ممكن مساعدة : ممكن اعرف رايكم فى السيارة نانو ايجيبت

[andndoy]

يا جماعة انا سمهعت عن ارخص سيارة فى العالم اسمها نانو وفى منها فى مصر وعلى حد علمى فى منها هندى + صينى +مصرى . وفى منها 600 سىسى تمنها 25000 ج
وفى منها 1300 سى سى 35000 ج
عايز اعرف رايكم فى 1300 سىسى وهل هى عربية جامدة زى ما كاتبين عنها ومناسبة للطرق المصرية والامكانيات الى مكتوبة فعلا ولا كلام
لانى بفكر اشتريها وكمان هى مكيفة ؟؟؟؟ ياريت الى جربها او يعرف حاجة عنها يقولنا
شكرا

[elmkaneeki]

مين الوكيل اصلا

[andndoy]

فجر ملحق السيارات التابع لصحيفة "الجمهورية" مفاجأة مثيرة بالإعلان عن أن السيارة "نايل تك نانو" التي ذكر المحلق ذاته الأسبوع الماضي أنها صينية ، مصرية 100% اسمها "نانو إيجيبت" ومن إنتاج شركة حلوان ومحركات الديزل".

وقال المهندس رضا غازي رئيس مجلس إدارة المصرية للاستيراد الوكيل الوحيد للسيارة التي تم صنعها في شركة "حلوان ومحركات الديزل" إن "نايل تك نانو" هي الهدية التي تقدمها الشركة لمحدودي الدخل بسعر لم يسبق له مثيل في العالم لا يتجاوز 24.999 جنيه".

وأضاف غازي أن شركته تقدم السيارة بأقل مقدم وأقل قسط ، مشيرا إلى أنها مصممة لتفادي أضرار المطبات العشوائية ، كما أنها مصنعة من الصاج لتحمل أقصى ظروف التشغيل الممكنة.

[andndoy]

المصرية للاستيراد الوكيل الوحيد للسيارة نانو ايجيبت
العنوان : 54 ش عرفات - حدائق القبة - القاهرة
ت / ف : 26039686 - 24559807
0122505107 - 0171671687

[elmkaneeki]

لو عربية كويسة اكيد هتبهدل السوق فأكيد هيحربوها

[tamer_a7]

طيب شكلها ايه

[evram]

http://4.bp.blogspot.com/_df39PvD_YO...A16951_012.jpg دي صورته من الجنب http://www8.0zz0.com/2009/10/10/16/720238577.jpg دي من قدام http://3.bp.blogspot.com/_df39PvD_YO...A16951_008.jpg لو عايز نصيحتي ابعد عنه تماما دي عربيه زباله بجد دي صوته زي الموتسيكل انا شوفته في توكيله و دورته صوته التوكتوك صوتوة احسن كتير و تقفيل المتسيكل انضف

[nino_ccp]

ياعم انا رحت وشفتها التوك توك احسن وافضل منها صدقوني اسف في اللفظ (زباله)

[nino_ccp]

يعني الشكل شويه فيه ملامح من الشانا مع الاعتزار لاصحاب الشانا

[mmmmgogommmm]

حرام تدفع 26000 او35000فى عربية زى دى مش هتلاقى حد يشتريها منك----فلوسها تشترى حاجات استعمال كورى موديل التسعينات وليها سوق وقطع غيار وربنا يوفقك

[beshomilan]

طب ماحضرتك تفكر فى سوزوكى ماروتى ب 36 الف وممتازة جداااااااااااااا

او مستعمل زى 128 موديل تسعينات او تحاول تدور عليها زيرو لو موجود

او تجيب مستعمل زى هيوندداى هاتش باك او فيات اونو ممتازين جدااااا

[saddam]

أخي العزيز أنا بنفسي والله على ما أقول شهيد ذهبت لحدائق القبة مرتين وشاهدت السيارة وإني لك ناصح أمين إنسى الموضوع ده بجد عشان خاطري النصيحة دي حسبة لله تعالى ومش حجيب في سيرة حد والله ولي التوفيق