبيعات هتزيد

[odaoda]

ياريت والله هو حد يطول واهوهما الكسبانين فالاخر يعنى