اسرار فشل توكيل الهويدى موتورز ايديا ولاندروك

[almohaqeq]

بداية اعرفكم بنفسى انا صاحب سياره ايديا وعلى علاقه قويه بجميع افراد المركز وايضا مع معظم عملاء المركز حيث نتبادل الاتصالات لوقف مهزلة توكيل الهويدى

وساقسم لكم ما فهمته على مدى اربع سنوات باحتكاكى بهم الى الاتى وذلك لتعلموا كيفية التعامل معهم ولابلاغ كل من عرف من
لم يعرف حتى لا يقع فى المحظور
1-بالنسبه للعملاء
2-بالنسبه للموظفين
3-بالنسبه للاداره وعفوا عشان كده انا باغلط فى الاداره

اولا بالنسبه للعملاء وهذا ما يهمنى

رفع اسعار قطع الغيار بحسب الاهواء فلا يملكون نظام محكم لهذا كما لا يوجد اداره لقطع الغيار الا شاب على المخزن عنده معلومات بسيطه عن هذا المجال وهذه طامه كبرى والدليل قيمة الخصومات التى يقومون بها فلو هم على حق لا يقومون بخصم مثلا خمسين فى المائه فهذا يدل على النصب فلو هم على حق لا يقومون بهذا الخصم لكن هم برضو بعد هذا الخصم كسبنييييين وهذا رايته كثيرا جدا

داهيه عظيمه وهى الضمان من المعلوم لدى التوكيلات المحترمه الوفاء بما هو مسجل فى كتب الضمان طبعا فى الهويدى اللى مش عارف حاجه عن علم السيارات كله
عادى ماهى الناس راضيه يئوم يعملوا ايه المفروض ان ضمان الايديا ثلاث سنوات او اربعين الف كيلو ايهما اقرب هو يقولك بعد العشرين الف
كيلو النص بالنص طب ياعم ايه دليلك هو كده والناس بترضى الا اللى بيزعق وبيروح حماية المستهلك وهقول لكم مين هما
مين هما
نيجى للسياره اللى كسبوا اكتر من تمنها مره ونص فى بيعها وتخلوا عن جميع عوامل الامان فيها كازالة الاير باج والايه بى اس والاى بى دى طبعا هما مايعرفوش يعنى
ايه الاى بى دى وهى اللاندروك وده بقى حكايه ضمنها سبع سنين او مائه وعشرون الف كيلو ايهما اقرب وبعد مرور سنتين قرروا ان ضمنها ثلاث سنوات او ستين الف طب ازاى وانت اعلنت غير كده قالك اللى
يعصلج تبقى القطعه ضمان ودلوقتى بيقولوا بعد اصدار بيان من الصين ليهم معاملاتهم مع الهويدى فى سياسة الضمان ان معظم القطع بعد عشرين الف كيلو بره الضمان
ويطلع لك الورقه طب والعميل ماله ده بيان من الصين ليكم مش للعميل انا ملتزم باللى اتفقت عليه معاك وقد رايت احدهم يستشهد بهذه الورقه امامى وكانها حجه بس عند الهويدى هو كده المشكله الاكبر ان السياره مجمعه على العاصى اى قطع غيارها غير متوافقه مع
بعضها فكل شويه حاجات تبوز دا غير المشكله بتاعت الفتيس اللى حماية المستهلك مستنيه كمان شكوتين وهيسحبوا توكيلها واظن الان اتها منعت من دخول مصر هى
والايديا لعدم طبعا مطابقتها لاى مواصفات صحيحه ولا حتى مواصفات التكاتك ودلوقتى المبيعات وقفت ودلوقتى بيبيعوا موديلات تانيه

الاول كانوا بيدوا للعميل صوره من امر الشغل عند الحساب وبعد لما حسوا ان العربيات خربانه وبترجع نفس الاعطال عملوا بيان فقط حتى بدون ختم الشركه والناس اعطردت شويه وعادى وده لعدم المسائلات القانونيه والهروب من
الضرائب انت تعرف انى انا عرفت ان المركز مش مترخص اصلا

معظم قطع الغيار محليه بيجيبوها من حته كده مشهوره ببيع قطع الغيار وبيعدلوا كتير فيها واديها ماشيه

ثانيا الموظفين المغصوبيييييييييييييييييييين
وده فيه كلام كتييييييييييييير
وكفايه كده اليوم ونكمل المره الجايه وياريت اللى عرف يعرف اللى ماعرفش

[walidzakzok]

دة توكيلات من افرازات الفساد اللي موجود فى مصر وكان معمول للعربية اللاند روك دة هوليلة فى ملحق الاخبار والاهرام لما طلعت...كله شغل نصب فى نصب

[almohaqeq]

تابع اسرار فشل توكيل الهويدى موتورز ايديا ولاندروك

[overline]ثانيا الموظفين [/overline]

اااه من شكواهم من التعامل مع هذه الفئه من الناس

اسمع كويس كتير منهم يعمل منذ سنه واكثر وغير مؤمن عليه ولا يوجد له حتى اوراق تدل على عمله بالشركه مش كده وبس ده كمان بيخصموا منه تامينات اجتماعيه وهو كده واللى مش عاجبه يمشى كلمه مشهوره فى الهويدى فقام واحد وقدم بلاغ فيهم طبعا خلصوا الموضوع وبداوا يخصموا من الموظفين ما يسمى بضريبة كسب العمل وهى عشره فى المائه من الراتب
ولا يقومون بتسديدها للدوله والدليل عدم وجود شيتات تخرج باسم كل موظف كما فى باقى الشركات وهو كده

اسمع اسمع الناس بيسهروهم فى العربيات الميكرو باص الجديده بالاكراه عشان مصالحهم ويقولوا الناس هتسهر وبدون اجر وبدون وجبات احيانا واللى مش عاجبه يمشى وده كلام المدير الحاصل على دبلوم صنايع وبيقول ده تعليمات الحج محمود والله ده حصل ادامى فى اخر اليوم
تاخير القبض احيانا واعطرادات من الموظفين امام العملاء عشان الشركه بتمر بظروف صعبه

طب الميكروباصات اللى اتباعت ده مين اللى خد تمنها اخبرنى عميل انه يعلم مصدر
السياره من الصين وانها تباع فى مصر بضعف ثمنها ونصف

عدم وجود وسيلة مواصلات للموظفين تابعه للشركه بالرغم من بعد مكان المركز عن المعموره

التوكيل من غير عده والفنى يفضل يلف على مفتاح عشان يشتغل ويجبروا الناس على السرعه وكذلك الكفاءه والسياره اللى ترجع يتحملها الفنى

انا كعميل لما بروح عندهم لا اجد كوب شاى والاكبر ان المياه التى هى للشرب غير صالحه عشان بتتملى من خرطوم الجنينه زى ماقال احدهم معطردا على شربها
ومايشربوش فى كوبايه زيينا ده بيشربوا فى نص عبوة كنز ههههههههههههههههههههههههههه باضحك من الشعب اللى دايما سلبى

ثالثا الاداره ومعلش عشان انا كده ظلمت كلمة الاداره

مدير المركز حاصل على دبلوم صنايع على فكره كل الكلام ده انا جبته من بعض الفنيين وانا باركبهم معايا فى العربيه وهما مروحين احيانا وبيمصلح فى قطع الغيار وبيدخل عربيات تتصلح من غير الورقه الصفراء وممكن اذكر منها امثله بس مش هيهمكوا
ممكن اذكر شخصيات تانيه غير مؤهله فى مجال العربيات بس مش وقته

طيب ماحدش سالنى هما ليه بيقولوا اللى مش عاجبه يمشى؟؟؟؟؟؟؟؟؟

اولا وده حتى الان مش متاكد منه لكن هجيب اخره بامر الله هما جابوا ناس تاجر المركز وطبعا لو

ده حصل فهيعملوا ايه فى العماله فبيضطروا يطفشوهم ووقتها فى مشكله كبيره هتحصل وطبعا هما

مش هيخدوا بالهم لانهم غير متخصصين ودلوقتى ماشيين بنظام اليوميه لبعض الموظفين يعنى

الوقت اللى احنا عايزينك نجيبك مش عايزينك خلاص والكلام ده موثوق من احد كان يعمل فى

المكان منذ سنه تقريبا وطبعا هما مش هيعرفوا مين عشان اللى مشيو كتييييير كان كل زياره الاقى

مدير جديد وكل واحد بكلام ووعود غير اللى قبله زى الدكتور حلمى والمهندس احمد السبع

والمهندس جمال عسكر والمهندس قدرى وانا شامم انى اللى عليه الدور من خلال معرفتى لهم المهندس محمد السيد مهندس الورشه
لانى رايت بعض الاساليب الغير لائقه يتم تعاملهم معه بها وسمعتهم فى الاداره يتحدثون حول هذا

وكنت هناك عشان مشكله وخدت حقى لما هللتلهم

ليه انا باكتب الكلام ده عنهم اولا عشان غيرى يكتب ان وجد مكان فيه تدليس حتى لا نقع فيه ثانيا عشان اقول اننا بعد الثوره مابقاش فيه حد لازم يسكت على الغلط حتى يزال

واعتقد ان الدوله دلوقتى مش هتحمى الغشاشين تانى

خوف فى قلوب الموظفون الان

وكما توقعت تم استبعاد المهندس محمد السيد مهندس الورشه اللى كل الموظفين بيحبوه جدا عن الشركه وذلك يوم30-7-2011 اى قبل رمضان بيوم بحسب ماذكر لى بعض الموظفون وما كنت لا اعرفه

هو ان هذا الشخص بالذات هو الوحيد الذى يتحدث باسم الموظفون فى المركز فى كل المسائل الغير شرعيه ولا يسكت وكثير من العملاء كانوا يحترمون اتجاهاته لوضوحه فى التعامل وانا دايما كنت بقول انه مش شغال معاهم ولانه لا يسكت امو اتهموه بانه يحرض العاملين على الاداره و

ونكمل لاحقا هذه المهزله وانا عندى اقوى من كده

[sv065]

في الواقع كان لأخي تجربة شخصية مع هذا التوكيل

وللأسف منذ بدايتها التي لا أنساها أبدا ولن أنساها إلا ان يشاء الله حين استلمنا السيارة اللاند روك الزيرو اللي ب 160000 جم كاش من المعرض بجوار كارفور المعادي وطلعنا في اتجاه طريق السويس ثم أضاءت لمبة تشيك إنجن عند أول طريق العين السخنة يعني مكملتش 5 كيلو من المعرض وده كان أول موقف وعد وراه الكثير والكثير اللي بيدل علي للأسف غش ونصب علي العملاء وتلاقي قطعة غيار بايظة يجبها من عربية قديمة واقفة لأن مفيش منها في المخزن زي عوامة البنزين وكارت لوحة العدادات وغيره وغيره ...

ولابد من تدخل من أجهزة الدولة لوقف مثل هذه المهازل أو من الأصلا لا تسمح لهم بالعرض في السوق من هذه النوعية من التوكيلات التي من الخطأ أن نطلق عليها هذا الإسم أصلا

[ahmedchina]

يا جماعة العربيات دى مابتبيعش فى الصين خالص
مصانع صغيرة و غير مسئولة لازم ندور على المصنع قبل الشراء