أخيرا..أول عربية مجهولة المصدر في مصر..مبروك لمصر

[tohamy007]

والله يا جماعة انا شايف انها مش وحشة كشكل ان كان الشكل الخارجي او الصالون الداخلي ودة الواضح من الصور دي ..........






لاكن انا قلقي فعلا هو من المحرك ... اولا لانة موديل قديم اوووي من ميتسوبيشي وثانيا ضعيف جدااا على حجم السيارة .... لان سيارة زي دة صعب اوي تكون بمحرك 2400 cc بس و 125 حصان فقط !!! بجد صعب اوووي الحجم دة كلة يكفيه ال 125 حصان ... ومفيش قدمنا غير الانتظار لما تنزل الشارع المصري ونشوف رأي الناس فيها بعد التجربة ...... لاكن لو السيارة دي نزلت بموتور اكبر من كدة اعتقد انها بتكون فعلا مكسب للسوق المصري فعلا وكمان اسعارها تبدأ من 124 ألف حتى 150 ألف ودة سعر مميز جداا لسيارة زي دي

[PRO-DRIVE]

تصحييييييح

حسب المعلومات اللي جايه هنا

http://www.nilemotors.net/Nile/showthread.php?t=16358

هو دا المتور

http://en.wikipedia.org/wiki/Mitsubishi_Sirius_engine#4G64

[hesham2004]

يا جماعة الموضوع مش بالشكل و لا بالكماليات الغير اساسية ، دى فلوس الواحد حيدفعها فى عربية و فى بنى آدمين حيستعملوها ، يعنى مواصفات الأمان الأساسية موجودة و لا لأ
و بعد ثلاث اربع سنيين الواحد حيلاقى قطع الغيار الازمة للصيانة العادية و لا حيقولك السير او الفلتر الفلانى ممكن يمشى عليها و الا ممكن تركب لها تيل فرامل بلدى او تكبس لها اسطوانة دبرياج ، او تعدلها و تركب لها جيربوكس لادا
شركة فولكس بتتفاخر بالباسات لحصولها على جوايز اعلى معدلات الأمان لسنة 2006 ، 2007 ، ياترا العربيات الصينى مكانها فين من الأمان ؟

[ahmedfd]

والله ياريت توضحولى انتم واخدين الموقف السلبى والدعاية السلبيه على العربيه لية
- هل اسمها مش حلو ?
- هل علشان هية هتكون صناعة مصرية او حتى محاولة مصرية?
- هل وكيلها دعايتة مش حلوه
ياريت حد يجاوب لانى انا مش عارف الناس عايزة اية بالضبط
عايزين مرة واحد وبدون مقدمات نلاقينا بننافس اليبان فى الصناعه

+1000
يا جماعة الهجوم و التريقة من غير مانشوف العربية ده وحش في حقنا كمنتدى كبير.. إحنا لازم نكون موضوعيين أكتر من كدة.
الناس كاتبة موتور ياباني و جيربوكس أمريكي و أنا شايف شكلها جميل جداً. مش معنى كدة إننا نقول عربية تحفة علطول بس برضه منقولش عربية زبالة كدة علطول برضه...
و لا إيييييه..

[aif]

+1000
يا جماعة الهجوم و التريقة من غير مانشوف العربية ده وحش في حقنا كمنتدى كبير.. إحنا لازم نكون موضوعيين أكتر من كدة.
الناس كاتبة موتور ياباني و جيربوكس أمريكي و أنا شايف شكلها جميل جداً. مش معنى كدة إننا نقول عربية تحفة علطول بس برضه منقولش عربية زبالة كدة علطول برضه...
و لا إيييييه..

صح
الحكم الآن يعتبر متسرع جدا سواء كان لصالح السيارة او ضدها
احنا لغاية دلوقت مختلفين في الحكم علي بعض سيارات اللي بقالها سنوات في الخدمة
دي لسة ما نزلتش يعني محدش شافها او جربها

[pinkfloyd]

الاصدقاء الاعذاء

الحقيقة ان فعلا العربية حلوة وبالفعل لاقت اقبال جماهيرى كبييييييير جدا لدرجة ان اول دفعة تقريبا حوالى الف عربية والتسليم لحد اخر العام.

شوفوها على الطبيعة إن شاء الله تعجبكم.

يعنى عربية 2400 سى سى 128.8 حصان واير باج وفرامل ايه بى اسى وسى بى دى وكماليات تانيه كثير وتشبة التويوتا البرادو فى الشكل طبعا وبديه بــ 130 الف جنيه طيب احنا عايزين ايه تانى.

وعلى فكرة قطع غيرها موجودة بالفعل لان زى ما انتو عارفين هى بتتجمع فى الهيئة العربية للتصنيع.

والله انا شفت التفيل الصينى والتقفيل المصرى بجد المصرى احلى بكثثثثثثثثير.

انا عموما حجزتها وفوضت امرى الى الله وربنا يوفق

[GoldenManEye]

الاصدقاء الاعذاء

الحقيقة ان فعلا العربية حلوة وبالفعل لاقت اقبال جماهيرى كبييييييير جدا لدرجة ان اول دفعة تقريبا حوالى الف عربية والتسليم لحد اخر العام.

شوفوها على الطبيعة إن شاء الله تعجبكم.

يعنى عربية 2400 سى سى 128.8 حصان واير باج وفرامل ايه بى اسى وسى بى دى وكماليات تانيه كثير وتشبة التويوتا البرادو فى الشكل طبعا وبديه بــ 130 الف جنيه طيب احنا عايزين ايه تانى.

وعلى فكرة قطع غيرها موجودة بالفعل لان زى ما انتو عارفين هى بتتجمع فى الهيئة العربية للتصنيع.

والله انا شفت التفيل الصينى والتقفيل المصرى بجد المصرى احلى بكثثثثثثثثير.

انا عموما حجزتها وفوضت امرى الى الله وربنا يوفق

مبروك يا ريس.

ربنا يباركلك فيها، يا ريت تقولنا الإستلام إمتى؟

[pinkfloyd]

الله يبارك فيك يا باشا إن شاء الله على اخر شهر 7 ان لم يكن جديد

[Hassan]

الف مبروك و فى انتظار تجربتك و تقيمك بعد الاستلام ان شااء الله
و سلملى على جيلمور و روجر وتر طالما انك بينك فلويد

[pinkfloyd]

الاج العزيز Hasan واضح انك بتعز وبتحب Pink Floyd قوى انا عموما هسلملك عليهم :)

دى احسن فرقة فى العالم يا باشا

ناس معلمين بصحيح

[khaled1962]

عربية متجمعه تحت بير السلم والصيانة اضعف من الواد بليه صبي الميكانيكي
تاريخ اسواء سيارة في التاريخ : السيارة الكومودو والنصيحة مني لكم لوجة الله
ما يلي سرد موضوعي للمشاكل التي مريت بها مع السيارة السيئة كومودو منذ استلامها :-
1- ثاني يوم استلام السيارة وجد تسريب مياه من الموتور نتيجة تسرب المياه من كوع مياه
2- عطل بالمارش بعد استلام السيارة بخمسة ايام وذهبت إلي مركز الصيانة بأبو رواش ولم يستطيعوا معرفة كيفية إصلاح العطل وتم تحويلي ثاني يوم إلي مصنع الهيئة العربية وذلك بعد تركي السيارة يوم كامل بمركز الخدمة دون فائدة وتم إصلاح العطل بعد ستة أيام.
3- مجموعة من الأعطال والتي تم الإبلاغ عنها وقت عطل المارش وتم إصلاح بعضها في مركز الخدمة وفي المصنع والبعض الأخر مازال يسبب لي إزعاج إلي يومنا هذا وعلي سبيل المثال:
2-1- لمبة الفرامل لا تنطفئ بعد رفع الرجل عن البدال
2-2- لمبة Check Engine تضئ عند سرعة 80 كم/ساعة
2-3- عوامة تانك البنزين لا تعمل بصورة صحيحة
2-4- الفتيس الأتوماتيك يقف علي وضع P ولا يتحرك من مكانه أحيانا
2-5- تسريب مياه من الموتور
2-6- الكاسيت يمسح الذاكرة عند إغلاق السيارة نظرا لعدم توصيل كابل Backup
2-7- أحزمة الأمان الأمامية معكوسة
2-8- وجود خبط بالدريكسيون وعند رفع الرجل عن بدال البنزين أو الفرامل
2-9- ترمومتر الحرارة يعطي قراءات خاطئة داخل وخارج السيارة
2-10- وحدة رفع الزجاج عند غلق السيارة لا تعمل بصورة صحيحة ويظل الزجاج مفتوحا في أحد أو كل الأبواب
2-11- زجاج الأبواب يخرج من المجري الخاصة به عند الرفع أو يتوقف قبل أن يصل للنهاية
2-12- توجد سخونة في صالون السيارة في الجهة الأمامية يمين
4- لمركز الخدمة لعمل صيانة 1000 كم وقمت بإبلاغ الصيانة بالعيوب التي مازالت موجودة مثل عطل وحدة الرفع والأعطال الموجودة بماكينات الزجاج ولكن بعد استلام السيارة اتضح أن العيوب مازالت كما هي بالإضافة إلي أن زجاج السيارة الخلفي الأيسر أصبح يرتفع عند طلب إنزاله والعكس صحيح (تم عكس تشغيل المفتاح الخاص برفع الزجاج). تم الإبلاغ عن أن مقبض الباب الشمال الخلفي مخلوع وتالف وتم استبداله بمقبض سليم.
5- بعد عدة أيام ظهر رشح مياه من الموتور مرة أخري وقمت بالذهاب إلي مركز الخدمة وتم تغيير كوع مياه مُركب بالموتور حيث ظهر أنه يرشح مياه
6- قمت بالذهاب إلي مركز الخدمة مرة أخري حيث أن الفتيس الأتوماتيك لا ينقل النقلة الرابعة وعداد لفات السرعة يصل إلي حوالي 4000 لفة في الدقيقة عند الوصول إلي سرعة مائة كيلو متر في الساعة وتظل السيارة تعمل علي النقلة الثالثة وتم استبدال وحدة التحكم Control Block بأخرى وقمت بالانصراف من مركز الخدمة واتضح لي أثناء عودتي أن وحدة التحكم التي تم تركيبها تنقل الرابع ولكن تسبب رجه شديدة في السيارة بعد سرعة 80 كم في الساعة وبناء علي ذلك ذهبت مرة أخري وتم استبدال وحدة التحكم بأخرى ولكن علي ما يبدو أنها أيضا لا تعمل بصورة جيدة حيث أنني مازلت أعاني منها عند الوصول بالسيارة إلي سرعة 120 كم في الساعة إذا كان الطريق منحدر لأعلي فيحدث ارتجاج وتأرجح شديد في عداد اللفات من 3000 إلي 4500 لفة في الدقيقة وأكثر ذهابا وإيابا. أي يعلو الموتور ويصل عدد اللفات إلي 4500 ثم بعد ثواني ينخفض إلي 3500 ثم بعد ثواني يعود إلي 4500 مرة أخري وهكذا ، ويحدث نفس الموضوع تقريبا إذا كان المنحدر لأعلي قاسي عند سرعة 100 كم في الساعة.
7- ذهبت لعمل صيانة 5000 كم وطلبت تعديل وضع مفتاح رفع وإنزال الزجاج الخلفي يسار نظرا لأنه تم عكسه سابقا بمعرفة مركز الخدمة وكذلك طلبت عمل ضبط لفرامل اليد وإصلاح زجاج الأبواب ووحدة رفع الزجاج وتم ضبط مفتاح الزجاج ولكن عند عودتي للمنزل وعند الضغط علي الريموت كنترول لقفل السيارة فوجئت بالزجاج الخلفي يسار يفتح بدلا من أن يغلق مما اضطرني للذهاب مرة أخري لإصلاح هذا المفتاح (أي أن وحدة الرفع عند غلق السيارة تعمل كوحدة إنزال لهذا الباب)
8- بعد ذلك وفي ثالث يوم بعد اخر زيارة فوجئت بإنذار يفيد بارتفاع درجة حرارة السيارة واكتشفت أن المروحة لا تعمل وقمت بتوصيلها بسلك علي البطارية حتى تعمل وحتى استطيع أن أصل ثاني يوم لمركز الخدمة بابو رواش. وبناء عليه ذهبت مرة أخري لمركز الخدمة وبعد الاتصال بمدير الشركة ووعده لي كعميل كمودو (علي حد قوله) بأني سوف أستلم السيارة في أحسن حال وأبلغتهم بمركز الخدمة أيضا بأن الزجاج الأمامي يمين تلف نتيجة احتكاكه داخل الباب نتيجة لعدم ضبط الأبواب في جميع المرات السابقة بصورة صحيحة وتم في هذه الزيارة إصلاح عطل مروحة الموتور التي لم تكن تعمل وتم استبدال الزجاج بزجاج جديد ولكن مازال هذا الزجاج لا يعمل بصورة صحيحة حتى الآن وكذلك باقي الأبواب في بعض الأحيان.

والمحصلة النهائية مما سبق أن الجميع بالشركة بداية من مدير الشركة حتى اصغر عامل لا يهمهم مشاكل الجمهور ويكفي عمل زيارة لمركز الخدمة لمشاهدة معاناة الناس علي الطبيعة فهل من الطبيعي أن سيارة لم تستخدم لأكثر من سبعة آلاف كيلو متر (حتى لو كانت صينية المنشأ ومصرية التجميع) يكون بها كل هذه المشاكل والأعطال.

وما سبق هو خلاصة خبرتي مع هذه السيارة وكل واحد عقله في راسه يعرف خلاصة اذا اراد شراء او ركوب هذه السيارة الكثيرة الاعطال والمعيبة

وانا خسرت ثلاثين الف جنية في هذه العربية المعفنة عند بيعها




العضو المحترم
بالرغم من تسجيلك في منتدانا منذ اليوم فقط
الا أنك أرسلت 9 نسخ من نفس الرسالة
وفي أكثر من موضوع ...مما يوجب تحذيرك

برجاء مراجعة قوانين المنتدى
لعدم حصولك على انذار يستوجب الوقف

مشرف عام.2

[إبراهيم.صادق]

الأخ khaled1962 يا ترى حضرتك اشتكيت في جهاز حماية المستهلك أو حاولت تعمل لهم أي مشكلة وتطلب تغييرها أو استرجاع فلوسك بدل ما تبيع وتخسر المبلغ ده كله؟

[mada121977]

الاستاذ خالد الله يكون فى عونك .. كل ده وقدرت تصبر على العربيه دى 7 الاف كيلو دانا مستحملش اكمل بيها الف كيلو بالمشاكل دى كلها
ياريت حضرتك تكون بعت شكوى لجهاز حمايه المستهلك الناس هناك قمه فى الذوق والاحترام وبيهتموا بأى شكوى

[Amrrr]

أ- خالد - الله يكون في عونك انت بطل انك حاولت كل المحاولات دي
بس ممكن يكون عربيتك انت بالذات فيها مشكلة او مشاكل بقى يعني ممكن تكون كانت عاملة حادثة ومتصلحة او متكروتة بقى
بمعنى وانت في التوكيل كانت كل اصحاب الكومودو بيشتكوا نفس الشكاوي او جزء منها حتى ؟

[egyptianmafia]

Komodo and Landrock both are cheap cars!

The Landrock has 7 years warranty! lol