B Class In my Hand

[ahmedchina]

السلام عليكم
عندى مشكلة ظهرت فى العربية و هو عبارة عن صوت زى صفارة مع دواران العجل ناحية الشمال و الصوت جاى من العجلة الشمال امامى و الصوت بيكون واضح و انا بلف على سرعات منخفضة جدا زى الركن مثلاً أو الدوران الصوت ظهر بعد صيانة الخمسين هل له علاقة بتغيير سير الدينمو و لا إية السبب ؟؟؟

[ahmedchina]

حاجة تانية انا قرأت كتيب الضمان بعناية الوكيل مقسم الضمان 3 سنوات الى حاجات لمدة شهرين و حاجات 6 شهور و حاجات سنة و الباقى 3 سنوات
ال3 و 6 شهور فى منها كتير قطع أساسية و جوهرية و ال12 شهر الماتور أو 50000 يعنى اللى جاب العربية من سنة و ماكملش 20000 كيلو الماتور خرج من الضمان
لما الماتور سنة و الطنابير و المساعديين الامامى و الخلفى و طقم الدبرياج سلك فرامل اليد ماكينة الزجاج الكهرباء و العادة طلمبة البنزين الرشاشات و السنتر لوك 3 شهور او عشرة ألاف كيلو
و علب الشكمان و مفتاح الزجاج و المارش و جلب المقصات و بارات علبة الدريكسيون مفتاح ضبط المرايات و علبة الدركسيون المساعدين امامى و خلفى طلمبة الباور طلمبة المياة و شوية حاجات تانية ستة شهور أو 20000 كيلو
إية اللى تبقى للعربية لضمان ال100000 او ال3 سنوات العجل الجنط البادى الخارجى الفرش الداخلى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هل باقى الشركات و العربيات بنفس الشكل ؟
هل دة هو العادى .........
لو دة العادى فى باقى العربيات يبقى الواحد يجيب مستعمل أو خليجى لما الواحد هيدفع ثمن كل حاجة فى العربية يبقى الضمان لزمتة إية ؟؟؟

[odaoda]

ياريت توافينا بالمشكلة وابعادها ياا استاذ احمد
بس مش عارف بصراحة دة لية علاقة بالسير ولا لا
المهم كل سنة وحضرتك طيب ورمضان كريم
اما بالنسبة لكتيب الضمان انا شفت الانجلون لقيتها تقريبا نفس النظام دة وهشوف عربيات اصدقائى واوافيك
ورمضان كريم عليكوا جميعاااااااااااااااااااااااااااااااااا
اة العربية 17 الف كيلو وتمت سسنة وشهر اهو

[kashtoot]

ألف مليون مبروك و ربنا يباركلك فيها و يكفيك شرها

[ahmedchina]

ياريت توافينا بالمشكلة وابعادها ياا استاذ احمد
بس مش عارف بصراحة دة لية علاقة بالسير ولا لا
المهم كل سنة وحضرتك طيب ورمضان كريم
اما بالنسبة لكتيب الضمان انا شفت الانجلون لقيتها تقريبا نفس النظام دة وهشوف عربيات اصدقائى واوافيك
ورمضان كريم عليكما جميعاااااااااااااااااااااااااااااااااا
اة العربية 17 الف كيلو وتمت سسنة وشهر اهو

أولا سلامى لك و جميع الاخوة المشاركين فى المنتدى و كل رمضان و أنتم بخير
ربنا يسهل فى الصيانة الجاية هبقى أشوف سبب الصوت دة و بالنسبة لموضوع الضمان انا هاشوف أصدقائى اللى عندهم عربيات تانية إية النظام معاهم . و ربنا يبارك فى عربيتك و يعطيك الخير منها .

[ayman66]

السلام عليكم جميعاً ورمضان كريم على الجميع.
امابعد...اعتقد أن الأعلان كان واضح كما هو واضح فى اعلانات جميع السيارات (حيث ان الأعلان بيكون كاالأتى:اشترى سيارة كذا ذات الأمكانيات كذا واسعار السيارة تبدأ من كذا ..لأن فى سيارات بتختلف فى الأمكانيات فى الموديل الواحد زى العادى والهاى لاين,المهم وفى نهاية الأعلان بيكون الضمان مكتوب بصيغة العموم يعنى ضمان لمدة ثلاثة سنوات او 100,000 كيلو ,وهنا على ماأعتقد ان نية البائع تقصد وعن عمد ان الضمان اما ثلاثة سنوات او عدد الكيلوات التى حددها,وهذا واضح وضوح الشمس وهذا مايجعل المتلقى وهو الشارى ان يهم بشراء السيارة ذات الضمان الطويل من وجهة نظر صاحب الأعلان اذن اذا حدث وتم تقسيم الضمان بعد الشراء حيث ان الشراء لايتم بناء على عقد مكتوب وهذا حصل مع الجميع فأنه القصد مبيت من الوكيل اى البائع على ان يمارس الغبن على المشترى لأن كتيب الضمان لانستلمه إلا مع اول صيانة نقوم بعملها والأمر هنا مقصود,وعليه فأن اتفاق الجميع على ان ماحدث معى فى طريقة الشراء هى طريقة واحدة وهى ان كتيب الضمان لايظهر إلا فى نهاية المطاف فأنه يجوز ان نتهم البائع بأنه قد نصب علينا وإن نيته مبيته من اول ماقام باالأعلان إلى ان فاجئنا بتقسيم الضمان وفق اهوائه وهو الرجوع عما اعلن عنه,بلضبط كا البائع الذى يضع سعر على سلعته مثلاً بجنيه ثم تذهب بناءٍ على الأعلان وعندما تبدأ تأخذ من السلعة التى شكلها عجبك يقول لك لادى ب2 جنيه ,إذن ذلك غبن يمارسه على المشترى وهو اظار غير الحقيقة فى بيعه..يجب الا نترك الأمر هكذا يجب ان نفعل شىء تجاه هاؤلاء النصابين,والله الموفق..

[ahmedchina]

هو دة الكلام الصح و المفيد يا أستاذ أيمن . و طيب و الحل إية ؟؟

[ayman66]

هو دة الكلام الصح و المفيد يا أستاذ أيمن . و طيب و الحل إية ؟؟

هو دراسة هذا الوضع من الناحية القانونية دراسة متأنية .يعنى على سبيل المثال اتفاق مجموعة على البدء فى اتخاذ اجراءات تجاه هذا الوكيل وذلك بعد توحد الأفكار وهو ان يتفق الجميع على انه لم يتم تحرير صيغة عقد بين الوكيل والمتشتريين,حيث ان المشرع لم يشترط شكل معين للعقد ,يعنى اذا اتفق كم كبير على ان التوكيل لم يحرر عقد فأن مجرد استلام اذن الأفراج الذى يدل على استلام الوكيل ثمن السيارة ,فأن العلاقة التعاقدية قد تمت ولكن دون تحديد لبنود العقد ,وعليه مايفعله الوكيل من فرض شروط معينة فى الضمان يعنى إننا قد فرض علينا شروط اذعان ,بمعنى شروط يجب ان تقبلها دون الأعتراض على ماجاء بها من ملاحظات واشترتطات,عارف كده زى متقول انك قاطع تزكرة اتوبيس ,وتزكرة الأتوبيس دى هى العقد بينك وبين شركة الأتوبيس ولكن ايه هى طبيعة العلاقة المبنية على هذا التعاقد ,طبعاً مجهولة,هذا هو وجه التشابه.

[odaoda]

كلام تمام ومعاكوا ان شاء الله

[blazer]

شكرا لموضوع الهايل يباشا
انا معروض على عربيه جاك b15 موديل 2010 عامله 20 الف كيلو
سعرها يكون كام؟
وهل اروح اكشف فى الوكيل ؟ ولا ملوش لازمه
ولا يكفى فحصى الشخصى والمنظر والحاله العامه للعربيه او ارفعها كمان فى محطه بنزينه محترمه

[ahmedchina]

السلام عليكم و رحمة الله
تقبل الله منا و منكم الصيام و القيام إن شاء الله
النهاردة إن شاء الله انا هعمل تقرير عن الجاك بى 15 بعد صيانة ال60000 . و الحمد الله عملت الصيانة إمبارح كلفتنى 810 جنية دون تغير الزيت و فلتر الزيت .
لية من غير زيت ماتور ؟؟؟
لان دة اللى عايزة أقولة انا غيرت الزيت المرة دى برة التوكيل فى مركز معتمد لزيوت كاسترول بصقر قريش بالمعادى . كلفنى زيت و فلتر 295 جنية
العربية بعد إستخدام سنة و 4 شهور الحمد الله رب العالمين زى الفل مافيش مشاكل من النوع الثقيل ربنا يدمها علينا نعمة .
زيت كاسترول بصراحة حكاية و عن تجربة دلوتى حوالى 600 كيلو بالعربية
العربية أصبحت أكثر سلاسلة و نعومة و إستجابة , و السحب بقى أكثر قوة
صوت العربية على 110 -120 كان بيكون عالى شوية و مش مريح بس لما بعدى ال 120 بيهدئ
بعد ما غيرت الزيت الموضوع دة إتغير الصوت بقى أكثر هدواءاً . بصراحة انا بنصح كل واحد إن يغير لكاسترول الذهبى . ودة مش دعاية للمنتج بس بصراحة يستاهل .
ترجع للعربية مشكلة الصوت مع الدوران سببها سير التكيف اللى تغيير فى صيانة ال50 الف و تم علاجها . كان فى مشكلة تانية وهى زرار الزجاج اليمين كان يغلق فقط و مبيفتحش الشباك تم الاصلاح
الخدمة المرة دى أحسن كتير .
الوقت انا وصلت 9:30 مكنش فى عربيات كتير ,العربية الساعة 10 دخلت الورشة ,الساعة 12 الظهر خرجت زى الفل
بصراحة الجاك بى 15 جوهرة لا يعرف قيمتها إلا من يملكها و ياريت التوكيل يدرك النقطة دى و يشد حيلة فى الدعاية و الاعلان .
الاضافات اللى عملتها للعربية الفترة الاخيرة
ملئ العجل بالنتروجين العربية أصبحت أفضل فى المطبات و السحب و بقت ناعمة عن الاول .
تغير الزيت من شل اللترا الى كاسترول الذهبى
إستخدام بنزين 95 كل شهر مرة واحدة و دة علشان ماتور العربية نسبة الانطغاط 10.5 وبلاحظ إن صوت الماتور بيختفى لا حس و لاخبر بس مكلف شوية لان العربية مش بتوفر فى الاستهلاك كتير مع بنزين 95 نسبة الاستهلاك هى هى زى بنزين 92
ملحوظة إستهلاك البنزين متوسطة من 7.5 الى 9.5 و دة بسبب القيادة المسرعة و الزحمة و تشغيل التكيف ووزن العربية
الطبيعى فى القيادة السلسة الهادئة 6.5 و عن تجربة
التقييم العام راضى تماما عن إختيارى و توفيق ربنا الكبير ليا فى إختيار هذة العربية و ربنا يحفظها من كل شر و يعطينا خيرها و يكفينا شرها جميعاً أمين .
و تحياتى للجميع
و كل عام و أنت بخير

[odaoda]

تقرير مبشر يا استاذ احمد ربنا يباركلك اسمحلى انقل التقرير

[ahmedchina]

شكرا و ممكن تنقل التقرير إنت أخى عزيز علينا يا odaoda

[waelfarid]

طيب ماللوجان برضه الضمان بتاعها حاجات حاجات من حيث المدة واعتقد معظم السيارات كدة برضه بمعني ممكن الواحد يفوت المكنة بانه يفضل مشغلها كام ساعة عال red zone RPM واي عربية قديمة جديدة زي البطيخة نسال الله السلامة ومكاسب كل السيارات في خدمات بعد البيع واركب وعيش بس ادفع طبعا

[waelfarid]

حد من الاخوة الفاضل مالكي الجاك يقولنا سعر الa138 اعلي فئة مانيوال بكام والاتوماتيك بكام موديل 2011 وجزاكم الله خيرا