صيانة 5000 كم جال بي 15

[n_i_t_e]

من فترة بسيطة رحت أعمل الصيانة الدورية 5000 كم للعربية جاك بى 15
الملاحظات اللى كانت عالعربية اللى بلغت بيها التوكيل كالأتى:

1- تغيير زيت و فلتر
2- تربيط عفشة
3- فتحة التكييف اللى فى ضهر المسند اللى بين الكرسيين الأماميين لا تعمل
4- لمبة انذار نظام العادم منورة بدون سبب (تم تغيير الحساس 3 مرات قبل كده و كل لما أمشى بيها تنور تانى)
5- شراء علامات جديدة للعربية (العلامات اللى قدام و اللى ورا اتسرقت بعد كام يوم من شراء العربية)

الذهاب كان لتوكيل جاك و جيلى أسكندرية الساعة 10

أستلام العربية كان الساعة 4 للأسف استنيت كتير هناك.
تم وضع زيت 10 ألاف و فتحة التكييف اشتغلت و العلامات اتركبت بس سبب التأخير أن لمبة نظام العادم كملت لعبة القط و الفار اياها و ده سبب التأخير.
يكشفوا بالكمبيوتر ...يقول العيب فى السينسور...يركبوا السينسور....يسوقوا العربية اللمبة تنور تانى...يضطروا يسيبوا العربية لما تبرد عشان يركبوا تانى و هكذا.
طبعا أنا قلتلهم يا جماعة استحالة العيب من السينسور ده أتغير 5 مرات مش معقولة الخمسة اللى اتركبوا بايظين بس هم بيمشوا حسب ما كشف الكمبيوتر بيقول.
المهم استلمت العربية على انى أجيبها بعد يومين اسيبها فى التوكيل عشان كهربائى يشوفها (اليومين عدوا و مفضتش أوديها)
الفاتورة الكلية للأسف نسيت هى 298 أو 398 جنيه هتأكد أنا عندي الفاتورة فى البيت.
انا كنت سعيد بسعر العلامات .. العلامة من التوكيل سعرها 44 جنيه كنت خايف يكون رقم بمية و حاجة.
ملحوظة على اداء العربية: و ده حتى قبل ما اروح التوكيل كان أخويا خدها عمل بيها سفرية 400 كم..جيت اركبها بعد كده لقيت العربية اتغيرت.
زمان كنت لما بمشي بيها كنت أحس انها مخنوقة و أن التسارع بطيء دلوقتى لقيتها سلسة و الأر بى ام بقى يجري بجيب 3 نقلات خلال كام ثانية .. يعنى عايز أقول ان التسارع أتحسن كتير و حسيت ان سواقتها بقت أسهل.
ان شاء الله هأبقى أبلغكم بموضوع اللمبة ده هينتهى على ايه

[ahmedchina]

مبروك ياباشا و عقبول صيانة ال 100000000000000000000
زى ما قلت قبل كدة العربية بعد صيانة ال 5000 بتتغير كتير فى السحب و بعد ال10000 بتحس إنها بقت شديدة قوى
ربنا يباركلك فيها و يعطيك خيرها و يبعد عنك شرها

[n_i_t_e]

انت فعلا قلت الموضوع ده و انا قريته من قبل ما أكمل ال5000 و أطمنت بس مكنتش متوقع أن التغيير جامد أوي كده :)

[ahmedchina]

مبروك ياباشا و عقبول صيانة ال 100000000000000000000
زى ما قلت قبل كدة العربية بعد صيانة ال 5000 بتتغير كتير فى السحب و بعد ال10000 بتحس إنها بقت شديدة قوى
ربنا يباركلك فيها و يعطيك خيرها و يبعد عنك شرها
و حاول تقفتح الماتور عن طريق حرق على غيرات
بمعنى تمشى على الثانى لحد لما توصل لسرعة 80 و التالت لحد لما توصل لسرعة 120 و الرابع 150 بس تكون على طريق فاضى و سريع و تاخدها واحدة واحدة يعنى متكبس بزين جامد سنة سنة هتلقى بعدها العربية عايزة تجرى لوحدها عن تجربة
الفكرة واحد صاحبى معاه اوكتافيا هو اللى قالى عليها و عاملها على عربيتة معايا .

[ayman66]

ااسلام عليكم ملاك جاك --ومبروك لصيانة ال5000 ---------انا ايضا عندى الجاك ب15 ومشتريها من القاهره ---هورس موتورز --المهم انا كنت عملت صيانة الألف فى القاهره والعربيه عمله الى الأن 2450 كيلو -- ولكن لى سؤال او ملحوظه --- بيحدث معى اهتزاز فى طارت الدريكسيون --- هو مش جامد ولكن على اية حال هو اهنزاز واعتقد ان هذا شىء مش مقبول على سياره زيرو وايضا هناك رجرجه بسيطه فى النقل على الأول والثانى يعنى زى متكون اسطوانة الدبرياج فيها شىء وايضا ده شىء غبر مقيول لأن المفروض العربيه لسه زيرو --- ارجوا الأفاده وهل هذه الملاحظات عتدى انا فقط ولا عدت على اى من الأخوه ملاك السياره --- على فكره انا اشتريت العربيه بتاريخ 27/5/2010 -- ولكم جميعا جزيل الشكر

[n_i_t_e]

ااسلام عليكم ملاك جاك --ومبروك لصيانة ال5000 ---------انا ايضا عندى الجاك ب15 ومشتريها من القاهره ---هورس موتورز --المهم انا كنت عملت صيانة الألف فى القاهره والعربيه عمله الى الأن 2450 كيلو -- ولكن لى سؤال او ملحوظه --- بيحدث معى اهتزاز فى طارت الدريكسيون --- هو مش جامد ولكن على اية حال هو اهنزاز واعتقد ان هذا شىء مش مقبول على سياره زيرو وايضا هناك رجرجه بسيطه فى النقل على الأول والثانى يعنى زى متكون اسطوانة الدبرياج فيها شىء وايضا ده شىء غبر مقيول لأن المفروض العربيه لسه زيرو --- ارجوا الأفاده وهل هذه الملاحظات عتدى انا فقط ولا عدت على اى من الأخوه ملاك السياره --- على فكره انا اشتريت العربيه بتاريخ 27/5/2010 -- ولكم جميعا جزيل الشكر

بالنسبة لى الملاحظات دي معدتش عليا و مستنى بقية الملاك يقولوا ايه

[odaoda]

لا بردو ولا انا عندي اهتزاز ابدا
العربية تمام ولا يوجد اي ملاحظات
العداد 4600 كلة تمام
راجع مركز الصيانة وان شاء الله بسيطة يمكن عاوزة ترصيص وظبط زوايا مش اكتر
بس سؤال
حضرتك خدت مطب علي سرعة عالية?

[kemo678]

الاخ الفاضل nite الف مبروك الصيانه وربنا يحفظلك عربينك يارب

[kemo678]

الاخ الفاضل أيمن العربيه كويسه معايا 3200 ك ومعنديش اللى بتقول عليه وياريت تروح مركز الصيانه وتسأل على الموضوع ده اليومين دول لانه لسه بدرى على ميعاد صيانتك وانشاء الله تكون بسيطه يمكن كهربه الماتور عايزه تظبيط على الكمبيوتر .....وياريت تطمنا...

[ahmedchina]

راجع مركز الصيانة لم يحدث معى أى شئ ما هذا ! انا عامل لغاية دلوتى اكثر من 25000 كيلو و الحمد الله كلة تمام

[n_i_t_e]

الاخ الفاضل nite الف مبروك الصيانه وربنا يحفظلك عربينك يارب

شكرا يا كيمو الله يخليك :)