haima family

[som3aa]

من شوية كنت بتفرج على car100100 و قلت ابص على سعر اعادة بيع العربيات الصينى
لقيت عربية هايما (على وشها ) .

أتفرجوا على اللينك دا و شوفوا سعر اعادة البيع (اوتوماتيك) :D :D

http://www.car100100.com/car_details.php?car=3778

واضح ان العربية ممتازة:D

[fahd_628]

اكيد فية حاجة غلط !!! :)

[جمال]

مافيش حاجة اسمها شيرى فاميلى
شكلك انت اللى عملت الاعلان للتشهير
بجد بجد ايه عقدتك من الهايما ممكن اساعدك

[أبوشريف]

اتصلت بصاحب الاعلان

طلع فى خطأ فى الرقم

هو طالب 85 الف

[جمال]

فينك يا سمعه

[som3aa]

مافيش حاجة اسمها شيرى فاميلى
شكلك انت اللى عملت الاعلان للتشهير
بجد بجد ايه عقدتك من الهايما ممكن اساعدك

فينك يا سمعه

يمكن الراجل ملقاش فاميلى اختار شيرى معرفش
أنا موجود اهه
مشكلتى مع الهايما (على وشها ) بالذات بسيطة جدااااااااا ان سعرها غالللللللى اوى على عربية صينى مهما كانت و كمان ايه مفيهاش اى ميزة تخلى حد يشتريها يعنى.
فانا بستغرب جدا جدااااا ان حد يدفع 90000 فى عربية صينى و لا 80000 و لا حتى 70000 , مشكلتى انى مش قادر افهم خالص ايه اللى يخلى واحد عايز يشترى عربية ب 80 الف يشترى عربية زى دى؟
eng_mkhalaf قال حاجة كويسة الصينى على قد فلوسك بتجيبو. فأن واحد يشترى عربية صينى ب 40 و لا 50 الف ماشى ليه؟ لان سعرها مناسب جدا حتى لو كانت غير معمرة و لا مش امان اوى بالنسبة للى ممكن تاخده بالسعر دا يبقى ممتازة فعلا و انا شايف العربيات الصينى سعرها مش مفروض يعدى ال55 الف لان ب55 الف تقدر تشترى الشيفروليت سبارك مثلا.
بس 90000 دا تمن النيسان الصنى و لا التيوتا الياريس و لا لانسر 1300 مانيوال خليجى يعنى عربيات محترمة و معروفة و متجربة و مستوى الامان اللى فيها معروف و تكنولوجيا الموتور ممتازة!!!!!!!!
ايه اللى يخلى واحد يشترى عربية تقليد للمازدا بموتور مازدا قديم و شكل مازدا قديم ب 90000 و لا 80000 حتى 70000 (ممكن تشترى حاجة زى الدايهاتسو السيريون و لا الهيونداى الاكسنت بالسعر دا) يا راجل دى لو كانت الهايما 3 (تقليد المازدا 3 الجديدة) كنت قلت اهو يعنى كتير اوى بس اهو ممكن انما تقليد المازدا القديمة ب90000؟؟؟ و قال ايه عايز يبيعها ب 85000.
يعنى البريليانس مع اعتراضى الشديد جدا جدا على سعرها (تخيل نفس موتور الشيرى اللى هى السبرانزا a620 و نفس الفتيس(اللى هما موتور و فتيس الميتسوبيشى القديم) و بتتباع اغلى 40000 منها و نفس الامكانيات كمان)!!!!
مع انى شايف بريليانس مركة هتبقى محترمة كمان 5 -10 سنين بس لما يبيعوا عربية صينى لسه بيجربوها فى المستهلك المصرى (اه شوف الcrash test) بالسعر دا اللى هو اغلى من الهوندا السيفيك و بسعر يقارب الجيتا و السوناتا و الاوكتافيا و الفكترا يبقى بنهزر.
حضرتك عارف الكومودو دى تمنها كام فى الصين؟ 14000$ يعنى 75000 جنيه مصرى يبقى لما تتباع من 130-160 يبقى رايى ايه فى اللى بيشتريها ؟؟

المشكلة ان العربيات الصينى دى رخيصة جداااااا فى الصين , لما يزودوا عليها الجمارك و الضرايب فى مصر مفروض يبقى سعرها ارخص بكتير اوى اوى اوى من عربيات الكورى و اليابانى المحترمة يعنى ازاى نيسان صنى و نيسان دى من اكبر المركات فى العالم و العربية جميلة جدا و امكانيتها ممتازة تتباع بنفس تمن عربية مبتنزلش الا فى دول العالم التالت اللى زى مصر , وكيلها واحد نزل الصين شاف مركة عربيات رخيصة كل همه المكسب , باعها بسعر مبالغ فيه و حط هامش ربح ضخم جدااااا و استغل الناس اللى بتشتريها.
انا كل اللى بقوله ليه الصينى رخيص بره فى الصين نفسها ؟ علشان العمالة رخيصة؟ لأ كوريا عمالتها رخيصة و عربياتها مش رخيصة , طيب ليه؟ علشان جودة العربيات ضعيفة واقل بكتير من جودة العربيات الكورى و اليابانى يعنى تخيل dvd معمول فى الصين زى اللى فى العربيات الصينى تخيل دا هيبوظ بعد قد ايه طب و الميكانيكا؟؟؟؟؟
الفكرة بالظبط كانى شايف واحد بيبيع للتانى العتبة الخضراء (زى فيلم اسماعيل يس) و قاعد يضحك و التانى فرحان بالحاجة اللى اشتراها.
طيب انا عايز حضرتك سؤال دلوقتى لما العربية ممتازة كده و بتنافس النيسان الصنى ليه شركة هايما (على وشها ) متنزلهاش الاسواق العالمية زى نيسان و تبيعها فى كل الدول و تكسب اكتر؟ أقولك علشان تنزل فى دول اوروبية او دول محترمة متقدمة لازم يتعملها اختبار امان و اختبارات تلويث البيئة و حاجات كدا , كمان مبيحصلش عندهم الكلام الفارغ اللى حصل فى مصر كذا مرة ان توكيل يهرب بفلوس الناس و لا توكيل يقفل و ميبقاش فى قطع غيار للعربيات زى اللى حصل فى الفرسان و توكيل جيلى , هتقولى طارق اسماعيل معروف , هقولك هو كان فى اكبر من الفرسان؟؟
كل اللى مدايقنى ان احنا بنقبل على نفسنا نبقى لعب تجارب للشركات اللى زى دى , نشترى اى عربية و السلام و ندفع اد كده و بعدين يضحك علينا و سعر العربية يتخسف بيه الارض , ليه مبيجربوش العربيات الصينى على الامريكان مثلا ؟؟ لانهم مش هيبيعوا و لا عربية و لا هيعرفوا يدخلو الاسواق دى اساسا يبقى ليه نقبل احنا نشترى الحاجات دى , هتقولى قالوا كدا على الكورى فى الاول , هقولك الكورى فى الاول كان اللى بيشكك فيه المصريين بس على فكرة كان نزل امريكا و اوروبا و منهم مركات دايو و هيونداى و كيا و للعلم المركات دى كانت جودتها وحشة فى الاول بس اقرا مكتوب عنها ايه دلوقتى (دايو بتنزل باسم شيفروليه) , و للعلم العربيات الكورى اللى كانوا بيشككوا فيها فى الاول كانت موجودة فى امريكا و اوروبا من زمممااااان قبل ماتنزل مصر طب تخيل عربية منزلتش بره اساسا !!!
أنا هقولك حاجة العربية مش هتواجه فيها مشاكل كبيرة اوى ليه؟ علشان الموتور و الفتيس مازدا و دول اهم حاجة فى العربية بس تخيل كل شوية يبوظ فيها حاجو و لا مثلا تكون مسافر و تلاقيها عطلت منك تحتاس!!
الواحد يدفع مبلغ ذزى دا فى عربية تريحه و تكون امان و مضمونة و مطمن ان مفيش حاجة هتحصل الا قليل مش يبقى متاكد ان اى حاجة ممكن تحصل فى اى وقت.
بكرر لو حضرتك كنت دافع فيها 55000 مكنتش اكلمت خالص انما ندفع 70-90 الف لا معلش
و مستنى رد حضرتك

[جمال]

يعنى المشكلة فى سعرها ؟
انا اشتريت ال الاوتوماتيك و سعرها 85 الف
التقفيل الصينى بها ممتاز جدا
كمالياتها لو متوفرة مع ماركة كورى زى نوبيرا مثلا ستجد النوبيرا اغلا منها بكتير ولاحظ ان النوبيرا ( مثلا ) تقفيل محلى وناس كتير بتشتكى منها
لو قارنتها بال هونداى انا رأئى انها تفوق الهونداى التقفيل المحلى وشوف مشاكل ال فيرنا مثلا
غلو السعر اساسا من الجمارك و ده على كل العربيات الاسيوى المستورده
الموتور و الفتيس و التعليق مازدا - يمكن موديل قديم بس مضمون و متجرب و قطع غياره متوفرة
شوف الفرنا - اصلها اكسنت قديمة
عموما انا مش عاوز اخش فى مقارنات كتير لكن الصينى المتميز تمنه غالى وزى ماقيل انك ممكن تجيب نفس الشىء من الصين بسعر مختلف حسب الكوالتى بتاعته
التوكيل بتاع الهايما مضمون و مستقر والصيانة متوفرة و مافيش شكوى منها لو قارنتها بشكاوى صيانة الهونداى مثلا
باختصار انا شايف ان ال هايما متميزة و تقفيلها ممتاز و استخدامها جيد جدا وصيانتها ممتازة طبعا قطع الغيار لم اجربها بعد
فرق كبير بين عربية مستوردة من مكانها و عربية متجمعة محليا
عموما اللى هيثبت الكلام ده هو الاستخدام و ليس الكلام و التجربة و ليس التوقع
على فكرة انا عندى عربية من سنة 1970 يعنى عندى خبرة اعتقد انها مش وحشة وجربت انواع كتير ابتداء من الفيات 1300 الى الاوبل والدايو والتويوتا ...... واعتقد ان الهايما لها مستقبل كبير فى مصر
واخيرا سعدت بمناقشاتك المنصبة ضد الهايما و تصيد الاخطاء فيها و ضد الصينى عموما , وشكرا لك

[timo_crosswind]

هايما باشا ممكن بعد اذنك بما انك من ملاك السياره تدينا تقيم شامل للسياره:
يعني قوه الموتور وسحب العربيه-العزل جيد ام لا-العفشه ناعمه ولا لا- الاتوماتيك بتعها حلو قصدي سحب العربيه الاتوماتيك عامل ايه معاك-استهلاك البنزين-وفعلا قطع غيرها متوفره كلها في التوكيل ولا لو قدر الله حصل حاجه هيقلولي استني لما نجبها من بره-المواد المستخدمه في صالون السياره جيده ام لا -التقفيل -ايه الاعطال اللي قبلتك لحد دلواقتي......وبامانه شديده لو رجع بيك الزمن كنت بردو هتجيب العربيه دي ولا لا ؟؟؟؟؟مع العلم اني يحترم الصين لانهم فعلا عاوزين يبقو حاجه كبيره زي غيرهم من اليابانيين والكوريين

[som3aa]

مع العلم اني يحترم الصين لانهم فعلا عاوزين يبقو حاجه كبيره زي غيرهم من اليابانيين والكوريين

أنا كمان بحترم الصين جدااا لانهم شعب مليار و 200 مليون و اكتر كمان و عرفوا يدبروا امورهم و يتقدموا و مفيش مجال من المجالات بيخشوا فيه غير و يحققوا انجازات و كل الصناعات دلوقتى صينية يعنى مثلا تقريبا كل الالكترونيات متصنعة فى الصين حتى الالى بتتباع فى امريكا متصنعة فى الصين بسبب رخص العمالة و كل الشركات و المصانع الكبرى لها مصانع فى الصين من اول الالكترونيات حتى السيارات.
الفكرة ان الواحد ممكن يشترى عربية يابانى 100% زى التيوتا مثلا متجمعة فى الصين (اديك شايف نص العربيات فى مصر متجمعة فى مصر و طبعا معتقدش فى حاجة اسوا من الصناعة المصرى) انما عربية متصنعة فى الصين دى محتاجة وقفة و عربية ب 70-90 الف دى محتاجة وقفة كبييييييييييييرة اوى علشان كدا بكره ان شاء الله اكتب لحضرتك رد مطول

[timo_crosswind]

شكرا ياخ سمعه علي الاهتمام وانا في انتظار ردك ياقائد

[جمال]

هايما باشا ممكن بعد اذنك بما انك من ملاك السياره تدينا تقيم شامل للسياره:
يعني قوه الموتور وسحب العربيه-العزل جيد ام لا-العفشه ناعمه ولا لا- الاتوماتيك بتعها حلو قصدي سحب العربيه الاتوماتيك عامل ايه معاك-استهلاك البنزين-وفعلا قطع غيرها متوفره كلها في التوكيل ولا لو قدر الله حصل حاجه هيقلولي استني لما نجبها من بره-المواد المستخدمه في صالون السياره جيده ام لا -التقفيل -ايه الاعطال اللي قبلتك لحد دلواقتي......وبامانه شديده لو رجع بيك الزمن كنت بردو هتجيب العربيه دي ولا لا ؟؟؟؟؟مع العلم اني يحترم الصين لانهم فعلا عاوزين يبقو حاجه كبيره زي غيرهم من اليابانيين والكوريين

قوة الموتور ممتازة والسحب كويس جدا - العفشة كويسة مش ناعمة زى التويوتا مثلا بس احسن من عربيات كتيييير - سحب الاتوماتيك عادى جدابالنسبة للاوتوماتيك - استهلاك البنزين لسه العربية فى التليين و مقستش الاستهلاك - التقفيل ممتاز بس الابواب مش خفيفة و احد الاخوة قال انهم ضبطوها فى تفتيش 2000 كم وبقت ممتازة - قطع الغيار لسه مجربتهاش والحمد لله - المواد المستخدمة فى الصالون جيدة جدا و العربية شيك جدا من جوة خصوصا الفرش الجلد الطبيعى وحتى الدركسيون و الفتيس و فرامل اليد متغطية بجلد طبيعى آخر شياكة - لم تقابلنى اى اعطال حتى الآن و الحمد لله - وبامانة شديدة لو رجع بى الزمان حشترى نفس العربية بس الموديل الاعلى علشان سنسور الباركنج و ال سى دى تشانجر - باختصار انا حاسس انى راكب عربية مريحة جدا تتجاوب معى تماما بتشد كويس رصينة فى القيادة صالون مريح و واسع كل اللى بيشوفها بينبهر من شياكتها - عيبها الوحيد فى رأى بعض الناس انها صينى لانهم يكرهون الصينى او متعقدين منهم مش عارف ليه - وطبعا مش كل الصينى و لا كل الماليزى و لا كل المصرى و لا كل اليابانى كمان
شكرا لاهتمامك

[جمال]

للرفع حسب طلب احد الاخوة

[mody_halawa]

قوة الموتور ممتازة والسحب كويس جدا - العفشة كويسة مش ناعمة زى التويوتا مثلا بس احسن من عربيات كتيييير - سحب الاتوماتيك عادى جدابالنسبة للاوتوماتيك - استهلاك البنزين لسه العربية فى التليين و مقستش الاستهلاك - التقفيل ممتاز بس الابواب مش خفيفة و احد الاخوة قال انهم ضبطوها فى تفتيش 2000 كم وبقت ممتازة - قطع الغيار لسه مجربتهاش والحمد لله - المواد المستخدمة فى الصالون جيدة جدا و العربية شيك جدا من جوة خصوصا الفرش الجلد الطبيعى وحتى الدركسيون و الفتيس و فرامل اليد متغطية بجلد طبيعى آخر شياكة - لم تقابلنى اى اعطال حتى الآن و الحمد لله - وبامانة شديدة لو رجع بى الزمان حشترى نفس العربية بس الموديل الاعلى علشان سنسور الباركنج و ال سى دى تشانجر - باختصار انا حاسس انى راكب عربية مريحة جدا تتجاوب معى تماما بتشد كويس رصينة فى القيادة صالون مريح و واسع كل اللى بيشوفها بينبهر من شياكتها - عيبها الوحيد فى رأى بعض الناس انها صينى لانهم يكرهون الصينى او متعقدين منهم مش عارف ليه - وطبعا مش كل الصينى و لا كل الماليزى و لا كل المصرى و لا كل اليابانى كمان
شكرا لاهتمامك

كلام مظبوط