الماركات الصيني النضيفة

[krim71]

ياريت يا جماعة تقولوا جميع المركات الصيني النضيفة المعتمدة الى حد ما علشان انا لاقيت مركات صيني كتييير معرفش هما جايين منين ولا اصلهم ايه
يعني مثلاً ماركة زي جيلي مثلاً تعتبر مركة عالمية و معروف اصلها يعني لكن فيه مركة زي ليفان دي معرفش دي ايه دي هكذا
شكراً

[meetooz]

ده تقيمي عن نفسى بالترتيب:
brelliance : اسعارها عالية و قطع غيارها غالية
jac : لسة بتبتدى تنتشر+ جودة عالية + سعر معقول + قطع غيار اسعارها معقولة و توكيل واضح انه محترم
faw : توكياها نايم خالص
greatwall : عز العرب
geely: الموديلات الجدبدة mk ck2 fc lc حلوة اوى بقلها مدة ماشية كويس من 2007 و اسعار قطع غيارها معقولة جدا
byd : لسة التأفيل المصرى نازل بس التأفيل الصينى من 2007 مافيش عيوب ولا مشاكل
speranza : عيبها التافيل المصرى و ابو الفتوح


لكن lifan فى ناس اشتكت منها + خاماتها رديءة جدا

[د.محمود صلاح]

لو هتشتري صيني ابحث عن التوكيل والا بلااااش ..

[odaoda]

متابع باهتمام.......

[krim71]

بس المشكلة ان البريليانس لو بصيت برة على اسعارها هتلاقي الاسبلندور في حدود سعر الام 11 معرفش ازاي بس التوكيل بتاعها بيغلي في العربية بال30 الف جنيه غريبة جداً
انا عجباني جيلي انجلون بس معرفش عنها اي حاجة للاسف s:

[meetooz]

لو فى حدود سعر الانجلون يبقى jac b15

[krim71]

ممكن اعرف اد ايه اعتمادية عربيات جاك دي يعني الناس اللي اشتروا عربياتهم بيقولوا عنهم ايه و كده

[odaoda]

العربية الجاك لحد دلوقتى لسة فطور التجريب والتلين ولسة منقدرش حكم على العربية حكم مبدأى حتى الا بعد 5000 كيلو مثلا
لكن حتى الان الحمد الله كلة تمام عربية فوق الممتازة حتى الان الحمد الله ربنا يبارك للجميع
لو حضرتك هتشترى انزل المعرض وشوفها واستخير عليها واى عربية تانية وان شاء الله الخير هوالى هيحصل

[ahmad--ezzat]

ال b class الجديده تحفه

[meetooz]

ممكن تشوف التقرير ده كنت كتبه عليها : http://www.nilemotors.net/Nile/130577-jac-b15.html
الموتور mitsubishi technology 1500cc 104hp
تصميم ايطالى من pinefirena شكلها تحفة ماشاء الله
نظام عفشة جديد independent double link = عفشة ناعمة + ثبات عالى فى الملفات على السرعات العالية
جودة الخامات المستخدمة احسن من اى عربية صينى موجودة + جودة الدهانات و التأفيل
كماليات و سعر معقل جدا
العربية حصلت على جوائز كتير منها مسابة مشيت 200.000 كيلو متر بالصيانات الدورية فقط من غير مشاكل
انتج منهاعشرة الاف فى حجوزات كتير
جاك في أكثر من 100 دولة : بيرو الكوت سعودية مصر فيتنام نيجريا استراليا بروندى عمان تركيا الباقى على موقعهم جاك موتورز--
التوكيل فى مصر الناس بتشكر فيه موفر قطع الغيار باسعار معقولة جدا و اسعار الصيانات
احنا متابعين العربية دى بقلنا شهر كتير و عندنا معلمات كتير عنها لو فى حاجة عايز تعرفها اسئلنا

[krim71]

الف شكر يا باشا يعني المركات الصيني المعتمدة بالترتيب كده
1-بريليانس
2-شيري (اسبيرانزا)
3-جيلي
4-جاك
لو فيه غلط صححولي (انا مفهمش اوي في الصيني)

[odaoda]

اة يا باشا بريليانس التقفيل الصينى وليس المصرى احسن عربيات صينى فى وجهة نظرى لكنها ففئة سعرية مختلفة تمام عن العربيات التانية دى
يعنى لما يبقى السبلندور ب 100 الف وموديل 2009 يبقى انا اجيب سيراتو ولا لانسر احسن
لكن هتقولى السبلندور ولا الجاك هقولك السبلندور
ودة طبيعى لان فى فارق 30000
اسبيرانزا العيوب كتير ظهرت فيها والله واعلم اية الى هيحصل
جيلى موديلاتها ممتازة فمصر حسب رأى ملاكها انا معرفش بصراحة وانا بحب العربيات الجيلى اوى وعموما هو هو نفس توكيل الجاك وخصوصا الام كية والباندا تحفة والله بحبهم اوى

[krim71]

معلومة خطيرة ان توكيل بريليانس هنا في مصر بيغلي العربية بالعبيييط بعشرات الالاف و اكبر دليل اني لما ببص في المواقع برة بلاقي سعر الجالينا بتمن الاسبرانزا a620 و الاسبلندور بتمن الام11

[meetooz]

المركات الصيني المعتمدة بالترتيب كده:
1- بريليانس
2-جاك
3-جريت وول
4-فاو
5-جيلى
6-بى واى دى

[meetooz]

لكن الاسبرانزا عيبها التوكيل و قلة جودة الخامات المستخدمة بس فى m11 دى احسنها بس لسة في عيب فى تأفيلها اكيد التوكيل هيحلها دى احسن عربية فى الصين2009.

لكن من ناحية الانتشار فى مصر:
1- اسبرانزا
2-جيلى
3-بريليانس